အမှတ်တရ မကာအို (၃)

6

Category: ,

သူတို့တွေ မနက်စောစောထပြီး hotel breakfast ဆင်းစားကြတယ်။ ကိုယ်နိုးနေပေမယ့် တမင်လိုက်မသွားဘူး။ သူတို့အားလုံး ferry terminal ကိုသွားပြီဆိုမှ အိပ်ရာကထပြီး ကိုယ်တစ်ယောက်ထဲ အေးအေးဆေးဆေး မနက်စာဆင်းစားတယ်။ စားပြီးပြန်တက်လာတော့ ကိုယ့်ခရီးစဉ်အတွက် Plan ဆွဲဖို့ ဧည့်ကြိုကောင်တာနားက ကိုယ်ယူလာတဲ့ ခရီးသွားလမ်းညွှန်စာရွက် နဲ့ မြေပုံတွေချပြီး ကိုယ်သွားလည်နိုင်မယ့်နေရာတွေကြည့်တယ်။ မနက်ဖြန် တိုးဂိုက်နဲ့သွားမယ့်နေရာတွေဖယ်ပြီး ကျန်တဲ့နေရာတွေထဲက ကိုယ်စိတ်ဝင်စားတဲ့ နေရာတွေ  mark လုပ်လိုက်တယ်။ Venetian ကို တစ်ခေါက်ထပ်သွားချင်ပေမယ့် ဟိုဘက်ကျွန်းဖြစ်နေတော့ ကိုယ်မသွားတော့ဘူး။ မကာအို ကျွန်းဆွယ်ပေါ်က တစ်ခြား tourist attraction နေရာတွေပဲ သွားမယ်လို့ ဆုံးဖြတ်လိုက်တယ်။

ကိုယ့်အတွက် အခက်အခဲက ဘာသာစကားပဲ။ အင်္ဂလိပ်စာ၊ စကားသုံးတဲ့နိုင်ငံဆိုလို့ကတော့ ကိုယ်တစ်ယောက်တည်း သွားရလို့လည်း မကြောက်ဘူး။  ကင်မရာရယ်၊ ရေတစ်ပုလင်းရယ်၊ လမ်းညွှန်မြေပုံပါတဲ့ စာရွက်တွေယူပြီး ကျောပိုးအိတ်တစ်လုံးနဲ့ ကိုယ့်ခရီးစဉ်စလိုက်တယ်။ ဧည့်ကြိုကောင်တာ အရင်သွားပြီး receptionist ကို ကိုယ်သိဖို့လိုအပ်တာတွေ မေးတယ်။ အဓိကကတော့ တစ်ယောက်ထဲသွားလို့ safe ဖြစ်မဖြစ်ဆိုတာ။ သူတို့ကတော့ ဖြစ်တယ်ပြောတယ်။ ဘတ်စ်ကားနဲ့သွားဖို့က သိပ်အဆင်မပြေလောက်ဘူး။ တက္ကစီနဲ့သွားတာ ပိုအဆင်ပြေတယ်။ ဒါနဲ့ကိုယ်လည်း  mark လုပ်ထားတဲ့ နေရာတွေကိုပြပြီး ကိုယ်ဒီနေရာတွေသွားချင်တယ်။ ဒါပေမယ့် ကန်တုံလိုလည်း မပြောတတ်ဘူး။ ကိုယ် tick လုပ်ထားတဲ့နေရာတွေကို တရုတ်လိုရေးပေးပါလို့။ ဒါမှ ကိုယ်  taxi driver ကိုပြပြီး သွားလို့ရမှာလို့ဆိုတော့ သဘောကောင်းတဲ့ ဧည့်ကြိုအမျိုးသမီးဝန်ထမ်းလေးက ကိုယ်သွားချင်တဲ့ နေရာတွေကို စာရွက်တစ်ရွက်မှာ တရုတ်လိုချရေးပေးလိုက်တယ်။

ဘာကဘယ်နေရာဆိုတာ နံပါတ်နဲ့ ကိုယ်ပြန်မှတ်ထားတယ်။ တက္ကစီပေါ်တက်တာနဲ့ အဲဒီ့စာရွက်လေးပြ၊ ကိုယ်သွားချင်တဲ့နေရာကို လက်ညှိုးလေးထောက်ပြပြီး တစ်နေရာပြီးတစ်နေရာ ရောက်အောင်သွားခဲ့တယ်။ နေ့လည် ဟိုတယ်ပြန်ရောက်တဲ့အထိ တက္ကစီလေးစင်းလောက်ငှားစီးခဲ့တယ်။ နေ့လည်စာစားပြီး ခဏနား၊ ညနေ၄နာရီ လောက်ကျတော့ နောက်တစ်ခေါက်ပြန်ထွက်တယ်။ ဒီတစ်ခါတော့ ဟိုတယ်အနီးတစ်ဝိုက်က တစ်ခုတည်းသော Shopping Centre ရယ်၊ တစ်ခြားကာစီနိုတွေရယ်၊ နောက်  Fisherman's Wharf လို့ ခေါ်တဲ့ နေရာရယ် ကိုယ်ခြေကျင်ခရီးလျှောက်ပြီးတော့ပဲ သွားကြည့်မယ်လို့ ဆုံးဖြတ်လိုက်တယ်။ ဘတ်စ်ကားစီးဖို့ရာ အဆင်မပြေလှဘူး။ လမ်းကတစ်လမ်းမောင်း၊ နောက်ပြီး ကားနံပါတ်ကလွဲလို့ ကားရှေ့မှာပေါ်တဲ့ ခရီးစဉ်အစအဆုံးတောင် တရုတ်လို ရေးထားတာဆိုတော့ ကားမှားစီးမိမှာကြောက်လို့ ကိုယ့်ခြေထောက်ပဲ ကိုယ်အားကိုးတော့တယ်။

