Posted by
ဇွန်မိုးစက်
|
Posted on
Monday, June 18, 2012
Category:
Birthday
,
Poem
,
Wishes
အမေနှစ်ယောက်ရှိတယ်…။
တစ်ယောက်က
ချောမောပိန်သွယ် မြန်မာဆန်ပြီး တစ်ယောက်က တောက်ပထက်မြက်တဲ့ မျက်လုံးတွေ ပိုင်ဆိုင်တယ်။
တစ်ယောက်က
မိခင်ဇနီးအိမ်ရှင်မကောင်း ပီသခဲ့ပြီး တစ်ယောက်က လူဦးရေ ၅၉သန်းရှိတဲ့ နိုင်ငံအတွက်
ယုံကြည်အားကိုးရာ ခေါင်းဆောင်ဖြစ်ခဲ့တယ်။
တစ်ယောက်က
မိုင်ထောင်ချီဝေးတဲ့ အနောက်အရပ်မှာ ကျန်နေခဲ့တဲ့ မိသားစုအတွက် ပူပင်သောကရှိခဲ့ပေမယ့် တစ်ယောက်က
သူယုံကြည်ရာပန်းတိုင်အတွက် ငြိမ်းချမ်းရဲရင့်စွာ၊ တစ်ကိုယ်တည်း အထီးကျန်စွာ တိုက်ပွဲဝင်ခဲ့တယ်။
တစ်ယောက်က
သူမအပေါ် သူမတူအောင် နားလည်ပံ့ပိုး ချစ်မြတ်နိုးတဲ့ ခင်ပွန်းဖြစ်သူနဲ့သားနှစ်ယောက်ကို
သတိရလွမ်းဆွတ်နေခဲ့ပြီး တစ်ယောက်က သူမချစ်ရတဲ့ တိုင်းသူပြည်သားလူအများ စိတ်လုံခြုံလွတ်လပ်မှုရဖို့အတွက်
စဉ်းစားပေးနေခဲ့တယ်။
တစ်ယောက်က
နိုဗယ်ငြိမ်းချမ်းရေးဆု အပ်နှင်းခံရပြီး တစ်ယောက်က သားနှစ်ယောက်ကို ပြုစုစောင့်ရှောက်ဖို့
လက်လွှတ်ခဲ့ရတယ်။
တစ်ယောက်က
ခင်ပွန်းဖြစ်သူရဲ့နောက်ဆုံးခရီး ပို့ဆောင်ခွင့်ကို ဆုံးရှုံးခဲ့ရပြီး တစ်ယောက်က သူ့အသက်ရှင်သန်နေသရွေ့ တိုင်းပြည်အရေးသာ ဦးစားပေးရွေးချယ်ဖို့ ဆုံးဖြတ်ခဲ့တယ်။
တစ်ယောက်က
နေအိမ်အကျယ်ချုပ်ဘ၀က လွတ်မြောက်ခဲ့ပြီး တစ်ယောက်က နာရီလက်တံတွေ ရွေ့လျား ခေါ်ဆောင်ရာနောက်ကို
လိုက်ပါလာခဲ့တယ်။
တစ်ယောက်က
သားငယ်ကိုပွေ့ဖက် ပီတိအပြုံးနဲ့ ဆီးကြိုခဲ့ပြီး တစ်ယောက်က မမြင်တာကြာပြီဖြစ်တဲ့ သားကြီးအကြောင်း
မျှော်လင့်နားစွင့်နေခဲ့တယ်။
တစ်ယောက်က
အသက်ရလာပြီး ပင်ပန်းနွမ်းနယ်မှုတွေရှိလာပေမယ့် တစ်ယောက်က ခရီးတွေသွားပြီး နိုင်ငံတကာစင်မြင့်ပေါ်မှာ
မိန့်ခွန်းတွေ ပြောနေခဲ့တယ်။
တစ်ယောက်က
သားမြေးတွေနဲ့ အတူနေပြီး အနားယူချင်ပေမယ့် တစ်ယောက်က အနားမနေဘဲ နိုင်ငံနဲ့လူမျိုးအတွက်
စွမ်းသမျှ လုပ်ဆောင်ပေးဖို့ ခွန်အားတွေ မွေးနေခဲ့တယ်။
အမေနှစ်ယောက်လုံး ဇွန်လ ၁၉ရက်နေ့မှာ ကျရောက်တဲ့ ၆၇နှစ်မြောက် မွေးနေ့မင်္ဂလာကို မိသားစုနဲ့အတူ အမှတ်တရ
