တစ်နေ့က စာမေးပွဲဖြေအသွား ဇွန်စီးလာတဲ့
ဘတ်စ်ကားပေါ်မှာ အမှတ်မထင် မျက်လုံးထောင့်စွန်းက ရိပ်ခနဲ ဖျတ်ပြေးသွားတဲ့ ရွှေရောင်ဆံပင်နောက်
လိုက်ကြည့်မိတဲ့အခါ ကားဘယ်ခြမ်းပြတင်းကပ်ရပ်မှာထိုင်ပြီး ဇွန့်လိုပဲ စာမေးပွဲဖြေဖို့
စာကြည့်နေတဲ့ ကျောင်းသားတစ်ယောက်ကို တွေ့လိုက်ရပါတယ်။ မြင်ရတဲ့ ဘေးတိုက်အနေအထားက မင်းသားဘရတ်ပစ်အလား
ထင်မှတ်မှားစရာပါ။ လက်ဖျံရိုးကလည်း ဘရက်ပစ်နဲ့ ခပ်ဆင်ဆင်ပါပဲ။ လက်ချောင်းတွေကတော့ မင်းသားဘရတ်ပစ်က
ပိုလှမယ်ထင်ပါတယ်။ ဒါနဲ့ ဇွန်လည်း စာကြည့်လိုက်၊ ဘရတ်ပစ်… အဲ ရွှေရောင်ဆံပင်နဲ့ကိုယ်တော်လေးကို
လှမ်းကြည့်လိုက်နဲ့ ကျောင်းရောက်သွားပါတယ်။ သူကလည်း ဆစ်ဒနီယူနီက ကျောင်းသားမို့ မှတ်တိုင်အတူတူပဲ
ဆင်းပါတယ်။ သူဆင်းတော့မှ ရှေ့မျက်နှာကို သေသေချာချာ မြင်ရတဲ့အခါမှာတော့ ဘရက်ပစ်နဲ့
မတူတော့ပါဘူး။ ဘရတ်ပစ်က ပိုချောတယ်လို့ မှတ်ချက်ချနိုင်ပါတယ်။ တလောကလည်း ဘာသာရပ်တစ်ခုမှာ
လက်ခ်ချာလာပေးတဲ့ ဧည့်ဆရာတစ်ယောက်က မင်းသားဘရတ်လေကူးပါးနဲ့ တော်တော်ဆင်ပါတယ်။ အတိအကျဆင်တူနေတာမျိုး
မဟုတ်ပေမယ့် မျက်နှာအနေအထား၊ အသက်အရွယ်၊ လှုပ်ရှားပြုမူတာတွေ တူတာကြောင့်လည်း ဖြစ်နိုင်ပါတယ်။
သူက အပြောလည်းကောင်းတော့ တပည့်(မ)တွေအတွက် အတော့်ကို ဆွဲဆောင်မှုရှိတဲ့ ဆရာတစ်ယောက်ပါပဲ။ :)
လူတူမရှား၊ နာမည်တူမရှားဆိုတဲ့ မြန်မာစကားပုံလေး
ခေါင်းထဲဝင်လာရင်း ကိုယ့်အကြောင်းကို ပြန်သတိရသွားပါတယ်။ ဇွန်ငယ်ငယ်က ကိုယ်နဲ့တူတဲ့သူ
မရှိဘူးလို့ပဲ ထင်ခဲ့ပါတယ်။ မွေးချင်းညီအစ်မလည်းမရှိ၊ တစ်နေရာစီ ကွဲကွာနေတဲ့ အမြွှာတွေဘာတွေမျိုးလည်း
မရှိ၊ ၀မ်းကွဲညီအစ်မတွေထဲမှာလည်း ကိုယ်နဲ့ရုပ်ချင်းဆင်တဲ့သူ မရှိခဲ့ပါဘူး။
ဇွန်သိသလောက် ကိုယ်နဲ့ရုပ်တူတာဆိုလို့ အမေပဲရှိပါတယ်။ လူတွေက ဇွန့်ကိုမြင်တာနဲ့ အမေ့သမီးလို့
တန်းပြောနိုင်ကြတာ ခဏခဏကြုံခဲ့ရလို့ပါ။ (လွန်ခဲ့တဲ့နှစ်အစိတ်ကမေမေ့ကို အန်တီစုနဲ့တူတယ်လို့ လမ်းထဲက လူတွေက ပြောကြပါတယ်) အမေနဲ့သမီးတူတာတော့ အဆန်းတကြယ်မဟုတ်လှပါဘူး။ ဒါပေမယ့် ကိုယ်နဲ့လုံးဝ မပတ်သက်တဲ့၊ လူချင်းတောင် မမြင်ဘူး၊ မရင်းနှီးတဲ့ တစိမ်းတရံဆံလူတွေနဲ့
