Coral Reef

မြစ်ကြီး ဧရာဝတီ

Posted by ဇွန်မိုးစက် | Posted on Thursday, September 22, 2011

(၁)

ဆရာမောင်ထွန်းသူက အမေရိကန်စာရေးဆရာ မတ်ခ်တွိန်း၏ မစ္စစ္စပီမြစ်ကြောင်းတစ်လျှောက် ရေနွေးငွေ့သင်္ဘောမောင်းနှင်လိုက်ပါရင်း ရရှိခဲ့သော မစ္စ္စစ္စပီမြစ်ဝန်းကျင်နှင့် ဘ၀အတွေ့အကြုံများအကြောင်း အမှတ်တရစာအုပ်ကို ”မြစ်ကြီး မစ္စစ္စပီ” အမည်ဖြင့် ဘာသာပြန်ဆို ရေးသားခဲ့ပါသည်။ ထိုစာအုပ်အမှာစာတွင် ဆရာက အချိန်လည်းပေးနိုင်မည်၊ အသက်ရှည်ကျန်းမာရေးလည်း ကောင်းနေပါလျှင် မတ်ခ်တွိန်းကဲ့သို့ပင် မြန်မာနိုင်ငံ၏ အထင်ကရနှင့် အဓိကအကျဆုံးသော မြစ်တစ်စင်းဖြစ်သည့် ”ဧရာဝတီ” ကို အောက်မှအထက်သို့ဆန်တက်ပြီး မြစ်ကြောင်းတစ်လျှောက် အတွေ့အကြုံများကို “မြစ်ကြီး ဧရာဝတီ” ဟု ခေါင်းစဉ်ပေးပြီး စာတစ်အုပ် ရေးသားပြုစုချင်သော ဆန္ဒရှိကြောင်း ထုတ်ဖော်ပြောဆိုခဲ့ပါသည်။

ကျွန်မကိုယ်၌ကလည်း စာရေးဝါသနာပါသည်ကတစ်ကြောင်း၊ ငယ်စဉ်ကလေးဘ၀က အဖေစက်ဦးစီးချူပ်ဖြင့် မောင်းနှင်သော သင်္ဘောကို အောက်မြန်မာပြည် ရန်ကုန်တစ်ဝိုက်မှ အထက်ပြည် မန်းစက်တော်ရာ ရောက်သည်အထိ ရက်ရှည်ခရီး စီးနင်းလိုက်ပါခဲ့ဖူးသည်ကတစ်ကြောင်း၊ မြစ်ကြီးမစ္စစ္စပီစာအုပ်ထဲမှာ ပြောပြသွားသော မတ်ခ်တွိန်း၏ မြစ်ကြောင်းတစ်လျှောက် အတွေ့အကြုံများကို သဘောကျမိသောကြောင့်လည်းကောင်း အကယ်၍များ ဆရာမောင်ထွန်းသူက အကြောင်းကြောင်းကြောင့် “မြစ်ကြီး ဧရာဝတီ” ကို စာတစ်အုပ်အဖြစ် ပြုစုရေးသားခွင့် မရခဲ့လျှင် ကျွန်မ ရေးသားမည်၊ ကျွန်မရေးသားချင်သည်ဟု တိတ်တခိုးဆန္ဒ ဖြစ်ပေါ်ခဲ့မိပါသည်။ သို့သော်…

(၂)

သို့သော်… တစ်ကြိမ်တစ်ခါ ရှိခဲ့ဖူးသော ကျွန်မ၏အိပ်မက်ဆန္ဒများ အကောင်အထည်ဖော်ခွင့်မရဘဲ ပျောက်ကွယ်သွားတော့မည်လားဟု စိုးရိမ်ပူပန်ရသော အခြေအနေသို့ ရောက်ရှိလာခဲ့ပါပြီ။ လူတစ်ဦးတစ်ယောက်တည်းနှင့်မရဘဲ တစ်မျိုးသားလုံး ကယ်တင်ပါမှ အသက်ရှင်နိုင်မည့် မြစ်ကြီးဧရာဝတီ၏ အဖြစ်ကို တွေးမိလေတိုင်း ၀မ်းနည်းဒေါသ ယူကျုံးမရ ဖြစ်ရပါသည်။

(၃)

ကချင်ပြည်နယ်မြစ်ဆုံဒေသမှာ ရေကာတာဆောက်တော့မည်ဖြစ်သောကြောင့် မြစ်ဆုံ၏အလှအပများကို မြင်တွေ့ခွင့်ရနိုင်တော့မှာ မဟုတ်ကြောင်း တစ်ဆင့်စကား တစ်ဆင့်နားဖြင့်ကြားခဲ့သည်မှာ လွန်ခဲ့သော နှစ်နှစ်ခန့်က။ အဲဒီအချိန်ထိ မြစ်ဆုံ၏ သဘာဝအလှအပကို ထိခိုက်စေသော အကြောင်းတစ်ရပ်အနေဖြင့်သာ တွေးမိကာ နှမြောတသ ဖြစ်ခဲ့သော်လည်း ဆည်တည်ဆောက်မှုကြောင့် မြစ်အောက်ပိုင်းနှင့် ဧရာဝတီတစ်ကြောလုံးကို ထိခိုက်နစ်နာစေမည့် ဆိုးကျိုးများအကြောင်းကို မသိခဲ့။ ယခုသိလိုက်ရသော အချိန်မှာ အတန်ပင် နောက်ကျနေပြီလား။ သေချာသည်ကတော့ ဧရာဝတီကို ချစ်မြတ်နိုး အဆုံးရှုံးမခံနိုင်သော မြန်မာပြည်သူပြည်သားများအားလုံး၏ စိုးရိမ်ပူပန်မှုတွေက အထွဋ်အထိပ်သို့ ရောက်နေကြပြီ ဖြစ်သည်။

ထို့အတွက်ကြောင့်လည်း မြစ်ဆုံစီမံကိန်းကို သဘောမတူ ကန့်ကွက်ကြောင်း အင်တာနက်မှနေ၍ လက်မှတ်ရေးထိုးနိုင်သည့် Online Petition Website များ၊ ဧရာဝတီကို ထာဝရရှင်သန်စေလိုသော အဖွဲ့များ ပေါ်ပေါက်လာကာ မြစ်ဆုံစီမံကိန်း ရပ်တန့်ပြီး ဧရာဝတီ ဆက်လက်ရှင်သန် စီးဆင်းရေးအတွက် အားကြိုးမာန်တက် ဆောင်ရွက်သူများ ရှိလာကြခြင်းဖြစ်သည်။

(၄)

သို့ပေမယ့် လက်မှတ်အရေအတွက်၊ တက်ကြွမှုအရေးကိစ္စနှင့် ပတ်သက်ပြီး ကျွန်မစိတ်ထဲ မချင့်မရဲ ဖြစ်မိတာတွေရှိသည်။ ယခုအနေအထားနှင့်ဆိုလျှင် ပြည်ပနိုင်ငံအသီးသီးတွင် ရောက်ရှိနေထိုင်ကြသော မြန်မာလူမျိုးအရေအတွက် မနည်းလှသော်လည်း အွန်လိုင်းပီတီရှင်းမှာ မူလသတ်မှတ်ထားသော ဆိုင်းထိုးသည့် အရေအတွက် ၁,၀၀၀ ပြည့်ရန် တစ်လကြာအောင် စောင့်ရသည်။ ဒါတောင် လက်မှတ် ၁,၀၀၀ လုံး မြန်မာနိုင်ငံသားများ ရေးထိုးထားခြင်းမဟုတ်။ ရက်အစောပိုင်းမှာ အခြားနိုင်ငံသားတွေ လာရောက် ရေးထိုးထားကြခြင်းဖြစ်သည်။ အွန်လိုင်းမှာ ဆိုင်းထိုးလျှင် နာမည်အမှန်မပေးချင်လည်းရသည်၊ နိုင်ငံအမှန် မပေးချင်လည်း ရသည်။ မြန်မာပြည်တွင်းက ဦးကျော်သူတို့လို နိုင်ငံသား မှတ်ပုံတင်အမှတ်နှင့်တကွ ရေးထိုး ဖော်ပြစရာမလို။ နာမည် မဖော်ပြလိုလျှင်လည်း ရသည်။

မြန်မာလူမျိုးနှစ်သိန်းနီးပါးရှိသော စင်္ကာပူနိုင်ငံတွင်လည်း ယခုအချိန်အထိ “လမ်းပြကြယ်” မှ ကောက်ခံရရှိသော လက်မှတ်ပေါင်းမှာ ၄၀၀ ကျော်သာရှိသေးသည်။ မသိလို့ မထိုးတာလား၊ သိရက်နဲ့ တစ်စုံတစ်ရာကိုကြောက်လို့ လျစ်လျူရှုထားတာလား၊ လက်မှတ်ထိုးရုံနဲ့ မြစ်ဆုံဆည် အရေးကိစ္စ ပျက်ပြယ်မသွားနိုင်ဟု အတွေးရှိနေသောကြောင့်လား…။ အဝေးမှနေ၍ လက်မှတ်တစ်ခုထိုးဖို့ကိုသော်မျှ တွန့်ဆုတ်တွေဝေ နှောင့်နှေးတတ်သော လူမျိုးကြားက မြစ်ဆုံနှင့် ဧရာဝတီ ဆုံးရှုံးပျောက်ကွယ်ခြင်းသည် အံ့သြစရာမကောင်းကြောင်း သားမြေးမြစ်တို့လက်ထက်တွင် ပြောစမှတ်တွင် ကျန်ရစ်ရုံသာ။

တကယ်တော့ ဧရာဝတီကို ကာကွယ်ခြင်းသည် တစ်စုံတစ်ယောက်၊ ဒါမှမဟုတ် အဖွဲ့အစည်းတစ်ခု အာဏာရအောင် ကူညီထောက်ပံ့သော နိုင်ငံရေး ပြုလုပ်ခြင်းမှ မဟုတ်ဘဲ။ နိုင်ငံရေးနှင့် တစ်မျိုးသားလုံးအရေးကိုတော့ သေသေချာချာ ခွဲခြားနားလည်နိုင်ရမည်။ ဒီလိုကိစ္စမျိုးက ကိုယ်လုပ်လို့လည်း မဖြစ်နိုင်ပါဘူး၊ မရနိုင်ပါဘူးဟူသော စစ်မရောက်ခင် မြှားကုန်သည့် အတွေးမျိုး ၀င်နေလျှင်တော့ အောင်မြင်မှုရာခိုင်နှုန်း နည်းသွားပါလိမ့်မည်။ နှမ်းတစ်စေ့နှင့် ဆီမဖြစ်သော်လည်း နှမ်းစေ့တွေ အများကြီးဖြစ်လာလျှင် ဆီဖြစ်လာပါလိမ့်မည်။ ကိုယ်တိုင်က နှမ်းတစ်စေ့အနေနှင့် ပါဝင်အားထုတ်ရန်သာ လိုအပ်ပါသည်။

(၅)