ကျင်းပခွင့်ရလို့ ကြည်နူးဝမ်းသာနေကြတယ်။
သားနှစ်ယောက်ရဲ့အမေ၊
ကမ္ဘာမှာ မြန်မာကို ကိုယ်စားပြုခဲ့တဲ့အမေ… အသက်ရှည်ကျန်းမာ ဘေးအန္တရာယ်ကင်းပါစေ။
၁၉.၆.၂၀၁၂ အတွက်
ဇွန်မိုးစက်
Posted by
ဇွန်မိုးစက်
|
Posted on
Saturday, June 09, 2012
Category:
Birthday
အဲဒီ့နေ့က
စနေမိုးစွေ ရွာခဲ့ပါသတဲ့။ ထူးခြားတာတစ်ခုက ဘယ်ကလာမှန်းမသိတဲ့ မြွေတစ်ကောင်ဟာ အိမ်နောက်ဖေးပေါက်ကနေ
အိမ်ရှေ့ကို တန်းတန်းမတ်မတ် ဖြတ်ပြီး ဘယ်သူ့ကိုမှ ရန်မမူဘဲ ခြံထဲကို ဆင်းသွားတယ်တဲ့။
မြွေဖြတ်သွားတဲ့အချိန် နောက်ဖေးမှာ ထမင်းအိုးတည်နေတဲ့ မိန်းမပျိုတစ်ယောက်က အလန့်တကြား ထခုန်မိခဲ့ပေမယ့်
အိမ်ထဲမှာရှိနေတဲ့ တစ်စုံတစ်ယောက်က အမှတ်မထင် နံရံပေါ်က နာရီကို လှမ်းကြည့်မိသွားတယ်။
ညရောက်တော့ ဆေးရုံကပြန်လာတဲ့သူကို ဖွားမြင်တဲ့ ကလေးအကြောင်း မေးကြည့်ရင်း အိမ်ထဲကို
မြွေဖြတ်သွားတဲ့အချိန်နဲ့ ကလေးမျက်နှာမြင်ချိန် တိုက်ဆိုင်နေတာကို အံ့သြစွာနဲ့ သိလိုက်ရတယ်။
အဲဒီ့မြွေကိုတော့ နောက်ထပ်မတွေ့ရတော့ဘူးတဲ့။
ဒါနဲ့ပဲ
လူကြီးတွေက ဒီကလေးဟာ မြွေနဲ့အဆက်အစပ် ရှိရမယ်လို့ ယုံကြည်ခဲ့ကြတယ်။ သူတို့ ယုံကြည်သလိုပဲ
အဲဒီ့ကလေးမလေးဟာ မြွေနဲ့အကျိုးပေးတယ်။ မြွေကို မြင်ရင် လိုချင်တာ ဆုတောင်းလို့ ဘေးအိမ်က
ဦးလေးကြီး သင်ပေးထားတဲ့အတိုင်း လိုက်ဆုတောင်းတာ ထူးဆန်းစွာနဲ့ တကယ်ပြည့်ခဲ့တယ်။ မြွေပေါတဲ့အရပ်မှာနေပေမယ့်
မြွေကို နဲနဲလေးမှ မကြောက်ဘူး။ မြွေမြင်ရင် အနီးကပ်ကြည့်ချင်တယ်။ စိတ်ဝင်စားတယ်။ အနီးအနားလမ်းမှာ
မြွေအရှင်အဖြစ်ဖြစ်၊ အသေဖြစ်ဖြစ်တွေ့တယ်လို့ သတင်းကြားရင် သွားကြည့်ချင်တယ်။ တစ်ခါက
အိမ်ရှေ့က အုန်းပင်အောက်မှာ လင်းမြွေလာခွေနေလို့ လူကြီးတွေ မသိအောင် အနီးကပ် သွားကြည့်လိုက်သေးတယ်။
မြွေကိုမြင်ရတဲ့အခါ သူမကို ရန်မမူတဲ့အပြင် ပြုံးပြနေတယ်လို့တောင် ထင်တယ်။
ကလေးဘ၀က
တိရစ္ဆာန်ဥယျာဉ်ကို သွားလည်တဲ့အခါ သူမ အရင်ဆုံးကြည့်ချင်တာ၊ သွားချင်တာ၊ မြွေတွေ ရှိတဲ့နေရာကိုပဲ။
အဲ့ဒီနေရာကို မရောက်မှာ မကြည့်လိုက်ရမှာ စိုးရိမ်တယ်။ ကျန်တဲ့နေရာတွေသာ မမှတ်မိတာ၊
