ထိပ်ဆုံးသို့

10

Category:

တစ်တောင်ပေါ် တစ်တောင်ဆင့်
တောင်အမြင့် ပတ်ခြံရံ
တစ်တောင်ဆုံးပြန်တော့ တစ်လုံးကျန်ပြန်ပေသမို့
ဖန်ဖန်လေ အားအင်နှိုးလို့ရယ်
ကြိုးလျှောက်ရပြန်

ခါတလေ တကယ်ပန်းတာကြောင့်
တော်ပါပြီ ဆက်မလှမ်းချင်ဘု
ရပ်တန်းက ရပ်မယ်ကြံ

အမှန်တော့ ဖြစ်နိုင်မလား
စခဲ့မိဟာပေါ့
တစ်နေ့မှာ ဆုံးရာရောက်ပါလိမ့်
အားလျှော့ကာ ဆုတ်ချင်စမ်းပါနဲ့
စိတ်နွမ်းအသာဖြေအုံး

မာလာငွေ ကန်ရေအေးရယ်နှင့်
ငှက်တေးကို အာရုံဆင်လို့
မူတစ်သွင် အားအင်သစ်လိုက်ပါ့
ချစ်ဖွယ့်လူသား။


(ဆဌမတန်းတုန်းက သင်ခဲ့ရတဲ့ ခွန်အားပေးတဲ့ ကဗျာလေးပါ။ မှတ်မိနေသေးလို့ လက်တန်းချရေးလိုက်ပေမယ့် အပိုဒ်ခွဲနဲ့ စာလုံးများလွဲမှားနေတာရှိရင် ပြင်ပေးကြပါ။ နောက်ပြီး ကဗျာရေးသူက မင်းယုဝေလား၊ မင်းသုဝဏ်လား သေချာမမှတ်မိတော့လို့ သိရင်ပြောပြကြပါအုံး။ ကျေးဇူးအများကြီးတင်ပါတယ်။
စိတ်ဓါတ်ကျတိုင်း ဒီကဗျာလေးရွတ်ပြီး ကိုယ့်ကိုယ်ကို အားပေးရပါတယ်။ ခုတလောစိတ်ဓါတ်နဲနဲကျချင်သလိုဖြစ်လို့ ဒါလေးရေးတင်ပြီး ကိုယ့်ဖာသာပဲ အားပြန်ပေးလိုက်တယ်။)


ချစ်ခင်လေးစားလျက်
ဇွန်မိုးစက်

ဖေဖေသို့

16

Category: , ,

there were times you taught me

there were times you scolded me

there were moments we argued

there were moments we agreed

Still you love me and take care of me

Thank you for everything, Dad.

I love you.

Happy 60th Birthday!


၂၀၁ဝ ခုနှစ် ဇန်န၀ါရီလ ၂၈ ရက်နေ့တွင် ကျရောက်သော နှစ်၆၀ပြည့်မွေးနေ့မှသည် နောင်နှစ်ပေါင်းများစွာတိုင် သက်ရှည်ကျန်းမာ ဘေးအန္တရာယ်ကင်းဝေးပြီး ချစ်တဲ့မိသားစုနှင့်အတူ သက်ထက်ဆုံး ပျော်ရွှင်စွာနေနိုင်ပါစေ။

ဆုမွန်ကောင်းများစွာဖြင့်
ချစ်သမီးကြီး
ဇွန်မိုးစက်

my collection

9

Category: ,

my collection ဆိုလို့ ဘာတွေများလဲလို့ အထင်မကြီးလိုက်ပါနဲ့။ ခရီးသွားအမှတ်တရ souvenir လေးတွေပါ။ :D ကိုယ်က ခရီးသွားရတာ ၀ါသနာပါသလို ရောက်တဲ့အရပ်က အမှတ်တရပစ္စည်းလေးတွေ စုဆောင်းတာလည်း ၀ါသနာပါတယ်။ ခရီးသွားဝါသနာပါတယ်ဆိုလို့ ခရီးတွေ အများကြီး သွားဖြစ်တယ် ထင်နေအုံးမယ်။ စိတ်ကူးနဲ့ သွားနေတာတော့ ခဏခဏပဲ။ လက်တွေ့မှာတော့ တစ်နှစ်တစ်နိုင်ငံတောင် မသွားဖြစ်သေးပါဘူး။ အလုပ်ကိစ္စနဲ့လည်း ခရီးထွက်စရာမလိုတော့ သွားချင်ရင် ကိုယ်တိုင်ကိုယ်ကျ စီစဉ်ပြီး သွားမှပဲ ရောက်နိုင်မယ့်အခြေအနေပါ။

ဘယ်လိုပဲဖြစ်ဖြစ် ကိုယ်ရောက်ခဲ့ဖူးတဲ့ဒေသက အမှတ်တရ keychain လေးတွေ၊ refrigerator magnet  လေးတွေဝယ်ပြီး သိမ်းထားရတာကို နှစ်သက်သဘောကျပါတယ်။ ကိုယ့်သူငယ်ချင်းတွေ ခရီးသွား ဖြစ်ရင်လည်း သူတို့ရောက်ရာအရပ်က အမှတ်တရ သော့ချိတ်လေးတွေ၊ သံလိုက်လေးတွေ မှာတတ်ပါတယ်။ အရေးကြီးတာက ပစ္စည်းပေါ်မှာ ရောက်ခဲ့တဲ့ မြို့ (သို့မဟုတ်) နိုင်ငံနာမည် ပါဖို့ပါပဲ။ လုပ်ဖော်ကိုင်ဖက် မိတ်ဆွေသူငယ်ချင်းတွေကလည်း ကိုယ့်အတွက်ဝယ်လာပေးကြပါတယ်။ ၀ယ်လာလက်ဆောင်ပေးသူများ အားလုံးကိုလည်း ကျေးဇူးတင်ပါတယ်။ အောက်က ပုံလေးတွေက ကိုယ်ရဲ့ souvenir collection ပေါ့။




ဒီသုံးခုက ကိုယ်ရောက်ဖူးချင်တဲ့ မရောက်သေးတဲ့နိုင်ငံတွေဆီက
[Canada, Australia, Houston (U.S.A)]


ဒါလေးတွေက ကိုယ့်မိတ်ဆွေတွေ သွားခဲ့တဲ့ဒေသတွေဆီက
(Indonesia, Philippines, Sabah (Malaysia), Cambodia)


  Dubai နဲ့ Cyprus အမှတ်တရ
 


ကိုယ်ရောက်ဖူးတဲ့ ဒေသသုံးခုက အမှတ်တရလေးတွေ
အမြှောက်မဲမဲလေးက Macau အမှတ်တရ၊ ခဲတံလေးက Maleka (Malaysia) က
Big Ben က London (UK) အမှတ်တရပေါ့။ :)


ချစ်ခင်လေးစားလျက်
ဇွန်မိုးစက်

English

7

Category:

အရင်တစ်ပတ်က စင်္ကာပူမှာ transit ၀င်တဲ့ မိတ်ဆွေတစ်ယောက်ကို လေဆိပ်မှာ သွားကြိုဖြစ်တယ်။ London, Heathrow ကလာတဲ့ လေယာဉ်ဖြစ်တော့ ခရီးသည်တော်တော်များများက အင်္ဂလိပ် လူမျိုးတွေများသလို လာကြိုတဲ့သူတွေထဲမှာလည်း အင်္ဂလိပ်လူမျိုးတွေပါပါတယ်။ ကိုယ်မကြားရတာ ကြာပြီဖြစ်တဲ့ အင်္ဂလိပ်စကား ပြောသံစစ်စစ်တွေကို ကြားလိုက်တော့ တော်တော်ဝမ်းသာသွားတာ ကိုယ့်ကိုယ်ကိုတောင် အံ့သြမိပါတယ်။ တစ်နေ့တစ်နေ့ singlish အသံထွက်တွေကြားထဲမှာ ပြောဆိုဆက်ဆံနေရတော့ ကိုယ့်အင်္ဂလိပ်အသံထွက်တွေလည်း စလုံးလေသံအတိုင်း ထွက်လာတာကို တွေးရင်း ကိုယ့်ကိုယ်ကိုမကျေမနပ်ဖြစ်မိပါတယ်။

ကိုယ့်အင်္ဂလိပ်စာအခြေအနေ ကိုယ့်ဖာသာပြန်သုံးသပ်ကြည့်မိတော့ စကာင်္ပူရောက်ပြီး သုံးနှစ်ကျော်အတွင်း singlish အသံထွက်သွားတာကလွဲလို့ တိုးတက်မှုမရှိဘဲ တန့်နေတာကို တွေ့ရပါတယ်။ နေ့စဉ် ရုံးတွင်း ပြောဆို ဆက်ဆံနေတဲ့အချိန်ကလွဲလို့ ကျန်တဲ့အချိန် တော်တော်များများမှာ မြန်မာလိုပဲပြောဖြစ်တာများတယ်။ သတင်းကလွဲပြီး ပြင်ပအင်္ဂလိပ်စာပေတွေ သိပ်မဖတ်ဖြစ်တော့တာလည်းပါတယ်။  နိစ္စဓူဝ ရုံးသုံးစကားနဲ့ broken တွေပဲ အသုံးများလို့လားမသိ အရင်ကိုယ်ရခဲ့ဖူးတဲ့ အင်္ဂလိပ်စကားသံလေးတွေတောင် ဘယ်ဆီရောက်သွားမှန်း မသိတော့ပါဘူး။

အင်္ဂလိပ်စကားပြော အင်္ဂလန်နဲ့အမေရိကန်နိုင်ငံရောက် သူငယ်ချင်းတွေနဲ့ ယှဉ်ကြည့်မိတဲ့အခါ ကိုယ်ရဲ့ English level က သူတို့နဲ့ တော်တော်ကွာသွားတာကို တွေ့ရပါတယ်။  နေရာဒေသအလိုက် လေယူလေသိမ်းကွဲပြားတာကို မနှိုင်းယှဉ်ဘဲ ထားလိုက်အုံး၊  စကားလုံးကြွယ်ဝမှုအတိုင်းအတာနဲ့ သဒ္ဒါအသုံးအနှုန်းမှာ သူတို့က ကိုယ့်ထက် အများကြီးပိုပြီး improve ဖြစ်ပါတယ်။

ဟိုတုန်းက email ပို့ရင်ပဲဖြစ်ဖြစ်၊ chat ရင်ပဲဖြစ်ဖြစ် အင်္ဂလိပ်လိုပဲ အသုံးများတယ်။ burlish လည်း သိပ်မသုံးကြဘူး။ messenger တွေမှာ မြန်မာလိုလည်း ရိုက်မရသေးတော့ အင်္ဂလိပ်လိုပဲ chat လုပ်ကြရတော့ အနည်းနဲ့အများ တိုးတက်မှုရှိခဲ့တယ်။ တစ်ဖက်ကပြောတဲ့ ကိုယ်ကြိုက်တဲ့ စကားလုံးဆိုမှတ်ထား၊ နောက်ကြုံရင်ပြန်အသုံးချ။ ကိုယ်ပြောချင်တဲ့ ရေးချင်တဲ့ အကြောင်းအရာတွေ မှန်သမျှ အင်္ဂလိပ်လိုရေးမှပြောမှ ဖြစ်မယ်ဆိုတော့ ကြိုးစားပြီးတတ်သလောက် ရေးဖြစ်ပါတယ်။ အခုဆို လာသမျှ forward mail က မြန်မာလိုတွေများတယ်။ gtalk မှာလည်း မြန်မာလို chat ကြ၊ ဘလော့မှာလည်း မြန်မာလိုဖတ်ကြ၊ facebook မှာတောင် မြန်မာလို comment တွေပေးဆိုတော့ ကိုယ့်စိတ်ထဲမှာလည်း မြန်မာလိုဖတ်လိုက်ရမှ အားရကျေနပ်သလိုဖြစ်ပြီး အင်္ဂလိပ်စာနဲ့လာတဲ့ မေးလ်ကိုတောင် ဦးစားပေးဖတ်တဲ့အဆင့် မရောက်တော့ပါဘူး။