တကယ်ဆို ဟိုး… မြန်မာပြည်မြောက်ဖျားက မေခနှင့် မလိခ မြစ်နှစ်သွယ် ပေါင်းဆုံယှက်နွယ်ရာမှ ဖြစ်ပေါ်လာသော ဧရာဝတီသည် ကျွန်မတို့ မြန်မာနိုင်ငံသားအားလုံး၏ ကျေးဇူးရှင် ဖြစ်သည်။ ဧရာဝတီမြစ်ဝကျွန်းပေါ်ဒေသမှထွက်သော ဆန်စပါးများကို စားသုံးပြီး ကျွန်မတို့ ကြီးပြင်းလာကြသည် မဟုတ်ပါလား။ မြန်မာပြည်မှာမွေး၍ ထမင်းစားဖူးသူတိုင်း ဧရာဝတီ၏ ကျေးဇူးနှင့် မကင်းပါ။ မြန်မာပြည်ကို မိခင်တစ်ဦးအနေနှင့် တင်စားမည်ဆိုပါက ဧရာဝတီသည် ထိုမိခင်၏ နို့ချိုထွက်ရာ သားမြတ်ဖြစ်သည်။ မြစ်ဆုံသည် ထိုမိခင်၏ လည်တိုင်ထက် ၀တ်ဆင်ထားသော လှပအဖိုးထိုက်တန်သော ပတ္တမြားလည်ဆွဲပမာ ဖြစ်သည်။

ထို့အတွက်ကြောင့်ပင် မြစ်ဆုံနှင့်ဧရာဝတီကို ချစ်မြတ်နိုးတန်ဖိုးထားကြသော ကျွန်မတို့ မြန်မာပြည်သူ ပြည်သားများအားလုံး ပေါင်းစုညီညာ တွဲလက်ဖြာ၍ ဧရာဝတီ၏ ကျေးဇူးကို မြစ်ဆုံနှင့်တကွ ဧရာဝတီမြစ်ကြီး မတိမ်ကော၊ မပျက်စီးအောင် စောင့်ရှောက်ထိန်းသိမ်းခြင်းဖြင့် ကာကွယ်ကြပါစို့လား။

ဤကမ္ဘာမြေတွင် မြန်မာပြည် တည်ရှိနေသရွေ့ မြစ်ကြီးဧရာဝတီကိုလည်း အစဉ်ထာဝရ ရှင်သန်စီးဆင်းစေချင်သည်မှာ ကျွန်မတို့အားလုံး၏ ထပ်တူညီသော ဆန္ဒဖြစ်မည်ဟု ကျွန်မ ယုံကြည်လျက်ရှိနေဆဲ...။

ဇွန်မိုးစက်

ဆုံခဲ့ဖူးတဲ့ ဘလော့ရွာသူ၊ ရွာသားများ (ဘလော့ဂ်ဒေး အမှတ်တရပို့စ်)

Posted by ဇွန်မိုးစက် | Posted on Tuesday, August 30, 2011

Category: Miscellaneous

အရင်နှစ်က 31^st August Blog Day ကျော်သွားမှ သိခဲ့တာမို့ ဒီနှစ်တော့ အချိန်မီ ဘလော့ဂ်ဒေးအတွက် တစ်ခုခုရေးချင်တဲ့ ဆန္ဒဖြစ်မိပါတယ်။ ဘာရေးရင် ကောင်းမလဲ စဉ်းစားလိုက်တော့ စင်္ကာပူဘလော့ဂ်ရွာထဲက မောင်နှမတွေနဲ့ အကြောင်းတိုက်ဆိုင်လို့ ဆုံတွေ့ခင်မင်ခဲ့ကြပုံကို အမှတ်ရသွားပါတယ်။

ရေစက်ရှိလို့ ဆုံရတယ်တဲ့။ ဟုတ်မှာပါ…. မြန်မာဘလော့ဂါတွေ အများကြီးထဲမှာမှ ကိုယ်တိုင်ကိုယ်ကျ ဆုံတွေ့ခင်မင်ရသူတွေက လက်ချိုးရေတွက်လို့ ရမယ်ထင်ပါတယ်။ ဒါပေမဲ့ ဒီပို့စ်ထဲမှာ ခင်မင်ရင်းနှီးခွင့် မရခဲ့ပေမယ့်လည်း တွေ့ဖူး၊ မြင်ဖူးသမျှ ဘလော့ဂါမောင်နှမများအားလုံးကို မှတ်မိသလောက် ချရေးသွားမှာပါ။ (ကျန်ခဲ့ရင်လည်း သတိပေးပါဦး)

ကိုယ်တိုင် ဘလော့ဂ်မရေးသေး၊ သူတို့လည်း ဘလော့ဂ်မလုပ်ခင်ကတည်းက ရင်းနှီးခင်မင်ခဲ့ရသူတွေက သူငယ်ချင်း ညိုလေး၊ မဒီ၊ မမင်းနဲ့ ကိုမိုးကုတ်သားတို့ ဖြစ်ပါတယ်။ ကိုမိုးကုတ်သားကိုတော့ မှတ်မှတ်ရရ သူ့ရဲ့ ၃၃နှစ်မြောက် မွေးနေ့မှာ တွေ့ဆုံခင်မင်ခွင့် ရခဲ့တာပါ။

စာဖတ်သူတစ်ယောက်အနေနဲ့ အပတ်စဉ် တနင်္ဂနွေနေ့ မြန်မာစာ လုပ်အားပေးသင်တန်းကျောင်းအတွက် အီးမေးလ်ကတစ်ဆင့် ဆက်သွယ်ပြီး သွားရောက်ဆုံတွေ့ခဲ့သူက ဘလော့ဂ်တာ မမသီတာပါ။ အိမ်ပြန်ရောက်ရောက်ချင်း ပြောမိတာက မမသီတာ ချောလိုက်တာလို့။ မမသီတာကတစ်ဆင့် ကိုဧရာနဲ့အတူ ချစ်စရာကောင်းတဲ့ ရေချမ်း၊ ရေစင်တို့နဲ့ ဆုံတွေ့ခွင့်ရခဲ့တာကလည်း မင်္ဂလာတစ်ပါးပါပဲ။

၂၀၀၉ ဒီဇင်ဘာမှာ ဖိုးစိန်တစ်ယောက် စင်္ကာပူအလည်ရောက်တော့ သွားတွေ့ရင်းနဲ့ ကိုယ်မမြင်ဘူးတဲ့ ဘလော့ဂါတွေ အများကြီးကို ထပ်မံတွေ့ဆုံရပါတယ်။ မမပြာ (ကောင်းကင်ပြာ)၊ မေလေး၊ မိုးခါး၊ မေသူ၊ မြရေလျဉ်၊ မက်မက်၊ ရီနိုမာန်၊ ရေတမာ၊ တောင်ပေါ်သား၊ သက်ပိုင်သူ၊ ကိုစည်သူ၊ ဖိုးသင်္ကြန် စတဲ့မောင်နှမတစ်ပြုံကြီးကို တစ်ခါတည်း တွေ့ဖူးလိုက်တာပါ။ ဒါတောင် နာမည်မမှတ်မိလိုက်တဲ့သူတွေ ကျန်ပါသေးတယ်။ အဲ့ဒီအချိန်က ဘလော့ဂ်မဖွင့်ရသေးတော့ ဇွန်မိုးစက်ရယ်လို့ မသိခဲ့ဘူးပေါ။့ နောက်တစ်ရက် ဖိုးစိန်လက်ရာ ဂရိနေ့လည်စာသွားစားတော့ အမှတ်မထင်တွေ့ဆုံပြီး သူငယ်ချင်းတစ်ယောက်လို ခင်မင်ရင်းနှီးသွားခဲ့သူက ကြယ်ပြာပါ။ ဆောင်းချမ်းမိုး၊ တလနွန်နဲ့ ပွင့်မြူဇင်ကိုလည်း အဲ့ဒီနေ့မှာပဲ တွေ့ဖူးလိုက်ပါတယ်။

တစ်ခါ စင်္ကာပူရောက် ဘလော့ဂါများနဲ့ စာဖတ်သူမောင်နှမတစ်စုရဲ့ နေ့ဆွမ်းအလှူကို ဒီဇင်ဘာ ၂၅ရက်နေ့မှာ ဆမ်ဘောင်ဝမ်းက ဓမ္မဥယျာဉ်ကျောင်းမှာ ပြုလုပ်ကျင်းပခဲ့တာကို တက်ရောက်ပြန်တော့ ကဗျာဆရာမလှလှလို့ နာမည်ကြီးနေတဲ့ မအိန္ဒြာနဲ့ တွေ့ဆုံမိတ်ဆက်ခွင့် ရခဲ့ပါတယ်။ အလှူရက်မတိုင်ခင်ကတည်းက အဲ့ဒီပွဲကို မမဒြာလာရင် မိတ်ဆက်ပေးဖို့ ကိုမိုးကုတ်သားကို အပူကပ်ထားခဲ့တာပါ။ ;) ဖိုးစိန်ရောက်ပြီးနောက် တွေ့ဖူးသူတွေထဲမှာ ပူးတေမောင်နှံ၊ ဆောင်းချမ်းမိုး၊ ကိုသီဟသစ်၊ TnTနဲ့ မိုးတို့လည်း ပါပါတယ်။ သူ့ပရိသတ်ဖြစ်ခဲ့ပြီး လူချင်းအရင်တွေ့ဖူးပေမယ့် သူမှန်းမသိခဲ့တဲ့ ဘလော့ရွာသားလေး (၀ိုင်တီယူ) ကိုတော့ အတန်ကြာမှ လူနဲ့နာမည်နဲ့တွဲပြီး သိခဲ့တာပါ။ ဇွန့်ကိုတွေ့တဲ့အခါ တခုတ်တရ လာနှုတ်ဆက်ဖော်ရတဲ့သူ့ကို ကျေးဇူးတင်ရပါတယ်။

၂၀၁၀ ဖေဖော်ဝါရီ တရုတ်နှစ်ကူးကာလ မလေးရှားနိုင်ငံ ကိုတာတင်ဂီမြို့မှာ ပြုလုပ်ခဲ့တဲ့ မြစိမ်းတောင် တရားစခန်းအသွား ချိန်းဆိုမထားပါဘဲ အစ်မချစ် (ချစ်ကြည်အေး) နဲ့ ဆုံတွေ့ခဲ့တာကလည်း အမှတ်ရစရာပါ။ အစ်မချစ်နဲ့ ရှေ့နောက်ခုံထိုင်လျက်သားဆိုတာ မသိကြပါဘူး။ စင်္ကာပူအင်မီဂရေရှင်းဖြတ်အပြီး ကားပေါ်တက်ပြီး လူစောင့်နေခိုက် မချစ်က ဇွန့်ဘေးက သူငယ်ချင်းကို ဇွန်မိုးစက်ကိုသိလားဆိုပြီး မေးပါတယ်။ တကယ်တော့ သူငယ်ချင်းက ဇွန်မိုးစက်ဘယ်သူဆိုတာ မသိပါဘူး။ အမေနဲ့ဖုန်းပြောနေတဲ့ ဇွန်တစ်ယောက် လက်ထောင်ပြရင်း ခေါင်းညိတ်ပြလိုက်ရပါတယ်။ တော်ကြာ မချစ်က ဇွန်မိုးစက်ဘယ်သူဆိုတာ မသိရမချင်း တစ်ကားလုံးကို လိုက်မေးမှာ စိုးရိမ်လို့ပါ။ :D