မြွေတွေရှိတဲ့နေရာကိုတော့ တိရစ္ဆာန်ဥယျာဉ် ပထမဆုံးတစ်ခေါက် ရောက်ဖူးကတည်းက မှတ်မိတယ်။ မိုးရာသီမှာ
အိမ်အပေါ်ထပ်ဝရန်တာပေါ်ကနေ အောက်မှာ မြင်ရတဲ့ ရေမြွေသေးသေးလေးတွေကို စာကလေးခွေ ချကျွေးချင်
ကျွေးတတ်တာ။ မြွေကားဆိုလည်း အရမ်းကြိုက်တယ်။ ငယ်ငယ်က တီဗွီမှာပြတဲ့ အဖြူအမည်း မြွေမင်းသားနဲ့
မြန်မာကားလာရင် စိတ်ဝင်တစားကြည့်တယ်။ မြွေမင်းသားနဲ့ပေါင်းဖက်ပြီး မွေးလာတဲ့ ကလေးလေးခေါင်းမှာ
ဆံပင်တွေအစား မြွေလေးတွေ တွဲလောင်းကျနေတာတောင် မှတ်မိသေးတယ်။ မြွေဆို အရမ်းကြောက်တတ်ပြီး
မြွေပုံပါရင် စာအုပ်ကို လွှတ်ချတဲ့ အဒေါ်တစ်ယောက်ကို ဘာကြောင့် သူ ဒီလောက် မြွေကြောက်တတ်ရတာလဲဆိုပြီး
နားမလည်နိုင်ခဲ့ဘူး။
ခုတော့
မြွေမမြင်ရတာ နှစ်ပေါင်း အတော်ကြာခဲ့ပြီ။ မြွေအကြောင်း စိတ်ဝင်တစား ရှိသေးပေမယ့် အရင်ကလောက်
မရင်းနှီးတော့ဘူး။ အရင်ကထက်စာရင် မြွေကို နဲနဲကြောက်တတ်လာသလိုပဲ။ အသက်ကြီးလာလို့များလား။
မြွေနဲ့ ဆက်စပ်မှုရှိတယ်လို့ ယုံကြည်တာထက်စာရင် အတိတ်ဘ၀ အတော်များများမှာ မြွေဖြစ်ခဲ့ဖူး၊
မြွေနဲ့ပတ်သက်ခဲ့ဖူးတာ ဖြစ်နိုင်တယ်လို့ ကိုယ်တိုင်ပဲ မှတ်ချက်ချမိတယ်။ တကယ်တော့ ဂင်္ဂါဝါဠု
သဲစုမကတဲ့ ဘုရားတွေတောင် အဆူဆူ ပွင့်သွားပြီးပြီ။ ကိုယ်က ခုချိန်ထိ သံသရာမှာ ကျင်လည်နေတုန်းပဲဆိုတော့
ကိုယ်မဖြစ်ခဲ့ဖူးတဲ့ သတ္တ၀ါတောင် ရှိချင်မှ ရှိလိမ့်မယ်။
ခက်ခဲလှတဲ့
လူ့ဘ၀ရခိုက်လေး၊ စစ်မှန်တဲ့ဘာသာတရား ယုံကြည်ကိုးကွယ်ခွင့်ရခိုက်လေးမှာ သံသရာက ကျွတ်တမ်းမ၀င်သည့်တိုင်အောင်
သံသရာတိုအောင် မလုပ်နိုင်ခဲ့ရင် ကိုယ့်လောက်မိုက်တဲ့သူရှိမှာ မဟုတ်ဘူးလို့ တွေးမိတယ်။
ကုသိုလ်တရားတွေ ဆက်ကာဆက်ကာမလုပ်ဖြစ်ရင် လူဖြစ်ရကျိုးလည်း နပ်မှာမဟုတ်ဘူး။ အသက်တစ်နှစ်ကြီးလာတဲ့နဲ့အမျှ
အကုသိုလ်တရားထက် ကုသိုလ်တရားပိုပြုမိဖို့ အရေးကြီးတယ်ဆိုတာ ကိုယ့်ကိုယ်ကို မကြာခဏ သတိပေးနေရင်း၊
ဖြစ်လာသမျှ၊ ဖြစ်ခဲ့သမျှ အပါယ်ရောက်နိုင်တဲ့ ဒေါသအကုသိုလ်စိတ်တွေကို ချုပ်တည်းဖြေဖျောက်
လျှော့ချဖို့ကြိုးစားရင်းနဲ့ ဂဏန်းနှစ်လုံးထပ်တူဖြစ်သွားတဲ့ မွေးနေ့ကို ကြိုဆိုလိုက်ပါတယ်။
ဟက်ပီပူးဒေး….
