ခြေရာများနှင့်ခွဲခွာခြင်း

9

Category: , ,


စတုတ္ထရိပ်သာ ပေါ်မှာ သူမ အထပ်ထပ်လျှောက်လှမ်းခဲ့ဖူးသော ခြေရာများနှင့် ခွဲခွာရတော့မည်ဟူသော အသိက သူမရင်ကို ဆွေးမြေ့စေသည်။ တစ်ချိန်က သူမရေးခဲ့ဖူးသည့်အတိုင်း နေရာသစ် မပြောင်းမရွှေ့ချင်း သူမ စတုတ္ထရိပ်သာလမ်းပေါ်မှာပဲ နေထိုင်ခဲ့သည်။ သူမ သိပ်နှစ်သက်သော လမ်းမကျယ်ရဲ့ တစ်ဖက်တစ်ချက်စီမှာလည်း ပြောင်းလဲမှုတွေ ကိုယ်စီနှင့်။ မြက်ခင်းပြင်စိမ်းစိမ်းစိုစိုနှင့် ကွင်းပြင်ကျယ်ကြီးသည် ယခုတော့ ၀န်းခတ်ထားသော အဆင့်မြင့်လူနေတိုက်မြင့်စီမံကိန်းအဖြစ် အသွင်ပြောင်းသွားခဲ့သည်။ ယခင်က ရေညှိစိမ်းရောင် သန်းခဲ့သော ပလက်ဖောင်းကျောက်ပြားတို့နေရာတွင် အဖြူရောင်မပြယ်သေးသော အင်္ဂတေပလက်ဖောင်းအသစ်တို့ အစားထိုး နေရာယူခဲ့ပြီ။ စတုတ္ထရိပ်သာလမ်းတစ်လျှောက် သူမ ဓာတ်ပုံရိုက်ဖို့ ကြိုးစားသော်လည်း ပလက်ဖောင်းအသစ်ခင်းနေသော အလုပ်သမားတို့ရှိနေ၍ စိတ်တိုင်းကျ ရိုက်ခွင့်မရခဲ့ပါ။

အနှီခြင်္သေ့ကျွန်းငယ်ကလေးတွင် သူမ မက်မက်မောမော နှစ်ခြိုက်မိသည့် နေရာ အနည်းငယ်သာရှိသည်။ ထိုနေရာများသည် လူသိများသော အထင်ကရ နာမည်ကျော်နေရာများမဟုတ်ကြပါ။ သူမ ငါးနှစ်ဆက်တိုက်နေထိုင်ခဲ့သော စတုတ္ထရိပ်သာလမ်း၊ နောက်ပြီး ဘူတာရုံကဆင်းလျှင် အောက်ဘက်လှေကားကို ဆင်းမသွားဘဲ အနည်းငယ်တည့်တည့်လျှောက်ပြီးသည့်အခါ ဘယ်ဘက်ချိုး၍ ကားရပ်နားရာနေရာကို ဖြတ်ပြီး လျှောက်သွားရသော မြက်ခင်းစိမ်းများနှင့်ကုန်းမြင့်ပေါ်မှာရှိသော လမ်းကလေး။ ဟိုးယခင်ကတော့ ဒီလမ်းကလေးမှာ ကျောက်ပြားတစ်ချပ်ချင်းစီ ချထားခဲ့သည်။ သူမကျောင်းသူဘ၀တုန်းက ထိုကျောက်ပြားလေးများကို တစ်ခုစီကျော်နင်းပြီး လျှောက်လေ့ရှိသည်။ မကြာသေးမီကာလအတွင်းက အင်္ဂတေလမ်းသစ် ပြောင်းခင်းထားသည်ကို တွေ့ရသည်။ သူမက အစွဲအလန်းကြီးသူပီပီ အင်္ဂလမ်းသစ်ထက် ကျောက်ပြားလမ်းဟောင်းကို ပိုသဘောကျပါသည်။ ထိုကုန်းမြင့်လမ်းကလေးပေါ်မှာ ဖြတ်လျှောက်လျှင် သူမ နေထိုင်ရာ တိုက်တန်းလျားရှည်ကြီးကို မြင်ရသည်၊ သူမ နှစ်သက်သော စတုတ္ထရိပ်သာလမ်းကိုလည်း အပေါ်စီးမှ ကြည့်မြင်ခွင့်ရသည်။


