ညို့အတွက်...

4

Posted by ဇွန်မိုးစက် | Posted on Thursday, October 17, 2013

Category: ,

ငါ့ရင်ထဲရှိတာတွေ နင်မြင်ခဲ့သလို
နင့်ခံစားချက်တွေ ငါနားလည်ခဲ့တယ်၊
 
နင့်ရင်ထဲက စကားသံတွေ ငါနားထောင်ပေးခဲ့သလို
ငါ့အရှုံးတွေလည်း နင်မျှဝေခံစားခဲ့တယ်၊

ငါ့ပုခုံးထက် နင်ငိုရှိုက်ဖူးသလို
နင့်အားပေးစကားနဲ့ ငါမျက်ရည်တိတ်ခဲ့ဖူးတယ်၊

အခက်အခဲတွေကို အတူတူဖြေရှင်း
တစ်ယောက်အကူအညီ တစ်ယောက်ဖြည့်ဆည်းရင်းနဲ့
သူငယ်ချင်းကောင်းဆိုတဲ့ ခေါင်းစဉ်အောက်
အပြန်အလှန် အားပေးထူမခဲ့ကြတယ်။

တစ်ယောက်တစ်နေရာစီ
မိုင်ထောင်ချီဝေးကွာခဲ့ပေမယ်
ချစ်ခင်ရင်းနှီးမှု သံယောဇဉ်က
လွန်ခဲ့တဲ့ နှစ်ဆယ့်သုံးနှစ်ကအတိုင်း
မပြောင်းမလဲ စွဲမြဲခိုင်ကျည်နေဆဲ...။

နင်အလုပ်များတာ ငါသိသလို
ငါမအားလပ်တာလည်း နင်နားလည်မှာပါ
ဒါပေမယ့် ချစ်ခင်သူကြား 
မအားဘူးဆိုတာ အသာထားလို့ 
တခဏတာ အချိန်ပေး
အလွမ်းတွေကြားခံရင်းနဲ့ပဲ
ငါချစ်တဲ့ နင့်အတွက်
လက်ချောင်းလေးတွေ လှုပ်ရှား
စာကြောင်းများအဖြစ် ရေးဖွဲ့သီ စီကုံးမိသွား...။

ညို ရေ....
ကာရန်မညီ ကဗျာအသွင် မပီပြင်ပေမယ့်
ပျော်ရွှင်မင်္ဂလာအပေါင်းနှင့် ပြည့်စုံသော
မွေးနေ့ရက်မြတ်ဖြစ်ပါစေကြောင်း
ဇွန် ဆုတောင်းလိုက်တယ်နော်...။



ညိုရဲ့
ချစ်သူငယ်ချင်း ဇွန်
၁၇ အောက်တိုဘာ ၂၀၁၃

ကျွန်မနှင့်ကောင်းကင်ပြာ

8

Posted by ဇွန်မိုးစက် | Posted on Thursday, October 03, 2013

Category:


ကောင်းကင်ပြာသည် ကျွန်မအတွက် အဆုံးမသတ်နိုင်သော ပန်းချီကားတစ်ချပ်ဖြစ်သည်၊ အပြီးသတ်ရေးဖွဲ့ဖို့ ခဲယဉ်းသည့် ကဗျာတစ်ပုဒ်ဖြစ်သည်။

အဲ့သည် ပြာလွင်သော ကောင်းကင်ထက်မှာ ကြိုတင်မမြင်နိုင်သော ကျွန်မ၏အနာဂတ်ရှိသည်၊ ကြိုးစားပြီးမေ့ပစ်သော အတိတ်၏အရိပ်တချို့ရှိသည်။ ပစ္စုပ္ပန်တည့်တည့်မှာတော့ အနားသတ်မဲ့သော ကောင်းကင်ပြာကို ကျွန်မ ရပ်ကြည့်မျှော်ငေးနေမိသည်။