ဇွန်မိုးစက်!
Posted by
ဇွန်မိုးစက်
|
Posted on
Tuesday, May 08, 2012
Category:
Feelings
ဇွန်တွေ့ဖူးသမျှ
စလုံးအမျိုးသားတွေထဲမှာ သူဟာ စိတ်ထားအလွန်ရည်မွန်ပြီး စကားပြောရင် လည်း နူးညံ့ချိုသာ အေးဆေးတာမို့ အစက သူ့ကို ရုပ်ရည်ချောမော အရပ်အမောင်း ကောင်းတဲ့ gay တစ်ယောက်များ ဖြစ်နေမလား လို့တောင် ထင်မှတ်မှားခဲ့ဖူးပါတယ်။ သူအလုပ်မပြောင်းခင် ဇွန်နဲ့နှစ်ပတ်သာ
ဆုံတွေ့ လိုက်ရပေမယ့် သူဟာ လုပ်ဖော်ကိုင်ဖက်ကောင်း တစ်ယောက်မို့ မမေ့ခဲ့ပါဘူး။
သူနဲ့ဇွန်နေတဲ့
ရပ်ကွက်ကလည်း တူတာမို့ တစ်ခါတစ်လေ ရုံးအပြန် ရထားစီးတဲ့အခါ ဆုံတတ်ပါတယ်။ လမ်းသွားရင်း သူ့မိသားစုအကြောင်း ပြောပြတတ်တဲ့သူက ဇွန့်ထက် တစ်နှစ်ငယ်ပါတယ်။ သူက ပိုလီ ဒီပလိုမာ ကျောင်းဆင်းဖြစ်လို့
ဒီဂရီရထားတဲ့ ဇွန့်ကို အားကျတယ်လို့ ပြောပါတယ်။ တကယ်တမ်း သူက အလုပ် အလွန်ကြိုးစားသူ ဖြစ်တာကြောင့်
Business Development Executive တစ်ယောက်အနေနဲ့ ဇွန်တို့ ရုံးက ထွက်ပြီး နှစ်နှစ်အတွင်းမှာပဲ
Product Manager ဖြစ်သွားသူပါ။ သူအလုပ်ထွက်ပြီး နောက်ပိုင်း အပြင်မှာ သုံးကြိမ်လောက်ပဲ
ဆုံလိုက်ပေမယ့် မျက်နှာစာအုပ်မှာ မိတ်ဆွေအဖြစ် ရှိနေတဲ့သူ ကားဝယ်စီးတာ၊ ခရီးတွေသွားတာ၊
Fullerton မှာ မင်္ဂလာဆောင်တာတွေ အားလုံးကို သိနေခဲ့ပါတယ်။
ဒါပေမယ့် လွန်ခဲ့တဲ့တစ်ပတ်က မျက်နှာစာအုပ်မှာ သူ့ status update ရုတ်တရက် တက်လာတဲ့အခါ ဖတ်လိုက်ရတဲ့သူအဖို့
အတော်လေး အံ့သြတုန်လှုပ်ရပါတယ်။ သူ့အမျိုးသမီးက သူ့ wall ကနေပြီး မနေ့နေ့လည်က သူငြိမ်းချမ်းစွာ ကွယ်လွန်သွားပြီး ဖြစ်တဲ့အတွက်
အသုဘရှုဖို့ အိမ်လိပ်စာပေးပြီး ရေးလိုက်တာပါ။ ကိုယ့်မျက်စိကို ကိုယ် မရုံနိုင် လောက်အောင်
အံ့အားသင့်ခဲ့ရတာ ဇွန်တစ်ယောက်တည်း မဟုတ်မှန်း အောက်က မှတ်ချက်တွေ တစ်ခုချင်း လိုက်ဖတ်ကြည့်မှ
သိရပါတယ်။
ပြီးခဲ့တဲ့
ဖေဖော်ဝါရီ ၁၄ရက်နေ့မှာမှ ကင်ဆာရှိမှန်း သိရပြီး နှစ်လခွဲအကြာမှာ ဆုံးသွားခဲ့တာပါ။