မချစ်နဲ့ ဆက်စပ်ပြီးမှ တွေ့ဆုံခင်မင်ခဲ့ရသူတွေက နာမည်ကျော်ကိုတီ (တီဇက်အေ) နဲ့အင်ကြင်းသန့်ပါ။ နောက်ပိုင်း မိုးနဲ့အတူ ညီမအင်ကြင်းကလည်း တနင်္ဂနွေကျောင်းမှာ လာရောက်လုပ်အားပေးခဲ့ပါတယ်။ မချစ်အိမ်သွားလည်တုန်း ပုလုကွေးဆိုတဲ့ ဘလော့ဂါကိုလည်း မြင်ဖူးခဲ့ပါတယ်။ ၂၀၁၀ ဇူလိုင်လထဲမှာ မွေးနေ့ဆွမ်းကပ်ဖြစ်တဲ့အခါ သတိတရနဲ့ ဖိတ်မိတာ ရီတာ့ကိုပါ။ ရီတာနဲ့အတူ ခရေဖြူလည်း လိုက်လာခဲ့ပါတယ်။ ခွေဖြူ...ခွေဖြူနဲ့ ကိုတီ့ဘလော့မှာ ကော်မန့်ပေးသွားတာ သူကိုးလို့ အဲဒီ့ကျမှ အတိအကျ သိလိုက်ရပါတယ်။ :)

၂၀၁၀ စက်တင်ဘာ စာပေဟောပြောပွဲမှာ တစ်စုံတစ်ယောက်ရဲ့ကျေးဇူးနဲ့ မြင်ဖူးလိုက်တဲ့ ဘလော့ဂ်ညီအစ်မတတွေက မသက်ဝေ၊ မပန် (ပန်ဒိုရာ)၊ မတန်ခူးနဲ့ ရွှန်းမီပါ။ အမျိုးသားတွေထဲမှာတော့ ဆင်တဲကဖေးက ချိုကျကို စာပေဟောပြောပွဲ မတိုင်မီကတည်းက မြင်ဖူးပေမယ့် ဘလက်ကော်ဖီကိုတော့ စာပေဟောပြောပွဲနေ့မှ မြင်ဖူးပါတယ်။ ၂၀၁၁ ဇန်န၀ါရီလထဲမှာ ကျင်းပပြုလုပ်ခဲ့တဲ့ ကိုတီရဲ့ မင်္ဂလာပွဲကို လာရောက်အားပေးကြတဲ့အထဲက မြနေနေနိုင်၊ ကိုဒီဘီနဲ့ဇနီး၊ ကိုဘွိုက်စ်နဲ့ချစ်သူစုံတွဲတို့ကို မှတ်မိလိုက်ပါတယ်။ မျက်နှာစာအုပ်ကနေ ခင်မင်ခဲ့ပြီးမှ ၂၀၁၁ စာပေဟောပြောပွဲမှာ လူချင်းဆုံမိတာ မောင်လေးအောင်ဖြိုးပါ။ မိုးပန်းချီကိုလည်း မြင်ဖူးပါတယ်။ ညီမရွှေပြည်သူကို ဖျတ်ခနဲတွေ့လိုက်တယ်လို့ ထင်ခဲ့ပေမယ့် မမှတ်မိပါဘူး။

ဇွန်မတွေ့ဖူးသေးတဲ့ ဘလော့ဂါတွေ၊ တွေ့ချင်သေးတဲ့ ဘလော့ဂါတွေ ကျန်နေပါသေးတယ်။ လူချင်းမတွေ့ရဘဲ ဖုန်းထဲကသာ အသံချိုချိုလေးကြားရတဲ့ မမခင်ဦးမေ၊ ဟိုး… ရပ်ဝေးမြေက မလေး (အိမ့်ချမ်းမြေ့)၊ ဂျာမနီက အစ်မရှင်လေး၊ အဲလ်ပ်စ်တောင်တန်းတွေကြားက ကိုညီလင်းသစ်နဲ့မိသားစု၊ အမေရိကားက မမိုးချိုသင်းနဲ့ မမွန်၊ အင်္ဂလန်က နန္ဒာ (သူနဲ့က ဥရောပခရီးထွက်ရင် ဆုံနိုင်ချေရှိပါတယ်) တို့ပါ။ ခုချိန်ထိ အပြင်မှာ ဆုံတွေ့ဖူးတဲ့ ရေမြေခြားက ဘလော့ဂါတစ်ယောက်ပဲ ရှိခဲ့ပါတယ်။ သူက ဇွန်ငယ်ငယ်ကတည်းက လေးစားအထင်ကြီး အားကျခဲ့ရတဲ့ မနုသွဲ့ပါ။

တလောကမှ ပူပူနွေးနွေး ဆုံတွေ့ခွင့်ရခဲ့တဲ့ ဘလော့ဂ်ရွာသူ၊ ရွာသားနှစ်ဦးက ညီမမေဇင် (နောင့်)၊ နဲ့ မောင်လေး Turn On Ideas တို့ဖြစ်ပါတယ်။ ဘလော့ဂါမဟုတ်ဘဲ ဘလော့ဂ်တွေကို ၀င်ရောက်ဖတ်ရှုအားပေးကြတဲ့ စာဖတ်သူ သူငယ်ချင်းဇာဇာ၊ ညီမဖြူမေ၊ ကလျာတို့နဲ့ တရင်းတနှီး ဆုံတွေ့ခွင့်ရလို့လည်း ၀မ်းသာမိပါတယ်။

ဇွန် ဒီလိုဆုံခဲ့ဖူးတဲ့အကြောင်းရေးတာဟာ အမှတ်တရဖြစ်ချင်တာထက်ပိုပြီး တခြားရည်ရွယ်ချက် မရှိပါဘူး။ ကိုယ်ဆုံဖူးတယ်ဆိုပေမယ့် တစ်ယောက်ချင်းစီရဲ့ ကိုယ်ရေးကိုယ်တာနဲ့ ပတ်သက်ပြီးတော့ (သိခဲ့မယ်ဆိုရင်တောင်) အခြားတစ်ယောက်ကို ပြန်ပြောလေ့မရှိပါဘူး။ သူ့စည်းနဲ့သူမို့ နာမည်ရင်းကို သိနေပေမယ့် တစ်ချို့ (real identity) ကို လျှို့ဝှက်ထားချင်တဲ့သူများကို နားလည်စွာနဲ့ မျက်နှာစာအုပ်မှာ add မလုပ်ခဲ့ပါဘူး။

ဒါပေမယ့် ဆုံခဲ့ဖူးတဲ့ ဘလော့ရပ်ဝန်းထဲက မမများ စာရေးကောင်းသလို ဟင်းချက်လည်း ကောင်းကြတာ၊ ရယ်စရာဟာသလေးတွေ နှောပြီးရေးတတ်ပေမယ့် အပြင်မှာ တည်တည်တံ့တံ့နေတတ်တာ၊ ပို့စ်တွေဖတ်၊ ကော်မန့်ရေးတာတွေကြည့်ပြီး မှန်းထားတဲ့ပုံစံနဲ့ အပြင်မှာ ဆန့်ကျင်ဘက်ဖြစ်နေတာ၊ မွေးနေ့တွေနီး၊ အကြိုက်ချင်း တူနေတတ်တာ၊ ကိုယ်နဲ့ဝါသနာတူမို့ ကုလိုလ်ရေးတွေ အတူလုပ်ဖြစ်တာ၊ မလျှော့တဲ့ဇွဲနဲ့ ပရောဂျက်တစ်ခုကို အပြီးသတ်ဖို့ ကြိုးစားနေကြတဲ့သူတွေကြောင့် အားလုံးနဲ့ဆုံတွေ့ခင်မင်ခွင့်ရခဲ့တာ တကယ်ပဲ ၀မ်းသာကျေနပ်ရပါတယ်။

အားလုံးပဲ ဟက်ပီး ဘလော့ဂ်ဒေးပါ။း))

ဇွန်မိုးစက်

အမှတ်တရ စာမျက်နှာ

Posted by ဇွန်မိုးစက် | Posted on Thursday, August 25, 2011

Category: Memoirs , Story/Short Story

သြဂုတ်လ မကုန်ခင် စာအသစ်လည်း မတင်နိုင်တာမို့ လွန်ခဲ့တဲ့ ၅နှစ်၊ ၂၀၀၆ခု သြဂုတ်လထုတ် အနုပညာ မြင်ကွင်းမဂ္ဂဇင်းမှာ ပါခဲ့ဖူးတဲ့ (ဘလော့မှာလည်း တင်ခဲ့ဖူးတဲ့) ၀တ္ထုတိုလေးတစ်ပုဒ်ကိုပဲ ပြန်တင်လိုက်ပါတယ်။

မှတ်မှတ်ရရ ရန်ကုန်မှာရှိနေတုန်း အလုပ်ကနေ ဆေးခွင့်ယူပြီး နားတဲ့နေ့မှာ ဒီဝတ္ထုတိုလေး ရေးဖြစ်သွားတာပါ။ နေ့လည်ခင်းမှာပဲ တစ်ထိုင်တည်း ရေးပြီးသွားခဲ့တယ်။ အဲဒီ့အချိန်က မြန်မာလို သိပ်မရိုက်တတ်သေးတော့ နောက်နေ့ရုံးကို ယူလာပြီး typist ကိုပဲ စာစီဖို့ ပေးလိုက်ပါတယ်။

ဆယ်တန်းပြီးခါစ ၀တ္ထုတိုလေးတွေရေးပြီး ဇွန်တစ်ယောက် စာမူလေးတွေကိုင်လို့ မဂ္ဂဇင်းတိုက်တွေဆီ ချီတက်ခဲ့ဖူးပါတယ်။ အများဆုံးသွားခဲ့တဲ့တိုက်က အပျိုစင်ပါ။ တစ်အုပ်လုံးမှာမှ ၀တ္ထုတိုတစ်ပုဒ်လောက်သာ ပါလေ့ရှိတဲ့နေရာမှာပဲ ကိုယ်ရေးထားတဲ့ဝတ္ထုလေး ပါစေချင်ခဲ့တာ ဘယ်လိုအတ္တမျိုးလို့ ခေါ်ဆိုရမလဲ မပြောတတ်ပါဘူး။ စာရေးတာကို အားပေးတဲ့အမေက သူ့အသိသူငယ်ချင်း မဂ္ဂဇင်းတိုက်ကို ပို့ပေးရမလား မေးခဲ့ပေမယ့် ဇွန်က လက်မခံခဲ့ပါဘူး။ တစ်စုံတစ်ယောက်နဲ့ သိကျွမ်းမှုကြောင့် ကိုယ့်စာမူကို ထည့်ပေးလိုက်ရတာထက် အယ်ဒီတာက အမှန်တကယ် နှစ်သက်သဘောကျလို့ လက်ခံလိုက်တာမျိုးပဲ ဖြစ်စေချင်တာကိုး။ အဲဒါက ဟိုး ၉၇၊ ၉၈ ကာလများဆီက အတွေးပါ။

ဒါပေမဲ့ အဲ့ဒီစိတ်ကလေးက ၂၀၀၆ခုနှစ်အထိ ရှိနေသေးတာကြောင့် ရေးပြီးသွားတဲ့ ၀တ္ထုတိုလေးကိုလည်း ကိုယ်နဲ့ပတ်သက်မှုလုံးဝမရှိတဲ့ မဂ္ဂဇင်းတိုက်ကိုပဲ ပို့မယ်လို့ ဆုံးဖြတ်ပြီး ရုံးအနားက သွားလာရေးလည်းလွယ်ကူ၊ ကိုယ်နဲ့သိကျွမ်းသူလည်း လုံးဝမရှိတဲ့ “အနုပညာမြင်ကွင်း” မဂ္ဂဇင်းကိုပဲ သွားပို့ဖြစ်သွားပါတယ်။ တကယ်တော့ အဲ့ဒီမဂ္ဂဇင်းမှာလည်း ၀တ္ထုတိုလေးတွေက တစ်ပုဒ်စ၊ နှစ်ပုဒ်စလောက်ပဲ ပါလေ့ရှိတာပါ။