ကောင်းကင်ပြာကို ဘယ်အရွယ်ကတည်းက စတင်နှစ်ခြိုက်သဘောကျခဲ့မှန်း အတိအကျ မမှတ်မိတော့သော်လည်း ကျွန်မ ပတ်ဝန်းကျင်ကို လေ့လာခံစား တတ်သိနားလည်ချိန်မှစပြီး မီးရထား၊ ကား၊ သင်္ဘောများနှင့် ခရီးသွားခွင့်ကြုံသည့်အခါတိုင်း လမ်းတလျှောက်လုံး ကောင်းကင်ပြာနှင့် ဖြူလွလွတိမ်တိုက်တွေကိုပဲ ကျွန်မ မရိုးနိုင်စွာ မျက်စိတဆုံး လိုက်ကြည့်မိတတ်သည်။ စိတ်ကူးအတွေးတွေ ဖြန့်ကျက်မိတတ်သည်။ ကျွန်မအတွက်တော့ ကောင်းကင်ပြာက စိတ်ကူးပင်လယ်နှင့်တူပြီး တိမ်စိုင်တိမ်လိပ်ဖြူတွေကတော့ ထိုအတွေးစိတ်ကူးများကို နီးစပ်အကောင်အထည်ဖော်ဖို့ ထပ်ဆင့်အတောင်တပ်၊ ရွက်လွှင့်ပေးသည့် စိတ်ကူးလှေနှင့်တူပါသည်။ တိမ်တိုက်ဖြူကိုစီးပြီး ကျွန်မ ကမ္ဘာတစ်လွှားလျှောက်သွားနိုင်သည်။ မျက်စိဖြင့် တပ်အပ်မမြင်နိုင်သော ကောင်းကင်ပြာထက်က နတ်ဘုံနတ်နန်းသို့လည်း ရောက်ရှိ ခရီးနှင်နိုင်သည်။ ကောင်းကင်ပြာနှင့် ဖြူဖွေးသောတိမ်တောင်တို့ကို မြင်ရသည့်အခါတိုင်း ကလေးဘ၀ကလိုပင် စိတ်ကူးတည့်ရာ လျှောက်တွေးသည့်နောက်ကို ကျွန်မ အတားအဆီးမရှိ လိုက်သွားချင်နေဆဲဖြစ်သည်။

ကောင်းကင်ပြာသည် ကျွန်မ၏ စိတ်အတွေးအာရုံများကို တဒင်္ဂအားဖြင့် ရပ်တန့်မိန်းမောစေနိုင်သည့် အစွမ်းသတ္တိရှိကြောင်း လွန်ခဲ့သော လအနည်းငယ်အတွင်း ကျွန်မ ပိုသိလာရသည်။ ကျွန်မစာကြည့်နေရင်း ညာဘက်ပြတင်းမှ ကြည်စင်သော ကောင်းကင်ပြာကို မြင်ရလျှင် စာဆက်မကြည့်နိုင်ဘဲ တခဏလောက်တော့ ငြိမ်သက်သွားရမြဲဖြစ်သည်။ ကျောင်းအသွားလမ်းမှာ ကောင်းကင်ပြာကို တမေ့တမောကြည့်ရင်း လမ်းလျှောက်မိသည့်အတွက် တစ်ကြိမ်မက ခလုပ်တိုက်မိတတ်သည်။ ကျောင်းစာကြည့်တိုက်မှာ စာဖတ်နေရင်း မှန်ပြတင်းမှ ပြာလဲ့နေသော ကောင်းကင်ကို လှမ်းမြင်ရလျှင် ဖတ်လက်စစာအုပ်ကိုချပြီး ဝေဟင်မှာ ပျံသန်းနေသော လေယာဉ်များနှင့် ကောင်းကင်ပြာထဲ မိနစ်အနည်းငယ် လွင့်မျောတိုးဝင်မိပြန်သည်။

တစ်ခါက အဝေးပြေးကားနှင့် သုံးနာရီကြာ သွားရမည့် ခရီးတစ်ခုမှာ လမ်းတစ်လျှောက်ဖတ်ရန် ကျူတိုရီရယ်နှင့်ပတ်သက်သော ဆောင်းပါး ဆယ်စောင်လောက် ကျွန်မ ယူသွားခဲ့သည်။ တကယ်တမ်း အသွားအပြန် စုစုပေါင်း ခြောက်နာရီခရီးမှာ ကျွန်မ ဆောင်းပါးတစ်စောင်သာ ဖတ်ဖြစ်ခဲ့သည်။ လမ်းခရီးတစ်လျှောက်လုံးနီးပါး ကျယ်ပြောပြာလွင်သည့် ကောင်းကင်ကို တငေးတမောကြည့်ရင်း ကျွန်မလိုက်ပါသွားသောကြောင့်ဖြစ်သည်။ 