တကယ့်တော့  English က ကိုယ်ကိုယ်တိုင်လေ့လာနိုင်ရင် လေ့လာသလောက် တိုးတက်မှုရှိတဲ့ဘာသာပါ။  တကူးတက ကျောင်းတက်၊ အတန်းတက်ပြီး မလေ့လာနိုင်ရင်တောင် သတင်းစာ၊ စာအုပ်တွေဖတ်၊ သတင်းနဲ့ သီချင်းများများနားထောင်၊ ရုပ်ရှင်တွေကြည့်၊ ရုပ်သံအစီအစဉ်၊ ဇာတ်လမ်းတွဲတွေ များများကြည့်ပေးနိုင်ရင်ပဲ အများကြီးတိုးတက်မှုရှိပါတယ်။ ကိုယ်ကိုယ်တိုင်လည်း အဲလိုနည်းနဲ့ လေ့လာခဲ့ဖူးပါတယ်။ ကိုယ်က သတင်း နားထောင်ရတာ ကြိုက်တော့  နာရီဝက်သတင်းချိန်ဆို ဂရုတစိုက်နားထောင်ဖြစ်တယ်။ ငယ်ငယ်က ရုပ်ရှင်ကြည့်ရင် ကြည့်တယ်ဆိုရုံကြည့်ပြီး စကားပြောသေချာနားမထောင်ဖြစ်ဘူး။ နောက်ကျမှ သူများရယ်တာမြင်ရင် ကိုယ်လည်း သူတို့လို လိုက်ရယ်ချင်တယ်၊ ဇာတ်ကောင်တွေ ပြောတာရယ်၊   ဇာတ်လမ်းအဓိပ္ပာယ်လည်း ကိုယ်တိုင်ကိုယ်ကျ သိချင်လာတော့ သေချာစူးစိုက် နားထောင်ရင်း ကျင့်သားရသွားပါတယ်။

အမေရိကန်ရုပ်သံဇာတ်လမ်းတွေ ကြိုက်တော့ တော်တော်များများကြည့်ဖြစ်ယင်း သူတို့ စကားသံတွေ  catch up လုပ်နိုင်လာတယ်။ American Idol ကျတော့ ဖျော်ဖြေရေးအစီအစဉ်အရ ကြိုက်လို့ ကြည့်ဖြစ်သလို၊ အကဲဖြတ်ဒိုင်တွေရဲ့ comment တွေကို နားထောင်ရတာ ကိုယ့်အတွက်  တစ်ထိုင်တည်းနဲ့ စကားလုံးအသစ်တွေတိုးလို့လည်း ပိုကြိုက်ပါတယ်။ အထူးသဖြင့် အင်္ဂလိပ်လူမျိုး judge ဖြစ်တဲ့ Simon တစ်ခါပြောရင်ပဲ စကားလုံးအများကြီးတိုးပါတယ်။ သူက ပျစ်ပျစ်နှစ်နှစ်မညှာမတာ ဝေဖန်တတ်တော့ သူပြောတဲ့  comment တွေနားထောင်ယင်း ကောင်းသည်ဖြစ်စေ၊ မကောင်းသည်ဖြစ်စေ ကိုယ့်အတွက်တော့ စကားလုံးအသစ်မှတ်သားရတတ်တာချည်းပါပဲ။ ဥပမာ- clumsy ဆိုရင် အရင်က ကိုယ်မသိဘူး။ သူမှတ်ချက်ချတဲ့အထဲက မှတ်သားမိလိုက်တဲ့ စကားလုံးတွေထဲက တစ်ခုပေါ့။

အင်္ဂလိပ်စာလို့ ဆိုပြန်တော့ American English နဲ့ British English ဆိုပြီး ရှိပြန်ရော။ ကိုယ်က British  English ကို ပိုသဘောကျပါတယ်။ လေယူလေသိမ်းကိုလည်း သိပ်ကြိုက်ပါတယ်။ ဒါပေမယ့် ကိုယ့်နားထဲမှာ ပိုပြီးရင်းနှီးနေတာက American English ပါ။ Hollywood က ရုပ်ရှင်တွေ၊ အမေရိကန်ဇာတ်လမ်းတွဲတွေ အကြည့်များလို့ ထင်ပါရဲ့ အမေရိကန်အသုံးအနှုန်းအပြောအဆိုနဲ့ နားတော်တော်ယဉ်ပါတယ်။  ခုတော့ စာဖတ်လည်းနည်း၊ တီဗွီလည်း သိပ်မကြည့်ဖြစ်၊ ကိုယ်ကိုယ်တိုင်ကလည်း သေချာဆက်ပြီးမလေ့လာဖြစ်တော့ ကိုယ့် English က အနေအထားတစ်ခုမှာ တန့်နေပါပြီ။

အင်္ဂလိပ်စကားပြောနိုင်ငံမှာ ပညာသင်၊ အလုပ်လုပ်တာချင်းအတူတူ စင်္ကာပူရောက် ကိုယ့်တို့တွေရဲ့ အင်္ဂလိပ်စာ တိုးတက်မှုနှုန်းက နှေးနေတယ်လို့ ကိုယ်မြင်ပါတယ်။ နဂိုအင်္ဂလိပ်စာအခြေခံ သိပ်တော်သိပ်ကောင်းနေတဲ့သူတွေကတော့ ခြွင်းချက်ပေါ့။ စင်္ကာပူရောက်ပေမယ့်လည်း English  သိပ်ကောင်းတဲ့ မြန်မာတွေ ရှိပါတယ်။ ဖြစ်နိုင်ရင် စလုံးတွေရဲ့အမြင်မှာ မြန်မာလူမျိုးတွေ အင်္ဂလိပ်စာမကောင်းဘူးလို့ စွဲနေတဲ့အမြင်ကို ဖျောက်ချင်ပါတယ်။ အင်္ဂလိပ်စာကောင်းကောင်းမွန်မွန် ပြန်ပြောလိုက်နိုင်ရင်ပဲ မြန်မာလို့မထင်မိဘူးဘာညာနဲ့ ပြောလေ့ရှိတဲ့ စလုံးတက္ကစီဒရိုင်ဘာတွေနဲ့ မကြာခဏ ကြုံရတတ်ပါတယ်။ ကိုယ့်တို့တွေရဲ့ အင်္ဂလိပ်စာ တိုးတက်ဖို့ကတော့ ကိုယ်တိုင်လုပ်ယူမှ ရမှာပါ။ ကိုယ်ကိုယ်တိုင်တော့ ပျက်သွားတဲ့ လေယူလေသိမ်းတွေ၊ ရပ်တန့်နေတဲ့ အခြေအနေကနေ ရှေ့ဆက်ပြီး  ကိုယ်ရဲ့ English ကို တိုးတက်အောင်လုပ်မယ်လို့ ဆုံးဖြတ်မိပါတယ်။


ချစ်ခင်လေးစားလျက်
ဇွန်မိုးစက်

Chinatown၊ OG နှင့် ရောဂါ

6

Category: ,

ကိုယ်ရဲ့ workplace က C.T (chinatown) မှာ။ C.T မှာ အလုပ်လုပ်ရတာ ကိုယ်ကြိုက်တယ်။ အစားအသောက်ပေါတယ်။ သွားရေးလာရေးအဆင်ပြေတယ်။ နေ့လည်ထမင်းစားချိန်ဆို ဘယ်မှာစားရင်ကောင်းမလဲ ရွေးစရာ food court တွေ ပေါတယ်။ ဈေးလည်းသိပ်မကြီးဘူး။  စားပြီးရင် ဟိုနားဒီနားလျှောက်ကြည့်စရာ ဆိုင်တွေလည်းစုံတယ်။ ညနေရုံးဆင်းလို့ Pennisular သွားချင်ရင်လည်း အဆင်ပြေတယ်။ ရုံးရှေ့ကားမှတ်တိုင်ကနေ နှစ်မှတ်တိုင်စီးလိုက်ရင် Funan နောက်ကို တန်းရောက်တယ်။  ကလခ်ကီးသွားရင်တစ်မှတ်တိုင်၊ ကားမစီးဘဲ အေးအေးဆေးဆေး  လမ်းလျှောက်သွားချင် လည်းရတယ်။  Plaza Singapura မှာ သောကြာနေ့လိုမျိုး ရုပ်ရှင်သွားကြည့်ချင်ရင် Dhoby Ghuat ကို ရထားနှစ်မှတ်တိုင်စီးရင်ရောက်ပြီ။ MOM ကရုံးနောက်မှာ၊ Pass သက်တမ်းတိုးဖို့ ကိစ္စမျိုးဆို ရုံးနောက်ကထွက်ပြီး လမ်းကူးလိုက်ရုံပဲ။ စာတိုက်သွားချင်ရင်တော့ ၃ထပ်ကနေ တံတားကူးပြီး C.T Point ကိုသွား။ ကုန်တိုက် OG ကို သွားချင်ရင်တော့ တံတားတောင်ကူးစရာမလိုဘဲ နှစ်ထပ်ကနေသွားတာနဲ့ OG ဒုတိယထပ်ကို တန်းရောက်သွားရော။

OG ကတော့ သိတဲ့အတိုင်း အမျိုးသမီး၊ အမျိုးသား၊ ကလေး၊ လူငယ် အရွယ်စုံအတွက် အသုံးအဆောင်ပစ္စည်းတွေ တစ်နေရာတည်း အစုံရနိုင်တဲ့ ကုန်တိုက်ဆိုတော့ နေ့လည် ထမင်းစားချိန်ဆို အနီးအနားတစ်ဝိုက်မှာရှိတဲ့ ရုံးဝန်ထမ်းသူမမများ နေ့စဉ်ဝင်လည်ဖြစ်တဲ့ နေရာတစ်ခုပေါ့။ အောက်ဆုံးထပ်မှာ အမျိုးသား အ၀တ်အထည် အသုံးအဆောင်၊ ပထမထပ်မှာ အမျိုးသမီးဖိနပ်နဲ့ အလှကုန်၊ ဒုတိယထပ်မှာ အမျိုးသမီးလက်ကိုင်အိတ်နဲ့ အ၀တ်အစားအသုံးအဆောင်၊ တတိယထပ်ကလည်း အမျိုးသမီးတွေအတွက်ပါပဲ။ formal နဲ့ evening dress တွေ များပါတယ်။  စတုတ္ထထပ်မှာတော့ ကလေးများအတွက် ကစားစရာမျိုးစုံ၊ အ၀တ်အထည်နဲ့ ဖိနပ်တွေရှိပြီး၊ ပဉ္စမထပ်မှာတော့ အနွေးထည်၊  ခရီးဆောင်အိတ်၊ မီးဖိုချောင်နဲ့အိမ်သုံးပစ္စည်းများရှိပါတယ်။