ကိုယ်တိုင်စာမူသွားပေးပြီး နှစ်လလောက်ကြာတဲ့အခါ ဖုန်းဆက်မေးကြည့်ပါတယ်။ အရွေးခံရတဲ့အထဲများ ပါသလား၊ ပယ်စာမူများ ဖြစ်သွားသလား သိချင်တာကိုး။ တကယ်လို့ အပယ်ခံရတယ်ဆိုရင် စာမူပြန်သွားယူမယ့် စိတ်ကူးနဲ့ပါ။ သူတို့က အတိအကျ မပြောပေမယ့် စာအုပ်ထွက်ရင် စောင့်ကြည့်လိုက်ပါဆိုတဲ့ ပုံစံမျိုးပြောလို့ ဇွန်တစ်ယောက် မျှော်လင့်ချက်ရောင်ခြည်လေး ရှိနေပြီလို့ စိတ်ထဲမှာ သိလိုက်ပါတယ်။ နောက်လထုတ် မဂ္ဂဇင်းထွက်တဲ့အခါ ၄၈ လမ်းထိပ် စီးတီးမတ်က စာအုပ်ကောင်တာသွားပြီး စာအုပ်ရှေ့ မာတိကာကိုလှန်လှောလို့ ကိုယ့်စာမူပါမပါ အပြေးအလွှား ကြည့်မိတယ်ဆိုရင်ပဲ… ဇွန်မိုးစက်တစ်ယောက် သိပ်ပျော်သွားခဲ့ပါပြီ။ ပုံနှိပ်စာလုံးပေါ်က ကိုယ့်ကလောင်နာမည်ကို မြင်ရလို့ ၀မ်းသာပီတိဖြစ်မိတဲ့အပြင် ၀တ္ထုရဲ့သရုပ်ဖော်ပုံလှလှလေးက ပန်းချီမောင်မောင်သိုက်လက်ရာဖြစ်လို့ ကျေနပ်ခဲ့ရပါတယ်။ ဆရာကွယ်လွန်ခဲ့ပေမယ့် ဆရာ့ရဲ့ပန်းချီလက်ရာတစ်ခု ဇွန်မိုးစက်ရဲ့ ၀တ္ထုတိုလေးနဲ့အတူ ယှဉ်တွဲဖော်ပြခွင့်ရခဲ့တာ တကယ့်ကို အမှတ်တရပါ။

အယ်ဒီတာက စာတစ်လုံးမှဖြတ်တောက်ခြင်း မပြုဘဲ ဒီအတိုင်း ထည့်ပေးထားလို့ ၀မ်းသာကျေနပ်ခဲ့ရပေမယ့် ပြန်ဖတ်ကြည့်တဲ့အခါ တစ်ချို့စာလုံးလေးတွေ ထပ်နေတာ တွေ့ရလို့ အခုပြန်တင်တဲ့အခါ လိုသလောက်လေး ကိုယ့်ဖာသာ ပြန်တည်းဖြတ်ထားပါတယ်။ နောင်တစ်ချိန် ဇွန်မိုးစက်ရဲ့ စာစုလေးတွေ စာအုပ်ထုတ်ဖြစ်တဲ့အခါ ထပ်မပြင်တော့ဘဲ ဒီအတိုင်းလေးပဲ ပြန်ထည့်မယ်လို့ စိတ်ကူးထားပါတယ်။ ဇာတ်လမ်းလေးက သိပ်တိုတာပဲလို့ ဖတ်မိတဲ့ သူငယ်ချင်းတွေက ပြောကြတယ်။ ဒါပေမဲ့… ဘယ်အချိန်ပြန်ဖတ်ဖတ် ကိုယ်ကိုယ်တိုင် နှစ်သက်ခဲ့ရတဲ့ စာတစ်ပုဒ်မို့ တိုတိုလေးပေမယ့် ကြိုက်ပါတယ်။း)

“အလွမ်းရင့် ပန်းတစ်ပွင့်”

ပတ်ဝန်းကျင်သည် တိတ်ဆိတ်ခြောက်သွေ့လျက်ရှိသည်။ လေပြင်းပြင်းအဝှေ့တွင် ရွက်ခြောက်များ ဝေ့၀ဲလွင့်ပျံ့လျက် ရှိချိန်မှအပ အရာရာသည် ဆိတ်ငြိမ်လွန်းနေသည်ဟု သူမထင်မြင်မိသည်။ သူမရောက်ရှိရာ ဒေသအတွင်း အမိုးချွန်စောက်သောအိမ်လေးများ လှပစွာ စီရရီရှိနေသည်။ ဆီးနှင်းများထူထပ်စွာ ကျရောက်ပါက နှင်းများ အိမ်အမိုးပေါ် တင်ကျန်မနေစေရန် အမိုးစောက်စောက် အသုံးပြု ဆောက်လုပ်ထားခြင်းဖြစ်ကြောင်း လွန်ခဲ့သောခုနစ်နှစ်က ဤဒေသသို့ ပထမဆုံးအကြိမ် ရောက်ရှိလာခဲ့သော သူမကို သူပြောပြခဲ့ဖူးသည်။

လေက ပြင်းသထက်ပြင်းလာသောကြောင့် သူမခြေလှမ်းတို့ကို ပို၍သွက်လိုက်ပြီး ကိုယ်ကိုမယိုင်လဲစေရန် အားထုတ်၍ လျှောက်လာခဲ့သည်။ ကမ်းခြေနှင့်နီးသောကြောင့်လည်း ဖြစ်မည်ထင်ပါသည်၊ လေက အတော့်ကို ထန်လျက်ရှိနေသည်။ အင်္ကျီထူထူထဲ လက်နှိုက်ထားရင်း လေကြောင့် ဝေ့၀ဲဖွာစပြုနေသော ဆံပင်တို့ကိုပင် သူမ မသပ်အား။

ရောက်ခဲ့ပြန်ပြီပေါ့…။ တစ်ချိန်က သူနှင့်သူမတို့အတူနေထိုင်ခဲ့ဖူးသော၊ အခြားနိုင်ငံရပ်ခြားမှ ကျောင်းသူ ကျောင်းသားပေါင်းများစွာတို့ ပညာသင်ယူစဉ်က စုဝေးနေထိုင်ခဲ့ဖူးသော ရိပ်မြုံတစ်ခုသို့ ပြန်လည်ရောက်ခဲ့ပါပြီ။ သူမကို ယခုထက်တိုင် မှတ်မိနေဆဲဖြစ်သော အိမ်ရှင်က ဆီးကြိုနှုတ်ဆက်သည်။ "အလည်လာတာလား" ဟူသော အမေးကိုမေးရင်း သူမကိုဧည့်ခံသည်။ သူမမျှော်လင့်ထားသလိုပင် သူ့ကိုမေးသည်၊ သူ့အကြောင်းမေးပါသည်။ သူမနှင့်သူတို့ လူမျိုးဘာသာတူ၊ သွားအတူ၊ စားအတူ၊ ပညာသင်ကြားရာအတူတူဖြစ်ခဲ့သောကြောင့် သူမကိုမြင်၍ သူ့အကြောင်းမေးခြင်းမှာ အထွေအထူး အံ့သြစရာမရှိပါ။ သူမက ၀တ်ကျေတန်းကျေ ပြန်လည်ဖြေဆိုလိုက်ပါသည်။

ထို့နောက် အိမ်ရှင်ဇနီးမောင်နှံနှင့်အတူ စကားလက်ဆုံ ကျသွားသည်။ ယခုမူ သူတို့အိမ်ကလေးကို မငှားတော့ကြောင်း၊ သူတို့သမီးရှိရာ အခြားနိုင်ငံသို့ ပြောင်းရွှေ့လိုက်ပါတော့မည်ဖြစ်ကြောင်း၊ ထိုဒေသမှာ ယခုထက်ပို၍ နေရောင်ရပြီး ရာသီဥတု အတန်အသင့် နွေးထွေးကောင်းမွန်ကြောင်း စသည်ဖြင့် အထီးကျန်ဖြစ်နေသော သက်ကြီးရွယ်အိုတို့၏ ဓမ္မတာအတိုင်း သူတို့ရင်တွင်းရှိသမျှ ပြောပြကြသည်။ "မင်းနေခဲ့တဲ့အခန်းကြည့်ချင်သေးလား၊ ဒီမှာသော့ရှိတယ်" အိမ်ရှင်ကပြောပြောဆိုဆိုပင် သော့ယူ၍ သူကိုယ်တိုင် ဦးဆောင်ကာ အပေါ်ထပ်ရှိရာသို့တက်ရန် ဟန်ပြင်သည်။ သူမကလည်း ခေါင်းမခါဘဲ အလိုလို သူ့နောက် လိုက်ပါသွားမိသည်။

တစ်ချိန်က ဤလှေကားအတက်အဆင်းကို အခေါက်ပေါင်းများစွာ ပြုလုပ်ဖူးသည်။ သူမ လှေကားပေါ်မှ ခြေချော်၍ ပြုတ်ကျတုန်းက သူက အလန့်တကြား ဆီးပွေ့ဖူးသည်။ သော့ဖွင့်သံကြားမှ သူမအတွေးတို့ ရပ်တန့်သွားသည်။ အခန်းထောင့် စာကြည့်စားပွဲမှအပ ကော်ဇောအပြည့်ခင်းထားသော အခန်းမှာ ဖုန်မရှိဘဲ ရှင်းလင်းနေသည်။ သစ်သီးနံ့တစ်မျိုးရသည်ဟု သူမစိတ်တွင်း ခံစားမိသည်။ လွန်ခဲ့သော ခုနစ်နှစ်က စာကြည့်စားပွဲနှင့်ထိုင်ခုံသည် ပျက်စီးယိုယွင်းမှုမရှိပါ။ သူမနောက်တွင် အခြားကျောင်းသူကျောင်းများလည်း နေထိုင်သွားခဲ့သည်ပဲ။ အနီရောင် ကော်ဇောပေါ်လျှောက်လှမ်းစဉ် လွမ်းဆွတ်ဖွယ်ကောင်းသော ခံစားမှုက ရင်တွင်းတစ်နေရာမှာ ပျော်ဝင်လျက်ရှိသည်။ "ကျွန်မ သူ့အခန်းရော ကြည့်လို့ရမလား" ခွင့်တောင်းသံစွက်သည့် သူမအမေးကို အိမ်ရှင်က ခေါင်းညိတ်ရင်း သော့ပေးသည်။ သူ့အခန်းမှာ သူမနှင့် မျက်နှာချင်းဆိုင် မကျတကျ အခန်းဖြစ်သည်။ သူ့အခန်းကို သူမကိုယ်တိုင် သော့ဖွင့်ဝင်ရခြင်းက ရန်ခုန်သံကို အနည်းငယ် နွေးထွေးစေပါသည်။