တလောကလည်း စိတ်ဖိစီးမှုလျှော့ချရန် အိမ်နှင့် မဝေးလှသော ကမ်းခြေသို့ သွားဖြစ်သည့်အခါ ပြာလွင်တည်ငြိမ်သောကောင်းကင်ပြင်ကိုသာ ငေးမော့ကြည့်သောအချိန်များခဲ့သဖြင့် ပင်လယ်ရေနှင့်ထိတွေ့ဖို့ပင် ကျွန်မမေ့လျော့သွားခဲ့သည်။ ကင်မရာထဲမှ ပုံရိပ်များ ကွန်ပျူတာထဲသို့ ပြောင်းထည့်သည့်အခါ ကျွန်မရိုက်ယူခဲ့သော ပုံအတော်များများမှာ ကောင်းကင်ပြာတို့၏ ပုံရိပ်များဖြစ်နေကြောင်း ကျွန်မ အံ့သြစွာ တွေ့ရှိသိလိုက်ရပြန်သည်။

တခါတရံ ကောင်းကင်ပြာအောက်က ကမ္ဘာ့တောင်ခြမ်းတစ်နေရာမှာ ကျွန်မတစ်ယောက်တည်း စိတ်အားငယ်မိသည့်အခါ၊ ခွဲခွာပေးဆပ်ခဲ့သော အရာများနှင့် ကျွန်မ၏ ဆုံးဖြတ်ချက်တို့ မှန်ကန်ထိုက်တန်ရဲ့လားဟု အတွေးဝင်မိသည့်အခါ ကျွန်မတွေဝေသွားခဲ့သော်လည်း ပြာလဲ့သောကောင်းကင်ကို မြင်ရသည့်တခဏမှာတော့ ထိုအတွေးတို့ေ၀၀ါးလွင့်ပြယ်သွားခဲ့ပါသည်။ 

အခိုက်အတန့်ဖြစ်ကောင်းဖြစ်လိမ့်မည်၊ သို့ပေမယ့် ကြည့်လိုက်တိုင်း ကျွန်မချစ်သော ကောင်းကင်ပြာကို အမြဲတစေ ကြည်ကြည်စင်စင် မြင်ရသော နေရာတစ်ခုမှာ ရောက်ရှိနေသည့်အတွက် အတိုင်းအတာတစ်ခုအထိ ကျေနပ်မိကြောင်း ကျွန်မ၀န်ခံပါသည်။

ပြာလွင်ကြည်စင်သော ကောင်းကင်ကို လှမ်းမော့ကြည့်ရင်း မြန်မာပြည်မှာ ရှိစဉ်တုန်းက ကြည့်ဖူးသော ဂျပန်ဇာတ်လမ်းတွဲတစ်ခုက ကျွန်မအတွေးထဲ ဖျတ်ခနဲ ၀င်လာခဲ့သည်။ ငယ်စဉ်ကလေးဘ၀မှာကွဲကွာပြီး အတန်ကြာမှ ပြန်လည်တွေ့ဆုံသော အဖေနှင့်သမီးကြားက အဆင်မချောလှသော ဆက်ဆံရေး၊ အဖုအထစ်၊ အဖြစ်အပျက်တို့ကို မိဘမေတ္တာနှင့်ယှဉ်ပြီး ရိုက်ပြသွားသော အခန်းဆက်ဇာတ်လမ်းတွဲဖြစ်သည်။ သမီးဖြစ်သူက ၀မ်းနည်းသည့်အခါတိုင်း ကောင်းကင်ကို မော့ကြည့်တတ်သော အကျင့်ရှိသည်။ အဲသည်လိုမော့ကြည့်တတ်အောင် သင်ပေးခဲ့သူမှာ ဖခင်ဖြစ်ကြောင်း အစောပိုင်းဇာတ်လမ်းတွဲတစ်ခု၏အဆုံးမှာ လှပစွာ ပြသသွားခဲ့သည်ကို ကျွန်မ မှတ်မိနေဆဲဖြစ်သည်။ မိခင်ဖြစ်သူနှင့် တရားဝင်လမ်းခွဲသည့်နေ့မှာ ငိုရှိုက်နေသည့်သမီးငယ်ကို အားမငယ်ဖို့၊ ၀မ်းနည်းမျက်ရည်ကျမိသည့်အခါ ကောင်းကင်ပြာကို မော့ကြည့်အားတင်းဖို့ ဖခင်က မှာကြားသွားခဲ့သည်။