ကိုယ်ကထမင်းစားချိန် တစ်နာရီမပြည့်မချင်း ရုံးခန်းထဲပြန်မ၀င်ချင်တဲ့ အကျင့်ရှိပါတယ်။ ထမင်းအေးအေးဆေးဆေး စားရင်တောင် နာရီဝက်လောက် အမြဲအချိန်ပိုတတ်တာမို့ စားပြီးတာနဲ့ OG ထဲဝင်ပြီး အချိန်ဖြုန်းလေ့ရှိပါတယ်။ ပထမထပ်ကနေ အပေါ်ဆုံးထိ တစ်ထပ်ချင်းလိုက်ကြည့်တယ်။ တစ်ခါတစ်လေ အချိန်တွေ အများကြီး ကျန်နေသေးတယ်ထင်ရင်  fitting room ထဲဝင်ပြီး ကိုယ်မျက်စိကျတဲ့ အင်္ကျီတွေ ၀တ်ကြည့်တတ်ပါတယ်။ ၀ယ်ဖြစ်တာကနည်းနည်း၊ try ကြည့်တာက များများပါ။

ကိုယ်အရောက်များဆုံးအထပ်က အပေါ်ဆုံးထပ်။ ကိုယ်က အင်္ကျီတို့၊ ဖိနပ်တို့၊ အိတ်တို့ထက်စာရင် မီးဖိုချောင်သုံးနဲ့ အိမ်အသုံးအဆောင်ပစ္စည်းတွေကို ပိုပြီးစိတ်ဝင်စားပါတယ်။ မီးဖိုချောင်သုံးပစ္စည်းတွေ ၀ယ်ချင်ပေမယ့်လည်း အိမ်ငှားနေရသူမို့ မ၀ယ်တော့ပါဘူး။ ကိုယ်ပိုင်အိမ်နဲ့ဆိုရင်တော့ စိတ်ရှိသလောက်များ ၀ယ်မိမလားမပြောတတ်ဘူး။ နောက် ကိုယ်စိတ်ဝင်စားတာက အရောင်စုံ အသွေးစုံ အိပ်ရာခင်းတွေပါ။

ကိုယ့်မှာ ရောဂါတစ်ခုတစ်ရှိပါတယ်။ (ရောဂါလို့ ကိုယ့်သူငယ်ချင်းက နာမည်တပ်ပေးထားတာကိုပဲ ကျေနပ်စွာ ယူသုံးလိုက်ပါတယ်)။ လူတစ်ယောက်မှာ ရောဂါတစ်မျိုးစီရှိနိုင်ပါတယ်။ ဥပမာ- ကိုယ့်သူငယ်ချင်းဆို ဈေးသွားလို့ မြစ်သားကြက်သွန်နီ ပြောင်ပြောင်ချောချောလေးတွေမြင်ရင် မ၀ယ်ရ မနေနိုင်ဖြစ်ပါတယ်တဲ့။ ကိုယ်ကျတော့ အဆင်လှလှ အိပ်ရာခင်းတွေမြင်ရင် ၀ယ်ချင်စိတ်က ထိန်းမနိုင်သိမ်းမရ ပေါ်လာတတ်တာပါပဲ။ အထူးသဖြင့် ဈေးချတဲ့အချိန်၊ buy 1 get 1 free promotion ပေးတဲ့အချိန်များဆို ပိုဆိုးသေး။ OG မှာလည်း မကြာခဏဆိုသလို promotion တွေပေး၊ ဈေးချတတ်ပါတယ်။ ပြီးခဲ့တဲ့နှစ်က ဈေးချတုန်း ၄စုံ ၀ယ်ဖြစ်တယ်။ တစ်စုံက သိပ်ကြိုက်လွန်းလို့ မသုံးဖြစ်ဘူး၊ သိမ်းထားဆဲပဲ။ ပြန်တွက်ကြည့်တော့ အလုပ်စ၀င်ပြီးကတည်းက ခုထိကိုယ်ဝယ်ဖြစ်တဲ့ အိပ်ရာခင်း ၇စုံဖြစ်နေပြီ။ ကိုယ့်အတွက်ဝယ်တာ အားမရသေးလို့  တစ်လောက အိမ်ကညီမလေးတစ်ယောက် မင်္ဂလာဆောင်တော့ အမျိုးအစားကောင်းကောင်းထဲကပဲ အိပ်ရာခင်းဝယ်ပြီး လက်ဖွဲ့လိုက်သေးတယ်။

ဒီတစ်ပတ်လည်း OG မှာ အိပ်ရာခင်းတွေ ဈေးချနေတယ်။ ဒီတစ်ခါတော့ buy 1 get 2 free တဲ့။ မမြင်ချင်၊ မသိချင်ယောင်ဆောင်ပြီး အဲဒီနေရာကို ကွက်ကျော်လုပ်နေရတယ်။ စိတ်ထိန်းမှ ဖြစ်မယ်။ ဒီလ အပိုကုန်လို့ မဖြစ်ဘူး၊ ချွေတာရမယ်ဆိုပြီး ကိုယ့်စိတ်ကို အတော်ထိန်းချုပ်နေရတယ်။ ကုရခက်တဲ့ ရောဂါဆိုတော့လည်း...။ နောက်ရောဂါတစ်ခုလည်း ရှိသေးတယ်။ ဖတ်တဲ့သူတွေတော့ လန့်ကုန်ပြီ။ ဇွန်မိုးစက်က ရောဂါတော်တော်များတာပဲနော်။ တစ်ခြားတော့ မဟုတ်ပါဘူး။ မနက်မနက် ရုံးရောက်လို့မှ gmail လေး ၀င်မကြည့်လိုက်ရယင် မနေနိုင်ပြန်ဘူး၊ မဖွင့်ကြည့်လိုက်ရယင်ပဲ တစ်ခုခု လိုနေသလိုကိုဖြစ်တာ။ ရုံးအီးမေးလ်စစ်ပြီးတာနဲ့ gmail ကို log in ၀င်လိုက်မှ နေသာထိုင်သာရှိသွားသလိုလို။ အင်း... ရောဂါ...ရောဂါ...ရောဂါ... တယ်လည်းခက်ပါလားနော်။


ချစ်ခင်လေးစားလျက်
ဇွန်မိုးစက်

အောက်တိုဘာ ညနေခင်း

8

Category:

ကွန်ပျူတာ desktop ပေါ်မှ နာရီကို ကြည့်လိုက်တော့ ငါးနာရီခွဲရန် ငါးမိနစ်သာလိုတော့သည်။ လုပ်လက်စအလုပ်တွေ လတ်စသတ်ပြီး ဖွင့်ထားသော file တွေ၊ widow တွေ တစ်ခုပြီးတစ်ခု ပိတ်လိုက်သည်။ နှင်း စိတ်တွေ မသိမသာ အနည်းငယ် လှုပ်ရှားနေသည်။ ကွန်ပျူတာကို shutdown လုပ်ပြီးချိန်မှာ ငါးနာရီ သုံးဆယ့်ငါး။ လုပ်ဖော်ကိုင်ဖက်တွေ အချင်းချင်းနှုတ်ဆက်နေသံ ကြားရသည်။ ဒီနေ့ သောကြာနေမို့ ငါးနာရီခွဲ ရုံးဆင်းသည်။ ခါတိုင်းလို shuttle bus စီး၍ အလျင်စလို အိမ်ပြန်စရာ မလိုသေးပါ။

ရုံးအဆောက်အဦထဲကထွက်၍ သိပ္ပံပန်းခြံလမ်းမကျယ်ကြီးအတိုင်း ဖြည်းဖြည်းပုံမှန် လျှောက်လာခဲ့သည်။ ရာသီဥတုက မပူမအေး၊ နေလည်းသိပ်မပြင်းပါဘဲ အလွန်သာယာနေသည်။ လေတိုက်တိုင်း လမ်းဘေးတစ်လျှောက် ၀ဲကျကြွေဆင်းလာသော သစ်ရွက်ခြောက်များကိုကြည့်ယင်း ရင်ထဲမှာ ကြည်နူးမှုတွေ ဖြတ်စီးသွားသည်။ “အို...သာယာလိုက်တဲ့ ညနေခင်းရယ်” နှင်း နှုတ်မှ တိုးတိုးညင်သာ ရေရွတ်လိုက်မိသည်။

အမှတ် ၂ သိပ္ပံပန်းခြံဝန်းကြီးက တစ်သီးတစ်ခြားနိုင်သော်လည်း နှင်းက ဒီဝန်းထဲမှာ လုပ်ရတာ သဘောကျသည်။ လမ်းတစ်ဖက်တစ်ချက်စီမှာ ရာသီခွင် နာမည်ပေးထားသော ပုံစံတစ်မျိုးစီ ဆန်းသစ်နေသော ရုံးအဆောက်အဦတွေရှိသည်။ နှင်း အလုပ်လုပ်ရာ ရုံးဘေးတစ်ဖက်မှာ   တောအုပ်သဖွယ် သစ်ပင်တွေအုံ့ဆိုင်းနေပြီး လူလုပ်ရေတံခွန်ငယ်လေးရှိသည်။  လျှောက်လမ်းသဖွယ် ပတ်ကာရံထားသော သစ်သားတံတားအောက်က ရေကန်မှာ လိပ်ကလေးတွေ၊ ငါးကလေးတွေလည်းရှိသည်။ ၀ါးပင်ရုံလေးတွေ စီတန်းစွာပေါက်ရောက်နေသော ချစ်စရာ လူသွားလမ်းကလေးမှာ နှင်းအနှစ်သက်ဆုံးနေရာတစ်ခုဖြစ်သည်။ နေ့လည်ထမင်းစားပြီးတိုင်း ဤနေရာသို့ လာ၍ အပန်းဖြေလမ်းလျှောက်ရသည်ကို နှင်းသဘောကျ ကြည်နူးလေ့ရှိသည်။

အခမဲ့အပို့အကြိုလုပ်ပေးသော shuttl bus တွေ၊ အများသုံးဘတ်စ်ကားတွေ၊ taxi  တွေ နှင်းဘေးမှ ဥဒဟို ဖြတ်သန်းသွားလာနေကြသည်။ ကားတွေရှင်းတော့ လမ်းမတစ်ဘက်ခြမ်းသို့ ကူးလိုက်သည်။ “ကိုယ်ရောက်နေပြီ” ဆိုသော sms ရ၍ ခြေလှမ်းသွက်လိုက်သည်။ နှင်း သူနှင့် ညနေစာ အတူစားဖို့ ချိန်းထားခဲ့သည်လေ။

ကြိုတင်ရည်ရွယ်ထားခြင်းမရှိဘဲ သူနှင့်ညနေစာစားဖို့ သဘောတူခဲ့သည်မှာ မှန်သလား၊ မှားသလား နှင်းမဝေခွဲတတ်ခဲ့။ မနက်က ကားပေါ်မှာ ခါတိုင်းလိုပဲ ထွေရာလေးပါးပြောယင်း သူက ကောက်ကာငင်ကာ “ကိုယ်တို့ ဒီညနေ dinner အတူစားကြရအောင်လား” လို့ မေးလိုက်တော့ နှင်း ရုတ်တရက် ပြန်မဖြေဖြစ်သေး။  နှင်းစဉ်းစားလိုက်တော့ ဒီညနေတစ်ခြားသူငယ်ချင်းတွေနဲ့ တွေ့ဆုံဖို့ ချိန်းဆိုထားခြင်းလည်းမရှိ။ သောကြာနေ့ညနေခင်းတွေကို ပျင်းရိစွာတစ်ယောက်တည်း ကျော်ဖြတ်ခဲ့ရသော နှင်း တခါတလေတော့လည်း အပြောင်းအလဲဖြစ်ချင်သည့် ဆန္ဒကို လိုက်လျော၍ “အိုကေ” ဟု ပြောဖြစ်ခဲ့သည်။