နောက်ထပ် သူမ နှစ်သက်မိသော နေရာတစ်ခုကတော့ မြို့လယ်ခေါင်နားမှာဖြစ်သည်။ ထိုနေရာကို လွန်ခဲ့သော ဆယ့်နှစ်နှစ်က စတင်ရောက်ဖူးခဲ့ချိန်မှစပြီး နှစ်ခြိုက်သဘောကျသွားခြင်း ဖြစ်သည်။ တန်ဂျုန်ပါဂါးဘူတာရုံမှ ထွက်ပေါက် အက်ဖ်အတိုင်းလိုက်ပြီး စက်လှေကားဖြင့်တက်သွားလျှင် မြင်ရသော Capital Tower ရှေ့မျက်နှာစာက ရင်ပြင်ဖြစ်သည်။ သူမက ခေါ်ဆိုရလွယ်အောင် ရင်ပြင်ဟု ကိုယ့်ဖာသာ နာမည်တပ်လိုက်ခြင်းဖြစ်သည်။ ထိုနေရာကို သူမ အလွန်အမင်းနှစ်သက်ရသည့် အကြောင်းရင်းမှာ ရင်ပြင်တစ်ဘက်မှာ စနစ်တကျကန်ပြုလုပ်ပြီး မွေးထားသော ရွှေငါးများကြောင့်ဟုဆိုလျှင် မမှားပါ။ သူမ ကျောင်းတက်တုန်းက ရွှေငါးမွေးချိန် သိပ်မကြာသေး၍ထင်သည်၊ ငါးများ၏ အရွယ်အစားမှာ ခပ်သေးသေးဖြစ်သည်။ နောင်နှစ်အတန်ကြာပြီး သူမ ထိုနေရာသို့ တကူးတက သွားရောက်ကြည့်ရှုသည့်အခါ ငါးများ၏အရွယ်အစားမှာ သိသိသာသာ ကြီးမားနေသည်ကို တွေ့ရသည်။ ကန်ဘောင်အနီးက စက်လှေကားနှင့် ကပ်ရပ်မှာရှိသော ခုံတန်းလေး၏ ဘယ်ထောင့်စွန်းမှာ ထိုင်ရင်း သူမ ငါးများကို တငေးတမော ငေးကြည့်တတ်သည်။ စိတ်လိုလက်ရ ငါးတို့ကို ဓာတ်ပုံရိုက်တတ်သည်၊ ရှေ့က ရောင်စုံဘောလုံးသဖွယ် အလှဆင်ထားသော တိုင်များကြားမှာ ဖြာထွက်နေသောရေပန်းကိုကြည့်ရင်း အတွေးတွေ ဖြန့်ကျက်တတ်သည်။


သူမဘ၀တွင် ထူးခြားသော၊ ပုံမှန်မဟုတ်သော အပြောင်းအလဲများဖြစ်လေ့ရှိတိုင်း သူမ ထိုနေရာသို့ သွားရောက်တတ်သည်မှာ အလေ့တစ်ခုလိုဖြစ်ခဲ့သည်။ သူမ အလွန်နှစ်သက်သောနေရာတစ်ခုကို အမြဲမရောက်ဖြစ်သော်လည်း အပြောင်းအလဲတွေကြုံသောအခါမှ၊ နှစ်တွေခြားပြီးမှ တစ်ကြိမ်နှစ်ကြိမ်ရောက်ဖြစ်တာက လုံးဝမရောက်ဖြစ်သည်ထက်စာလျှင်တော့ သိပ်မဆိုးလှဟု နှစ်သိမ့်မိသည်။ သူမ ခြင်္သေ့ကျွန်းမှ မထွက်ခွာခင် ထိုနေရာလေးသို့ တကူးတက သွားရောက်ပြီး အတိတ်၊ ပစ္စုပ္ပန်၊ အနာဂတ်သုံးခုလုံးကို ပြန်လှန်တွေးဆ မြင်ယောင်ကြည့်ခဲ့သည်။ ရောင်စုံရွှေငါးများကို တခုတ်တရ မှတ်တမ်းတင်ခဲ့သည်။ ရှေ့တူရူက သွားလာလှုပ်ရှားနေသော လူများကို ဝေဖန်ခြင်းကင်းသော မျက်လုံးဖြင့် ကြည့်မြင်ခဲ့သည်။ မိနစ်သုံးဆယ်ဟူသော အချိန်ကာလသည် သူမ စိတ်လိုလက်ရ အေးအေးဆေးဆေးထိုင်ချင်သော အကြိုက်ဆုံးနေရာတစ်ခုမှ ခြေလှမ်းပြင်ထွက်ခွာရန် တိုတောင်းလွန်းလှပါသည်။ သူမ မထချင်၊ ထချင်နှင့် မတ်တပ်ရပ်ပြီးသည့်အခါ ထိုင်ခုံလေးနှင့် အရောင်စုံငါးကြီးများကို နှုတ်ဆက်လိုက်သည်။