ကောင်းကင်ပြာကြောင့် ကျွန်မစိတ်တွေ ကြည်နူးရသည်။ ကျွန်မအတွေးတွေ လွင့်မျောပျံသန်းခွင့်ရသည်။

ကောင်းကင်ပြာကြောင့်ပင် ကျွန်မ စာတစ်ပုဒ်ရေးဖွဲ့ဖြစ်သည်။

ပြီးတော့… ကောင်းကင်ပြာကို မော့ကြည့်ပြီး ကျွန်မ၏ မျက်ရည်များကို သိမ်းဆည်းတတ်ခဲ့ပြီ ဖြစ်သည်။ 


ဇွန်မိုးစက်

Black & White

13

Posted by ဇွန်မိုးစက် | Posted on Friday, September 13, 2013

Category: ,

အဖြူနဲ့အမည်းဆိုလို့ လူဖြူလူမည်း အကြောင်းလား၊ ဒါမှမဟုတ် လွန်ခဲ့တဲ့ အနှစ်သုံးဆယ်နီးပါးက ထွက်ခဲ့တဲ့ ဂီတပွဲတော်အခွေထဲက ဟေမာနေ၀င်းသီဆိုခဲ့တဲ့ ကိုယ်ကအဖြူဆို သူက အမည်း၊ ဒီအဖြေလေးက ရှင်းနေသားပဲ သီချင်းစာသားနဲ့များ ပတ်သက်နေမလားလို့ အတွေးရောက်ချင် ရောက်သွားနိုင်ပါတယ်။ တကယ်တော့ ကာလာကင်မရာခေတ်မတိုင်ခင် ရိုက်ထားခဲ့တဲ့ အဖြူအမည်းဓာတ်ပုံတွေကို ဆိုလိုချင်တာပါ။

ပြီးခဲ့တဲ့အခေါက် ဇွန် မြန်မာပြည်ပြန်တုန်းက အဖြူအမည်း ဓာတ်ပုံလေးတွေကို စုစည်းယူဆောင်ပြီး စကဲန်ဖတ်ထားခဲ့ပါတယ်။ အစကတော့ စက်တင်ဘာ ၁၄ရက်မှာ ကျရောက်မယ့် မေမေ့မွေးနေ့မှာ ဇွန်ငယ်ငယ်က မေမေနဲ့နှစ်ယောက်အတူ ရိုက်ထားတဲ့ ပုံလေးတွေစုပြီး အမှတ်တရ တင်မယ်လို့ စိတ်ကူးရှိခဲ့ပေမယ့် အဖြူ၊ အမည်းပုံလေးတွေ ပြန်မြင်တော့ စိတ်ပြောင်းပြီး ကိုယ့်မှာရှိသမျှ ပုံလေးတွေကို တစ်စုတစ်စည်းတည်း တင်ချင်စိတ်ပေါ်သွားပါတယ်။ အဲဒါနဲ့ပဲ ဒီပို့စ်လေးက ဇွန့်ရဲ့ Black & White photo collection ဖြစ်သွားတယ် ဆိုပါတော့။း)


 
ဒီပုံက ဇွန် အခါလည်မတိုင်မီ မန္တလေးကို လည်လည်သွားတုန်းက ရိုက်ခဲ့တာ။ ဖေဖေရယ်၊ မေမေရယ်၊ နောက်ပြီး အစ်မ၀မ်းကွဲနှစ်ယောက်ရယ်နဲ့ပေါ့။