တူတယ်လို့ အပြောခံရတဲ့အခါမှာတော့ ဇွန် အံ့သြရပါတယ်။
ပထမဆုံး ကိုယ်လုံးဝမသိတဲ့ တစ်စုံတစ်ယောက်နဲ့
တူတယ်လို့ အပြောခံရတာ ဇွန် ၇တန်းနှစ်လောက်ကပါ။ အစ်ကိုဝမ်းကွဲတစ်ယောက်က အိမ်လာလည်ရင်း
ညီမလေးက သူတက်နေတဲ့ဘုရားရှိခိုးကျောင်းက ကောင်မလေးတစ်ယောက်နဲ့ အရမ်းတူတာပဲလို့ အမေနဲ့ဇွန့်ကိုပြောပါတယ်။
ဇွန်လည်း အံ့သြသွားပြီး အဲဒီကောင်မလေးကို အရမ်းတွေ့ချင်စိတ်ပေါ်သွားပါတယ်။ ဘယ်လိုတူတာလဲ၊
ဘယ်လောက်တူသလဲဆိုတာ သိချင်သွားတာနဲ့ ဘုရားကျောင်းလိုက်တက်မယ်လို့ အစ်ကို့ကို ပြောမိပါသေးတယ်။
ဒါပေမယ့် အကြောင်းမသင့်စွာနဲ့ ဘုရားကျောင်း လိုက်မလည်ဖြစ်ခဲ့တော့ မတွေ့လိုက်ရပါဘူး။
နောက်တစ်နှစ်လောက်အကြာ စာမေးပွဲခန်းထဲမှာ
စာဖြေနေတုန်း အတန်းစောင့်ဆရာမက ဇွန့်အနားလာရပ်ပြီး မေးပါတယ် “သမီးက မေမီလင်းရဲ့ ညီမလား”
တဲ့။ ဇွန်က ကြောင်အမ်းအမ်း ဖြစ်သွားပြီး “ဟင့်အင်း မဟုတ်ပါဘူး ဆရာမ” လို့ ပြန်ဖြေလိုက်ပါတယ်။
ဆရာမက “သြော်… တီချယ်က သမီးကို သူ့ညီမအောက်မေ့လို့၊ သမီးနဲ့ရုပ်တော်တော်ဆင်တယ်နော်”
လို့ ပြောတော့ ဇွန်မှာ အံ့လည်းသြ၊ ၀မ်းလည်းသာပေါ့။ မေမီလင်းရဲ့ ညီမလို့ အထင်ခံရနည်းလားဆိုပြီး...။
သူက လသာ၂ကျောင်းသူဟောင်းလည်းဖြစ်၊ ရုပ်လည်းချော၊ အသံလည်းကောင်း၊ ပြီးတော့ အဲဒီအချိန်က
တီဗီမှာ အောင်ရင်နဲ့ နှလုံးသားကျမ်းစာသီချင်းကို စုံတွဲဆိုပြီး နာမည်ကြီးနေတာဆိုတော့…
သူနဲ့ရုပ်ချင်းဆင်တယ်လို့ အပြောခံရတာကိုပဲ ဇွန့်မှာ သဘောတကျနဲ့ အကျေနပ်ကြီး ကျေနပ်ခဲ့ပါတယ်။ :D
နောက်တစ်ခါ တူတယ်လို့ အပြောခံရချိန်မှာတော့
အောင့်သက်သက်ဖြစ်ရပါတယ်။ ဒီတစ်ခါလည်း အဆိုတော်ပါပဲ။ ဒါပေမယ့် သူက ယောက်ျားလေး ဖြစ်နေပါတယ်။
သူ့နာမည်က မိုးနဲ့စတာ ဇွန်မှတ်မိပေမယ့် နာမည် အပြည့်အစုံ သုံးလုံးကိုတော့ မမှတ်မိတော့ပါဘူး။
မြန်မာ့အသံကနေ သူ့ရဲ့တစ်ပုဒ်တည်းသော သီချင်းကို မကြာခဏ လွှင့်တတ်ပါတယ်။ Richard
Marx ရဲ့ Right Here Waiting For You သီချင်းကို မြန်မာလိုကော်ပီပြန်ဆိုထားတာပါ။ ညက
သူ့သီချင်းတီဗီမှာလွှင့်ပြီး နောက်နေ့မနက်ကျောင်းကားပေါ်မှာ သူငယ်ချင်းတွေက ဇွန့်ကို