Shopping Mall က သိပ်ကြည့်စရာ ဝယ်စရာမရှိပါဘူး။ Sanos ဆိုတဲ့ ကာစီနိုခေတ်ဦးကဆောက်ခဲ့တဲ့ ကာစီနိုထဲဝင်ကြည့်၊ အလကားပေးတဲ့ ရေတစ်ပုလင်းယူ၊ စင်ပေါ်မှာ ဖြေဖျော်နေတဲ့ လူတွေသီချင်းတွေကြည့်၊ အဲဒီ့အချိန်က ခေတ်စားနေတာ ရီဟားနားရဲ့ "Umbrella" သီချင်းဆိုတော့ ဘယ်ကာစီနိုသွားသွား  ဒီသီချင်းကို ဆိုဆိုနေကြတာ တွေ့ရတယ်။ ကိုယ်ဘာမှမကစားဘူး။ အပျော်သဘောလောက်နဲ့တောင် ကံစမ်းကြည့်ဖို့ ကိုယ်ဝါသနာ မပါဘူး။ မနိုင်ရင် ရှုံးသွားမယ့်ပိုက်ဆံကို နှမြောလို့။ သူများကစားတာတွေပဲ ကိုယ်လိုက်ကြည့်တယ်။ ကာစီနို နှစ်ရုံလောက်ထဲပဲ ဝင်ကြည့်ဖြစ်တယ်။ မိန်းကလေးတစ်ယောက်တည်းဖြစ်နေတော့ သိပ်ကြာကြာလည်း မနေချင်ဘူး။ အပြင်ပြန်ထွက်ပြီး အဆောက်အဦတွေ ဓာတ်ပုံလိုက်ရိုက်တယ်။ တစ်ယောက်တည်းသွားရတာ တစ်ခုမကောင်းတာက ကိုယ့်ကိုဓာတ်ပုံရိုက်ပေးဖို့ လူရှာရတာပါပဲ။

ညနေ၆နာရီလောက်မှာ ဘော့စ်ဆီကဖုန်းလာတယ်။ သူတို့ ခုမှ  Shopping ထွက်နေကြောင်း၊ ညမိုးချုပ်မှ ပြန်လာမှာဖြစ်ကြောင်း ကိုယ်ရော အခြေအနေဘယ်လိုရှိလဲပေါ့လေ။ ညစာကို မကာအိုပြန်ရောက်မှ စားမယ်၊ ကိုယ့်ကိုအစာပြေတစ်ခုစားပြီး စောင့်နေပါတဲ့။ ကိုယ်လည်း အိုကေပေါ့။ ဒီလိုနဲ့ကိုယ်လျှောက်ရင်းလျှောက်ရင်း ဓာတ်ပုံတွေလိုက်ရိုက်ရင်းနဲ့ ကိုယ်တည်းတဲ့ဟိုတယ်နဲ့ တော်တော်ဝေးဝေးရောက်သွားတယ်။ ဖြစ်ချင်တော့ နေ့လည်က မြေပုံပါတဲ့ လမ်းညွှန်စာရွက်တွေ ကိုယ့်ကုတင်ပေါ်မှာ မေ့ကျန်ခဲ့တယ်။ ကိုယ်လည်း ဟိုတယ်ရှိရာလမ်းကိုမှန်းပြီး လျှောက်တာပဲ။ ဒါပေမယ့် တစ်ဝဲလည်လည်ဖြစ်နေတယ်။

နေရောက်လည်းပျောက်စပြုပြီ။ ကာစီနို့မြို့ရဲ့ထုံးစံအတိုင်း ညဦးပိုင်းရောက်တော့ သိသိသာသာ အသက်ဝင်လာပြီ။ လူတွေသွားသွားလာလာ လှုပ်လှုပ်ရှားရှားနဲ့ စည်ကားစပြုနေပြီပေါ့။ ဟိုတယ်ပြန်ဖို့ရာ တက္ကစီငှားစီးဖို့ မလွယ်တော့ဘူး။ အကုန် busy ဖြစ်နေတယ်။ တစ်လမ်းမောင်းဆိုတော့ ကိုယ်ရပ်နေတဲ့နေရာက ငှားလို့မရဘူး။ တစ်ဖက်လမ်းကို အရင်သွားရမှာ။ ကိုယ်လည်း ကားငှားစီးလို့ရမယ့် နေရာလောက်အထိသွားတာပဲ။ ဒါပေမယ့် တစ်စီးမှ တားလို့မရဘူး။ အဲဒီ့မှာ ကိုယ်ကြောက်စိတ်ဝင်လာတယ်။ ဒုက္ခပဲ...ကားလည်းငှားမရ၊ လမ်းလည်းမသိ။ ညပိုမှောင်လာရင်ဒုက္ခ။ လောင်းကစားမြို့ဆိုတော့ လူကလည်းစုံ။ ကိုယ်လည်းတွေးရင်း အရမ်းစိတ်ပူသွားတယ်။ ချွေးတွေလည်းပျံလာတယ်။ ဟိုတယ်သွားရာလမ်းကို သိလိုသိငြား လမ်းပေါ်က လူတွေကို လိုက်မေးကြည့်ပေမယ့် ကိုယ်မေးတာဘယ်သူမှ ကောင်းကောင်းမဖြေနိုင်တော့ တော်တော်စိတ်ညစ်သွားတယ်။

ကိုယ်လည်း လမ်းဆက်လျှောက်ပြီး တစ်နေရာရောက်တော့  ကားငှားလို့ရလိုရငြား  စောင့်တားရင်း အနီးအနားမှာ ကလေးနဲ့အမျိုးသမီးတစ်ယောက်ကို တွေ့တယ်။ သူကလည်း ကိုယ့်ကိုကြည့်နေတယ်။ ဘာကြောင့်မှန်းတော့ မသိဘူး။ ကိုယ်သူ့ကိုမေးကြည့်ချင်စိတ်ပေါ်သွားတယ်။ ဒါနဲ့ ကိုယ်သူ့ဆီသွားပြီးမေးလိုက်တယ်။ ငါ Casa Real Hotel ဟိုတယ်ပြန်ချင်လို့ ဘယ်လိုသွားလို့ရမလဲဆိုပြီးတော့။ ကံကောင်းထောက်မစွာ သူက အင်္ဂလိပ်လိုကောင်းကောင်း ပြောနိုင်သူဖြစ်နေတယ်။ ကိုယ်တော်တော်ဝမ်းသာသွားတယ်။ နင်ဒီအချိန်ကားငှားလို့ရမှာ လွယ်မှာမဟုတ်ဘူး။ လမ်းလျှောက်သွားတာ ပိုကောင်းမယ်တဲ့။ တကယ်ဆို ကိုယ်ရောက်နေတဲ့နေရာနဲ့ သိပ်မဝေးတော့ဘူးတဲ့။