ဒီဓာတ်ပုံလေးနောက်မှာ မေမေ ရေးမှတ်ထားတာကို ကြည့်လိုက်တော့ ဇွန် တစ်နှစ်ပြည့်မွေးနေ့မှာ ရိုက်ခဲ့တာ။ 

မိသားစုဝင်ထဲမှာ အရင်းနှီးဆုံးဖြစ်ခဲ့တဲ့ အမေနဲ့သမီး အနေဘယ်လောက်ဝေးဝေး စိတ်ထဲအမြဲနီးနေခဲ့တဲ့အတွက်ရော၊ အမေ့သမီးဖြစ်ခဲ့တဲ့အတွက်ရော ၀မ်းသာကျေနပ်မိတယ်။

ဝက်သက်ပေါက်လို့ ကတုံးရိပ်ခံထားရတဲ့ ဇွန်ရဲ့ သုံးနှစ်ပြည့်မွေးနေ့မှာလည်း  ရွှေတိဂုံဘုရားကို ရောက်ပါတယ်။


စစ်တွေက ပွိုင့်အမည်ရတဲ့ ကမ်းခြေမှာရိုက်ခဲ့တာလို့ သေသေချာချာ မှတ်မိနေတယ်။


အခုချိန်မှာ စာတွေများလို့စိတ်ရှုပ်နေတဲ့ ဇွန့်မျက်နှာက အဲတုန်းကလို ရှုံ့မဲ့မဲ့လေး ဖြစ်နေတယ်လို့ မြင်ယောင်ကြည့်လို့ရတယ်နော်။း)


ပထမဆုံး ကျောင်းဝင်ကတ်ပြားအတွက် ရိုက်ခဲ့တဲ့ပုံလေးကို ကြည့်မိတိုင်း ငါးနှစ်သမီးဇွန်က ယောက်ျားလေးနဲ့တောင် ပိုတူနေသလိုပဲ မှတ်ချက်ချမိတယ်။


ဒီပုံလေးကတော့ ဇွန်ရိုက်ခဲ့သမျှ အဖြူအမည်းပုံတွေထဲမှာ နောက်ဆုံးလို့ ပြောလို့ရတယ်။ အဲ့ဒီနောက်ပိုင်းရိုက်ဖြစ်တဲ့ ပုံအားလုံးက အရောင်နဲ့ဖြစ်သွားပြီကိုး။

တစ်ချိန်က အမှတ်တရကာလတွေကို ပြန်အောက်မေ့ သတိရရင်း အသက်ခြောက်ဆယ်ပြည့်သွားတဲ့ မေမေ့ရဲ့ မွေးနေ့မင်္ဂလာအတွက် အဝေးကနေလှမ်းပြီး ဆုတောင်း လိုက်ပါတယ်။ ချစ်သောမေမေ သက်ရှည်ကျန်းမာ ပျော်ရွှင်မင်္ဂလာ အပေါင်းနှင့်ပြည့်စုံသော မွေးနေ့ရက်မြတ်ကို ကောင်းမှုကုသိုလ်တွေနဲ့အတူ ဖြတ်သန်းနိုင်ပါစေလို့။  



ဇွန်မိုးစက်

သယ်ပိုးရာမှာ သူတို့ပါ

7

Posted by ဇွန်မိုးစက် | Posted on Tuesday, September 03, 2013

Category:

ဂျင်းပန်အပြာဝတ်ပြီး ကျောပိုးအိတ်လွယ်ရခြင်းကို ကြိုက်နှစ်သက်သော၊ ထိုအကြောင်းကို တခုတ်တရ စာဖွဲ့ခဲ့ဖူးသော ဇွန်သည် သြစတြေးလျနိုင်ငံ၏ ထိပ်တန်းစာရင်းဝင်တက္ကသိုလ်တစ်ခုတွင် ဘွဲ့လွန်ကျောင်းသူအဖြစ် တက်ရောက်သင်ကြားခွင့်ရချိန် အစပထမတွင် ကျောပိုးအိတ်လွယ်ပြီး ကျောင်းတက်ဖို့ရာ စိတ်ကူး လုံးလုံးမရှိခဲ့ချေ။ သူမ၏အသက်အတော်အတန်ကြီးပြီဟု ယူဆထားသည်ကတစ်ကြောင်း၊ သူမတက်ရောက်သင်ကြားရမည့် ဘာသာရပ်သည် လူကြီးဆန်သည်ဟု ထင်မြင်မိသည်ကတစ်ကြောင်းတို့ကြောင့် ကျောပိုးအိတ်အစား ပခုံးတစ်ဖက်တည်းပေါ်မှာ  အလွယ်တကူ တင်လွယ်နိုင်သော၊ ပစ္စည်းပစ္စယ များများစားစား ထည့်နိုင်သော လက်ပွေ့အိတ်ကြီးကြီးတစ်လုံးကိုသာ ဟန်ကျပန်ကျ ကိုင်မည်ဟု ဆုံးဖြတ်ထားခဲ့လေသည်။ သို့ရာတွင်… လက်တွေ့မှာ စိတ်ကူးနှင့် ခြားနားခဲ့သည့်အလျောက် မူလဒုံရင်း ကျောပိုးအိတ် လွယ်မြဲဘ၀သာ  ပြန်လည်ရောက်ရှိခဲ့လေသည်။

ရာသီဥတုအေးပြီး လေပြင်းများတိုက်ခတ်သည့်အခါ လက်နှစ်ဖက်ကို အပေါ်ရုံအနွေးထည်ရှေ့ခြမ်းရှိ အိတ်ကပ်ထဲထည့်ထားပြီး လမ်းလျှောက်မှသာ ခံသာသည့်အတွက်ကြောင့်လည်းကောင်း၊ သူမ၏ အလေးချိန်စီးသော လက်ပ်တော့အိုကြီးကို ရံဖန်ရံခါ ကျောင်းသို့သယ်ယူသွားရန် လိုအပ်သောကြောင့်လည်းကောင်း ကျောပိုးအိတ်ထက်ပို၍ အဆင်ပြေသက်သာသော အခြားအိတ်ကို အစားထိုးရန် ရှာမတွေ့ခဲ့ချေ။ သို့ဖြစ်ရာ သူမ ထည့်နေကျပစ္စည်းများကို ထိုအိတ်ထဲသို့ အကန့်လိုက်ထည့်ပြီး နေ့စဉ်ကျော၌ သယ်ပိုးသွားနေရာ အစ်မသက်ဝေ၏ ကောင်းမှုဖြင့် အိတ်အတွင်းရှိ အရာများကို ကိုယ်တိုင်ပြန်လည် ဆန်းစစ်ကြည့်ရှုမိရုံမျှမက အများသူငါတို့အားလည်း ပေးသိမြင်ခွင့်ရစေရန် အကြောင်းဖန်လာတော့သည်။

ခဲရောင်အဆင်းရှိ ခရီးဆောင်ကျောပိုးအိတ်တွင်း နေ့စဉ်နှင့်အမျှ ခိုအောင်းလိုက်ပါနေကြသော အရာများကား ပုံပါအတိုင်း ဖြစ်တော့သည်။ 


ပုံတွင် မပါသော၊ အလွန်တရာပေါ့ပါးသော အခြားပစ္စည်းနှစ်မျိုးလည်း အတွင်းကျဆုံး အကန့်မှာ ကျန်ရှိနေသေးကြောင်း သူမ ဖျတ်ခနဲသတိရသွားသော်လည်း တကူးတက ထုတ်မကြည့်ဖြစ်တော့ပေ။ တစ်ခုမှာ အမျိုးသမီးများနှင့်လစဉ် သက်ဆိုင်သည့်အရာဖြစ်ပြီး၊ နောက်တစ်ခုမှာ ကျောင်းသားကတ်ဒ်ထုတ်ချိန်က အခြားမှတ်စုမှတ်ရာ ပစ္စည်းများနှင့်အတူ အခမဲ့ရရှိထားသော၊ သူမ သို့မဟုတ် အခြားတစ်ယောက်အတွက် ဘယ်အချိန်ဘယ်အခါမှ အသုံးဝင်မည်ဟု တပ်အပ်မပြောနိုင်သော အရာတစ်ခု ဖြစ်လေသည်။