တစ်ချိန်က အလွန်တရာ ပွရှုပ်နေခဲ့သော၊ သူမ မကြာခဏ ရှင်းလင်းခဲ့ရဖူးသော အခန်းကလေးသည် ယခုတော့ တိတ်ဆိတ်သန့်ရှင်းလို့နေသည်။ အခန်းထောင့်တစ်နေရာက စက္ကူပစ်သော ကြိမ်ခြင်းကလေးကို အမှတ်မထင် တွေ့လိုက်ရသည်။ ဒါ သူဝယ်ခဲ့တဲ့ ခြင်းကလေးပဲ။ အခုထက်ထိရှိနေဆဲပဲ။ သူမရင်မှာ နာကျင်မှုတို့ ရောပြွမ်းသော လွမ်းဆွတ်ခြင်းကို ခံစားလိုက်ရသည်။ " ကျွန်မ ဒါလေး ယူသွားလို့ရမလား၊ ဒါ သူဝယ်ခဲ့တဲ့ ပစ္စည်းလေးတစ်ခုပါ" အိမ်ရှင်က သူမ စကားကိုကြားတော့ အတန်ငယ် အံ့သြသွားကာ "ရတယ်လေ၊ အခု ဘယ်သူမှလည်း အသုံးပြုကြတော့တာ မဟုတ်ဘူး၊၊ ဒါနဲ့ မင်းကြည့်ရတာ '.....' နဲ့ ပတ်သက်ပြီး တစ်စုံတစ်ခု ဖြစ်ခဲ့ပုံပဲ" "ဟုတ်ကဲ့၊ ကျွန်မတို့ လမ်းခွဲခဲ့ကြတယ်" "အို..." ဟူသော အာမေဍိတ်နောက်တွင် သူမ၏ ခံစားချက် အနည်းအကျဉ်းကို ရိပ်မိသွားဟန်တူသော မျက်လုံးအစုံကို တွေ့မြင်လိုက်ရသည်။ "အရာရာတိုင်းက ပြောင်းလဲနေတာပဲ" ဟု အိမ်ရှင်က ရေရွတ်ယင်း အခန်းတံခါး ပြန်ပိတ်ဖို့ပြင်သည်။

သူမ အောက်ရောက်တော့ ယခုတိုင် မခွဲမခွာချစ်ခင်နေထိုင်လျက်ရှိသော အိမ်ရှင်ဇနီးမောင်နှံအား နှုတ်ဆက်၍ ထွက်ခွာလာခဲ့သည်။ ဆောင်းဝင်ခါစဖြစ်သော်လည်း သူမအဖို့ ချမ်းလွန်းနေသည်။ ဈေးဝယ်အိတ်ကြီးကြီးထဲ ထည့်လာသော ကြိမ်ခြင်းပါသော အိတ်ကိုဆွဲ၍ သူမဆက်လျှောက်လာသည်။ လေကထန်ဆဲ…။

လမ်းတစ်ဖက်တစ်ချက်ရှိ အိမ်ကလေးများမှာ မီးရောင်မြင်စပြုပြီ။ ရှေ့မှာ သူမတို့မကြာခဏ ၀ယ်လေ့ရှိခဲ့သော ကုန်စုံဆိုင်လေးကို တွေ့ရသည်။ သူ့ဘေးကပ်လျက်ကဆိုင်မှာ သူမတို့ထမင်းဟင်းချက်ဖို့ပျင်းလျှင် ဖုန်းဖြင့် ဒါမှမဟုတ် လူကိုယ်တိုင် မကြာခဏ ၀ယ်ယူမှာစားခဲ့ဖူးသော အရှေ့တိုင်းစားသောက်ဆိုင်လေးက ယခင်အတိုင်းပင် ရှိနေသည်။ သူမက အတွေးများစွာနှင့် ဖြတ်လျှောက်လာရင်းနှင့်ပင် ဘူတာရုံသို့ ရောက်တော့မည်။ ဘူတာရုံနှင့်မလှမ်းမကမ်းတွင် ရုပ်ရှင်ရုံနှင့် ဈေးဆိုင်ခန်းများစွာရှိသည်။ ဟယ်ရီပေါ်တာကား ရုံစတင်သောနေ့က အိပ်ရေးပျက်ခံ၍ သူနှင့်သူမတို့ အစောကြီးထပြီး ရုပ်ရှင်ရုံသို့ လာကြသည်။ ကိုယ့်ထက်ပင်ဦးစွာရောက်ရှိနေသော လူကြီးများနှင့်ကလေးများမှာ မနည်းလှ။ ရှည်လျားသော လူတန်းကြီးကို စိတ်ရှည်စွာစောင့်ရင်း ကြည့်ခဲ့ရသည်ကို မမေ့နိုင်သေး။ အို...ဘယ်နေရာသွားသွား သူနှင့်သူမတို့ အမြဲတတွဲတွဲပါလား။ သူမကြည့်လေရာ ပတ်ဝန်းကျင်ကတော့ ယခင်အတိုင်းမပြောင်းလဲဘဲ ဘာဖြစ်လို့များ သူမတို့ကျမှ...။

ဘူတာရုံထဲရောက်တော့ သူမစီးရမည့်ရထားက ဆိုက်နှင့်နေပြီ။ သူမရထားပေါ်တက်၍ သိပ်မကြာမီပင် ရထားစထွက်သည်။ အချိန်တိကျလွန်းသည့်နိုင်ငံမို့ ရထားစထွက်ချိန်မှာ တစ်မိနစ်မျှပင်မလွဲ။ ဆိုက်ရောက်တော့လည်း အချိန်က တိကျသည်။ သူမသွားရမည့်ခရီးမှာ တစ်နာရီခန့်သာ ကြာပါသည်။ သူမတစ်ယောက်တည်း ခရီးသွားခြင်းမှာ သူနှင့်ခွဲခွာပြီးနောက် ပထမဆုံးအကြိမ်ဟုဆိုနိုင်ပါသည်။ သူမတို့နှစ်ယောက် ရထားစီး၍ ခရီးရှည်ကိုလည်း အတူသွားခဲ့ဖူးသည်။ အရာရာကို နှစ်ယောက်အတူ ရင်ဆိုင်ဖြတ်သန်းခဲ့သော သူသည်ရော သူမကို နည်းနည်းလောက်မျှ သတိရခြင်းမရှိတော့ဘူးလား။ တစ်စုံတစ်ယောက်ကများ သူ့ကို သူမကြောင်းမေးလာခဲ့ရင် သူဘယ်လိုဖြေမှာလဲ။ သူမက အတွေးတွေ တစ်ပုံကြီးနှင့်လိုက်ပါလာရင်း ခရီးတစ်ထောက် ပြန်ရောက်ခဲ့သည်။

ဘူတာရုံမှာ ပျားပန်းခတ်သောလူများ သွားလာလှုပ်ရှားလျက်ရှိသည်။ လေဆိပ်တစ်ခုအလား ကျယ်ဝန်းလှသဖြင့် လူကြားထဲပျောက်မသွားရအောင် သူမလက်ကို တင်းတင်းဆုပ်ကိုင်ထားခဲ့ဖူးသော ယောက်ျားတစ်ယောက်သည် သူမနှင့်အတူ ဘ၀ခရီးရှည် လျှောက်လှမ်းရမည်ကိုတော့ ၀န်လေးခဲ့ပုံရသည်။ သူမ မဟုတ်သောအခြားတစ်ယောက်နှင့် လက်တွဲဖြတ်သန်းဖို့ သူကိုယ်တိုင်ရွေးချယ်ခဲ့သည်ပဲ။ ဒါကို ဘာလို့များ သူမက လွမ်းဆွတ်တသနေရမှာလဲ။ သူမကိုယ်သူမ နားမလည်နိုင်တော့ပါ။

သူမလက်ဆွဲအိတ်ထဲမှ ခြင်းကလေးကိုတော့ ယူသွားရမည်။ အိမ်ပြန်ရောက်လျှင် သူမ ခံစားရေးဖွဲ့ခဲ့သော အရာများအားလုံးကို ထိုခြင်းကလေးအတွင်းသို့ စွန့်ပစ်မည်။ ရင်တွင်းဝေဒနာများ အားလုံးကို ထိုခြင်းကလေးထဲသို့ ထည့်သွင်းစွန့်ပစ်တော့မည်။ ထိုအတွက်ကြောင့်ပင် သူမ မသိစိတ်က ဤခြင်းကလေးကို ယူဆောင်လာခြင်းလား။ သူမကိုယ်တိုင် မသိနိုင်စဉ်မှာပင် အေးစက်ထုံကျင်နေသော ပါးပြင်ပေါ်သို့ နွေးထွေးသော မျက်ရည်ပူက ကျဆင်းလာခဲ့လေသည်။

တစ်ချိန်က အမှတ်တရများစွာအတွက်...

ဇွန်မိုးစက်

အတွေးထဲက ကုက္ကုစ္စ

Posted by ဇွန်မိုးစက် | Posted on Sunday, August 14, 2011

Category: Miscellaneous

လွန်ခဲ့သောရက်များက ကျွန်မစာမရေးဖြစ်သော်လည်း အတွေးထဲမှာ တစ်ခုသော အကြောင်းအရာက နေ့စဉ်လိုလို ရှိနေခဲ့သည်။

“အကြမ်းဖက်မှု” ဆိုသော စကားစုနှင့် အကြောင်းအရာသည် မနက်တိုင်းလိုလို သတင်းများဖတ်ကြည့်ရင်းက ရသွားတာ ဖြစ်နိုင်သည်။ ဆရာမဂျူး၏ “ပိုချစ်ရသူ…” စာအုပ်မှ ဖမ်းယူကောက်နုတ်မိသော စာသားတစ်ခုထက်ပိုသော အတွေးစိတ်များကြောင့်လည်း ဖြစ်နိုင်သည်။ ဒါမှမဟုတ်… ကျွန်မတို့ နေထိုင်ရာ အနီးအဝေး ပတ်ဝန်းကျင်မှာ ပြုမူဖြစ်ပျက်သွားသော ကိစ္စရပ်များကြောင့်လည်း ဖြစ်နိုင်သည်။ မည်သည့်အကြောင်းအရာကြောင့်ပဲဖြစ်ဖြစ် အကြမ်းဖက်မှုဆိုသော စကားစုနှင့် လုပ်ရပ်သည် မကောင်းသော အခြင်းအရာတစ်ခုအဖြစ် ကျွန်မတို့ ရှင်သန်နေထိုင်ရာ ဂြိုလ်ကမ္ဘာပေါ်မှာ အရင်ခေတ်ကာလကတည်းက ရှိခဲ့ဖြစ်ခဲ့၊ အခုလည်း ရှိဆဲဖြစ်ဆဲ၊ နောင်လည်း ရှိနေဖြစ်နေဦးမှာ သေချာသည့် ကိစ္စရပ်တစ်ခုဖြစ်သည်။

အိမ်၊ ကား၊ ရုံးအဆောက်အဦ၊ လေဆိပ်၊ ဘူတာရုံ၊ မီးရထား၊ သင်္ဘော၊ လေယာဉ် နေရာဒေသမျိုးစုံမှာ အကြမ်းဖက်မှုတွေ ဖြစ်ပွားလျက်ရှိသည်။ တစ်ဦးတစ်ယောက်ချင်း အကြမ်းဖက်မှု၊ လူစုလူဝေးနှင့် အကြမ်းဖက်မှု၊ တစ်ဦးတစ်ယောက်တည်းကို လုပ်ကြံအကြမ်းဖက်မှု၊ လူအစုလိုက်အပြုံလိုက်ကို သေကြေသတ်ဖြတ် အကြမ်းဖက်မှု၊ လက်နက်သုံးပြီး အကြမ်းဖက်မှု၊ ကာယခွန်အားသုံး၍ အကြမ်းဖက်မှု၊ စိတ်ရောဂါမှတစ်ဆင့် အကြမ်းဖက်မှု၊ လူမှုရေး၊ ဘာသာရေးကို ခုတုံးလုပ်၍ အကြမ်းဖက်မှု… စသည့် ခေါင်းစဉ်အမျိုးမျိုးအောက်တွင် အကြမ်းဖက် ပြုမူနေကြသော်လည်း အကြမ်းဖက်ခံရသူများ၏ ကာယနှင့်စိတ္တ ချို့ယွင်းဆင်းရဲရခြင်းမှာတော့ အားလုံးအတူတူပင် ဖြစ်သည်။