ဒီလမ်းမကြီးအတိုင်း တည့်တည့်လျှောက်ပြီး ညာဘက်ချိုးလိုက်ရင် ဟိုတယ်ရှိရာလမ်းမကြီးရောက်ပြီ။ အဲဒီ့အတိုင်း ညာဘက်ချိုးပြီး ဆက်လျှောက်ပါတဲ့။ ကိုယ်လည်းသူ့ကိုကျေးဇူးတင်စကားပြောပြီး သူပြောတဲ့အတိုင်း လျှောက်ခဲ့တယ်။ ကိုယ်လျှောက်နေတဲ့လမ်းမအဆုံးရောက်ပြီး ညာဘက်ချိုးလိုက်တော့ ကိုယ်မှတ်မိသွားပြီ။ လမ်းတစ်ဖက်မှာ မကာအိုရဲ့ အမြင့်ဆုံးတောင်ကုန်းကို မြင်လိုက်ရတော့ ကိုယ်ပျော်သွားတယ်။ ကိုယ်တည်းတဲ့ ဟိုတယ်က အဲဒီတောင်ကုန်းရဲ့ မျက်စောင်းထိုးမှာ ရှိတာကိုး။  ကိုယ်မှန်းပြီးလျှောက်ခဲ့တဲ့လှမ်းက မှားတော့မမှားဘူး။ ဒါပေမယ့် လမ်းမသိတော့ မျက်စိလည်ပြိး လျှောက်ရင်းလျှောက်ရင်းနဲ့ နှစ်နာရီလောက်ကြာသွားတာ။ နောက်ဆုံးတော့ ဟိုတယ်ကို ချောချောမောမော ကိုယ်ပြန်ရောက်ခဲ့ပါတယ်။ ရေမိုးချိုးပြီး အခန်းထဲမှာ တီဗွီကြည့်ရင်း အမောဖြေတယ်။ ကိုယ်တော်တော်ပင်ပန်းသွားခဲ့တာကိုး။

အဲဒီ့အချိန်က ကိုယ့်တို့နိုင်ငံမှာ သံဃာ့အရေးအခင်းဖြစ်ချိန်ဆိုတော့ သတင်းစာနဲ့တီဗွီကြည့်လိုက်တိုင်း အဲဒီ့သတင်းတွေ ချည်းပဲ။ ကိုယ်လည်း တီဗွီကြည့်ရင်း သူတို့ပြန်အလာကို ဗိုက်ဆာဆာနဲ့ စောင့်နေလိုက်တယ်။ သူတို့ပြန်လာတော့ ဟိုတယ်စားသောက်ဆိုင်တောင် ပိတ်တော့မယ်။ ကိုယ်တို့အုပ်စုကိုပဲ နောက်ဆုံး  serve လုပ်တာ။ ဘော့စ်က ကိုယ့်ကိုမေးတယ်။ နင်ဒီနေ့ဘာတွေလုပ်ပြီး ဘယ်တွေသွားလဲတဲ့။ ကိုယ်ပြောပြလိုက်တာပေါ့။ ကိုယ်က ရုံးမှာ ခပ်အေးအေးနေသူ၊ သူတို့ bully လုပ်တာ ခံရသူဆိုတော့  ကိုယ့်ကိုသိပ်အထင်မကြီးကြဘူး။  ဒါပေမယ့် ကိုယ်အခုလို တစ်ယောက်တည်းသွားရဲတာကို သိလိုက်ရတော့ အံ့သြသွားကြတယ်။ ကိုယ့်ကိုမေးကြတယ်။ ဟိုနေရာ၊ ဒီနေရာရောက်ပြီးပြီလားပေါ့။ ကိုယ်က ရောက်ပြီးပြီ၊ မနက်ဖြန်သွားမယ့်နေရာတွေကလွဲလို့လို့။  ဘော့စ်က ဘာပြောတယ်ထင်လဲ။ နင်တော်တော် smart ဖြစ်တာပဲတဲ့။ ကိုယ်လည်း သာသာလေးပြန်ပြုံးပြလိုက်တယ်။

အဲဒီ့နေ့က ကိုယ့်အတွက် တကယ်ပဲ အမှတ်တရဖြစ်ခဲ့တယ်။ လမ်းပျောက်တာနဲ့လျှောက်လည်တာပေါင်းပြီး မကာအိုကျွန်းဆွယ်ကို တော်တော်နှံ့ခဲ့တယ်လို့ ပြောလို့ရတယ်။ သူတို့မရောက်တဲ့ နေရာတွေ ရောက်လိုက်လို့လည်း ကိုယ်ကျေနပ်တယ်။ ဒါပေမယ့် နောက်ဆို အင်္ဂလိပ်စကားမပြောတဲ့၊  communicate လုပ်ရခက်တဲ့ဒေသမျိုးကို တစ်ယောက်တည်းသွားဖို့ ၀န်လေးသွားတာတော့ အမှန်ပဲ။

နောက်နေ့မှာတော့ အစီအစဉ်အတိုင်း တိုးဂိုက်နဲ့လူသုံးဆယ်လောက်ပါတဲ့ကားတစ်စီးနဲ့  အထင်ကရနေရာတွေ လျှောက်လည်ဖြစ်ခဲ့ပါတယ်။ ဒီတစ်ခါတော့ လမ်းပျောက်မှာ မပူရတော့ဘူးလေ။း)

------------------------------------------------------------------------------------------------------------------------

 အပိုင်း (၄) မှာ ပုံတွေနဲ့အတူတူ စာတွေဖြည့်ရေးပြီး တွဲတင်ပေးမယ်နော်။ 


ချစ်ခင်လေးစားလျက်
ဇွန်မိုးစက်

အမှတ်တရ မကာအို (၂)

6

Category: ,

ခရီးထွက်မယ့်နေ့ မနက်ရောက်တော့ ရွာလိုက်တဲ့မိုးတွေ။ ကိုယ်က ရထားစီးပြီး လေဆိပ်သွားတာ မှန်သွားတယ်။ traffic jam မမိတော့ဘူး။ တက္ကစီနဲ့လာတဲ့တစ်ယောက်နောက်ကျလို့ ကိုယ်တို့အားလုံး check-in ၀င်ပြီးမှ ရောက်လာတယ်။ Tiger Airways ဆိုတော့ ဘတ်စ်ထပ်စီးပြီး Budget Terminal ကို သွားရတယ်။ Check-in ၀င်တော့ ကိုယ့်မှာ ဗီဇာမရှိလို့ officer  က ကိုယ့်ပတ်စ်ပို့စ်ယူပြီး အခန်းထဲသွားဝင်မေးတယ်။ သေချာအောင် မကာအိုကို ဖုန်းလှမ်းဆက်ပြီး အတည်ပြုလိုက်သေးတယ်။ နောက်ဆုံးတော့ အိုကေသွားပါတယ်။ လေယာဉ်စီးချိန်က ၃နာရီ၄၅မိနစ်။ ကိုယ်လိုလူမျိုး ဘတ်ဂျက်အဲလိုင်းစီးတာ မတန်ဘူး။ ကိုယ်က ရေငတ်တတ်လို့ ဘယ်နေရာသွားသွား ရေဘူးဆောင်တတ်တယ်။ ရေဘူးမပါရင် လမ်းမသွားတတ်သလောက်ပဲ။ ရေပုလင်းလည်း သယ်မရတော့ လေယာဉ်ပေါ်မှာပဲ ၀ယ်သောက်ရတယ်။ တော်တော်ဈေးကြီးတယ်။ ရေတစ်ပုလင်း ၅ ဒေါ်လာနှုန်းလောက်ပေးရတယ်။ ဘာဝယ်ဝယ် အပြင်ထက် ငါးဆလောက် ပိုပေးရတယ်။း(