သူနဲ့တူတယ်လို့ ၀ိုင်းပြောကြတော့ ဇွန်က အီလည်လည်ဖြစ်သွားပြီး မတူပါဘူးလို့ အတင်းပြန်ငြင်းပါတယ်။ ကိုယ့်စိတ်ထဲ တူတယ်လို့ မထင်သည့်တိုင်
မိန်းကလေးချင်းတူတယ်လို့ အပြောခံရတာခံသာပေမယ့် ယောက်ျားလေးတစ်ယောက်နဲ့ ရုပ်တူတယ်လို့ အပြောခံရတာကျတော့ စိတ်ထဲ တစ်မျိုးဖြစ်ပါတယ်။ သူငယ်ချင်းတွေက ဇွန်မကြိုက်မှန်းသိလို့ သူနဲ့တူတယ်လို့ မကြာခဏ တမင်စတတ်ပါတယ်။
အဲ့ဒီနောက်ပိုင်းတော့ ဘယ်သူနဲ့တူပါတယ်လို့
ထပ်ပြီး အပြောမခံရတော့တာ စင်္ကာပူရောက်တဲ့အထိပါပဲ။ စင်္ကာပူဖားအောက်တောရကျောင်း မကြာခဏသွားဖြစ်တဲ့အခိုက်မှာ
တွေ့ရတဲ့၊ မျက်မှန်းတန်းနေတဲ့ အစ်မတစ်ယောက်က တကူးတက လာနှုတ်ဆက်ပြီး ကျောင်းတုန်းက သူ့သူငယ်ချင်းနဲ့အရမ်းတူတဲ့အကြောင်း
လာပြောပါတယ်။ ဇွန့်ကို မြင်မြင်ချင်း သူ့သူငယ်ချင်းလို့ပဲ ထင်ခဲ့တာဆိုတော့ တော်တော်လေးတူပုံရပါတယ်။
လူမှားရလောက်အောင် တူတဲ့သူရှိတယ်ဆိုတော့ ဇွန့်မှာထပ်ပြီး အံ့သြရပြန်ပါတယ်။ သူ့သူငယ်ချင်းမဟုတ်မှန်း
သေချာသွားပေမယ့်လည်း နောက်ပိုင်း ဇွန်တို့နှစ်ယောက် ဓမ္မမိတ်ဆွေအဖြစ် ခင်မင်ရင်းနှီး
သွားပါတယ်။
မြန်မာပြည်က အဆိုတော်နှစ်ယောက်နဲ့ တူတယ်လို့
အပြောခံရဖူးတဲ့ဇွန်ဟာ ဟောလီးဝုဒ်က မင်းသမီးနဲ့တူတယ်လို့ ထင်ကြေးပေးခံရပြန်ပါတယ်။ လွန်ခဲ့တဲ့
သုံးလေးနှစ်လောက်က အတူနေတဲ့ ညီမလေးတွေ Night at the Museum ရုပ်ရှင်ကြည့်ပြီး ပြန်လာတော့
အဲ့ဒီကားထဲက မင်းသမီး အေမီအဒမ်စ်က ဇွန်နဲ့တူတယ်လို့ တညီတညွတ်တည်း မှတ်ချက်ပေးကြတဲ့အခါ
ဇွန် အံ့အားသင့်မိပါတယ်။ ပုံမှန်မျက်နှာချင်းယှဉ်ကြည့်ရင် ဘယ်လိုမှ တူစရာအကြောင်းမရှိပါဘူး။
ဒါပေမယ့် အဲဒီကားထဲမှာ အေမီက အမျိုးသမီးလေယာဉ်မှူးအဖြစ် ၀တ်စားသရုပ်ဆောင်ထားတဲ့အတွက်
နဲနဲဆင်သွားတာလို့ ဖြစ်မှာလို့ ကိုယ့်ဟာကိုယ်တွေးမိပါတယ်။ Enchanted တို့၊ Julie & Julia ဇာတ်ကားထဲက အေမီအဒမ်စ်နဲ့တော့ ဇွန် မတူတာ သေချာပါတယ်။ သူတို့အဲလိုပြောမှ တစ်ခုသတိရသွားပါတယ်။
ဇွန့်ကို Mary Poppins ကားထဲက မင်းသမီး ဂျူလီအန်ဒရူးနဲ့
တူတယ်လို့ မေမေနဲ့မောင်လေးပြောဖူးတာကိုပါ။ အဲဒီတုန်းက ဇွန် ၅တန်းပဲ ရှိပါသေးတယ်။ အဲဒီကျမှ