ပုံပါပစ္စည်းများအကြောင်း ကျကျနန စာဖွဲ့ရေးသားချင်ပါသော်လည်း များများစားစား အချိန်မပေးနိုင်သည့်အတွက် ဤမျှနှင့်သာ အဆုံးသတ်လိုက်ရပါကြောင်း၊ ချစ်သောအစ်မသက်ဝေတစ်ယောက် နားလည်ကျေနပ်လိမ့်မည်ဟု မျှော်လင့်မိပါကြောင်းဖြင့် အဆုံးသတ်နိဂုံးချုပ်ရင်း သယ်ပိုးရာပါသူတို့၏ တစ်ကဏ္ဍအား ဤတွင် တစ်ခန်း ရပ်လိုက်လေတော့သည်။


ဇွန်မိုးစက်

သူတို့နဲ့ ထပ်ဆုံတယ် (ဘလော့ဂ်ဒေး အမှတ်တရပို့စ်)

9

Posted by ဇွန်မိုးစက် | Posted on Sunday, September 01, 2013

Category:


ကျောင်းစာတွေနဲ့ လုံးချာလိုက်နေတဲ့ ဇွန်တစ်ယောက် ဘလော့ဂ်ဒေး ဆိုတာတောင် မေ့နေပါတယ်။ မနေ့ညက ညီမသူသူ (ရွှေအိမ်စည်) က မျက်နှာစာအုပ်မှာ လာပြီးတဂ်တော့မှ သတိရသွားပါတယ်။ အဲဒီ့တော့မှ လွန်ခဲ့တဲ့ လများဆီက ဒီနှစ်ဘလော့ဂ်ဒေးရောက်ရင် ရေးဖို့ရည်စူးခဲ့တာ အမှတ်ရမိပါတယ်။ ၂၀၁၁ ဘလော့ဂ်ဒေးမှာ ဇွန်က ဆုံခဲ့ဖူးတဲ့ ဘလော့ဂ်ရွာသူရွာသားများ ဆိုပြီး အပြင်မှာ ဆုံတွေ့ခဲ့ဖူးတဲ့ ဘလော့ဂါတွေအကြောင်း အမှတ်တရ ရေးခဲ့ပါတယ်။ ၂၀၁၁ ကနေ ၂၀၁၃ နှစ်နှစ်တိတိ ကာလအတွင်းမှာ မမျှော်လင့်ဘဲဖြစ်ဖြစ်၊ မျှော်လင့်ထားသလိုပဲဖြစ်ဖြစ် ထပ်မံတွေ့ဆုံခွင့်ရတဲ့ ရေမြေခြားက ဘလော့ဂါများရှိလာခဲ့ရင် ၂၀၁၃ ဘလော့ဂ်ဒေးပို့စ်မှာ ရေးမယ်လို့ စိတ်ကူးခဲ့ပါတယ်။ တကယ်လည်း အဲဒီ့နှစ်အတွင်းမှာ ထပ်မံဆုံတွေ့ခွင့်ရတဲ့ ဘလော့ရွာသူရွာသားတွေ ရှိလာပါတယ်။ တစ်ရက်နောက်ကျနေပေမယ့် နောက်တစ်နှစ်အထိ မစောင့်ချင်တာကြောင့် တစ်ခါတည်း ချရေးလိုက်ပါတယ်။

၂၀၁၁ အောက်တိုဘာမှာ ဇွန် သြစတြေးလျကို အလည်သွားခိုက် ကင်ဘာရာက ပါလီမန်အိမ်ရာရှေ့မှာ မမျှော်လင့်ဘဲ WeSheMe ဘလော့ဂ်ပိုင်ရှင် ကိုအန်ဒီတို့မိသားစုနဲ့ တွေ့ဆုံခဲ့ပါတယ်။ ချိန်းထားရင်တောင် လွဲနေဦးမယ်လို့ ပြောရမလိုပါပဲ၊ စင်္ကာပူက အလည်လာတဲ့သူနဲ့ ဆစ်ဒနီမှာ နေထိုင်တဲ့ မိသားစုဝင်တို့ သြစတြေးလျတိုက်ရဲ့မြို့တော်မှာ ဆုံမိတဲ့အဖြစ်ပါ။ အဲဒီ့တုန်းက အမှတ်တရရိုက်လာတဲ့ ဓာတ်ပုံလေးကို ကိုအန်ဒီ့ကို ခွင့်တောင်းပြီး ဇွန့်ပို့စ်မှာ တင်ခဲ့ပါတယ်။