ပင်လယ်ပြင်တွေဖြတ်ကျော်ပြီး လေယာဉ်တဖြည်းဖြည်းလမ်းကြောင်းပေါ်ဆင်းနေချိန် ကိုယ့်ဘ၀မှာ တော်တော်လှတဲ့ မြင်ကွင်းတစ်ခု တွေ့လိုက်ရတယ်။ လေယာဉ်ပြေးလမ်းက ပင်လယ်ထဲကနေ ကုန်းမြေဘက်ကို ဆက်သွားတာဆိုတော့ လေယာဉ်ပြတင်းကကြည့်လိုက်ရင် ဟိုဘက်ဒီဘက် ရေတွေပဲမြင်ရတော့ ရေပေါ်မှာ လျှပ်ပြေးနေသလို ခံစားရတယ်။ ကောင်းကင်ကို ပြန်ကြည့်မိတော့ ...  ဟား....ပင်လယ်ပြင်နဲ့ကောင်းကင်ပြာ အရောင်တစ်ထပ်တည်းကျနေတာ  ကောင်းကင်နဲ့ပင်လယ်ရယ်လို့ မခွဲခြားနိုင်ဘဲ တစ်ဆက်တည်းလို့ ထင်ရလောက်တဲ့ မိန်းမောစရာ မြင်ကွင်းပါ။ လှလိုက်တာလို့ စိတ်ထဲက ရေရွတ်ယင်း  ကိုယ်တကယ်ပဲ ကြည်နူးသွားခဲ့တယ်။

လေယာဉ်ဆိုက်ပြီးတော့ သူများတွေ immigration counter ၀င်တန်းစီချိန်မှာ ကိုယ်က Visa ထုပေးတဲ့နေရာကို အပြေးအလွှားလိုက်ရှာရတာ။ Visa section က Officer က ကိုယ့်ကိုမြင်တော့ တော်တော်ဝမ်းသာသွားပုံပါ။ သူ့မှာ Visa ထုပြီး ငွေချေတဲ့အလုပ်ပဲရှိတယ်ထင်ပါရဲ့။ ဘာမှလုပ်စရာမရှိလို့ ပျင်းနေတဲ့ပုံကနေ ကိုယ်လာရပ်တော့ ၀မ်းသာအားရ ပျာပျာသလဲနဲ့ ဆီးကြိုရှာတာ။ ဘယ်နှစ်ရက်နေမှာလဲပဲမေးပြီး တစ်လထုပေးလိုက်ပါတယ်။ ကိုယ်လည်း ဗီဇာရပြီဆိုတော့မှ  သူများတွေလို တန်းသွားစီနိုင်ပါတော့တယ်။ ကိုယ်မှတ်မိသလောက် လေယာဉ်တစ်စင်းလုံးမှာ ကိုယ်တစ်ယောက်ပဲ ဗီဇာလိုပါတယ်။

မကာအိုက မကာအိုကျွန်းဆွယ်၊ တိုင်ပါနဲ့ ကိုလုံးအမည်ရတဲ့ ကျွန်းသုံးကျွန်းနဲ့ ဖွဲ့စည်းထားပါတယ်။ အပြည်ပြည်ဆိုင်ရာ လေဆိပ်ရှိတဲ့ကျွန်းက တိုင်ပါကျွန်းမှာ။ ကိုယ်တို့တည်းမယ့်ဟိုတယ်နဲ့ ကာစီနိုတွေရှိတာက မကာအိုကျွန်းဆွယ်မှာ။ တစ်ကျွန်းနဲ့တစ်ကျွန်း တံတားအရှည်ကြီးနဲ့ဆက်ထားတာ အားရစရာကြီးပါပဲ။ တက္ကစီငှားတော့မှ ဘာသာစကား အခက်အခဲကို သေချာသိကြတော့တယ်လေ။ မကာအိုမှာ  ကန်တုံနဲ့ ပေါ်တူဂိစ်ကိုပဲ အသုံးများတာ။ ဟောင်ကောင်က ကန်တုံလိုပြောပေမယ့် အင်္ဂလိပ်လိုရတယ်။ မကာအိုမှာ ဟိုတယ်နဲ့ ကာစီနိုဝန်ထမ်းတွေကလွဲလို့ ကျန်တဲ့သူအများစုက အင်္ဂလိပ်လို မပြောနိုင်ကြဘူး။ မန်ဒရင်းရတဲ့ စလုံးတွေတောင် နဲနဲလန့်သွားတယ်။  ကိုယ်တို့အားလုံး ၉ ယောက်ဆိုတော့ နှစ်ဖွဲ့ခွဲပြီး ကန်တုံလိုနည်းနည်းရတဲ့ နှစ်ယောက်ကို တက္ကစီတစ်စီးဆီမှာ ခွဲထည့်ပြီး ဒရိုင်ဘာနဲ့ communicate လုပ်ခိုင်းရတယ်။  လမ်းညွှန်ဆိုင်းဘုတ်တွေအားလုံးမှာ တရုတ်လိုနဲ့ ပေါ်တူဂိစ်လိုပဲ ရေးထားတာ တွေ့တယ်။ အင်္ဂလိပ်လို ရေးထားတာ မတွေ့ရဘူး။ သူတို့ အင်္ဂလိပ်စာ၊ စကားမှ မသုံးဘဲ။ အဲဒီတော့မှ အားလုံးက ကိုယ့်အတွက် စိတ်ပူရကောင်းမှန်းသိသွားတယ်။  ကိုယ်လည်းစိတ်ပူသွားတာပေါ့။ တစ်ယောက်က ပြောတယ်လေ။ နင် မနက်ဖြန် ဘယ်မှမသွားဘဲ ဟိုတယ်မှာပဲ အိပ်နေလိုက်ပေါ့တဲ့။ ကိုယ်က တစ်နေရာရာ ခရီးထွက်ပြီဆိုရင် အပန်းဖြေရုံ သက်သက်ထက် ရောက်သင့်တဲ့၊ ရောက်ဖူးချင်တဲ့ နေရာမှန်သမျှ အကုန်ရောက်အောင် သွားချင်တဲ့သူ။ တစ်နေကုန် ဟိုတယ်မှာအိပ်ပြီး ဘာလုပ်မှာလဲ။  ကိုယ့်စိတ်ထဲမှာ အဲလိုတွေးလိုက်ပေမယ့် ဘာမှပြန်မပြောဖြစ်လိုက်ပါဘူး။