တကယ်တော့ ဤကျွန်းလေးပေါ်တွင် သူမ မရောက်ဖူးသေးသည့် နေရာသစ်၊ဟောင်းများ များစွာ ကျန်နေပါသော်လည်း သူမ အချိန်ပေး သွားရောက်လည်ပတ်ဖို့ မစဉ်းစားခဲ့မိပါ။ သူမ နှစ်သက်သဘောကျသော နေရာဟောင်းများ၌သာ သူမ၏ ခြေလှမ်းများ ထပ်ခါထပ်ခါ လှမ်းရခြင်းကို ကျေနပ်ပါသည်။ ယခုအချိန်မှာတော့ ထိုခြေရာများနှင့် သူမ ခွဲခွာရတော့မည်။ အမှတ်ထင်ကျန်ရစ်သော သူမ၏ ခြေရာများကိုသာမက၊ သူမနှင့်အတူ လျှောက်လှမ်းခဲ့ဖူးသော ချစ်ခင်သူများ၏ ခြေရာများနှင့်လည်း အချိန်ကာလတစ်ခုအထိတော့ သူမ ခွဲခွာရဦးမည်။ လမ်းဟောင်းပေါ်က ခြေရာများကို လမ်းသစ်မှာချနင်းလျှောက်လှမ်းရန် သူမ အားယူဆွဲနှုတ်လိုက်သည့်အခါ အလွမ်းများနှင့်အတူ ဘယ်ဘက်ရင်အုံက ဆစ်ခနဲ နာကျင်သွားခဲ့ပါသည်။


ဇွန်မိုးစက်

နှုတ်ဆက်သောနေ့

6

Category: , ,


လွန်ခဲ့သော ခြောက်လတိတိက ထိုလမ်းမအတိုင်း တည့်တည့်လျှောက်လာသော ကျွန်မ၏ခြေလှမ်းနှင့်အတူ တွယ်ကပ်လိုက်ပါလာသော စိတ်လှုပ်ရှားမှုကို ကျွန်မသတိတရ ပြန်လည်ခံစားမိသည်။ ကျွန်မ ဟိုး…တစ်ချိန်က ဆန္ဒရှိခဲ့ဖူးရာ ၀န်ထမ်းလေးထောင်ကျော်ရှိသော ရုံးအဖွဲ့အစည်းမှာ အလုပ်လုပ်ခွင့် ရတော့မည်ကတစ်ကြောင်း၊ ယခင်အလုပ်များနှင့် မတူညီဘဲ သဘောသဘာဝကွဲပြားသော ဌာနမှာအလုပ်ဝင်ရမည်ကတစ်ကြောင်း၊ လုပ်ဖော်ကိုင်ဖက်အသစ်များနှင့် ဆုံတွေ့ရမည်ကတစ်ကြောင်း… ရုံးတက်စနေ့က ကျွန်မ အမှန်တကယ်ပင် စိတ်လှုပ်ရှားနေခဲ့ပါသည်။ တကယ်တမ်းအလုပ်ဝင်တော့ ကျွန်မ မျှော်လင့်ထားသည်ထက် အဆပေါင်းများစွာ အဆင်ပြေပျော်ရွှင်ခဲ့ရသည်။ ခြင်္သေ့ကျွန်းကလေးမှာ ကျွန်မဆက်တိုက်နေထိုင်ခဲ့စဉ် ခုနစ်နှစ်အတွင်း ဒုတိယအကြိမ်ပြောင်းခဲ့သော တတိယလုပ်ငန်းခွင်သည် အကောင်းဆုံးဖြစ်ခဲ့သော်လည်း ခြောက်လသာ လုပ်ခွင့်ရလိုက်သည့်အတွက် ကျွန်မစိတ်မကောင်းဖြစ်ရသည်။ တကယ်တမ်းကျွန်မဆန္ဒရှိပါလျှင် နှစ်ရှည်လများ နေထိုင်လုပ်ကိုင်နိုင်ပါသော်လည်း ကျွန်မကိုယ်တိုင် ဆုံးဖြတ်ခဲ့သော ဘ၀ရှေ့ရေးအတွက် ကျွန်မ အမြဲတမ်းဝန်ထမ်းအဖြစ် စာချုပ်မချုပ်ဆိုနိုင်ခဲ့ပါ။