သူဆုံးသွားတဲ့အချိန်မှာ သူ့အိမ်ထောင်သက်က ၈လပဲ ရှိပါသေးတယ်။ များသောအားဖြင့် ကင်ဆာဆိုရင်
ခြောက်လတစ်နှစ်အထိ ခံကြပေမယ့် သူ့အတွက်တော့ သိပ်ကို မြန်သလိုပါပဲ။ သူ့လို လူကောင်း တစ်ယောက်ကို
ဆုံးရှုံးရတဲ့အခါ ကျန်ရစ်ခဲ့သူ အားလုံးက နှမြောတသ စိတ်မကောင်း ဖြစ်ရပါတယ်။ သူက ရောက်တဲ့နေရာမှာ
စိတ်ထားကောင်းသူ အဖြစ်၊ အလုပ်အလွန်ကြိုးစား တာဝန်သိတတ်သူ တစ်ယောက်အဖြစ် အသိအမှတ်ပြု ခံရတဲ့သူမို့
သူအလုပ်ဝင်ခဲ့ဖူးသမျှ လုပ်ငန်းခွင်က လူတွေအားလုံး သူ့အသုဘကို လာကြည့်ကြပါတယ်။
အသက်အရွယ်၊
ရာထူး၊ ငွေကြေးဥစ္စာ အတန်အသင့် ပြည့်စုံပြီး အိမ်ထောင်တစ်ခု ထူထောင်ပြီးကာစ သူလိုလူရွယ် တစ်ယောက်
လူ့လောကထဲကနေ ထွက်သွားပြန်ပါပြီ။ သေခြင်းတရားဆိုတာ အချိန်မရွေး၊ အရွယ်မရွေး၊ ရှောင်လွှဲလို့
မရနိုင်တဲ့ သင်္ခါရသဘောမှန်း သိနေပါရက်နဲ့ ကိုယ်နီးစပ်တဲ့ အသိုင်းအ၀ိုင်းမှာ တစ်ခါပြန်ကြုံရတဲ့ အခါတိုင်း
အံ့သြတုန်လှုပ်မှု ဖြစ်ရပြန်ပါတယ်။ နေ့စဉ်ညတိုင်း ကွေးသောလက် မဆန့်မီ၊ ဆန့်သောလက် မကွေးမီ
အချိန်လေး အတွင်းမှာ လူတွေသေဆုံးသွားတာ ဘယ်နှစ်ယောက်များ ရှိနေပြီလဲလို့ တွေးမိပါတယ်။
အသက်ရှင်ခိုက် အချိန်လေးမှာ ကုသိုလ်စိတ်လေး တတ်နိုင်သမျှ သတိထားမွေးဖို့ ခုတလော အတ္တကြီးပြီး အလွယ်တကူ စိတ်တိုနေတတ်တဲ့ ကိုယ့်ကိုယ်ကို သတိပေးရင်း မှတ်သားဖူးတဲ့ “မနာပ ဒါယီ ဆရာတော်”
ရဲ့ သံဝေဂလင်္ကာလေးနဲ့ နိဂုံးချုပ်လိုက်ပါတယ်။
“ဘယ်အရွယ်မှာ၊ ဘယ်ရောဂါဖြင့်
ဘယ်ရပ်ဒေသ၊ ဘယ်ကာလ၌
သေကြရမည်၊ မသိနိုင်တာ ဓမ္မတာတည်း။
သေပြီးတစ်ဖန်၊ ပြန်ဖြစ်ပြန်လည်း
ဖြစ်ရာဘ၀၊ ဘုံဌာနကို
ကြိုတင်တိကျ မသိရ၍
တိကျသေချာ၊ ခုချိန်ခါ၌
ကောင်းမှုအစု၊ ကြိုးစားပြုလော့။”
ဇွန်မိုးစက်
Posted by
ဇွန်မိုးစက်
|
Posted on
Wednesday, May 02, 2012
Category:
Feelings
လွန်ခဲ့သော
၆ လခန့်က မမျှော်လင့်ဘဲ ကြည့်ရှုခဲ့ရသော မှတ်တမ်းရုပ်ရှင်ကား တစ်ခုထဲက မျက်ဝန်းတွေကို မြင်ယောင် နေမိသည်။ အပြုံးအရယ်မဲ့သော၊ မျှော်လင့်ချက်ကင်းမဲ့သော၊ ပိုင်ဆိုင်မှုတို့ ဘယ်တော့မှ