နှင်းနဲ့သူ ခင်မင်ခဲ့တာ လပိုင်းမျှသာ ရှိသေးသည်။ သူနှင့်နှင်းက အလုပ်အသွားအပြန် ဘတ်စကားနံပါတ် ၁၅၁ စီးရတာခြင်းတူသည်။ နှင်းအိမ်မှရုံးသို့ ၁၅၁ စီး၍ စင်္ကာပူနိုင်ငံအမျိုးသားတက္ကသိုလ်သို့ အရင်သွားရသည်။ ကျောင်းစာကြည့်တိုက်မှတ်တိုင်မှဆင်း၍ အမှတ်၂ သိပ္ပံပန်းခြံသို့သွားသော shuttle bus ကို စောင့်စီးရသည်။ ဘတ်စ်တစ်စီးနှင့်တစ်စီး ၁၅မိနစ်မှ မိနစ်၂၀ထိကြာတတ်သည်။ တစ်ကားလွတ်သွားလျှင် နောက်တစ်ကားကို မှတ်တိုင်မှာထိုင်စောင့်ရင်း၊ ရပ်လာသမျှကားပေါင်းစုံမှ ကျောင်းသူကျောင်းသားလူရွယ်စုံကို ကြည့်ပြီး စိတ်ထဲမှာ ထင်မြင်ချက်တွေပေးရင်း ကိုယ်စီးရမည့်ကားကို စောင့်ဖြစ်သည်။ အဲလိုစောင့်ယင်းကပင် ဘတ်စ်အတူစီးရသောသူများနဲ့ စကားပြောမိတ်ဖွဲ့ကြရင်း ခင်မင်ခဲ့ရသူများရှိသည်။ သူသည်လည်း ဘတ်စ်ကားစောင့်ရင်း နှင်း မျက်မှန်းတန်းမိလာသောသူတွေထဲက တစ်ယောက်ဖြစ်သည်။

နှင်းသူ့ကို သတိထားခဲ့မိသည်မှာ ကြာပြီ။ မြင့်မားသောသူ့အရပ်နှင့် ကွဲပြားခြားနားသော သူ့အသားအရောင်သည် အခြားသူများထက် ထူးခြားစွာထင်ရှားနေတတ်သည်။ ကျောပိုးအိတ်ကို နှစ်ဖက်အမြဲလွယ်တတ်ပြီး၊ ၀န်ထမ်းကတ်ပြားကို လည်ပင်းမှာ ဆွဲထားလေ့ရှိသည်။ သူဝတ်ဆင်လေ့ရှိသော ရှပ်အင်္ကျီ လက်တိုအကွက်စင်းများသည် များသောအားဖြင့် သူ့အသားအရောင်နှင့် လိုက်ဖက်ညီနေသည်။ သူ့ကို နှင်းသတိထားမိသလို သူကလည်း နှင်းကို သတိထားမိ၍ ခင်မင်အောင်လုပ်ယူခဲ့သည်ကို နောက်ကျမှ နှင်း ရိပ်စားမိခဲ့သည်။

အိမ်က ပုံမှန်အချိန်ထွက်လျှင် နှင်းစီးရမည့်ကားတွင် သူပါလာတတ်သည်။ နှင်းနှင့်အမှတ်မထင် စကားစမြည်ပြောဆို၍ ရင်းနှီးသွားသည့်နောက်ပိုင်းတွင် သူအိမ်မှစောထွက်၍ နှင်းစီးနေကျ ကားဂိတ်မှာ လာစောင့်ပြီး နှင်းနှင့်အတူ ၁၅၁ စီးသည်။ တကယ်တမ်း နှင်းနဲ့သူ တွေ့ရချိန်စုစုပေါင်းမှာ မိနစ်သုံးဆယ် သာသာမျှသာဖြစ်သည်။ သူက မကာရရာသီခွင်အမည်ပေးထားသော အဆောက်အဦးရှိ သုတေသနဌာနတစ်ခုမှ သုတေသနအင်ဂျင်နီယာဖြစ်၍ shuttle bus စီးသည့်အခါ သူအရင်ဆင်းရပြီး နောက်နှစ်မှတ်တိုင်မြောက်မှာမှ နှင်းကဆင်းရသည်။

ရှေ့နားက လက်လှမ်းပြနေသောသူ့ကို တွေ့လိုက်ရတော့ နှင်းတွေးလက်စအတွေးတွေ ပြတ်တောက်သွားသည်။ တောင် အမေရိကတိုက်သား သူက ဘောလုံးဝါသနာကြီးသူပီပီ သောကြာနေ့ညနေတိုင်း  ရုံးစောစောဆင်း၍ လုပ်ဖော်ကိုင်ဖက်များနှင့်အတူ အမြဲဘောလုံးကန်လေ့ရှိသည်။ ဘောလုံးကန်ရာမှ ပြန်လာပြီး ရေမိုးချိုး၍ လန်းဆန်းလတ်ဆတ်နေသော သူ့ကိုမြင်တော့ နှင်းကိုယ်နှင်း အနည်းငယ် မလုံမလဲဖြစ်သွားမိသည်။ ရုံးဆင်းတုန်းက ဆံပင်ကို လက်နှင့်ဖွဖွသပ်ခဲ့ရုံမျှအပ အထူးတလည်ပြင်ဆင်ခြယ်သထားခြင်းမရှိသော နှင်းမျက်နှာ အနည်းငယ် အဆီပြန်နေမလားဟုတွေးရင်း စိုးရိမ်စိတ်ဝင်သွားသေးသည်။ သူရှေ့ရောက်တော့ အစွမ်းကုန်ပြုံးပြလိုက်ပြီး စားသောက်ဆိုင်ရှိရာ လမ်းလေးအတိုင်း လျှောက်သွားလိုက်သည်။ ဒီဆိုင်က အမှတ်၂သိပ္ပံပန်းခြံရဲ့ တစ်ခုတည်းသော စားသောက်ဆိုင်ဖြစ်သည်။ အနောက်တိုင်းအစားအစာနှင့် အသားကင်များကို အဓိက serve လုပ်သည်။ ညပိုင်းဆို bar နှင့် တီးဝိုင်းလည်းရှိသည်။ အရင်က နှင်းလုပ်ဖော်ကိုင်ဖက်တစ်ယောက်၏ နှုတ်ဆက်ပွဲလုပ်တုန်းက တစ်ခါရောက်ဖူးခဲ့သေးသည်။

“အထဲမှာ ထိုင်မလား၊ အပြင်မှာ ထိုင်မလား” စားပွဲထိုးလေးက မေးတော့ နှင်းက အပြင်ကိုပဲ ရွေးချယ်လိုက်သည်။ ဒီလိုသာယာတဲ့ညနေခင်းမှာ ကန်ရေပြင်ကိုဖြတ်တိုက်လာတဲ့ လေပြေနဲ့အတူ ညနေစာစားခွင့်ကြုံချင်သည်လေ။  Menu လာချပေးတော့ သူက ၀ိုင်နီတစ်ခွက်မှာသည်။ နှင်းက လိမ္မော်ရည်တစ်ခွက်မှာသည်။ “ကိုယ်က သိပ်များများသောက်လို့မရဘူး၊ ကိုယ့်မျက်နှာက နဲနဲလောက်သောက်လိုက်ရင်တောင် နီလာတာ၊ များများသောက်မိရင် မျက်နှာတစ်ခုလုံးရဲသွားတာ”၊ “အို..ဟုတ်လား။ နှင်းက ၀ိုင်နီသိပ်ကြိုက်ပေမယ့် ငါးပါးသီလယူထားလို့ alcohol ရှောင်လိုက်တာ” လို့ နှင်းပြောတော့ “ကောင်းတာပေါ့” လို့ သူက ကျေကျေနပ်နပ်ပြုံးလို့ ပြန်ဖြေသည်။ သူက အီတာလျံ ခေါက်ဆွဲမှာပြီး နှင်းက ကြက်သားဘာဘီကျူးတစ်ပွဲ မှာလိုက်သည်။

အညိုရောင်ဖျော့ဖျော့မျက်လုံးတစ်စုံအကြည့်အောက်မှာ တိတ်ဆိတ်စွာကြာရှည်မနေနိုင်သူ နှင်းက တစ်ခုခုပြောဖို့ စကားလုံးတွေ စီနေစဉ်မှာပင် သူက စပြောသည်။ “ဒီနိုင်ငံရောက်ပြီးမှ ကိုယ် date လုပ်တာ ပထမဆုံးအကြိမ်ပဲ။” ဘုရားရေ.. 'date' တဲ့။ နှင်းက မြန်နှုန်းမြင့်သွားသောရင်ခုန်သံကို လျစ်လျူရှုယင်း “ဟင့်အင်း ... နှင်းအတွက်တော့ သာမန်မိတ်ဆွေတစ်ယောက်နဲ့ ညနေစာအတူစားတယ်လို့ပဲ သဘောထားတာ” လို့ ပြန်ပြောတော့ သူက ခပ်ဖွဖွရယ်မောသည်။

နှင်းနှင့်သူ တိုင်းပြည်နှစ်ခု၏ မတူညီကွဲပြားခြားနားသော ဓလေ့ယဉ်ကျေးမှုစရိုက်တွေအကြောင်း ပြောဖြစ်ကြသည်။ နှင်းစိတ်ဝင်စားစွာမေးမြန်းမိသော သူ့မွေးရပ်ဇာတိမြေနှင့်လူမျိုးအကြောင်းတွေကို သူက စိတ်ပါလက်ပါပြောပြသည်။ “ကိုယ်တို့ ဘိုးဘေးတွေက အီတာလျံနွယ်ဖွားတွေလေ၊ သိပ်စည်းကမ်းကြီးပြီး ဘာသာတရားကိုင်ရှိုင်းတယ်။  ကိုယ့်အဖွားဆို ကိုယ်တို့ကို လူမည်းမိန်းကလေးတွေနဲ့ date လုပ်ခွင့်မပေးဘူး။ ကျန်တဲ့လူမျိုးတွေနဲ့ဆိုရင်တော့ ရပါတယ်။” သြော်... သူတို့လည်း အသားအရောင်ခွဲခြားတဲ့ မိသားစုမျိုးရိုးက ဆင်းသက်လာသူတစ်ယောက်ပဲလို့ နှင်းစိတ်ထဲက ကောက်ချက်ချလိုက်သည်။ “ရှင့်နိုင်ငံရဲ့ဘောလုံးအသင်းအတွက်တော့ ရှင်အမြဲဂုဏ်ယူမိမှာပေါ့။” “သိပ်သေချာတာပေါ့၊ ကိုယ်ကိုယ်တိုင်လည်း ဘောလုံးကစားရတာ သိပ်ကြိုက်တယ်၊ မင်းတစ်ခါလောက်တော့ ကိုယ်ကစားတာ လာာကြည့်သင့်တယ်” “နှင်း ကြိုးစားကြည့်မယ်လေ။”

သူနှင့်နှင်းအတူ စကားလက်ဆုံပြော၍ စားတာချင်းအတူတူ သူက အရင်ပြီးသည်။ နှင်းက အနောက်တိုင်းစာကို နှစ်သက်သော်လည်း ဘာကြောင့်မှန်းမသိ ဒီနေ့သိပ်မစားနိုင်။ သူက မကုန်နိုင်တဲ့ နှင်းပန်းကန်ကိုကြည့်ပြီး ကိုယ်ရှင်းပေးမယ်ပြောတော့ နှင်း အံ့သြမိသွားသည်။ နှင်းပန်းကန်ထဲမှ ကျန်သော ကြင်ကင်တစ်ခြမ်း၊ အာလူးပြုတ်ချေတစ်ဝက်နှင့် အသီးအရွက်အချို့ သူ့ပန်းကန်ထဲ ပြောင်းထည့်ပြီး ယူစားသည်ကို မျက်လုံးအ၀ိုင်းသားနှင့် ကြည့်နေမိသည်။ သူက ရယ်ရယ်မောမောနှင့် ပြောလိုက်သေးသည်။ “ကိုယ်က  first date ဆို သိပ်သဘောကျတာ၊ ဘာလို့လဲသိလား။ ကိုယ့်အတွေ့အကြုံအရ အဲဒီနေ့ဆို မိန်းကလေးတွေက စိတ်လှုပ်ရှားနေလို့ ထင်ပါရဲ့ ဘယ်တော့မှ ကုန်အောင်မစားနိုင်ဘူး။ ဒါကြောင့် ကိုယ်ပိုစားရတယ်။” ဘုရားရေ...လာပြန်ပြီ first date တဲ့။ နှင်းရင်ထဲမှာ အာမေဋိတ်သံထွက်သွားသော်လည်း အပြင်သို့ထွက်မလာခဲ့ပါ။