ထိုထိုသော အကြမ်းဖက်ခံရသူများထဲတွင်မှ အရွယ်မရောက်သေးသော ကလေးသူငယ်နှင့် အမျိုးသမီးများ၏ အကြမ်းဖက်ခံရမှုသည် အခြားသော အကြမ်းဖက်မှုများထက် အရေအတွက် ပိုများနေမလားဟု ကျွန်မ သံသယ ဖြစ်မိသည်။

မိသားစုဝင် အချင်းချင်း အကြမ်းဖက်မှုတွေကတော့ သိပ်ကို အရုပ်ဆိုး အကျည်းတန်လှပါသည်။ သားဖြစ်သူက မိဘနှစ်ပါးလုံး၏ နောက်စေ့ကို တူဖြင့်ရိုက်သတ်ခဲ့သည့်သတင်းမှာ ထိတ်လန့်တုန်လှုပ်စရာ။ အဖေရင်းကိုယ်တိုင် ဆယ်ကျော်သက်ရွယ်သမီးငယ်ကို မတော်မတရားပြုကျင့်မှုများကလည်း မကြားဝံ့မနာသာ။ လင်ယောက်ျားကိုယ်တိုင် မိမိဇနီးသည်အား အခြားယောက်ျားများနှင့်အိပ်ရန် အတင်းအကြပ် စေခိုင်းခံရသော ကလေးသုံးယောက်မိခင်၏ ရင်ဖွင့်အကူအညီတောင်းခံသံ။ အဖွား၊ အဒေါ်နှင့် ဦးလေးတို့က ဗီရိုထဲ သော့ခတ်ထည့်ပြီး ဒဏ်ပေးရာမှ အသက်ဆုံးပါး ရရှာသော ဆယ်ကျော်သက်မိန်းကလေး။

ကမ္ဘာတစ်ဝှမ်း အပြစ်မရှိဘဲ နှိပ်စက်သတ်ဖြတ်ခံကြရသော ကလေးငယ်တွေကလည်း အမြောက်အမြား။ တလောက သတင်းကြီးခဲ့သည့် မြန်မာနိုင်ငံ ဟင်္သာတမြို့မှာ လူမဆန်စွာ ညှင်းပန်းအနှိပ်စက်ခံရသော မောင်ထိပ်ကွက်။ နယူးယောက်မြို့က ပန်းခြံတစ်ခုမှာ လမ်းပျောက်သွား၍ အိမ်ပြန်ပို့ပေးရန် အကူအညီတောင်းရာမှ အိမ်ပြန်ပို့ပေးသူက လိမ်လည်ခေါ်ဆောင်သတ်ဖြတ်ပြီး ခန္ဓာကိုယ်အပိုင်းပိုင်း ခုတ်ဖြတ်ခံရသော ကံဆိုးလှသည့် ၇နှစ်အရွယ် အပြစ်မဲ့ ကလေးငယ်။ ဒါတွေက လတ်တလော ကျွန်မခေါင်းထဲမှာ ရှိနေသော၊ သိပ်မကြာခင်ကမှ ဖြစ်ပွားခဲ့သော အကြမ်းဖက်မှု အနည်းအကျဉ်းမျှသာဖြစ်သည်။ တစ်နေ့တစ်နေ့ နိုင်ငံတစ်နိုင်ငံစီမှာ ဖြစ်ပွားနေသော အကြမ်းဖက်မှုနှုန်း အရေအတွက် ဘယ်လောက်များ ရှိနေပါသလဲဟု ကျွန်မ စိတ်ပူပန်စွာ တွေးတောမိသည်။

ကျွန်မ ယခုရောက်ရှိ နေထိုင်လျက်ရှိသော လုံခြုံဘေးကင်း၊ အကြမ်းဖက်မှုနည်းပါးသည့် မြို့နိုင်ငံလေးမှာတောင် လွန်ခဲ့သော လအနည်းငယ်က သီတင်းခုနစ်ပတ်အတွင်း အလောင်း ၇လောင်း ဆက်တိုက်တွေ့ရှိခဲ့ရသည့် သတင်းကြားတော့ အံ့သြမိခဲ့သည်။ အင်းလေ… အရာရာကို ယခင် ဆယ်နှစ်ကအတိုင်း အမြဲနှိုင်းယှဉ် တွက်ဆနေလို့တော့ ဘယ်ရနိုင်ပါ့မလဲ။ ပြောင်းလဲဖြစ်တည်မှုတွေက အများကြီးရှိနေပြီပဲ၊ ရာဇ၀တ်မှုတွေလည်း အထိုက်အလျောက်တော့ များလာနိုင်တာပဲဟု… ကျွန်မစိတ်ကို ပြန်နှစ်သိမ့်ရသည်။ ခုချိန်ထိတော့ မိန်းကလေးများအတွက် လုံခြုံအန္တရာယ်ကင်းသည့် နိုင်ငံတစ်ခုမှာ ရောက်ရှိနေခြင်းက ကျွန်မကိုယ်တိုင် အတွက်သာမက ရပ်ဝေးရှိ မိဘဆွေမျိုးများအနေနှင့်လည်း စိတ်သက်သာရာ ရစေပါသည်။

ကမ္ဘာအရပ်ရပ်မှာ ဖြစ်ပွားနေသော အကြမ်းဖက်မှု သတင်းတွေကြားရ၊ ဖတ်ရသည့်အခါ ကျွန်မ၏အာရုံတွေ အနောက်တစ်နိုင်ငံက မြို့ကြီးတစ်မြို့ဆီ ရောက်သွားတတ်သည်။ အဲဒီမြို့မှာ ကျွန်မချစ်ခင်လေးစားရသော တစ်စုံတစ်ယောက်ရှိသည်။ သူ တစ်ခါက ကျွန်မကို ပြောပြဖူးတာ သွားသတိရသည်။ သူတို့ ကလေးရသည့်အခါ ယခုနေထိုင်သောမြို့ထက် ပိုပြီးဘေးကင်း၊ ရာဇ၀တ်မှုနည်းပါးသော မြို့တော်ကို ပြောင်းရွှေ့နေထိုင်ကြမည်တဲ့။ သို့သော်…အခုချိန်ထိ သူတို့မိသားစု မပြောင်းရွှေ့ဖြစ်သေး။ သမီးရင်သွေး တစ်ယောက်ကနေ နှစ်ယောက်ဖြစ်လာခဲ့ပြီ။ ဒီသမီးတွေ အရွယ်ရောက်သည့်တိုင် သူတို့အဲဒီမြို့မှာပဲ ဆက်လက်နေထိုင်ကြဦးမလား…။ ဒါကိုတော့ ကာယကံရှင် မိသားစုကိုယ်တိုင်သာ သိရှိဆုံးဖြတ်နိုင်သည်လေ။ ကျွန်မအနေနှင့် ၀င်ရောက်စွက်ဖက် အကြံပြုစရာလည်းမလို။

သို့သော်… ထိုမြို့တွင် ဖြစ်ပျက်သွားသော အကြမ်းဖက်မှု သတင်းတစ်ခုတလေကို ကြားမိတိုင်း စိုးရိမ်ပူပန်တတ်သော ကျွန်မ၏ စိတ်အစဉ်သည် သူ၏သမီးလေးနှစ်ယောက်ဆီသို့ ရောက်ရှိသွားတတ်ကြောင်း ကိုယ်ကိုယ်တိုင် အံ့သြရိုးသားစွာ ၀န်ခံမိသော်လည်း သူ့ကိုတော့ ဘယ်သောအခါမှ ပြောပြဖြစ်လိမ့်မည် မဟုတ်ပါ။

ဇွန်မိုးစက်

ဝေဟင်ပေါ်က အမှတ်တရများ - ၂

Posted by ဇွန်မိုးစက် | Posted on Thursday, July 14, 2011

Category: Memoirs , Travel

အမ်စတာဒမ်က စကီးဖူးလ်လေဆိပ်မှာ သုံးနာရီကြာ တစ်ထောက်နားပြီးမှ ကာဒစ်ဖ်သွားမယ့် လေယာဉ်အသေးကို ပြောင်းစီးကြရပါတယ်။ ဟိုဘက်ဒီဘက်နှစ်ခုံစီနဲ့ တစ်တန်းမှာ လေးယောက်သာ စီးနင်းလိုက်ပါခွင့်ရတဲ့ လေယာဉ်ငယ်လေးက လူ၅၀လောက်ပဲ ဆံ့ပါတယ်။ လေယာဉ်ငယ်ပေါ်မှာ ဇွန်တို့လို ကျောင်းသားတစ်ချို့နဲ့ ကျန်တဲ့ခရီးသည်အများစုက ဥရောပတိုင်းသားအမျိုးသားတွေပါ။ အားလုံးက အရေးတကြီး အစည်းအဝေး သွားတက်မယ့်ပုံစံနဲ့ ကျကျနန၀တ်ဆင်ပြီး နက်ခ်တိုင်နဲ့ ဆုကေ့ခ်ျတွေ ကိုယ်စီဆွဲလို့။ အချိန်ကလည်း မနက်ပိုင်းဆိုတော့ အလုပ်ကိစ္စနဲ့ သွားကြတဲ့ပုံတွေပါပဲ။

ဒီတစ်ခါ စီးရတဲ့ခရီးက သိပ်မကြာလိုက်ပါဘူး၊ မိနစ် ၄၀၊ ၄၅ မိနစ်သာသာပါ။ လေယာဉ်မယ်တွေက အရေးပေါ် အသက်ကယ်အခြေအနေကျရင် ဘာတွေဘယ်လို လုပ်ရမယ်ဆိုတာကို ဘာသာစကားသုံးလေးမျိုးနဲ့ ပါးစပ်ကပြောပြီး လက်ကလုပ်ပြသွားတာ မနည်းလိုက်နားထောင် ကြည့်ယူရပါတယ်။ အင်္ဂလိပ်၊ ဒတ်ခ်ျ၊ ဂျာမန်နဲ့ ပြင်သစ်လိုတွေ ပြောသွားတယ်လို့ ထင်တာပါပဲ။ ဖျော်ရည်နဲ့ သူတို့ဒေသထွက် ရိုးရာမုန့်အချိုလေးတွေကို ဗန်းလေးထဲထည့်ပြီး လိုက်ဝေပါတယ်။ ဗန်းလေးရှေ့နားချပြီး ကိုယ်ကြိုက်တာရွေးယူပေါ့။ မုန့်က နှစ်မျိုး၊ သုံးမျိုးပါတယ်။ ဇွန်က ဟိုဟာလေးလည်း စားကြည့်ချင်၊ ဒီဟာလေးလည်း စားကြည့်ချင်နဲ့ ဘာရွေးရမှန်း မသိဘူး။ နောက်ဆုံးတော့ ကောင်းမယ်ထင်တာလေး ရွေးယူလိုက်တယ်။ စိတ်ထဲမှာတော့ နောက်တစ်ခေါက် အပြန်ကျရင် အခုတစ်ခေါက် မရွေးလိုက်တဲ့မုန့်ကို ရွေးပြီးစားမယ်လို့ တေးမှတ်ထားလိုက်တယ်။