ပြန်မရနိုင်တော့သော၊ ချစ်ခင်သူများကို မျက်စိရှေ့မှောက် လက်တွဲဖြုတ်ခွဲခွာခဲ့ရသော၊
တစ်စုံတစ်ခုကို ဒေါသထွက် နာကြည်းနေသော၊ ယုံကြည်အားကိုးမှု ပျောက်ဆုံးနေသော၊ အားငယ်ဝမ်းနည်းသော
အနုတ်လက္ခဏာ ဆောင်သည့် မျက်လုံးများ…။
သူတို့ဘ၀ပြန်လည်ရပ်တည်ဖို့ကလွဲပြီး
ဘာတစ်ခုမှစိတ်ဝင်တစားမရှိခဲ့။ သူတို့ကို ကင်မရာတစ်လက်နှင့် မှတ်တမ်းယူနေမှန်း သိချင်လည်းသိမည်၊
သိချင်မှလည်း သိလိမ့်မည်ဖြစ်သော်လည်း ဟိုစဉ်အခါလို ဗွီဒီယိုကင်မရာအရိုက်ခံရသည့်အခါ
ဖြစ်ပေါ်လာသည့် ရိုးသားရှက်ဝံ့တတ်သော ပြုံးစစ မျက်နှာပေးများ တစ်ယောက်တစ်လေမှ မရှိခဲ့။
နင်တို့တတွေ ဒါကြီးကိုင်ပြီး ဘာလာလုပ်တာလဲဟူသော အတွေးမျိုးသာ ရှိချင်ရှိခဲ့လိမ့်မည်။
သူတို့အားလုံး၏ တူညီသော ခံစားချက်တွေက မျက်ဝန်းအစုံတိုင်းမှာ ထင်ဟပ်လို့နေသည်။ သူတို့၏
မျက်ဝန်းများ ကြည်လင်တောက်ပမှုမရှိ၊ မျက်ရည်တို့သာ စွတ်စိုရစ်ဝဲလျက် မရေရာသော အနာဂတ်ကို
မရဲတရဲ စိုးရိမ်စိတ်ဖြင့် လှမ်းမျှော်ပုံဖော်ဖို့ရာ လုံလောက်သော အားအင်တို့ မရှိခဲ့။
နေရာထိုင်ခင်း၊
အ၀တ်အစား၊ မိဘ၊ မောင်နှမ၊ သားသမီး၊ ဆွေမျိုးသားချင်း မိတ်ဆွေအားလုံး ညတွင်းချင်း ပျက်စီးဆုံးရှုံးဗလာကျင်း
ကျန်ရစ်ခဲ့သော သူတို့အားလုံး၏ မျက်လုံးများသည်လည်း တူညီစွာ အရောင်အဆင်းကင်းမဲ့ ဗလာကျင်းလျက်…။
ကြည့်ရှုခံစားမိသူ
ကိုယ်တိုင်လည်း မဆည်နိုင်သော မျက်ရည်တွေ ပိုးပိုးပေါက်ပေါက် ကျနေမိခဲ့….။
---------------------------------------------------------------------------
ရသအလင်း
၆လပြည့်အထိမ်းအမှတ်ပွဲမှာ ပြသခဲ့တဲ့ “သည်မော်နိုင်” ရဲ့ “The Nargis” လို့ ခေါင်းစဉ်ပေးထားတဲ့
Documentary အမျိုးအစား ဖြစ်ရပ်မှန် မှတ်တမ်းရုပ်ရှင်ကားပါ။ မုန်တိုင်းဖြစ်ပြီးစ ၂၀၀၈
မေလ တစ်ပတ်ကနေ တစ်လအထိ အကူအညီတွေတောင် မရောက်နိုင်၊ မရောက်ခဲ့တဲ့ နေရာတွေအထိ ထဲထဲဝင်ဝင်