ဘရက်ဒဲလ်ဘူတာရုံ ညာဘက်ပေါက်မှထွက်ပြီး ရှေ့မှာမြင်နေရသော မီးပွိုင့်ဆီ အမိုးလျှောက်လမ်းကလေးအတိုင်း တည့်တည့်လျှောက်ရင်း ဘတ်စ်ကားဂိတ်အနီးမှာ မနက်တိုင်းဝေသော သတင်းစာကို ကျွန်မအမြဲယူလေ့ရှိသည်။ ကျွန်မက သတင်းစာဖတ်ရတာကြိုက်သူပီပီ လမ်းမှာတွေ့သမျှ၊ ဝေသမျှ သတင်းစာတွေ တကူးတကသယ်ပြီး ရုံးရောက်သည့်အခါ မနက်စာစားရင်း၊ ဒါမှမဟုတ် နေ့လည်ထမင်းစားပြီးချိန်မှာ တစ်ရွက်ချင်း အေးအေးဆေးဆေး လှန်လျော ဖတ်ရှုတတ်ပါသည်။ ရုံးမှာအလုပ်များ၍ မဖတ်ဖြစ်လျှင် ကျွန်မစိတ်ဝင်စားသော ဖတ်ချင်သေးသော သတင်းဆောင်းပါးများပါနေလျှင် အိမ်ကိုသယ်ပြီး ညဘက်မှာ ဖတ်တတ်ပါသေးသည်။ သတင်းစာဝေသော အန်တီကြီးအနီးမှာ ကာရီပတ်ဖ်သုံးခုကို တစ်ဒေါ်လာဖြင့်ရောင်းသော မလေးလူမျိုးများကို ရံဖန်ရံခါ တွေ့ရတတ်သည်။ ကျွန်မအိမ်က မနက်စာမယူလာနိုင်သည့်အခါမျိုး၊ ရုံးပေါ်ရှိကင်တင်းသို့သွား၍ မနက်စာဝယ်လျှင် ငါးမိနစ်ခန့် နောက်ကျသွားနိုင်သည့် အခြေအနေမျိုးမှာ ရုံးသွားဟန်လွှဲတွေ့ရသော၊ ဈေးလည်းချိုသော ကာရီပတ်ဖ်ကို ကျွန်မ၀ယ်စားဖြစ်သည်။

မီးပွိုင့်ကျော်ပြီး လမ်းဖြတ်ကူးလာချိန်မှစ၍ ရုံးဝင်ပေါက်ရောက်သည်အထိ ခပ်သွက်သွက် လမ်းလျှောက်လာချိန်တွင် နေ့တိုင်းနီးပါး ကျွန်မကိုခေါ်ဆောင်သွားသည့် အာရုံတစ်ခုရှိသည်။ ကျွန်မ ကျောင်းတက်စ သူငယ်တန်းမှာ လသာ၂ကျောင်းဂိတ်ပေါက်မှ ကျောင်းရှေ့မျက်နှာစာ ပေါ်တီဂိုဝင်ပေါက် ရောက်သည်အထိ
 လျှောက်လှမ်းရသောအခါ ဖြစ်ပေါ်လာသည့် အလားတူ စိတ်ခံစားမှုမျိုးဖြစ်သည်။ ၅နှစ်သမီးအရွယ် ခြေလှမ်းသေးသေးလေး၏ ရှေ့တူရူမှာရှိနေသော ကျောင်းကြီးက ကြီးမားထည်ဝါလွန်းပြီး ထိုကျောင်း၏ ကျောင်းသူဖြစ်ရသည်ကို ၀မ်းသာဂုဏ်ယူမိသည့် ခံစားချက်မျိုး နောင်နှစ်ပေါင်းများစွာကြာပြီး ဘ၀တစ်ဆစ်ချိုးက လုပ်ငန်းခွင်ဝင်သောတစ်ချိန်မှာ ပြန်လည်ခံစားရလိမ့်မည်ဟု ထိုစဉ်က ကျွန်မ ကြိုမသိခဲ့ပါ။ 