ဟိုတယ်ရောက်တော့ ပစ္စည်းတွေချပြီးတာနဲ့ ဘော့စ်အစီအစဉ်ဆွဲထားတဲ့အတိုင်း ကမ္ဘာ့အကြီးဆုံးကာစီနိုစာရင်းဝင် အာရှတိုက်ရဲ့အကြီးဆုံးကာစီနို Venetian ကို သွားကြတယ်။ Venetian က တိုင်ပါကျွန်းမှာဆိုတော့ အဲဒီ့ကိုသွားတဲ့ free shuttle bus ရှိရာစုရပ်ကို အရင်သွားပြီးမှ ဘတ်စ်ကားစောင့်စီးရပါတယ်။ အဲဒီ့အချိန်က Venetian စဖွင့်တာ တစ်လလောက်ပဲရှိသေးတော့ သူ့ကို လာကြည့်တဲ့နိုင်ငံအနှံ့က ခရီးသွားတွေ တော်တော်များတယ်။

တကယ့်တော့ ကိုယ့်ဘော့စ်က မကာအိုရောက်ဖူးပြီးသား၊ သူက Venetian ကို အရမ်းစိတ်ဝင်စားနေတော့ တစ်ချက်ခုတ်နှစ်ချက်ပြတ် မကာအိုကိုရွေးမှန်း ကိုယ်သိလိုက်တယ်။ အဆောက်အဦက တစ်ခမ်းတစ်နား ကြီးကျယ်လှပတာအမှန်ပါ။ အောက်ထပ်မှာ လောင်းကစားဝိုင်းတွေရှိပြီး အပေါ်ထပ်မှာ တည်းခိုနားနေရာ ဟိုတယ်တွေ၊ ဈေးဝယ်ထွက်စရာ branded ဆိုင်တွေ အများကြီးရှိပါတယ်။ အထပ်ပေါင်း ၄၀ ရှိတဲ့အထဲမှာ ကိုယ်အကြိုက်ဆုံး အထပ်ကတော့ ရောမပြည်ရဲ့ အထင်ကရမြို့ဖြစ်တဲ့ (ကိုယ်သိပ်ရောက်ဖူးချင်တဲ့) Venice မြို့သဏ္ဍာန် ဖန်တီးထားတဲ့နေရာပါ။ အဲဒီကိုရောက်တယ်ဆိုရင်ပဲ စိတ်ထဲမှာ ဗင်းနစ်စ်ကို တကယ်ရောက်သွားသလို ထင်မိပါတယ်။ ရေပေါ်မှာ Gondola လေးတွေနဲ့အတူ ဂွန်ဒလာထိုးသား မျက်နှာဖြူတွေက သီချင်းတွေဆိုရင်း ခရီးသည်တွေကို ဖျော်ဖြေနေတာကြည့်ယင်း ကိုယ်လည်း တော်တော်ပျော်မိပါတယ်။ ဗင်းနစ်စ်အတုပေမယ့် ကိုယ်ရောက်လိုက် တယ်ပေါ့လေ။ Venetian မှာ ခြေတစ်ညောင်း လျှောက်ကြည့်ပြီး ညမိုးချုပ်မှ ဟိုတယ်ပြန်ရောက်ပါတယ်။

ပြန်ရောက်လို့ ရေမိုးချိုးပြီးတာနဲ့ အစီအစဉ်အရ ဟိုတယ်နဲ့သိပ်မဝေးတဲ့ ဖိလစ်ပင်းနိုးတွေ သီချင်းဆိုဖျော်ဖြေတဲ့ကလပ်ကို သွားကြတယ်။ ကိုယ့်ဘ၀မှာ ပထမဆုံးကလပ်ရောက်ဖူးခြင်းပေါ့။ သူတို့တွေ သီချင်းဆိုတာသိပ်ကောင်းကြတယ်။ ကိုယ်တို့လည်း ရတဲ့သီချင်းဆိုလိုက်ဆို၊ မရတဲ့သီချင်းနားထောင်ပေါ့။ ကလပ်ဆိုပေမယ့် ကတဲ့ကလပ်မျိုးတော့ မဟုတ်ဘူး။ အများစုက သောက်ရင်းစားရင်း သီချင်းနားထောင်ကြတာများတယ်။ အစပိုင်းတော့ မိန်းကလေးတွေ တော်တော်များတယ်။ ထူးခြားတာက အဲဒီမှာတွေ့ရတဲ့မိန်းကလေးတိုင်း အင်္ကျီလက်ပြတ်နဲ့ ဂျင်းစကပ်တိုတိုလေးတွေ ဆင်တူဝတ်ထားတာပဲ။ နောက်တော့ တဖြည်းဖြည်းပျောက်ပျောက်သွားတာ တစ်ယောက်တစ်လေပဲကျန်တော့တယ်။ အကင်းမပါးတဲ့ကိုယ်ကလည်း ဘယ်တွေရောက်ကုန်ပါလိမ့်ဆိုပြီးတော့ စဉ်းစားလိုက်သေးတယ်။ ဆိုင်အပြင်မှာ အပေးအယူ ညှိနေတာ အချိန်တော်တော်ကြာအောင် မြင်လိုက်ရမှပဲ သဘောပေါက်လိုက်ပါတယ်။ ဇွန်မိုးစက်တို့ တုံးချက်နော်။  ညတစ်နာရီကျော်မှ ကလပ်ကပြန်ရောက်ပြီး အိပ်ရာဝင်တယ်။ သူတို့က မနက်သွားရမယ့်ခရီးစဉ်အတွက် ပျော်နေလိုက်ကြတာ။  ဟွန်း ... ကိုယ်လည်းကိုယ့်ဖာသာ မီးစင်ကြည့်ကမှာပေါ့။ ဇွန်မိုးစက်ပဲ။