သွားရောက်ပြီး နာဂစ်မုန်တိုင်းဒဏ် ခံခဲ့ရတဲ့၊ သောက်ရေသန့်တစ်ပုလင်းတောင် အကူအညီ မရခဲ့ကြရှာတဲ့၊
ကြေကွဲစရာကောင်းတဲ့ အသက်ရှင်ကျန်ရစ်ခဲ့သူ ရွာသူရွာသားတွေရဲ့ အဖြစ်မှန်တွေကို မေးမြန်းစုစည်းပြီး
ရိုက်ကူးထားခဲ့တာပါ။ ကိုယ်ထင်မှတ်ထားတာထက်ပိုပြီး အများကြီးဆိုးဝါးတဲ့အခြေအနေတွေ ကြုံတွေ့ခဲ့ရရှာတဲ့
သူတို့အဖြစ်တွေကို ကြည့်နေရင်းက မျက်ရည်လည်းကျရ၊ ၀မ်းနည်းဒေါသတွေလည်း ထွက်ရပါတယ်။
အခက်အခဲတွေကြားကနေ
ရအောင်သွားရောက်ရိုက်ကူးပြီး သေသေချာချာ တည်းဖြတ်ထုတ်လုပ်ခဲ့တဲ့ ကိုသည်မော်နိုင်နဲ့အဖွဲ့ကို
တကယ်ပဲလေးစားချီးကျူးမိပါတယ်။ “The Nargis” ကားကို မင်းထင်ကိုကိုကြီး ရိုက်ကူးခဲ့တဲ့
“အင်းသီး” ထက်ကို ပိုကြိုက်ပါတယ်။ ဇာတ်လမ်းကို ကြိုတင်ပြင်ဆင်ပြီး ရိုက်ကူးခဲ့တာ မဟုတ်ပေမယ့်
ရိုက်ကူးထားတဲ့အထဲက မှတ်တမ်းတွေကိုပဲ အစအဆုံး စုစည်းချိတ်ဆက်ပြီး ပြသသွားတာ အရမ်းကောင်းပါတယ်။ တစ်ချိန်က ရွာရှိခဲ့ဖူးတယ်ဆိုတာကို ကျိန်ပြမှယုံရမယ့် ဟင်းလင်းပြင်ဖြစ်ခဲ့ရတဲ့ မြစ်ကမ်းနံဘေးနုန်းရွှံ့မြေမှာ
အရောင်မဲ့ မျက်ဝန်းတွေနဲ့ ကလေးမလေးတစ်ယောက် ဟိုးအဝေးကို လှမ်းမျှော်ကြည့်နေခဲ့တဲ့ ဇာတ်သိမ်းခန်းကလည်း အဓိပ္ပာယ်အများကြီး ဆောင်ပါတယ်။
မြန်မာလူမျိုး အနုပညာရှင်တစ်ယောက်အနေနဲ့ ဖန်တီးခဲ့တဲ့ နိုင်ငံတကာကို ပြသနိုင်တဲ့ အဆင့်မြင့်တဲ့
မှတ်တမ်းရုပ်ရှင်ကားမို့ ကျေနပ်ဂုဏ်ယူမိပါတယ်။ ဒါပေမယ့် အဲဒီ့ကားကြည့်ပြီးကတည်းက နာဂစ်မုန်တိုင်း ဒဏ်ခံခဲ့ရတဲ့
ဧရာဝတီမြစ်ဝကျွန်းပေါ်ဒေသက ရိုးသားတဲ့ ရွာသူရွာသားတွေရဲ့ အရာင်မဲ့မျက်လုံးတွေနဲ့ ဟင်းလင်ပြင်ဖြစ်ခဲ့ရတဲ့
သူတို့တတွေရဲ့ပုံရိပ်နဲ့ ဘ၀ကို ဘယ်လိုမှ မေ့မရခဲ့ပါဘူး။ လေးနှစ်ကြာခဲ့ပေမယ့်၊ လူတွေက
သူတို့ကို ကူညီစောင့်ရှောက်ဖို့ မေ့သွားကောင်းမေ့သွားကြပေမယ့် သူတို့တတွေကတော့ အိပ်မက်ဆိုးတွေ ထပ်တလဲလဲမက်ရင်း ခက်ခဲကြမ်းရှလှတဲ့ ဘ၀တွေကို ကြိုးစားရှင်သန် ရုန်းကန်နေကြရဦးမှာပါ။
ဇွန်မိုးစက်