တကယ်လည်း ရုံးကြီးက ကျောင်းကြီးနှင့် ဆင်တူပါသည်။ ကျွန်မဆယ့်နှစ်နှစ်တိုင်တိုင် ပညာသင်ယူခဲ့သော အထက်ကျောင်း လသာ ၂ မှာ ကျောင်းဆေးခန်းရှိသည်၊ မိုးလုံလေလုံအားကစားခန်းမကျယ်သာမက ကျောင်းဝင်းထဲမှာ ဆော့ကစားနိုင်သော ဘတ်စ်ကတ်ဘောကွင်း အကျယ်ကြီးတွေလည်းရှိသည်၊ မုန့်ဈေးတန်းမဟုတ်သော သီးခြားလက်ဖက်ရည်ဆိုင်ကင်တင်းရှိသည်၊ ကျောင်းအ၀င်ဝမှာ ပန်းရောင်စုံတွေ စီရရီစိုက်ပျိုးထားသည့် ပန်းခင်းလှလှရှိသည်။ ထို့အတူ ကျွန်မတို့ရုံးအတွင်းမှာလည်း ပန်းခင်းတွေ၊ ရေတံခွန်တွေရှိသည်၊ ဆေးခန်းရှိသည်၊ အားကစားခန်းမရှိသည်၊ ရုံးအမိုးပေါ်မှာ တင်းနစ်၊ ကြက်တောင် ကစားနည်းများအတွက်လည်း ရိုက်ကွင်းရှိသည်၊ တစ်ပတ်လုံးမထပ်အောင်စားနိုင်သော၊ အဖိုးနှုန်းချိုသာစွာဖြင့် ရောင်းချပေးသော စားသောက်ဆိုင်များနှင့် ကင်တင်းရှိသည်။ ငယ်ငယ်တုန်းက ကျောင်းကြီးအနှံ့ရောက်ဖို့ အချိန်တော်ကြာကြာအားထုတ်ခဲ့ဖူးသောကျွန်မ ရုံးနေရာအနှံ့ရောက်ဖို့၊ အထပ်မတူညီသော ဓာတ်လှေကားတွေစီးကြည့်ဖို့ တစ်ပတ်အချိန်ယူခဲ့ရပါသည်။

မနက်တိုင်း ထမင်းစားခန်းမှာဖြစ်ဖြစ်၊ သန့်စန်ခန်းမှာပဲဖြစ်ဖြစ် တွေ့ဆုံကြသည့်အခါ သိသိမသိသိ မည်သူ့ကိုမဆို ဖော်ရွေစွာပြုံးပြနှုတ်ဆက်ကြသော ၀န်ထမ်းတွေ ကျွန်မ ဒီရုံးရောက်မှ တွေ့ဖူးသည်။ အစည်းအဝေးတစ်ခုလုပ်တိုင်း နင်တို့ကို ဘယ်သူတွေအနိုင်ကျင့်သေးလဲဟု အမြဲမေးတတ်သော၊ ညနေ၆နာရီခွဲကျော်သည်နှင့် အိမ်ပြန်ခိုင်းတတ်သော၊ သူပေးသောအလုပ်များ ပြီးသွားသည့်အခါတိုင်း ကျေးဇူးတင်စကား မပျက်မကွက် ပြောလေ့ရှိသော မန်နေဂျာ၊ ကျွန်မ ကြိုတင်ယူမည့် လစာမဲ့ခွင့်အတွက် လစာအဖြတ်မခံရအောင် နားလည်မှုနှင့် ဆိုင်းထိုးပေးချင်သော အထက်လူကြီး၊ အလုပ်တွေဘယ်လောက်များများ ကျွန်မ မအားဘူးဆိုလျှင် ဘယ်တော့မှ သူ့အလုပ်တွေ ခွဲဝေမပေးဘဲ တစ်ယောက်တည်း နောက်ကျနေပြီး ဒိုင်ခံလုပ်တတ်သော လုပ်ဖော်ကိုင်ဖက်မျိုး… ကျွန်မ ဒီရုံးရောက်မှ ကြုံဖူးပါသည်။ အဲလိုလူမျိုးတွေနှင့် ကျွန်မ ဆုံတွေ့ရသည့်အခါ ငါဘာဖြစ်လို့ စောစောစီးစီး ဒီလိုအဖွဲ့အစည်းမျိုးမှာ မလုပ်ခဲ့မိပါလိမ့်ဟု နောင်တရချင်သည်။ ဒီ့မတိုင်ခင်အလုပ်မှာ ကျွန်မ လေးနှစ်ခွဲငါးနှစ်နီးပါး ပေကပ်စွာ လုပ်ခဲ့သည့်အချိန်တွေကို နှမြောမိသွားသည်။