အပိုင်း (၃) ဆက်ရန်

------------------------------------------------------------------------------------------------------------------------

ရေးယင်း ရေးယင်းနဲ့ အပိုင်း (၂) မှာတောင် မပြတ်နိုင်သေးဘူးနော်။ :D

အပိုင်း (၃) ရေးပြီးသွားရင် ကိုယ်ရိုက်ခဲ့တဲ့ ဓာတ်ပုံတွေထဲက (ကိုယ်မပါတဲ့) ပုံကောင်းလေးတွေ ပြန်ရှာပြီး တင်မယ်လို့ စိတ်ကူးထားပါတယ်။း)


ချစ်ခင်လေးစားလျက်
ဇွန်မိုးစက်

အမှတ်တရ မကာအို

10

Category: ,

ကိုယ့်ဘ၀မှာ အမှတ်ရဆုံး ပြည်ပခရီးနှစ်ခု ရှိခဲ့တယ်။ တစ်ခုက ပထမဆုံးအကြိမ် အင်္ဂလန်သွားတုန်းက၊ နောက်တစ်ခုက မကာအိုသွားတုန်းက။ ခရီးနှစ်ခုက အရှေ့နဲ့အနောက်ဖြစ်သလို ခံစားချက်တွေကလည်း  ဆန့်ကျင်ဘက်ပါပဲ။ အင်္ဂလန်သွားတုန်းက ပညာသင်ယူဆဲ ကျောင်းသားဘ၀အနေနဲ့ ကျေနပ်ပျော်ရွှင်စရာအတိဖြစ်ခဲ့ပေမယ့် မကာအိုကျတော့ employee ဘ၀မှာ သွားရတဲ့ခရီးဖြစ်တဲ့အပြင် ပျော်ရွှင်မှုထက် စိတ်ပူပန် ဇောချွေးပျံခဲ့စရာအချိန်နဲ့ ကြုံတွေ့ခဲ့ရတဲ့ ခရီးလည်းဖြစ်ပါတယ်။

ဒီခရီးစဉ်အကြောင်းရေးမယ်လို့ စိတ်ထဲမှာရှိနေတာ ဘလော့ဂ်စလုပ်ဖြစ်ကတည်းကပါ။ ကိုယ်ကိုယ်တိုင် ခရီးသွား ၀ါသနာပါသလို ခရီးသွားဆောင်းပါးတွေ ဖတ်ရတာလည်း ကြိုက်တယ်။ ကိုယ်တိုင်ခရီးတွေသွားပြီး ဆောင်းပါးတွေ ရေးချင်တယ်။ ကိုယ့်ဘလော့ဂ်မှာ ခရီးသွားပို့စ်တစ်ပုဒ်မှ မရေးရသေးဘူး။ တိုက်တိုက်ဆိုင်ဆိုင် ကိုယ့်သူငယ်ချင်း တစ်ယောက်လည်း တရုတ်ပြည်နဲ့မကာအို staff retreat သွားရမယ်ဆိုလို့ ရေးချင်စိတ်ပေါက်သွားပြီး ခုမှရေးဖြစ်ပါတယ်။

ဒီခရီးက ရုံး (ကိုယ့်အရင်အလုပ်) က လိုက်ပို့တဲ့ staff retreat ဖြစ်လေတော့ အဲဒီရုံးအကြောင်း နည်းနည်း ပြောချင်ပါတယ်။ ဒါမှ ကိုယ်ဘာကြောင့် မကာအိုမှာ တစ်ကိုယ်တော်တစ်ရက်ခရီးနွှဲခဲ့ရတယ်ဆိုတဲ့ အကြောင်းရင်းလေး မြင်သွားမှာမို့ပါ။ အဲဒီရုံးမှာ ကိုယ်ဟာ ပထမဆုံး အလုပ်ခန့်အပ်ခြင်းခံရတဲ့ တစ်ဦးတည်းသော နိုင်ငံခြားသားဖြစ်ပါတယ်။ ကိုယ်ရဲ့အမျိုးသမီးဘော့စ်ဒါရိုက်တာက နိုင်ငံသားတွေချည်း ခန့်ပါတယ်။ ပီအာရ်တောင်မရှိဘူး။ ကိုယ့်ကျမှ ခန့်ဖြစ်တယ်ဆိုပါတော့။ သူကိုယ်တိုင်က နိုင်ငံခြားသားဆို အထင်မကြီးဘူး။ အခွင့်အရေးကို တန်းတူမပေးချင်ဘူး။ အဲလိုစိတ်မျိုးရှိတယ်။ တစ်ရုံးလုံးက အမျိုးသမီးဝန်ထမ်းတွေချည်းပဲ။ အမျိုးသားဝန်ထမ်းဆိုလို့ ကိုယ့်နောက်မှ ရောက်လာတဲ့  Safety Manager တစ်ယောက်ပဲရှိတယ်။ ကိုယ်အလုပ်ဝင်တော့ ဘော့စ်ရဲ့ဘယ်နဲ့ညာလက်ရုံးလိုဖြစ်နေတဲ့ နှစ်ယောက်က ကိုယ့်ကိုမကြည်ဖြူဘူး။ ဘာကြောင့်မှန်းကို မသိတာ။ တစ်ယောက်ကတော့ သူက Poly ဆင်း Diploma holder။ နိုင်ငံခြားသားကိုယ်က Degree holder ဆိုတော့ သူ့နောက်မှရောက်ပြီး သူ့ထက်ရာထူးပိုမြင့်တာကို သိပ်ကျေနပ်ပုံမပေါ်ဘူး။ သူတို့နိုင်ငံသားဆို အဲလောက်ဖြစ်မှာမဟုတ်ဘူး။ ကိုယ့်ကျတော့ နိုင်ငံခြားသားဖြစ်နေတော့ သိပ်မကြည်လို့ ဘော့စ်ကို ကုန်းတိုက်တာတို့ ဘာတို့တောင်ရှိတယ်။ ထားပါလေ...အဲဒါတွေမပြောချင်၊ ပြောဖို့လည်း မလိုအပ်တော့ပါဘူး။ 