ဗြိတိန်ကျွန်းမကြီးအပေါ် လေယာဉ်ဖြတ်ပျံနေပြီလို့ သိတဲ့အခိုက်မှာ ရင်တွေတလှပ်လှပ်ခုန်လာတယ်။ ကိုယ်သိပ်ရောက်ဖူးချင်တဲ့၊ စာထဲမှာလည်း သင်ခဲ့ရတဲ့ ဗြိတိန်ကျွန်းနိုင်ငံကို ရောက်ရတော့မှာပါလားဆိုတဲ့အသိနဲ့ လေယာဉ်ပြတင်းပေါက်ကနေ အောက်ကိုငုံ့ကြည့်နေမိတယ်။ ဝေလပြည်နယ်ရောက်ပြီး လေယာဉ်ဆင်းခါနီးမှာ အေမီနဲ့ဆူရီရာက တစ်ယောက်တစ်ပေါက် ငြင်းခုန်နေကြတယ်။ ခပ်လှမ်းလှမ်းအောက်မှာ တွေ့ရတဲ့ အကောင်သေးသေးလေးတွေကို တစ်ယောက်က မြင်း၊ တစ်ယောက်က သိုးဆိုပြီးတော့။ ဇွန်လည်း သေသေချာချာ ကြည့်လိုက်တယ်။ အကောင်လေးတွေက အဖြူရောင်လေးတွေပါ… ဘယ့်နှယ့်လုပ်ပြီး မြင်းဖြစ်နိုင်ပါ့မလဲ။ ဒါနဲ့ ဇွန်လည်း သိုးဖြစ်ကြောင်း တကယ်သိသလိုလိုနဲ့ အေမီ့ဘက်က ၀င်ထောက်တယ်။

အမှန်တော့ မှန်းကြည့်ပြီး ကိုယ်လေ့လာထားသမျှ ဗဟုသုတနဲ့ ပေါင်းစပ်ပြီးပြောလိုက်တာ တကယ်လည်း အဲဒါသိုးတွေ ဖြစ်နေကြောင်း ကျောင်းကလာကြိုတဲ့ကားပေါ်မှာ လမ်းညွှန်အမျိုးသမီးကြီးက ဝေလပြည်နယ်အကြောင်း အကျဉ်းချုံးပြောပြတဲ့အခါ သိလိုက်ရတယ်။ ဝေလပြည်မှာ လူဦးရေထက် သိုးကောင်ရေ ပိုများကြောင်း ဘေးကဖြတ်သွားတဲ့ လယ်ကွင်းကျယ်တွေမှာ အုပ်လိုက်ကျက်စားနေတဲ့ သိုးတွေကို လက်ညှိုးညွှန်ပြီး ပြောပြသွားတယ်။ ဇွန်နဲ့အေမီလည်း တစ်ယောက်မျက်နှာတစ်ယောက်ကြည့်ပြီး ပြုံးလိုက်ကြတယ်။ နွေဦးကာလမို့ အဖြူအ၀ါအလေ့ကျပန်းလေးတွေ ရောနှောပေါက်ရောက်နေတဲ့ လမ်းတစ်လျှောက်က မြက်ခင်းစိမ်းစိမ်းတွေကို ကြည့်ရတာ သိပ်ကိုကြည်နူးစရာ ကောင်းခဲ့တာပါလား...။ တကယ်မမေ့နိုင်တဲ့ အမှတ်တရ တစ်လခရီးပါပဲ။

အပြန်ကျတော့ ကာဒစ်ဖ်ကနေ အမ်စတာဒမ်ကို တစ်ခေါက်ပြန်စီးကြရတယ်။ အဲဒီ့မှာ အလာတုန်းက အပြန်မှာ မစားလိုက်ရတဲ့ နောက်မုန့်တစ်မျိုးကို ရွေးစားမယ်လို့ စိတ်ကူးထားတဲ့ ဇွန်တစ်ယောက် လေယာဉ်မယ် မုန့်ဗန်းလာချမယ့် အချိန်ကို စောင့်နေတာပေါ့။ သြော်…. အတော်အတွေးခေါင်လိုက်တဲ့ ကိုယ်ပါလားဆိုတာ မုန့်ဗန်းမြင်မှပဲ သိတော့တယ်။ ဒီတစ်ခါ သူတို့ကျွေးတာ နောက်ထပ်အမျိုးအစားမတူတဲ့ မုန့်တွေဖြစ်နေပါရောလား။ အသွားတုန်းက မစားကြည့်လိုက်ရတဲ့ မုန့်အတွက်ပဲ နှမြောမိသလိုလို ဖြစ်သွားသေးတာ။ ဒီတစ်ခါတော့ အဲလိုမဖြစ်ခံဘူးဆိုပြီး မုန့်နှစ်မျိုးစလုံး ယူခဲ့လိုက်တာပေါ့။ ဘာရမလဲ…ဟွန်း။

အမ်စတာဒမ်ရောက်တော့ ငါးနာရီကြာ transit ၀င်ပြီးမှ လေယာဉ်ထပ်စီးရပါတယ်။ ဒီတစ်ခါ ကိုယ်ထိုင်တဲ့ထိုင်ခုံနား အဆော့သန်တဲ့ ကလေးတွေများ ပါလာဦးမလားလို့ အနည်းငယ်ပူပန်စိတ် ရှိခဲ့ကြပေမယ့် အလယ်တန်းမှာ ပါလာတဲ့ ကလေးနှစ်ယောက်က သိပ်မဂျီလို့ ကံကောင်းသွားပါတယ်။ ဇွန့်ရှေ့တည့်တည့်မှာထိုင်တဲ့ လူဖြူတစ်ယောက်ကတော့ လေယာဉ်ထိုင်ခုံအောက်မှာထားတဲ့ သူ့ကျောပိုးအိတ်ထဲကနေ စူပါဟီးရိုးရုပ်ပြစာအုပ်တွေ တစ်အုပ်ပြီးတစ်အုပ် ထုတ်ထုတ်ပြီးဖတ်တာ တစ်လမ်းလုံးပါပဲ။ အသွားတုန်းကလို လေယာဉ်မောင်ချောချောလေးများ ပါလာမလား စောင့်ကြည့်ပေမယ့် မတွေ့ရပါဘူး။ ဒီလိုနဲ့ပဲ အမ်စတာဒမ်-စင်္ကာပူ ဝေဟင်ခရီးဟာ အမှတ်တရများစွာနဲ့ ပြီးဆုံးခဲ့ပါတယ်။

(၄)

နောက်နှစ်လအကြာမှာ ဗြိတိသျှလေကြောင်းလိုင်းနဲ့ ဇွန်တစ်ယောက် လန်ဒန်ဟီးသရိုးလေဆိပ်ကို ၁၃နာရီကြာစီးပြီး တစ်ယောက်တည်း သွားရပါတယ်။ လေယာဉ်ပေါ်မတက်ခင် နားနေခန်းမှာကတည်းက ကိုယ်နဲ့အတူစီးမယ့် ခရီးသွားတွေကို ဟိုဟိုဒီဒီ လိုက်အကဲခတ်ကြည့်မိတော့ အင်္ဂလိပ်တစ်ယောက်ရဲ့ အမျိုးသမီး တရုတ်မလေးတစ်ယောက်ကလွဲလို့ ကျန်တဲ့ခရီးသည်တွေအားလုံး အနောက်တိုင်းသားတွေချည်းပါပဲ။ ဇွန့်စိတ်ထဲ အားငယ်သလိုလိုတောင် ဖြစ်မိပါတယ်။ နေရာကျတော့လည်း နောက်ဆုံးနားက နှစ်ယောက်ခုံမှာ။ အတွင်းဘက်မှာထိုင်တဲ့ အင်္ဂလိပ်မလေးက အသက်သိပ်မကြီးသေးပေမယ့် အတော်လေးဝပြီး ထွားကျိုင်းပါတယ်။ လေယာဉ်မယ်တွေက အာရှလေကြောင်းလိုင်းကလို ငယ်ငယ်သွယ်သွယ်လေးတွေ မဟုတ်ဘဲ အသက်ကြီးကြီး ၀၀ဖိုင့်ဖိုင့်တွေ ဖြစ်နေတာကို အံ့သြစွာနဲ့ တွေ့ရပါတယ်။ လေယာဉ်မောင်ကလည်း ခပ်ဖြောင့်ဖြောင့်ပေမယ့် အသက်တော့ မငယ်ပါဘူး။ မျက်နှာထားကလည်း တည်လိုက်တာမှ သူ့လုပ်စာ စားနေရတဲ့အတိုင်း။ ဒတ်ခ်ျအဲလိုင်းက လေယာဉ်မောင်နဲ့များကွာပါ့လို့ စိတ်ထဲမှာပဲကြိတ်ပြီး ဝေဖန်လိုက်ပါတယ်။

ကံကောင်းထောက်မစွာနဲ့ ဇွန်တို့လေယာဉ်နောက်ပိုင်းကို serve လုပ်တဲ့ လေယာဉ်မယ်လေးက မျက်နှာချိုချိုနဲ့ တရုတ်မလေး ဖြစ်နေပါတယ်။ လေယာဉ်အဆင်းအတက် အရေးပေါ်အခြေအနေများအတွက် အင်္ဂလိပ်၊ တရုတ်ဘာသာစကား နှစ်မျိုးနဲ့ ပြောပြပေးတာကြားရမှ ဗြိတိသျှလေကြောင်းလိုင်းမှာ တရုတ်လေယာဉ်မယ် လိုက်ပါစီးနင်းရခြင်း အကြောင်းကို သဘောပေါက်သွားပါတယ်။ အစားအသောက်ချင်း ယှဉ်ကြည့်ပြန်တော့လည်း ဒတ်ခ်ျအဲလိုင်းက သာတာပါပဲ။ ကိုယ်စားနေကျမဟုတ်တဲ့ အရွက်သုပ်ဆဲလတ်တွေ ဘာတွေကျတော့ ဘေးက အင်္ဂလိပ်မလေးက ဘယ်အထုပ်ကိုဖောက်ပြီး ဘယ်လိုထည့် ဘယ်လိုနယ်သလဲဆိုတာ မသိမသာကြည့်လိုက်ပြီး သူစားတဲ့အတိုင်းပဲ လိုက်စားလိုက်တယ်။