ရုံးအဖွဲ့အစည်းကြီးမားသည်နှင့်အမျှ တစ်နှစ်တာပတ်လုံး ရှိနေသည့် ညစာစားပွဲတွေ၊ နေ့လည်စားပွဲတွေကို မကြာခဏတက်ရောက်ခွင့် ကြုံပါသည်။ ယခင့်ယခင် ကြုံခဲ့ဖူးသမျှ စားပွဲများထက် အဆပေါင်းများစွာ အမှတ်ရပျော်စရာကောင်းသည်ချည်းဖြစ်သည်။ ဗဟိုသတင်းဌာနတည်ရှိရာ ကျွန်မတို့ရုံးသို့ လာရောက်လေ့လာကြသော ကျောင်းသူကျောင်းသားများ၊ နိုင်ငံခြားသတင်းဌာနမှ ဧည့်သည်များကိုလည်း မကြာမကြာ တွေ့ဆုံရတတ်ပါသည်။ သတင်းဌာနမှာ လုပ်ကိုင်နေကြသူများပီပီ အခန်းထဲက ရုပ်မြင်သံကြားစက်ကို တစ်နေကုန် ဖွင့်ထားပြီး၊ ကိုယ်စိတ်ကြိုက်ရာ သီချင်းများကိုလည်း ခပ်တိုးတိုးဖွင့်ကာ နားဆင်အလုပ်လုပ်နိုင်သော၊ ခြောက်ကပ်ပျင်းရိဖွယ်မကောင်းဘဲ အမြဲတမ်းရှင်သန်လှုပ်ရှားနေသော ပတ်ဝန်းကျင်မှာ အလုပ်လုပ်ခွင့်ရသည်ကို ကျွန်မကြိုက်ပါသည်။  တခါတရံ အလုပ်လုပ်နေရင်း စိတ်ဖိစီးမှုရလာသည့်အခါမျိုး၊ ခေါင်းကိုက်မျက်စိညောင်းလာသည့် နေ့လည်ခင်းမျိုးတွေမှာ အမိုးပေါ်တက်ပြီး ပန်းခြံထဲက တိတ်ဆိတ်ငြိမ်သက်သော ကင်တင်းမှာ ကော်ဖီ၊ လက်ဖက်ရည်တစ်ခွက်ဖြင့် ဆယ့်ငါးမိနစ်၊ မိနစ်နှစ်ဆယ်ခန့် အေးအေးလူလူ အနားယူအပန်းဖြေနိုင်သောဝန်းကျင်မှာ လုပ်ခွင့်ရသည့်အတွက်လည်း ကျွန်မကျေနပ်မိသည်။