Mary Poppins အဖြစ် သရုပ်ဆောင်ခဲ့တဲ့ ဂျူလီနဲ့ Night at the Museum က ပိုင်းလော့အေမီတို့
မျက်နှာကျချင်း ဆင်တာကို သတိပြုမိပါတယ်။ ဒါပေမယ့် ဇွန့်အနေနဲ့ သူတို့နှစ်ယောက်နဲ့ ဘယ်နေရာမှာ
ဘယ်လိုတူနေသလဲဆိုတာတော့ ခုချိန်ထိ မကြည့်တတ်ပါဘူး။
ဟိုးတုန်းက မဂ္ဂဇင်းတစ်စောင်မှာ မျက်နှာချင်းဆင်တဲ့
အနုပညာရှင်ကြယ်ပွင့် အကျော်အမော်တွေအကြောင်း ဓာတ်ပုံနဲ့ယှဉ်ပြီး ရေးထားတာကို ဖတ်ဖူးပါတယ်။
ဥပမာ ရှနိုင်းယားတွိုင်းနဲ့ ဆန်ဒရာဘူးလော့ခ်တို့ မျက်နှာဆင်တာမျိုး။ အဲဒီ့ဆောင်းပါးမဖတ်ခင်ကတည်းက
သူတို့နှစ်ယောက်ရုပ်ချင်းဆင်တယ်လို့ ဇွန့်ဖာသာမှတ်ချက်ပေးဖူးပါတယ်။ စာရင်းထဲမှာမပါတဲ့ တူတယ်လို့ ဇွန်တို့မောင်နှမနှစ်ယောက်ထင်မိတဲ့ မင်းသားနှစ်ယောက်ရှိပါသေးတယ်။ မြန်မာပြည်မှာ ပြဖူးတဲ့ တရုတ်မင်းသမီးချောပိုင်ဟွေ့နဲ့ ဇာတ်လမ်းတွဲတစ်ခုမှာ တွဲဖက်သရုပ်ဆောင်ခဲ့တဲ့ တရုတ်မင်းသားတစ်ယောက်က မင်းသားကြီး ဟယ်ရီဆင်ဖို့ဒ်ငယ်စဉ်က မျက်နှာပေးနဲ့ တော်တော်ဆင်ပါတယ်။ အထူးသဖြင့် ဘေးတိုက်ကြည့်ရင် အတော်လေးတူပါတယ်။
တခြားမျက်နှာချင်းဆင်ကြတဲ့ အဆိုတော်တွေ၊ မင်းသား၊ မင်းသမီး၊ အားကစားသမားတွေလည်း အများကြီးရှိဦးမှာပါ။ သူတို့ကတော့ တစ်ယောက်တည်းနဲ့
သိသိသာသာ ဆင်တူတာပါ။ ဇွန့်ကျမှ ဘယ့်နှယ်လုပ်ပြီး လူတွေအများကြီးနဲ့ တူနေရတာလဲလို့ ကိုယ့်ကိုယ်ကိုမေးခွန်းထုတ်မိပါတယ်။
ဟိုစပ်စပ် ဒီစပ်စပ် သွေးနှောထားလို့ပဲ ဇွန့်မျက်နှာက ဟိုလူနဲ့တူသလိုလို၊ ဒီလိုနဲ့တူသလိုလို
ဖြစ်နေတာလား။ နောက်ထပ် ဘယ်သူနဲ့တူတယ်လို့ အပြောခံရဦးမလဲဆိုတာကို ကိုယ်တိုင်စိတ်ဝင်စားသွားတဲ့အဖြစ်ပါ။
အင်း… ဘယ်လောက်ပဲရုပ်တူတူ၊ စိတ်ချင်းတော့ ဘယ်လိုမှ တူနိုင်မယ် မထင်ပါဘူးလေ…နော်။ :)
ဇွန်မိုးစက်
ဇွန် က ဇွန် နဲ့ တူတယ်။ :)
နေကောင်းလားညီမ၊
ဇွန်ပြောမှ ကိုယ်နဲ့ တူတဲ့သူတွေအကြောင်း ကို စဉ်းစားမိသွားတယ်... အများစုက ပြောကြတာကတော့ အမကို ကိုရီးယားမင်းသား ဘေယောင်ဂျွန်း နဲ့ တူတယ် ဆိုပဲ... ဇွန်နဲ့ သိပ်မကွာဘူး မင်းသားနဲ့ တူတယ်လို့ အပြောခံရတာ... ခိခိ