၂၀၁၂ စက်တင်ဘာလမှာတော့ ဂျာမနီနဲ့ရန်ကုန် အသွားအပြန်ခရီးမှာ စင်္ကာပူကို ထရန်စစ်ဝင်လာခဲ့တဲ့ အစ်မရှင်လေးနဲ့ တွေ့ဆုံခွင့်ရပါတယ်။ အရင်ကတစ်ခါမှ လူချင်းမဆုံဖူးပေမယ့် တကယ်တမ်း အပြင်မှာတွေ့မိတဲ့အခါ စကားတွေရေပက်မ၀င်အောင် ပြောဖြစ်ခဲ့ကြပါတယ်။ နာရီပိုင်းအချိန်တိုလေးသာဖြစ်ခဲ့ပေမယ့် တကယ့်ကို အမှတ်ရစရာပါ။

အောက်တိုဘာလမှာတော့ စင်္ကာပူမှာပဲ တီတင့် (အန်တီတင့်) ရဲ့ ဖိတ်ကြားမှုနဲ့ ဇွန်နဲ့ညိုလေး နှစ်ယောက် ၀မ်းသာအားရ မုန့်ဟင်းခါးစားသွားရင်း ဖော်ရွေနုပျိုသွက်လက်ချက်ချာတဲ့ အန်တီတင့်နဲ့ ရင်းရင်းနှီးနှီး ဆုံတွေ့ဖြစ်ကြပါတယ်။

၂၀၁၃ ဖေဖော်ဝါရီမှာ ဥရောပသမဂ္ဂနိုင်ငံတွေနဲ့ ရေခဲတောင်တန်းတွေ ၀ိုင်းကာရံထားခြင်းခံရတဲ့ ဆွစ်ဇာလန်ကုန်းမြေကနေ ရေပတ်လည်ဝိုင်းနေတဲ့ ခြင်္သေ့ကျွန်းကလေးကို ဆိုက်ဆိုက်မြိုက်မြိုက် အရောက်လာပြီး ငါးရက်တိတိ အချိန်ပေး လည်ပတ်သွားတဲ့ အစ်ကိုညီလင်းသစ်နဲ့ ခင်ခင်မင်မင် တွေ့ဆုံခွင့်ရခဲ့ပါတယ်။

ပြီးခဲ့တဲ့ ဇူလိုင်လဆန်းမှာ ဇွန် မြန်မာပြည်ခဏအလည်ပြန်ခိုက် ညီမသူသူနဲ့ အမှတ်တရ ဆုံတွေ့ဖြစ်ပါသေးတယ်။

တွေ့ဆုံချိန်တွေ တိုတောင်းခဲ့ပေမယ့် ခင်မင်မှုအမှတ်တရတွေက နှလုံးအိမ်မှာ ကာလရှည်ကြာစွာ တည်တံ့နေလိမ့်မယ်ဆိုတာတော့ အသေအချာပါပဲ။

အချိန်မရတရကြားက ဘလော့ဂ်ဒေးအမှတ်တရဖြစ်အောင် စာတိုလေးတစ်ပုဒ် ရေးခွင့်ရတဲ့အတွက် သတိတရနဲ့တဂ်တဲ့ ညီမသူသူကို ကျေးဇူးတင်ပါတယ်။

အစ်မသက်ဝေရဲ့ တဂ်ပို့စ်ကို ရေးမယ်လို့ စိတ်ထဲမှာတေးထားပါတယ်။ စာမေးပွဲပြီးလို့ အချိန်ရတဲ့အခါ ကြိုးစားပြီး ရေးကြည့်ပါဦးမယ်။

အားလုံးပဲ တစ်ရက်နောက်ကျခဲ့တဲ့ ဟက်ပီးဘီလိတ်တက် ဘလော့ဂ်ဒေးပါ။း)


ဇွန်မိုးစက်

Subscribe to: Posts ( Atom )