လတစ်လ၏နောက်ဆုံးပတ်တွင် ကျရောက်သော ကြာသပတေးနေ့ညနေတိုင်းမှာ ရုံးဝန်ထမ်းများအားလုံး ရုံးအမိုးပေါ်ရှိ ပန်းခြံနှင့်ကင်တင်းမှာ အဖျော်ယမကာ၊ အစားအသောက်နှင့် တီးဝိုင်းများကို အခမဲ့ စားသောက်ကြည့်ရှု အပန်းဖြေနိုင်ရန် စီစဉ်ဆောင်ရွက်ပေးထားသည်ကို ကျွန်မ သဘောကျသည်။ အားကစားခန်းမအတွင်းမှာ မနက်၊ နေ့လည်၊ ညနေ အချိန်ရလျှင်ရသလိုဝင်ပြီး နှစ်သက်ရာ ကိုယ်လက်လှုပ်ရှားလေ့ကျင့်ခန်း လုပ်နိုင်သည့် အနေအထားမျိုးကိုလည်း ကျွန်မနှစ်သက်ပါသည်။ ပြင်ပထက် ထက်ဝက်နီးပါး ချိုသာသောနှုန်းထားဖြင့် လက်ဝှေ့၊ ယောဂ၊ zumba နှင့် salsa ကဲ့သို့သော အကသင်တန်းအမျိုးမျိုးကိုလည်း တစ်ပတ်တစ်ခါ ရုံးဆင်းချိန်မှာ တက်ရောက်သင်ကြားနိုင်ပါသေးသည်။ အမြဲတမ်းဝန်ထမ်းများအတွက် စင်္ကာပူနိုင်ငံရှိ ပြတိုက်များ၊ ပန်းခြံများ၊ သိပ္ပံဌာနများကို မိသားစုလိုက် အခမဲ့လည်ပတ်ကြည့်ရှုနိုင်သော လက်မှတ်တွေ ထုတ်ယူခွင့်ရှိသည်။ ဒီရုံးမှဝန်ထမ်းများဆိုလျှင် ဆံပင်ညှပ်ခလျှော့ပေးသောဆိုင်တွေရှိသည်၊ ဈေးသက်သာစွာဖြင့် ဖုန်းလိုင်းလျှောက်နိုင်သည်။ ရုံးဝန်ထမ်းတစ်ယောက်အနေဖြင့် အကျိုးအမြတ်တွေ ခံစားခွင့်ရရှိသော အဖွဲ့အစည်းမှာ နှစ်ရှည်လများ လုပ်ကိုင်နေသည့် လုပ်ဖော်ကိုင်ဖက်များကို မြင်တွေ့ရတော့ ကျွန်မ မအံ့သြမိတော့ပါ။

ရုံးအ၀င်ဝမှကျော်ပြီး ရုံးအဆောက်အဦထဲဝင်လာတော့ ကျွန်မရင်ထဲ အလိုလိုဝမ်းနည်းလာသည်။ တကယ်တော့ ဇူလိုင်လ ၁ရက်နေ့သည် ကျွန်မ၏ နောက်ဆုံးရုံးတက်ရက်ဖြစ်သည်။ ခြောက်လသာ တာဝန်ထမ်းဆောင်ခဲ့ရသည့် ရုံးကို ခြောက်နှစ်တာ လုပ်ခဲ့ရသည့်အလား ကျွန်မ သံယောဇဉ်တွယ်မိသွားခြင်းဖြစ်သည်။ အခန်းကျယ်ကြီး၏ ထောင့်တစ်နေရာမှာ တိတ်ဆိတ်သပ်ရပ်စွာရှိနေသည့် ကျွန်မ၏ အလုပ်စားပွဲနှင့် ကုလားထိုင်ကို တစ်ချက်လှမ်းကြည့်မိရင်း ကင်မရာလေးဖြင့် မှတ်တမ်းတင်လိုက်သည်။ မင်းဆန္ဒရှိရင် အချိန်မရွေးပြန်လာပါဟုဆိုခဲ့သော မန်နေဂျာ၏စကားကို ပြန်လည်ကြားယောင်မိတော့ ကျွန်မ ကြည်နူးစွာဖြင့် ပြုံးမိသည်။

ကျွန်မရုံးဝန်းထဲက မထွက်ခွာခင် လွန်ခဲ့သော ခြောက်လအတွင်း ကျွန်မနှင့် ချစ်ခင်ရသူတွေ သွားလာလှုပ်ရှားစားသောက်ခဲ့ဖူးသော အရိပ်တွေကို စိတ်မှန်းဖြင့် လိုက်ရှာကြည့်မိသည်။ ထို့နောက် ကျွန်မ၏ စိတ်အာရုံမှာ ထင်ဟပ်လာသမျှ ရုံးဝန်းကျင်က ပုံရိပ်များအားလုံးကို တိတ်တိတ်ကလေး နှုတ်ဆက်လိုက်သည်။ 

နေရစ်တော့ အက်စ်ပီအိတ်ခ်ျရယ်...။


ဇွန်မိုးစက်