ကောင်းကင်မှာ နေရောင်ပျောက်သွားခဲ့ပြီ။ “shuttle bus တွေလည်းမရှိတော့ဘူး၊ ကိုယ်တို့ အများသုံးဘတ်စ်နဲ့ပဲ ပြန်ရတော့မှာ၊ ကားမှတ်တိုင်က နည်းနည်းလှမ်းတယ်။ နှင်းလျှောက်နိုင်မလား။” “အို...ရတာပေါ့ ကျွန်မလမ်းလျှောက်ရတာ သိပ်ကြိုက်တယ်။ အထူးသဖြင့် ခုလို သာယာတဲ့ညနေခင်းဆို ပိုကြိုက်တယ်” “ အိုကေ”

ဘီလ်ရှင်းပြီးတော့  သိပ္ပံပန်းခြံလမ်းမတစ်လျှောက် သူနှင့်ဘေးချင်းကပ်လျှောက်လာယင်း နှင်းအရပ် တော်တော်ပုသွား သလို ခံစားလိုက်ရသည်။ ဟင့်အင်း...နှင်း မပုပါဘူး၊ သူက သိပ်မြင့်နေတာပါဟု ကိုယ့်ဖာသာ နှစ်သိမ့်လိုက်သည်။ သူက နှင်းလက်ကိုတွဲဖို့ ကြိုးစားသော်လည်း နှင်းညင်သာစွာ ငြင်းဆိုလိုက်တော့ သူက “ကိစ္စမရှိပါဘူး” ဟု အေးအေးဆေးဆေး ပြန်ပြောပြီး တွဲမယ့်ဆဲဆဲလက်ကို ပြန်ရုပ်လိုက်သည်။

သိပ္ပံပန်းခြံလမ်းမမှထွက်၍ ညာဘက်ချိုးပြီး ပါစီပန်ဂျန်း လမ်းပေါ်မှ ကလင်မသီလမ်းမသို့ စီး၍ ရနိုင်မည့် ကားမှတ်တိုင်အထိ နှင်းတို့ လမ်းလျှောက်ကြသည်။ ကားမှတ်တိုင်ရောက်တော့ ကားမလာသေး၍ စောင့်ရသည်။ သူ့ရဲ့မြင့်မားသောအရပ်နှင့် နှင်းကို ဆီးမိုးကြည့်ပြီး နှင်းနဖူးပေါ်က ဆံနွယ်လေးတွေကို လက်နှင့်သပ်တော့ နှင်းမျက်နှာ နွေးကနဲဖြစ်ပြီး ရှက်သွားသည်။ ဒီလို ကိုယ့်ချစ်သူလည်းမဟုတ်တဲ့ ယောက်က်ျားလေးမိတ်ဆွေတစ်ယောက်က အများမြင်သာသော ပတ်ဝန်းကျင်မှာ ကိုယ့်နဖူးပေါ်က ဆံစတွေ ပင့်သပ်ပေးတာ နှင်းတစ်ခါမှ မကြုံဖူးခဲ့။ သူက နှင်းမျက်နှာအရိပ်အကဲကို သိတတ်စွာပင် နှင်းကို ပြုံးကြည့်ယင်း သူ့လက်ကို ရုပ်သိမ်းပေးလိုက်သည့်အတွက် နှင်း သူ့ကို ကျေနပ်စွာ ကျေးဇူးတင် မိသွားသည်။

လူမျိုးမတူ၊ ဘာသာအယူဝါဒ ကွဲပြားခြားနားသောသူဖြစ်၍ နှင်း သူ့အပြုအမူတွေ နားလည်ပေးခဲ့ရသလို သူကလည်း နှင်းထားရှိသော စိတ်ဓါတ်ကို နားလည်ပေးနိုင်သူတစ်ဦးဖြစ်သည်။ ဘတ်စ်ကားပေါ် ရောက်တော့ တိတ်ဆိတ်နေသော နှင်းကို သူကစကားတစ်ချို့ဆက်ပြောသည်။ “ကိုယ့်ဘ၀မှာ မင်းဟာ ပထမဆုံးသိခွင့်ရတဲ့ ဗုဒ္ဓဘာသာဝင်တစ်ယောက်ပဲ”။ ဒီစကားကြားတော့ နှင်း အံ့သြ၀မ်းသာဖြစ်သွားသည်။ “မင်းနဲ့ခင်မင်ခွင့်ရတာ ကိုယ့်အတွက်သိပ်ကံကောင်းတာပဲ။ ကိုယ်မသိသေးတဲ့ အတွေးအခေါ် ယဉ်ကျေးမှုဓလေ့ထုံးတမ်းတွေ မင်းပြောပြမှသိခွင့်ရတယ်။ ဒီကမ္ဘာပေါ်မှာ ကိုယ်မသိသေးတဲ့အရာတွေ အများကြီးရှိသေးတာပဲ။  မင်းနဲ့ ကိုယ်တို့ မတူညီမှုအစဉ်အလာတွေ အတွက်တော့ ကိုယ်တို့ကို bad people လို့ မမြင်လိုက်ပါနဲ့။ ကိုယ်အာရှကို သိပ်သဘောကျတယ်။ အာရှလူမျိုးတွေကို ကိုယ်စိတ်ဝင်စားတယ်။ နောက်ပြီး ကိုယ့်မျက်စိထဲမှာတော့ အာရှတိုက်သူတွေက သိပ်လှတယ်” နှင်းက သူ့စကားကြားတော့ ကျေနပ်စွာ ပြုံးယင်း “ကျေးဇူးတင်ပါတယ်” လို့ လှိုက်လှိုက်လှဲလှဲ ပြန်ပြောလိုက်သည်။ ညနေပိုင်းမှာလို ပြည့်သိပ်ကြပ်ညပ်မနေသော ကားက အိမ်နားရောက်ခါနီးပြီ။ “နှင်း ဆင်းရတော့မယ်နော်၊ ဒီနေ့ညနေစာအတွက် ကျေးဇူးတင်ပါတယ်” လို့ ထပ်ပြောလိုက်ရင်း သူ့ကို နှုတ်ဆက်လိုက်သည်။

တိုက်ရှေ့တည့်တည့်မှတ်တိုင်မှာ ရပ်သော ကားပေါ်က ဆင်းတော့ တိုက်ပေါ်ကို ချက်ခြင်းမတက်မိသေးဘဲ ကားလမ်းမဘက်ကို ဦးတည်ထားသည့် တိုက်ရှေ့က ထိုင်ခုံပေါ်မှာ ခဏထိုင်မိသည်။ လရောင်မတွေ့သော ကောင်းကင်ကို မော့ကြည့်ယင်း ကြယ်ကလေးတွေ တွေ့လိုတွေ့ငြား ရှာကြည့်လိုက်သေးသည်။ နှင်းရင်ထဲမှာ အမျိုးအမည်မခွဲနိုင်သော ဝေဒနာတစ်ခု ခံစားနေရသည်။ သူနှင့်အတူ ညနေစာစားတာ ပထမဆုံးနဲ့ နောက်ဆုံးအကြိမ်ဖြစ်လိမ့်မည် ဆိုတာတော့ နှင်းစိတ်ထဲမှာ အလိုလိုသိနေသည်။ ဖြစ်နိုင်ချေနည်းပါးတဲ့ အနာဂတ်တစ်ခုအတွက် နှင်းမစွန့်စားပါရစေနဲ့။

ဒါပေမယ့်လေ အောက်တိုဘာလထဲက ဒီညနေခင်းတစ်ခုကိုတော့ နှင်းအမြဲအမှတ်ရနေမှာပါ။


ချစ်ခင်လေးစားလျက်
ဇွန်မိုးစက်

(ဒီဝတ္ထုတိုလေးရေးဖို့ ခေါင်းထဲရှိနေတာ လွန်ခဲ့တဲ့ နှစ်နှစ်ကျော်ကတည်းကပါ။ ၀တ္ထုမရေးဖြစ်တာ တော်တော်ကြာသွားလို့ လက်ကသိပ်မသွက်တော့ဘူး။ ကိုယ့်အကျင့်ကလည်း ၀တ္ထုဆို စာရွက်ပေါ်မှာမှ ချရေးတတ်တာ။ အခုလည်း စာရွက်ပေါ်မှာ အရင်ချရေးပြီးမှ ဘလော့ထဲဝင်ပြီး ပြန်ရိုက်ရလို့ ခါတိုင်းထက် အချိန်ပိုပေးလိုက်ရပါတယ်။)

မရေးဖြစ်သော ကဗျာ

7

Category:

ခံစားမှုရယ် ဆိတ်သုဉ်း

မျှော်လင့်ခြင်းတွေ ပျက်ပြုန်းလို့

သြော်...ကဗျာတွေ မရေးဖြစ်တာတောင် ကြာခဲ့ပေါ့...။


ဇွန်မိုးစက်

ကျောင်းတော်မဟာ (၂) လသာ

15

Category:

တစ်လောက မသီတာရေးထားတဲ့ ပိုစ့်ဖတ်ပြီး၊ group ဓာတ်ပုံလေးမြင်တော့ တစ်ဆယ့်နှစ်နှစ်တိုင်တိုင် ပညာဆည်းပူးခဲ့တဲ့ ကျောင်းတော်ကြီးကို သတိရ မိပါတယ်။ ခုတလော facebook မှာလည်း အထက်တန်းကျောင်းတုန်းက သူငယ်ချင်းတွေ တော်တော်များများနဲ့ ပြန်အဆက်အသွယ်ရတာလည်း ပါပါတယ်။ မြန်မာပြည်မှာ တက္ကသိုလ်တက်ခွင့် မကြုံလိုက်တဲ့ ကိုယ့်အဖို့  သတိတရနဲ့ လွမ်းဆွတ်မိခဲ့တဲ့ ကျောင်းတော်က မြန်မာပြည်ရဲ့ နာမည်အကြီးဆုံး မိန်းကလေးကျောင်း စာရင်းဝင် အ.ထ.က (၂) လ သာ ပါပဲ။