အဲဒီရုံးက တစ်နှစ်တစ်ခါ staff retreat ရှိတယ်။ ကိုယ်မ၀င်ခင်နှစ်က ဘန်ကောက်သွားပြီးပြီ။ ကိုယ်က ဘန်ကောက်သွားချင်တာ မရောက်ဖူးသေးလို့၊ ဒါပေမယ့် ဘယ်နိုင်ငံသွားရသွားရ အမြတ်ပဲဆိုပြီး ကိုယ်ပျော်တယ်။ ဘော့စ်က သူပဲနေရာတွေရွေးတာပါ။ မလေးရှား၊ အင်ဒိုနီးရှား၊ ကမ္ဘောဒီးယား၊ မကာအို၊ ဟောင်ကောင်၊ မြန်မာတောင်ပါလိုက်သေး။ နောက်ဆုံး မကာအိုမဲပေါက်သွားတယ်ဆိုပါတော့။ ၃ညအိပ်၎ရက်ခရီး။ ကိုယ်က  (မြန်မာပတ်ပို့စ်ကိုင်ထားသူပီပီ) ဗီဇာကိစ္စကလွဲလို့ ကျန်တာစိတ်မပူဘူး။ စုံစမ်းကြည့်တော့ On Arrival Visa လို့ဆိုတာနဲ့ ကြိုလျှောက်သွားစရာမလိုဘူးပေါ့။ နေ့ခင်းထမင်းစားချိန်တွေမှာ ဟိုနှစ်ယောက်က ကိုယ်ကလွဲပြီး ကျန်တဲ့သူတွေကို တရုတ်လိုပဲပြောပြီး ဟောင်ကောင်သွားဖို့ စည်းရုံးတယ်။ ကိုယ်ကတရုတ်လို လုံးစေ့ပတ်စေ့နားမလည်ပေမယ့် သူတို့ဟောင်ကောင်သွားဖို့ ကြံနေတယ်ဆိုတာတော့ ရိပ်မိတယ်။ ဒါပေမယ့် ဘော့စ်ခွင့်ပြုမှ အတည်ဖြစ်မှာဆိုတော့ ကိုယ်လည်းအေးဆေးပဲပေါ့။

သွားခါနီးသုံးရက်လောက်အလိုမှာ ကိုယ်တို့ကို ခရီးအတွက် အစည်းအဝေးခေါ်တယ်။ သုံးရက်မှာ ပထမရက်မှာ မကာအိုကိုလည်မယ်။ ဒုတိယရက်မှာ မနက်အစောကြီးထပြီး ဟောင်ကောင်ကို ဖယ်ရီနဲ့ကူးမယ်။ တစ်နေကုန်လည်မယ၊် စလုံးတို့ထုံးစံ ရှော့ပင်းကြမယ်ပေါ့။ တတိယရက်မှာ တိုးဂိုက်နဲ့ မကာအိုက အထင်ကရနေရာတွေ လည်မယ်တဲ့။ တကယ်တော့ ဘော့စ်က သူတို့စီစဉ်တာ ကိုယ်သိတယ်လို့ပဲထင်နေတာ။ ကိုယ်က ငါ့မှာ ဟောင်ကောင်ဗီဇာမှမရှိတာ ငါဘယ်လိုလိုက်မလဲမေးတော့မှ သိသွားတာ။ (ဟောင်ကောင်နဲ့မကာအိုက တရုတ်ပြည်အောက် ပြန်ရောက် သွားပြီဆိုပေမယ့် ဗီဇာကျတော့ သပ်သပ်စီ လျှောက်ရတယ်။ တရုတ်ပြည်မကြီးအတွက်လည်း သီးခြားဗီဇာလိုတယ်) အချိန်က သုံးရက်ပဲကျန်တော့တယ်။ ဟောင်ကောင်ဗီဇာလျှောက်ဖို့ ဘယ်လိုမှ မမှီတော့ဘူးဆိုတာ ကိုယ်သိလိုက်တယ်။ ဒါပေမယ့် သူတို့က ကိုယ့်အတွက်နဲ့ငဲ့ပြီး အစီအစဉ်ဖျက်မယ့်သူတွေမှ မဟုတ်တာ။ ကိုယ်လည်း သွားချင်တာပေါ့ ဟောင်ကောင်။ သက်သက်သွားရင်တောင် ဈေးကြီးတာ ခုလို တစ်နိုင်ငံခရီးမှာ ဖယ်ရီဘုတ်စီးရုံနဲ့ နောက်တစ်နိုင်ငံရောက်နိုင်တဲ့ အခွင့်အရေးရတုန်း သူတို့လိုဝင်လည်ချင်တာပေါ့။ ဒါပေမဲ့ ကိုယ်စိတ်လျှော့လိုက်တယ်။ ကိုယ့်ရဲ့ပျော်နေတဲ့စိတ်တွေလည်း တစ်ဝက်လောက်ပဲကျန်တော့တယ်။ ဒုတိယရက်မှာ ကိုယ်တစ်ယောက်တည်း မကာအိုမှာ ကျန်ခဲ့မယ့်အဖြစ်ကို ကြိုတွေးရင်း စိတ်မကောင်းဖြစ်မိသေးတယ်။ ကိစ္စမရှိပါဘူး၊ ကိုယ်တစ်ယောက်တည်းနဲ့ ဖြစ်အောင်လည်မယ်လို့  အားခဲထားလိုက်တယ်။

(ဆက်လက်ရေးသားပါမည်)

-------------------------------------------------------------------------------------------------------------
မနေ့က ပို့စ်မပြီးသေးခင်မှာ accidentially publish လုပ်မိသွားတယ်။ အစက တစ်ပုဒ်တည်းအပြီးရေးမလို့ပါပဲ။ မကာအိုမရောက်သေးဘူး စာကရှည်နေပြီ။ ဒါကြောင့် ပထမပိုင်းအရင်တင်လိုက်တယ်။ ဒုတိယပိုင်း လာမည် မျှော်...။း)


ချစ်ခင်လေးစားလျက်
ဇွန်မိုးစက်

အေးအေးဆေးဆေး စာဖတ်ချင်သည် (ဂျူး)

10

Category: ,

လွန်ခဲ့သည့်တစ်ပတ်က ဟောပြောပွဲတစ်ခုအပြီး မေးခွန်းများကို ကျွန်မဖိတ်ခေါ်သောအခါ စာရွက်ပိုင်းလေးတွေ ကျွန်မဆီသို့ အများအပြားရောက်လာခဲ့သည်။ ထိုစာရွက်များထဲတွင် မေးခွန်းတစ်ခုက ဆရာမအကြိုက်ဆုံး စာအုပ်သုံးအုပ်ကို ပြောပြပါတဲ့။ 