လမ်းသွားရင် ရေငတ်တတ်တဲ့ဇွန်က သွားလေရာ ရေဗူးသယ်ပါတယ်။ (အဲဒီအချိန်က လေယာဉ်ပေါ် ရေဗူးသယ်ခွင့် ရပါသေးတယ်) တစ်ညလုံးအိပ်ပြီးလိုက်လာတဲ့ဇွန် လေယာဉ်မဆင်းခင် လေးဆယ့်ငါးမိနစ်လောက်အလိုမှာ ရေဆာလာပါတယ်။ ပါလာတဲ့ရေဗူးက ရေလည်း ကုန်သွားပြီမို့ လေယာဉ်မယ်လေးကို ရေတောင်းပါတယ်။ လေယာဉ်မယ်လေးက ဟုတ်ကဲ့လို့ပြောပြီး ပေါ်မလာခဲ့ပါဘူး။ နှုတ်ခမ်းတွေခြောက်နေပြီး ရေအလွန်ငတ်နေတဲ့ ဇွန်တစ်ယောက် ရေဆာတဲ့ဒဏ်ကို ကြိတ်မှိတ်သည်းခံပြီး... လေဆိပ်ရောက်မှပဲ သောက်တော့မယ်လို့ စိတ်တင်းလိုက်ပါတယ်။ ရေဆာဆာနဲ့ လေယာဉ်ကို မြန်မြန်ဆင်းစေချင်ပါပြီ။ လေယာဉ်ဘီးချပြီး ပြေးလမ်းပေါ်
ရောက်တဲ့အချိန်မှာ စိတ်နဲနဲသက်သာရာ ရသွားပါတယ်။ ရေသောက်ရတော့မယ်လေ။ အဲဒီအချိန်မှာပဲ လေယာဉ်မယ်လေးက စောစောက ရေမှာထားတာ မင်းမဟုတ်လား၊ ဆောရီးနော်လို့ တောင်းပန်ပြီး ရေတစ်ခွက်လာပေးပါတယ်။ လေယာဉ်မဆင်းခင် မမေ့မလျော့နဲ့ ရေလာပေးတဲ့သူ့ကို ကျေးဇူးတင်ပြီး ဆာဆာနဲ့ သောက်လိုက်ပါတယ်။ တကယ်လို့များ လေယာဉ်မယ်လေးသာ ရေယူပေးဖို့ မေ့လျော့သွားရင် ဒီအဲလိုင်းကို နောက်ထပ်စီးချင်စိတ် ရှိပါဦးမလားလို့ သံသယဖြစ်မိပါတယ်။

(၅)

နောက် ၂နှစ်အကြာမှာ လန်ဒန်ဟီးသရိုးကနေ စင်္ကာပူချန်ဂီ၊ အဲ့ဒီကနေမှ ရန်ကုန်အပြည်ပြည်ဆိုင်ရာလေဆိပ်ကို စင်္ကာပူလေကြောင်းလိုင်းနဲ့ ပြန်လာခဲ့ပါတယ်။ ဒီတစ်ခါ အိမ်ပြန်တော့ သူနဲ့အတူ နှစ်ယောက်ပါ။ အဲဒီ့တစ်ခေါက်ပဲ ဇွန်နဲ့သူ နှစ်ယောက်အတူ လေယာဉ်စီးပြီး ခရီးသွားဖူးလိုက်ပါတယ်။ ရန်ကုန်လေဆိပ်ရောက်ရင်ပြဖို့ အရေးကြီး စာရွက်စာတမ်းတွေထည့်ထားတဲ့ဖိုင်ဟာ ဘတ်ဂေခ်ျ့လုပ်တဲ့အထဲပါသွားလို့ ဇွန်သူ့ကိုစိတ်ဆိုးပြီး လေယာဉ်ပေါ်မှာ စကားလုံးဝမပြောခဲ့ပါဘူး။ ကိုယ့်မျက်နှာရှေ့တည့်တည့်က တီဗွီမျက်နှာပြင်ပေါ်မှာပဲ အာရုံစိုက်ထားပါတယ်။ အဲဒီ့အချိန်က ပြတဲ့ရုပ်ရှင်ကားတွေက နာမည်ကြီးကားကောင်းတွေဖြစ်နေတော့ ဟိုကားလည်းကြည့်ချင်၊ ဒီကားလည်းကြည့်ချင်နဲ့၊ ကိုရီးယား၊ ဂျပန်လိုင်းတွေလည်းပါနေတော့ ချန်နယ်တွေ တစ်ခုပြီးတစ်ခုပြောင်းပြီး ၀င်ကြည့်ပါတယ်။ တစ်လမ်းလုံး ဟိုလိုင်းပြောင်းကြည့်လိုက်၊ ဒီလိုင်းပြောင်းကြည့်လိုက်နဲ့ နောက်ဆုံး ဘယ်ကားမှ မိမိရရ မကြည့်ဖြစ်လိုက်ပါဘူး။ သူကတော့ ‘Troy’ တစ်ကားနဲ့ ဟယ်ရီပေါ်တာကြည့်လိုက်တယ်လို့ နောက်မှပြန်ပြောပြပါတယ်။ ဇွန်လေယာဉ်စီးတဲ့အချိန်တိုင်း ဟယ်ရီပေါ်တာ တစ်ကားကားပြတာနဲ့ ကြုံတတ်တာကို သတိပြုမိပါတယ်။ သူနဲ့နှစ်ယောက်အတူသွားခဲ့တဲ့ တစ်ခုသော ဝေဟင်ခရီးက ဇွန့်အတွက်တော့ အမှတ်တရပါပဲ။

(၆)

နောက်ပိုင်းမှာ စင်္ကာပူ၊ ရန်ကုန်ကို ဂျက်စတား၊ ဆခ်အဲတို့နဲ့ အပြန်ပြန် အလှန်လှန်စီးဖြစ်ပေမယ့် ထွေထွေထူးထူး အမှတ်ရစရာ သိပ်မရှိခဲ့ပါဘူး။ တစ်ခါက ဂျက်စတားမှာ တာဝန်ထမ်းဆောင်လိုက်ပါလာတဲ့ ကရင်လူမျိုး မြန်မာလေယာဉ်မောင် ချောချောလေးတစ်ယောက်ကို သတိပြုမိတယ်။ ဒီလောက်ပါပဲ။

၂၀၀၇ စက်တင်ဘာမှာ staff retreat အနေနဲ့ မကာအိုကို တိုင်းဂါးအဲဝေးနဲ့ သွားရပါတယ်။ ဘတ်ဂျတ်အဲလိုင်း ဖြစ်လေတော့ ၄နာရီနီးပါးခရီးမှာ အသွားမှာ ရေတစ်ဗူး၊ အပြန်မှာ ရေတစ်ဗူးနဲ့ ဘာဂါတစ်လုံးကို အပြင်ဈေးထက် အဆပေါင်းများစွာပေးပြီး ၀ယ်စားလိုက်ရတော့ အင့်ကနဲ ဖြစ်သွားပါတယ်။ ပြောတော့ ဘတ်ဂျတ်အဲလိုင်းတဲ့… ကြီးလိုက်တဲ့ဈေး။ လက်စသပ်တော့ ဘတ်ဂျတ်အဲလိုင်းဆိုတာ အစာမကျွေး၊ ရေမပေးဘဲ လိုက်ပါစီးနင်းရတဲ့ခရီးကိုးလို့ သဘောပေါက်လိုက်ပါတယ်။ ခရီးနီးရင် စီးရတာတန်ပါတယ်။ လေးငါးခြောက်နာရီလောက် စီးရမယ့်ခရီးဆို ဇွန့်လို မကြာခဏ ရေဆာ၊ ဗိုက်ဆာတတ်တဲ့သူအဖို့ သိပ်မကိုက်ပါဘူး။

(၇)

ပြီးခဲ့တဲ့မတ်လက သူငယ်ချင်းသုံးယောက်နဲ့အတူ အလှူကိစ္စအတွက် မြန်မာပြည်ကို Silk Air လေကြောင်းလိုင်းနဲ့ အတူတူ ပြန်ဖြစ်ခဲ့ကြတာလည်း အမှတ်တရ ဖြစ်ခဲ့ပါတယ်။ လေးယောက်ဖြစ်နေတော့ check-in အ၀င်မှာ နှစ်ယောက်တစ်တွဲစီ ထိုင်ခုံပေးဖို့ ပြောလိုက်တာ ဟိုဘက်ဒီဘက် emergency exit နှစ်ဖက်ရဲ့ရှေ့တည့်တည့်ထိုင်ခုံမှာ ကျသွားလို့ လေးယောက်သား တစ်လမ်းလုံး မတ်မတ်ကြီးစီးပြီး လိုက်ပါခဲ့ရပါတယ်။ အရင်က တစ်ခါမှ emergency exit seat မှာ မထိုင်ဖူးပါဘူး။ ဒါပေမယ့် နှစ်ယောက်တစ်တွဲစီ စကားတပြောပြောနဲ့ လိုက်ပါခဲ့ကြတာမို့ သုံးနာရီနီးပါး ခရီးစဉ်က အကုန်မြန်သွားပါတယ်။ တစ်ယောက်ထဲသာဆို နေရာကျယ်ပေမယ့် သက်တောင့်သက်သာမရှိတဲ့ ခုံမတ်မတ်မှာ စကားပြောဖော်မရှိဘဲ စီးရမှာ ပျင်းရိငြီးငွေ့စရာ သိပ်ကောင်းမှာပဲလို့ ထင်မိပါတယ်။ အပြန်ခရီးမှာ အေးအေးလူလူ နောက်မှီချပြီး စီးရတော့မယ်ထင်တာ…. တိုက်တိုက်ဆိုင်ဆိုင် အရေးပေါ်ထွက်ပေါက်နားက ခုံမှာပဲ ရပြန်ပါတယ်။ ဒီတစ်ခါလည်း သူငယ်ချင်းနဲ့ စကားတပြောပြော လိုက်ပါသွားတာမို့ ခံသာသွားပါတယ်။ အရင်းနှီးဆုံးသူငယ်ချင်းတွေနဲ့ လေယာဉ်အတူတူ စီးခွင့်ရတာကြောင့်ရော၊ အသွားရောအပြန်ပါ အရေးပေါ် ထွက်ပေါက်ကပ်လျက် ထိုင်ခုံမှာကျတာကြောင့်ရော ဇွန်ကြုံဖူးသမျှ စင်္ကာပူ-ရန်ကုန် ဝေဟင်ခရီးစဉ်တွေထဲမှာ ၂၀၁၁ မတ်လခရီးက တကယ့်ကို အမှတ်တရဖြစ်ခဲ့ပါတယ်။

ဇွန်က ခရီးသွားရတာ၊ လေယာဉ်စီးရတာတွေ ကြိုက်ပါတယ်။ ခရီးသွားတဲ့ အခိုက်အတန့်မှာ တွေ့ရတဲ့ စရိုက်ကိုယ်စီနဲ့လူတွေ၊ လေကြောင်းလိုင်းတွေရဲ့ ၀န်ဆောင်မှုပေးပုံတွေကို စိတ်ဝင်စားပါတယ်။ အခုချိန်ထိ ဇွန်စီးဖူးသမျှ လေကြောင်းလိုင်းထဲမှာ တော်ဝင်ဒတ်ခ်ျလေကြောင်းလိုင်း (KLM–Royal Dutch Airlines) ကို သဘောအကျဆုံးပါပဲ။ အစားအသောက်၊ ၀န်ဆောင်မှု အားလုံးကောင်းပါတယ်။ ၂၀၀၄ခုနှစ် မေလမှာ ပြင်သစ်လေကြောင်းလိုင်းနဲ့ အကျိုးတူ ပူပေါင်းပျံသန်းပြီးတဲ့နောက် Air France–KLM ရယ်လို့လည်း ခေါ်တွင်ပါတယ်။

လေယာဉ်အကြာကြီးစီးရတဲ့ ခရီးရှည်တွေ မသွားဖြစ်တာ ကြာပါပြီ။ နောက်တစ်ခါ ဝေဟင်ခရီးရှည် သွားခွင့်ကြုံတဲ့အခါ၊ အမှတ်တရလေးတွေ ကြုံကြိုက်တဲ့အခါ ခုလိုပဲ စာစုလေးအဖြစ် ချရေးမိဦးမယ် ထင်ပါတယ်။

ဇွန်မိုးစက်