ကိုယ်က လသာ ၂ ကို သိပ်သံယောဇဉ်ကြီးပါတယ်။ ကိုယ်ခုချိန်ထိတွဲနေတဲ့ အရင်းနှီးဆုံး သူငယ်ချင်းတွေ အားလုံး နီးပါးလည်း လသာ ၂ က ပါပဲ။ လသာ ၂ က အောင်တာလို့ ပြောလိုက်တာနဲ့ အလိုလိုခင်မင်မှု ပိုသွားတတ်တာ ကျောင်းစွဲကြောင့်လားတော့ မပြောတတ်ပါဘူး။ ဘလော့ဂါတွေ ထဲမှာတောင် လသာ၂ ထွက် မမတွေဆို ဘာကြောင့်ရယ်မှန်းမသိဘဲ စိတ်ထဲမှာ တစ်ခြားသူတွေထက် အခင်မင် ပိုမိပါတယ်။ တကယ်ပြောတာ။ ကိုယ်သိသလောက်ဆို အစ်မခင်ဦးမေ၊ အစ်မသီတာ၊ မနုသွဲ့နဲ့ မအိမ့်ချမ်းမြေ့တို့က လသာ၂ ကျောင်းသူဟောင်းတွေပါ။ တစ်ခြား ဘယ်သူတွေ ရှိသေးလဲတော့ မသိဘူး။ အစ်မသီတာ ပြောသွားသလို အစဉ်အလာကြီးမားခဲ့တဲ့ကျောင်းမို့ အဲဒီ့ကျောင်းတော်ကြီးရဲ့ သမီးကျောင်းသူ ဖြစ်ခဲ့ရတာကို တွေးမိတိုင်း ဂုဏ်ယူတတ်သူပါ။ ဒီကျောင်းမှာထားခဲ့ပေးတဲ့ အမေ့ကိုတောင် ကျေးဇူးတင်နေတတ်တာ၊ အဲလောက်ထိ လသာ၂ ကို ချစ်ပါတယ်။

ကိုယ့်ကိုကျောင်းထားခါးနီးမှာ အမေက ကျောင်းသုံးကျောင်းထဲက ရွေးရပါတယ်။ အဲဒီ့အချိန်တုန်းက ကိုယ်တို့နေတာ စမ်းချောင်းမြို့နယ်မှာ။ အိမ်မကြီးဘေးက အိမ်လေးမှာ ကိုယ်တို့မိသားစု ၃ ယောက် ငှားနေပါတယ်။ အဖေက အမြဲလိုလို ခရီးထွက်ရသူဖြစ်တော့ အမေကပဲ ပညာရေးအပါအ၀င် အစစအရာရာ ကိုယ်တို့ မောင်နှမအတွက် စီစဉ်ဆောင်ရွက်ပေးရတာ ခုချိန်ထိပါပဲ။ အိမ်မကြီးမှာနေတဲ့ အိမ်ရှင်က သူတို့သမီးတွေ၊ မြေးတွေ အစဉ်အဆက်ထားတဲ့ အ.ထ.က ၂ စမ်းချောင်း မှာ ထားဖို့ အမေ့ကို တိုက်တွန်းပါတယ်။  ကျောင်းလည်းကောင်းတယ်၊ မိန်းကလေးကျောင်း လည်းဖြစ်တယ်၊ စမ်းချောင်း နယ်မြေမှာလည်းဖြစ်တော့ အပို့အကြိုလုပ်ရမှာလည်း အဆင်ပြေတယ်ပေါ့။ အိမ်နောက်ဘက်မှာတော့ ကိုယ့်ကိုချစ်တဲ့ အပျိုကြီးညီမနှစ်ယောက်ရှိတယ်။ သူတို့က အ.ထ.က ၁ ဒဂုံ က ဆရာမတွေဆိုတော့   သူတို့ကျောင်းမှာပဲအပ်ဖို့ အမေ့ကိုပြောကြပါတယ်။ သူတို့ရှိနေတော့ ကိုယ့်ကို အစစအရာအရာ ကြည့်ရှုပေးနိုင်တယ်ပေါ့။ ဒါပေမဲ့ အမေက လသာ ၂ မှာပဲ အပ်ဖို့ ဆုံးဖြတ်လိုက်ပါတယ်။

အဲဒီ့အချိန်တုန်းက ဒသမတန်းစာမေးပွဲမှာ လသာ ၂ ကျောင်းသူ သုံးယောက် မြန်မာတစ်ပြည်လုံး ပထမ၊ ဒုတိယ၊ တတိယ စွဲခဲ့တဲ့သတင်း ကြားပြီးကတည်းက အမေက သိပ်သဘောကျသွားတာပါ။ လသာ၂ မဖြစ်ခင် စိန့်ဂျွန်းခေတ်ထဲက နာမည်ကြီးခဲ့တဲ့ ကျောင်းက အရှိန်ကောင်းကောင်းနဲ့ဆက်ပြီး တစ်ပြည်လုံး အတိုင်းအတာထိ ထူးချွန်သူတွေ နှစ်စဉ်နှစ်တိုင်း မွေးထုတ်ပေးနိုင်ခဲ့လို့ သတင်းမွှေးခဲ့တာ နှစ်ပေါင်းများစွာ ကြာမြင့်သည့်တိုင်အောင်ပါပဲ။ ပညာရေးကို အရမ်းအားပေးတဲ့အမေက သမီးဦးဖြစ်တဲ့ ကိုယ့်ကို ပညာရေး မျှော်လင့်ချက် ကြီးကြီးမားမားထားလို့ ဒီကျောင်းမှာ အပ်နှံခဲ့တယ်လို့ ခံစားမိပါတယ်။

ကိုယ့်ကိုကျောင်းအပ်ဖို့အတွက် အသိအကျွမ်းလည်း တစ်ယောက်မှမရှိပါဘဲ လသာမြို့နယ်အထိသွားပြီး လျှောက်လွှာယူရပါတယ်။  လျှောက်လွှာတင်ရုံနဲ့ မပြီးသေးပါဘူး။ ကျောင်းအုပ်ဆရာမကြီး (ဒေါ်တင်တင်) က ကျောင်းသားမိဘတွေ တစ်ဦးချင်းစီ အင်တာဗျူးပြီးမှ ၀င်ခွင့်လက်ခံ၊ မခံ စဉ်းစားပါမယ်တဲ့။ ဒါနဲ့အမေလည်း အင်တာဗျူးဖို့ သွားရပါတယ်။ မိဘတိုင်းအတွက် အဓိက မေးခွန်းကတော့ ဘာဖြစ်လို့ ဒီကျောင်းမှာ ထားချင်ရတာလဲပေါ့။ အမေ့ အလှည့်ကျတော့ ကျောင်းလျှောက်လွှာမှာ ရေးထားတဲ့ လိပ်စာကြည့်ပြီး၊ စမ်းချောင်းမြို့နယ်မှာ ကျောင်းကောင်းတွေရှိပါရက်နဲ့ ဘာဖြစ်လို့ လသာမြို့နယ်က ကျောင်းကိုမှ လာအပ်ရတာလဲလို့ မေးပါတယ်။ နောက်ပြီး မြို့နယ်ဝေးတော့ ကိုယ်ပိုင်ကားလည်းမရှိခဲ့ရင် အပို့အကြိုလုပ်ဖို့ အခက်အခဲရှိလိမ့်မယ်ဆိုတဲ့ သဘောမျိုးပြောပါတယ်တဲ့။ သူကျေနပ်တဲ့ အဖြေသာမရခဲ့ယင် သမီးကို ကျောင်းဝင်ခွင့်ပေးချင်မှ ပေးလိမ့်မယ်ဆိုတာ အကင်းပါးတဲ့ ကိုယ့်အမေက ကျွန်မ လသာမြို့နယ်က တရားရုံးမှာ ချိန်ဘာဆင်းနေတော့ ကလေးကို မနက်ရော၊ ညနေပါ အကြိုအပို့လုပ်ရတာ အဆင်ပြေပါတယ်ပြောလိုက်လို့ ကိုယ့်ကို လက်ခံလိုက်ပါတယ်။ (တကယ်တော့ အမေ ချိန်ဘာဆင်းနေတာ ဗဟိုတရားရုံးမှာပါ၊ ဒါ့အပြင် အမေက ကိုယ့်မောင်လေး ကိုယ်ဝန်ဆောင် ထားချိန်ဖြစ်လို့ အမြဲအပို့အကြို မလုပ်နိုင်ခဲ့ပါဘူး၊ သူငယ်တန်းကစလို့ ကျောင်းကားစီးပြီး ကျောင်းတက်ခဲ့ရတာ ဆယ်တန်းအထိပါပဲ)။

ကျောင်းဝင်ခွင့်ရပြီဆိုပြန်တော့ ကျောင်းတက်မယ့် ကျောင်းသူနဲ့ အုပ်ထိန်းသူ မိဘတစ်ဦး ကျောင်းကို သွားရပါတယ်။ တာဝန်ကျ ဆရာမတစ်ဦးက ကျောင်းဝတ်စုံစည်းကမ်းနဲ့ ပတ်သက်ပြီး အသေးစိတ် ပြောပြတာ ကိုယ် မှတ်မိနေပါသေးတယ်။ သူငယ်တန်းက လေးတန်းထိ ဂါဝန်၊ ငါးတန်းက ခုနစ်တန်းထိ စကပ်နဲ့ ရှစ်တန်းကနေ ဆယ်တန်းထိ လုံချည်ဝတ်ရပါတယ်။ ဂါဝန်ဆို ထီးပုံကားနေရမယ်၊ လက်ဖောင်းအပြားစီးက တစ်လက်မအရွယ် ရှိရမယ် စသဖြင့် အသေးစိတ်ပြောတဲ့အပြင် ၀တ်စုံပြည့်ဝတ်ထားတဲ့ ကျောင်းသူတစ်ယောက်ကို ခေါ်ပြီး နမူနာပြပါသေးတယ်။ ကျောင်းလခ အစိတ် (၂၅ကျပ်) ပေးသွင်း ပြီးနောက် ကိုယ်ဟာ လသာ ၂ ရဲ့တရားဝင် သမီးကျောင်းသူ ဖြစ်သွားပါပြီ။

ဒီလိုနဲ့ ကျောင်းစတက်ရမယ့်ရက်မှာ အမေ့လက်ကိုဆွဲလို့ ခံ့ညားကျယ်ဝန်းလှတဲ့ ကျောင်းတော်ကြီးရှေ့ကို ရောက်ခဲ့ပါတယ်။ ကိုယ်က တစ်ခြားကလေးတွေလို ငိုယိုဂျီကျတာမျိုး မရှိခဲ့တဲ့အတွက် အမေကံကောင်းတယ်လို့ပဲ ဆိုပါရစေ။ ကိုယ်တက်ရမယ့်အခန်းက သူငယ်တန်း D  မှာ၊ အတန်းပိုင် ဆရာမက ဒေါ်အုန်းကြည် ပါ။ ကိုယ့်ကိုတွေ့တိုင်း မှတ်မိနေတဲ့ ဆရာမပါ။  ကျောင်းစတက်တဲ့ ရက်မှာတင်ပဲ ကိုယ်က ကျောင်းပျော် ဖြစ်သွားပါပြီ။ ပျော်ဆို ကျောင်းစတက် တက်ချင်း တစ်ပတ်လုံးလုံး စာတစ်လုံးမှ မသင်ရဘဲ ကဗျာတွေရွတ်ရ၊ ကျောင်းသီချင်းတွေဆိုကြ၊ သူငယ်ချင်းတွေအများကြီးနဲ့ ဆော့ကစားကြရလို့ ပျော်စရာ ကောင်းခဲ့ပါတယ်။ ကိုယ်အမှတ်ရနေသေးတာက ပထမဆုံးနေ့မှာ နေ့လည်ထမင်းစား၊ ကစားပြီး  မောသွားတော့ စာသင်စားပွဲခုံပေါ်မှာ မျက်နှာအပ်ပြီး အိပ်ပျော်သွားလိုက်တာ ကျောင်းဆင်းခါနီး ဆရာမ လာနှိုးမှပဲ နိုးပါတယ်။ ကိုယ့်စိတ်ထဲမှာ ကျောင်းတက်ရတာ ပျော်စရာကောင်းတယ်လို့ ထင်သွားခဲ့တာ အမှန်ပါ။ နောက်တစ်ပတ်ကစပြီး ရေးလိုက်ရတဲ့ သင်ခန်းစာတွေ၊ လုပ်လိုက်ရတဲ့ အိမ်စာတွေက လက်တညောင်းပါပဲ။