အဟုတ်ပဲနော်... အစ်မရှင်လေး၊ ဇွန်က ဇွန်နဲ့ပဲ တူတာ :D ဇွန် နေကောင်းပါတယ် အစ်မရေ။ စာမေးပွဲ တစ်နေ့ကမှပြီးလို့ ပြန်ပေါ်လာတာ။း)
အယ်... ဟုတ်တယ်၊ အစ်မသက်ဝေက ဘေယောင်ဂျွန်းနဲ့ တူတယ်။း) သူကို့ မိန်းမချော ချောတာလို့ ပြောကြတယ်နော်။ မျက်မှန်လေးနဲ့ တို့အစ်မ ချောရုံမက ချစ်စရာကောင်းတာကိုတော့ ဘေယောင်မမှီရေးချမမှီ။;)
မဇွန်က လူတူတွေအကြောင်းပြောနေတုန်း နာမည်တူအကြောင်း ကြားဖြတ်ပြောရဦးမယ်.. ပြီးခဲ့တဲ့လက မော်လမြိုင်ဘက်ကိုရောက်တော့ လူတယောက်ဝတ်ထားတဲ့ အကျီ နောက်ကျောမှာရေးထားတာ ''ဇွန်မိုးစက် ကုမ္ပဏီလီမိတက်'' တဲ့ မဇွန်ကို ချက်ချင်းသတိရသွားတာနဲ့ အဲဒီလူကိုလိုက်ကြည့်ပါသေးတယ် ဒါပေမယ့် မမှီလိုက်ဘူး.. သေချာတာကတော့ မဇွန်နာမည်နဲ့ ကုမ္ပဏီ မြန်မာပြည်မှာရှိနေတာပဲ..
နှင်းဖူး
ညီမနှင်းဖူးရေ... ဇွန်မိုးစက်နာမည်နဲ့ ကုမ္ပဏီ မြန်မာပြည်ရှိတာ မဇွန်သိတယ်။ နဲနဲတောင်ကြာပြီ။ တောင်ဒဂုံဘက်မှာထင်တယ်၊ အဲဒီ့ကုမ္ပဏီနာမည်နဲ့ ဆိုင်းဘုတ်ချိတ်ပြီး ရုံးခန်းဖွင့်ထားတဲ့အိမ်ကို ကားပေါ်ကနေ လှမ်းတွေ့လိုက်တာ။ နောက်ပြီး ဂူဂဲလ်မှာတုန်းကလည်း တစ်ခါတွေ့လိုက်တယ်။ အင်း... တော်သေးတာပေါ့၊ နာမည်တူတဲ့ ဘလော့ဂါ၊ စာရေးဆရာ မရှိလို့။ :D
၂၀၀၆ခုနှစ်က စာပေလုပ်သားအဖွဲ့ဝင်အဖြစ် ဇွန်မိုးစက်ကလောင်နာမည်ကို မှတ်ပုံတင်ခဲ့မိတာ ကံကောင်းသွားတယ်။း)
ဇွန်က မင်းသားဘရက်ပစ်ကို လက်ဖျံရိုးကအစ သေသေချာချာ သိနေသူပဲကိုး...၊း) ဟယ်ရီဆင်ဖို့ဒ်နဲ့ အရှေ့၊ ဘေးဘယ်ညာ သုံးဖက်မြင် 3D တူတဲ့ ဆရာဝန်တစ်ယောက်ကို တွေ့ဖူးတယ်..၊ သူနဲ့သာဆိုရင် အမျိုးသမီးလူနာတွေ ရောဂါတစ်ဝက် ပျောက်ပြီးသား နေမှာပဲ...။းD
အဟဲ... ဒါကတော့... ;)
ဇွန်လည်း အဲဒီ့ဆရာဝန်နဲ့ ပြချင်လိုက်တာ အစ်ကိုရာ၊ သူရှိတဲ့ဆေးရုံဆေးခန်းကို ညွှန်ပါဦး...။ :D
ဇွန်ရေ ဇွန်က လသာ၂ကလားဟင်
ဟုတ်ပါတယ် Adora ရေ။ ဇွန်က သူငယ်တန်းကနေ ဆယ်တန်းထိ လသာ၂မှာ တက်ခဲ့တဲ့ လသာ၂ ကျောင်းသူစစ်စစ်ပါ။း))
မြန်မာပြည်က နာမည်ကြီး မင်းသမီးတစ်ယောက်နဲ့ တူတယ်လို့ ညို မပြောဘူးးးး လုံးးးဝ မပြောဘူးးးးး :P
ညိုမပြောတဲ့ ကျေးဇူးသိပ်တင်တာပဲကွယ်။ ပြောလို့ကတော့... အဟင်း ... ဟင်း...။ :D