ကျောင်းကြီးနဲ့ ပတ်သတ်ရင် အမှတ်ရစရာ၊ ရေးစရာတွေ အများကြီးရှိပေမယ့် နောက်ကြုံမှပဲ ရေးပါတော့မယ်။ “အ.ထ.က ၂ လ သာ၊ မျှတလှပ ချစ်စရာ၊ တိုးတက်မှာ မိုးထက်အာကာ” ဆိုတဲ့ ကျောင်းသီချင်းတစ်ပုဒ်ရဲ့ နောက်ဆုံး စာသားလေးက ကိုယ့်နားထဲစွဲနေခဲ့တာ ခုချိန်တိုင်အောင်ပါပဲ။  

လသာ ၂ ကို ချစ်တဲ့
ဇွန်မိုးစက်

၁၉၈၆-၈၇ စာသင်နှစ်၊ ဒုတိယတန်း (က)
အတန်းပိုင်ဆရာမ ဒေါ်မူမူချိုနှင့် အမှတ်တရ

ဖြည့်စွက်ချက်

0

Category:

တစ်နေ့က စိတ် ပိုစ့်မှာ စိတ် အားလုံးပေါင်း ၈၉ ပါးလို့ ဖော်ပြမိပါတယ်။ တကယ်တော့ ၈၉ ပါး က အကျဉ်းအားဖြင့်ဖြစ်ပြီး၊ အကျယ်က ၁၂၁ ပါး ရှိပါတယ်။ စိတ်အကျဉ်း ၈၉ ပါး မှာ အကုသိုလ်စိတ် ၁၂၊ ကုသိုလ်စိတ် ၂၁၊ ဝိပါက်စိတ် ၃၆ နှင့် ကြိယာစိတ် ၂ဝ တို့ ဖြစ်ပြီး၊ စိတ်အကျယ် ၁၂၁ ပါး၌ အကုသိုလ်စိတ် ၁၂၊ ကုသိုလ်စိတ် ၃၇၊ ဝိပါက်စိတ် ၅၂ နှင့် ကြိယာစိတ် ၂ဝ တို့ ပါဝင်ပါတယ်။

စာဖတ်သူများ အမှတ်မှားသွားခဲ့ရင် တောင်းပန်ပါတယ်။ 

ချစ်ခင်လေးစားလျက်
ဇွန်မိုးစက်

စိတ်

4

Category:

ရေရွတ်လိုက်တော့ တစ်လုံးတည်း၊ ဒါပေမယ့် တော်တော်အစွမ်းထက်ပြီး တန်ခိုးကြီးပါတယ်။  အရာရာတိုင်းကို သူကပဲ လွှမ်းမိုးချုပ်ကိုင်သွားတယ်။ စိတ်မပါဘဲလုပ်တဲ့ ကိစ္စတွေဆို အမှားအယွင်းပါတတ်တယ်။ ချောချောမွေ့မွေ့ မဖြစ်တော့ဘူး။ သူက အလင်းထက် မြန်တဲ့နှုန်းတဲ့ ခရီးသွားနိုင်တယ်။ တစ်ထိုင်တည်းကနေ စကြ၀ဠာအနှံ့ ခရီးဆန့်လို့ရသလို သာမန်လူကနေပဲ သမ္မတတို့၊ ၀န်ကြီးချုပ်တို့လည်း ဖြစ်နိုင်သေးတယ်။ စိတ်က လှပစေသလို၊ အရုပ်ဆိုး အကျည်းတန်သွားအောင်လည်း လုပ်တတ်တယ်။ နုပျိုမှုတွေ ပေးစွမ်းနိုင်သလို၊ အိုမင်းရင့်ရော်အောင်လည်း လုပ်ဆောင်နိုင်တယ်။ ဆင်းရဲ ချမ်းသာမှုတွေ ဖန်တီးနိုင်တာလည်း ဒီစိတ်ပါပဲ။ ချစ်တော့လည်းသူ၊ မုန်းတော့လည်းသူ၊ သနားကြင်နာပြန်တော့လည်းသူ၊ အရာရာတိုင်း သူကချည်း ခြယ်လှယ်နေတာပါ။ နိဗ္ဗာန်ရောက်အောင် တွန်းပို့ပေးမှာလည်း ဒီစိတ်၊ အပ္ပာယ် ငရဲရောက်အောင် ဆွဲချပေးမှာလည်း ဒီစိတ်ပါပဲ။ 

အဘိဓမ္မာတရားတော်အရ မြတ်စွာဘုရားဟောကြားခဲ့တဲ့ စိတ်အားလုံးပေါင်း (၈၉) စိတ်ရှိပါတယ်။   ဘုံအားဖြင့် စိတ် (၄) မျိုးရှိပြီး၊ ကာမဘုံ၌ဖြစ်သော ကာမာဝစရစိတ် (၅၄) မျိုး၊ ရူပဘုံ၌ဖြစ်သော ရူပါဝစာရစိတ်  (၁၅) မျိုး၊ အရူပဘုံ၌ဖြစ်သော အရူပ၀ါစရစိတ် (၁၂) မျိုး နဲ့ လောကုတ္တရာစိတ် (၈) မျိုးတို့ ဖြစ်ပါတယ်။ ဘုံအားလုံးမှာ ပါဝင်နေတဲ့ စိတ်ကို အချုပ်အားဖြင့် ခွဲခြားကြည့်လိုက်ရင် အကုသိုလ်စိတ် (၁၂) ပါး၊ ကုသိုလ်စိတ် (၂၁) ပါး နဲ့ အဗျာကတ (ကုသိုလ်လည်းမဟုတ်၊ အကုသိုလ်လည်းမဟုတ်သော) စိတ် (၅၆) ပါး ဆိုပြီး ရပါတယ်။   လူအမျိုးမျိုး စိတ်အထွေထွေလို့ ဆိုကြပေမယ့် အရိယာမဖြစ်သေးတဲ့ သာမန်လူတစ်ယောက်မှာ ကာမ၀စရ (၄၅) စိတ် (၅၄ ထဲက မဟာကြိယာ စိတ် ၈ နဲ့ ဟသိတုပ္ပုဒ် စိတ် ၁ နုတ်)  ထဲကနေပဲ ဖြစ်ပျက် နေကြတယ်လို့ ဆိုထားပါတယ်။ ကိုယ်တို့အားလုံး ဒီစိတ်တွေနဲ့ပဲ သံသရာခရီးတွေဆက်လို့ တစ်ဘ၀ပြီးတစ်ဘ၀ ကျင်လည်နေကြရပါတယ်။

အကုသိုလ်စိတ် (၁၂) ပါးကို အကျယ်ဖွင့်ဆိုလိုက်တော့ လောဘမူစိတ် (၈) ပါး၊ ဒေါသမူစိတ် (၂) ပါး နဲ့ မောဟမူစိတ် (၂) ပါး ရပါတယ်။  ကုသိုလ်စိတ် (၂၁) ပါးမှာ (ပုထုဇဉ်နဲ့ ရဟန္တာမဟုတ်တဲ့ သေက္ခပုဂ္ဂိုလ်တို့ပြုသော) မဟာကုသိုလ်စိတ် (၈) ပါး၊ ရူပါဝစရကုသိုလ်စိတ် (၅) ပါး၊ အရူပါဝစရကုသိုလ်စိတ် (၄) ပါး နဲ့ မဂ်စိတ် (၄) ပါးတို့ ဖြစ်ပါတယ်။ အဗျာကတစိတ်မှာတော့ ၀ိပါက်စိတ် (၃၆) ပါး နဲ့ ကြိယာစိတ် (၂၀) ပါးတို့ ပါဝင်ပါတယ်။ (ဒါ့ထက်အကျယ်တော့ ထပ်မထည့်တော့ပါဘူး၊ စာအရမ်းရှည်ပြီး၊ ဖတ်တဲ့သူတွေ ရှုပ်သွားမှာစိုးလို့ပါ)။ ကြုံကြိုက်တုန်း ဒီနေရာမှာ ပြောပြချင်တာလေးတစ်ခု ရှိပါတယ်။ စိတ်တစ်ခု ရုပ်ကိုးဆယ် ဆိုပြီး တစ်ချို့ အမှတ်မှားနေကြသူတွေ ရှိပါတယ်။ တကယ့်အမှန်က စိတ် တစ်ခုယုတ် ကိုးဆယ် ဖြစ်ပါတယ်။ စိတ်ပေါင်း ၈၉ စိတ်ကို ၉၀ထဲက တစ်ခုယုတ်လျော့တဲ့အနေနဲ့ ရှေးက မှတ်သားခဲ့ကြောင်း သိရပါတယ်။ 

ဟိုအရင်ကတော့ လောဘစိတ်ဆိုတာ အလိုရမ္မက် လောဘကြီးတဲ့သူတွေမှာသာ ရှိတဲ့စိတ်လို့ ထင်ခဲ့မိပါတယ်။ ဒေါသဆိုရင်လည်း စိတ်ဆိုးအမျက်ထွက်မှ ဒေါသလို့ ထင်ပါတယ်။ အဘိဓမ္မာသင်ရမှ လောဘစိတ်၊ ဒေါသစိတ်တွေကို သေသေချာချာ သိလာပါတယ်။ မနက်မိုးလင်းလို့ အိပ်ရာထ မှန်ကြည့်ပြီး မျက်နှာသစ်၊ သွားတိုက်ရာက အစ၊ ညအိပ်ရာဝင်ချိန်ထိအဆုံး (ဘုရားရှိခိုး၊ မေတ္တာပို့ချိန် တွေကလွဲလို့) လောဘ၊ ဒေါသ စိတ်တွေနဲ့ ရှင်သန်နေကြရတာပါ။

လောဘစိတ်က လိုချင်တောင့်တ တပ်မက်နှစ်သက်မှုတွေ ဖြစ်စေပါတယ်။ အစားကောင်းစားချင်တာ၊ ရုပ်ရှင်ကားကောင်းတွေ၊ သီချင်းတွေကြိုက်တာ၊  ကိုယ်နှစ်သက်သဘောကျတဲ့သူအကြောင်း ထပ်ပြန်တလဲလဲတွေးတာ... စသဖြင့်ပေါ့။ ဒေါသစိတ်မှာကျတော့ စိတ်ဆိုးတာ၊ စိတ်တို စိတ်အလိုမကျတာ၊ ၀မ်းနည်းအားငယ် နာကျင်စိတ်မကောင်းဖြစ်တာအားလုံး ပါဝင်ပါတယ်။ လောဘနဲ့ ဒေါသက တစ်ခုပြီးတစ်ခု လိုက်ဖြစ်တတ်ပါတယ်။ ဥပမာ - ကိုယ်စားချင်တဲ့ အစားအစာ မစားလိုက်ရတဲ့အခါ၊  အလုပ်ကို အချိန်မှီရောက်ဖို့ ဘတ်စ်ကားစောင့်ရတာ ကြာတဲ့အခါ၊ ကိုယ့်ချစ်သူက ဖုန်းဆက်ရင် မကိုင်တဲ့အခါ (မြင်လွယ်တဲ့ ဥပမာပေးလိုက်တာပါ) ၊ ကိုယ့်အလိုဆန္ဒတွေ မပြည့်နိုင်တဲ့အခါမှာ  ဒေါသစိတ်ကကပ်ပြီး လိုက်ပါလာပါတယ်။ ဒေါသစိတ်ဖြစ်တဲ့အလျောက် ပြုမူမိတဲ့အခါ အမှန်ကို မမြင်တော့ဘဲ မောဟတွေဖုံးလွှမ်းပြီး အမှားတွေ လုပ်မိပါတယ်။ (အ၀ိဇ္ဇာလို့ခေါ်တဲ့ မောဟက မွေးကတည်းကဖုံးထားလို့ ကိုယ်တို့အားလုံး ပညတ်ကို ပရမတ်တွေထင်ပြီး ရှင်သန်နေခဲ့တာကတော့ အစမထင်တဲ့ သံသရာခရီး တစ်လျှောက်လုံးပါ)။ ဒါကြောင့်မို့လည်း မြတ်စွာဘုရားက လောဘ ဒေါသ မောဟ ရယ်လို့ မိန့်တော်မူခဲ့တာကိုးလို့ ကိုယ် ကောင်းကောင်းကြီး သဘောပေါက်သွားပါတယ်။

မွေးကင်းစကလေးငယ်တွေ မိခင်နို့သောက်ရတဲ့ အချိန်ကစလို့ လောဘစိတ် ကလေးဖြစ်နေပါပြီ။ နို့ဆာလို့ အော်ငိုချိန်မှာတော့ ဒေါသစိတ် ကလေးနဲ့ပေါ့။ ဒါပေမယ့်လည်း  မောဟကြောင့် အမှန်ကိုမမြင်ဘဲ သတ္တ၀ါအားလုံး ဒီစိတ်တွေနဲ့ပဲ လောကီအာရုံ ကာမဂုဏ်မှာ စိတ်စေရာ ကျက်စားရင်း မွေ့လျော် နေခဲ့ကြပါတယ်။ အကုသိုလ်စိတ်မှန်း မသိခဲ့တော့ ငယ်ငယ်က ဒေါသကြီးတာတောင် ဂုဏ်ယူမိခဲ့ ပါသေးတယ်။

လုပ်ငန်းခွင်ထဲ အလုပ်မပြီးမှာ စိုးရိမ်ပူပန်ရတဲ့သောကတွေ၊ အလုပ်မှာ လုပ်ဖော်ကိုင်ဖက်အချင်းချင်း စကားအချေအတင် ပြောဆိုရတဲ့အချိန်၊  ကိုယ့်လုပ်ရပ်ကို အသိမှတ်ပြုခံရလို့ ၀မ်းသာသည်ဖြစ်စေ၊ အထင်လွဲခံရလို့ ၀မ်းနည်းသည်ဖြစ်စေ စိတ်အားလုံးကတော့ လောဘ၊ ဒေါသစိတ်ပေါ်မှာ အနည်းနဲ့အများ  အခြေခံပြီး ဖြစ်သွားပါတယ်။ ဒီလိုဆို ကုသိုလ်စိတ်တွေ မရှိသလောက်ဖြစ်နေပြီပေါ့လို့ မေးလာစရာ ရှိပါတယ်။ သတိမမူဘဲ သာမန် နေထိုင်သွားရင်တော့ အကုသိုလ်စိတ်က ပိုများတယ်လို့ ပြောလို့ရပါတယ်။

အလှူဒါနတစ်ခု စိတ်ပါလက်ပါ ပြုမိတဲ့အချိန်အခါမျိုး၊ ဘုရားဂုဏ်တော် ပွားများနေတဲ့အခါ၊ မေတ္တာပွားများ တဲ့အခါ၊ တရားဘာဝနာ အားထုတ်နေခိုက်မှာ၊ သီလစောင့်ခိုက် တရားနာယူခိုက်မှာ၊ သူတစ်ပါး ကောင်းမှုပြုတဲ့အခါ ကိုယ်က ကြည်နူးမှုနဲ့ သာဓုခေါ်တာ၊ အကူအညီလိုအပ်နေသူတွေကို အကူညီပေးခိုက်မှာ စသဖြင့် ကောင်းမှုမှန်သမျှ ပြုမိတဲ့အချိန်တိုင်း ကုသိုလ်စိတ်တွေ ဖြစ်ပါတယ်။ လက်တစ်ဖျစ်မှာ စိတ်ကုဋေတစ်သိန်းဖြစ်လို့ တစ်မိနစ်စာ ကုသိုလ်စိတ်ဖြစ်ရုံနဲ့ ကုသိုလ်စိတ်ပေါင်း ကုဋေသိန်းချီရပြီးသား ဖြစ်သွားပါတယ်။ အကုသိုလ်စိတ်လည်း ထို့အတူပါပဲ။

ဒီလို စိတ်သဘောတရားလေး သိသွားတဲ့အခါကျတော့ ကိုယ့်ကိုယ်ကို ဘာစိတ်ဖြစ်နေလဲဆိုပြီး အရင်ကထက် မြင်တတ်သွားပါတယ်။ ထူးခြားတာကတော့ အဲလိုသိလိုက်တာနဲ့တစ်ပြိုင်နက် ဖြစ်ပေါ်နေတဲ့စိတ်က အရှိန်နည်းပြီး အားပျော့ သွားပါတယ်။ ကိုယ်ဝမ်းနည်းတဲ့ အခိုက်တောင် ငါဒေါသစိတ် ဖြစ်နေပါလား၊ အကုသိုလ်စိတ် ဖြစ်နေပါလားဆိုပြီး အသိဝင်သွားပါတယ်။ ကိုယ်က တီဗွီဇာတ်လမ်းတွဲကောင်းတွေ၊ ရုပ်ရှင်တွေ ကြိုက်တဲ့အခါကျတော့ ကြည့်နေ တဲ့အခိုက်မှာ လောဘစိတ်နဲ့  သာယာပြီး တစ်လျှောက်လုံးကြည့်မိတာ  အရင်ကတော့ မသိခဲ့ပေမယ့် သိသွားတဲ့အခါကျတော့ ကိုယ်ကြည့်နေတဲ့ ဇာတ်လမ်းအပေါ်မှာ စွဲလမ်းမှုက သိသိသာသာ လျော့နည်းသွားတာ တွေ့လိုက် ရပါ တယ်။ ကြည့်နေတဲ့ အခိုက်မှာတောင် သြော်...ငါဟာ လောဘစိတ်နဲ့ ကြည့်နေပါလားဆိုတဲ့ အသိလေး ၀င်ဝင်လာပါတယ်။ သီချင်းနားထောင်လည်း အဲဒီ့အတိုင်းပဲ ဖြစ်သွားတယ်။ စွဲလမ်းတပ်မက်မှု (လောဘ)  စိတ်က နည်းနည်းလေးဖြစ်ဖြစ် လျော့ပါးသွားတာ အမှန်ပါပဲ။

ဒါပေမယ့် ကိုယ်လည်း လောကီသားထဲက တစ်ယောက်ပေမို့ လောဘ၊ ဒေါသ၊ မောဟတွေနဲ့ ရှင်သန် နေထိုင် ရတုန်းပါပဲ။ ခုလောက်သိမြင်ခွင့် ရလိုက်တာကိုက ၀မ်းသာစရာပါ။ ဒီစိတ်တွေသာ ဖြတ်ချ ပစ်လိုက်နိုင်ရင် နောက်ထပ်သံသရာမှာ ကျင်လည်နေစရာအကြောင်း မရှိတော့ပါဘူး။ အခုနေ  နိဗ္ဗာန်လိုချင်ပြီလားမေးရင် မဖြေနိုင်သေးပါဘူး။ သံသရာအဆက်ဆက် လိုက်ပါလာတဲ့ ဒီစိတ်၊ စေတသိက်တွေ ကြိုးဆွဲရာအောက် ခန္ဓာဆိုတဲ့ ၀န်ကြီးကိုထမ်းလို့ ကျေကျေနပ်နပ်ကြီး ကပြ   အသုံးတော်ခံနေရဆဲပါပဲ။


ချစ်ခင်လေးစားလျက်
ဇွန်မိုးစက်

ကျမ်းကိုး။  ။ဗုဒ္ဓအဘိဓမ္မာ အနှစ်ချုပ် - ဒေါက်တာမင်းတင်မွန်

သူ

12

Category:

နှစ်သစ်မှာ တွေ့လိုက်ရတဲ့ သူက သိပ်လှ၊ သိပ်ချစ်ဖို့ကောင်းနေလိုက်တာ။ သာမန်နေ့တွေဆို ရိုးရိုးရှင်းရှင်း နေတတ်တဲ့သူက အထိမ်းအမှတ်ရှိတဲ့နေ့တွေဆို စတိုင်တစ်မျိုးနဲ့ ပိုကြည့်လို့ကောင်းနေပြန်တာ။ သူနဲ့ကျွန်မ ရင်းနှီးခဲ့တာ နှစ်တွေ မနည်းတော့ပဲ။ သူ့နာမည် စကြားကာစအချိန်နဲ့ဆို ကိုးနှစ်တောင် ရှိပါရော့လား။

ဟိုတုန်းက သူ့ကို အခုလောက်ထိ အားကိုးရလိမ့်မယ်လို့ ကျွန်မ မထင်ထား ခဲ့မိတာအမှန်။ အခုတော့ ကျွန်မဘ၀ရဲ့ အတိုင်းအတာတစ်ခုအထိ သူက ကြီးစိုးနေလိုက်တာ။ သူ့အကူအညီမပါဘဲနဲ့ ဖြတ်ကျော်ခဲ့ရတဲ့နေ့ရက်တွေ မရှိသလောက်ဘဲပြောရင် လွန်ရာကျလေမလားမသိ။ ထင်ချင်သလိုသာ ထင်ကြ ပါတော၊့ ကျွန်မသူ့ကို လိုအပ်ခဲ့တာ နေ့စဉ်နဲ့အမျှပါ။

အလုပ်ထဲမှာလည်း သူမရှိရင်မဖြစ်။ တစ်ခုခုသိချင်တာများရှိရင် သူ့ကိုပဲ လှမ်းလှမ်းမေးရတာ။ ကျွန်မ မဖြေရှင်းနိုင်တဲ့ ကိစ္စတွေရှိလာပြီဆို အနားက လုပ်ဖော်ကိုင်ဖက်တွေကို အကူအညီတောင်းမရရင် သူ့ကိုပဲအားကိုးရတာ။ နည်းပညာပိုင်းနဲ့ ပတ်သက်လာရင်ဖြစ်ဖြစ်၊ ဘာသာစကားအသုံးအနှုန်းနဲ့ ပတ်သက်ရင်ပဲဖြစ်ဖြစ် သူ့ကိုမေးကြည့်ရတာ အမော။ စိတ်ရှည်လက်ရှည်နဲ့ မှန်မှန်ကန်ကန် မြန်မြန်ဆန်ဆန် ပေးတတ်တဲ့ သူ့အဖြေတွေက ကျွန်မရဲ့ လိုအပ်ချက် ရာခိုင်နှုန်းအတော်များများကို ဖြည့်ဆည်းပေးနိုင်ခဲ့တာချည်းပါပဲ။  ပထ၀ီဝင်ကို စိတ်ဝင်စားတဲ့ကျွန်မ၊  ကိုယ်မရောက်ဘူးသေးတဲ့ နေရာဒေသ အကြောင်းတွေဆိုလည်း သူက မြေပုံနဲ့ စနစ်တကျ ရှင်းပြလိုက်သေးတာ။ ဒါကြောင့်လည်း ကျွန်မ သူ့ကို အားကိုးပြီးရင်း အားကိုး၊ ချစ်ပြီးရင်းချစ်ပေါ့။

သူက...
ကျွန်မရဲ့ အတိုင်ပင်ခံ၊ အချစ်တော်
အသည်းစွဲ အမြဲတမ်း G O O G L E  တဲ့။


ချစ်ခင်လေးစားလျက်
ဇွန်မိုးစက်