သူက အကြိုက်ဆုံးဟုသာဆိုပေမယ့် ကျွန်မကိုယ်တိုင်၏ စာအုပ်တွေထဲကလား၊ ကျွန်မဖတ်ခဲ့သော စာအုပ်တွေထဲကလား မကွဲပြားပေ။ ထို့ကြောင့် နှစ်မျိုးလုံးဖြေလိုက်ပါသည်။ 

ကျွန်မစာအုပ်တွေထဲမှာ အကြိုက်ဆုံးရယ်လို့ တန်းစီလိုက်လျှင် ပါနေကျထုံးစံတွေပေါ့။ သုံးအုပ်ဟု ကန့်သတ် လိုက် သည့်အခါ စက္ကန့်ပိုင်းအတွင်း ရေတွက်ကြည့်ဖို့က တော်တော်ခက်ခဲပါသည်။ အခြားစာရေးဆရာများ၏ စာအုပ် တွေကတော့ ကြိုက်နှစ်သက်သည်မှာ များလွန်းလှသဖြင့် သုံးအုပ်ထဲရွေးဖို့ ပို၍ပင် ခက်သေးတော့သည်။ သို့သော် ကျွန်မအာရုံထဲရောက်သမျှ ရေတွက်ပြလိုက်သည်။ ကျွန်မခဏခဏဖတ်နေကျထဲက သုံးအုပ်ထဲပါမသွားဘဲ ကျန်နေသည့်စာအုပ်ပေါင်း နှစ်ဆယ်လောက်ကိုတော့ စိတ်ထဲက တောင်းပန်လိုက်ရသည်။

ကျွန်မရေရွတ်ပြသည့် စာအုပ်သုံးအုပ်မှာ တစ်ခုက ကျွန်မကို အ၀ါရောင်ရထားဝတ္ထုတို ရေးဖြစ်အောင် အာရုံဝင်စားမှုပေးခဲ့သည့် လူမှုရေးဆိုင်ရာပရဟိတစိတ်ကို လှုံ့ဆော်ပေးသည့် စာတစ်ပုဒ်ပါဝင်သည့် အက်ဆေးပေါင်းချုပ် စာအုပ်တစ်အုပ်၊ နောက်တစ်ခုက ဆင်းရဲမွဲတေခြင်းကို တိုက်ဖျက်ဇာတ်သိမ်းစေမည်ဟူသော ဟားဘတ်တက္ကသိုလ်ထွက် အမေရိကန် စီးပွားရေးပညာရှင်တစ်ဦး၏ စာအုပ်တစ်အုပ်နှင့် အမေရိကန်ပညာရှင်တစ်ယောက်ရေးသော မြန်မာနိုင်ငံမြောက်ဖျားစွန်းက နောက်ဆုံးရွာ၏အလွန်ဟူသော စာအုပ်တစ်အုပ်ဖြစ်ခဲ့သည်။ ထိုစာအုပ်သုံးအုပ်ကို ကျွန်မဘာကြောင့် ခဏခဏ ပြန်ဖတ်ဖြစ်သလဲဆိုသည်ကိုလည်း သူတို့အား ရှင်းပြခဲ့သည်။ 

ထိုစာအုပ်သုံးအုပ်လုံးသည် ကျွန်မအတွက် မျှော်လင့်ချက်တွေကိုပေးသည်။ ဆုံးဖြတ်ချက်တွေကိုပေးသည်။ စိတ်ဓာတ် ပျက်ပြားနေသော ကျွန်မကိုဆက်ရှင်သန်နိုင်ဖို့ ခွန်အားတွေပေးခဲ့သည်။ ဘာသာရပ်သုံးခုအတွက် မျှော်လင့်ခြင်း ခွန်အားသုံးမျိုး ဆိုပါစို့။ 

ပြောပြီးနောက် ကျွန်မချက်ခြင်းသတိရသွားသဖြင့် ရယ်မောလျက်ထပ်ပြောလိုက်မိသည်။ “ရသစာပေကို ဖတ်ဖို့ရော ဖန်တီးဖို့ရော အလွန်မြတ်နိုးတဲ့ကျွန်မ အခုရွေးလိုက်တဲ့ စာအုပ်သုံးအုပ်မှာ နှစ်အုပ်က ရသမဟုတ်တဲ့ စာတွေဖြစ်နေတာ အံ့သြစရာလဲကောင်း၊ ရယ်စရာလဲ ကောင်းပါတယ်”

ကျွန်မ ဘာကြောင့်ဝတ္ထုကဗျာတွေကို မရွေးလိုက်မိသလဲ။ တကယ်ဆို ကျွန်မ မနက်မနက်မှာ အိပ်ရာမှမထခင် ဖတ်ဖို့ချထားသည့် စာအုပ်တွေ လေးငါးအုပ်တွင် အခုထိဖတ်မပြီးသေးသည့် တရုတ်အမေရိကန်စာရေးဆရာမ အေမီတန်၏ Saving Fish from Drowning ၀တ္ထုပါသည်။ ပြင်သစ်သို့ ပြောင်းရွှေ့သွားသည့် တရုတ်စာရေးဆရာ၏ ပြင်သစ်လိုရေးသားထုတ်ဝေခဲ့သည့် အင်္ဂလိပ်ဘာသာပြန် ဘောလ်ဇက်နှင့်အပ်ချုပ်သည်မလေးဟူသော ၀တ္ထုစာအုပ် ကျွန်မဖတ်ပြီးသွားသော်လည်း အနီးအနားမှာ ရှိနေသေးသည်။ ထိုစာအုပ်တွေကို ကျွန်မကြိုက်ပါသည်။ ဘာကြောင့် ကျွန်မ ထိုစာအုပ်တွေကို ထည့်မရေတွက်မိပါလိမ့်။

ဟောပြောပွဲအပြီး ညမှာ ကျွန်မကိုယ့်ကိုယ်ကို ဆင်ခြင်မိတော့ ကျွန်မသည် ရသစာပေကို မျှဝေမိသည်ထက် ရသမဟုတ်သော စာပေကို မျှဝေမိနေသည်က များနေပါလား။

တစ်နေ့တစ်နေ့ ကျွန်မဖတ်သောစာတွေကို ခွဲခြားကြည့်လျှင် ရသစာပေထက် ရသမဟုတ်သောစာတွေက ရာခိုင်နှုန်းပိုများနေသည်ကို တွေ့ရသည်။ ဖတ်ရှုနှုန်းနှစ်ခု၏ ကွာခြားချက်က သိပ်တော့မများလှသေးပါ။ ကျွန်မစာအုပ်စင်တွင်ထားပြီး ခဏခဏထုတ်ဖတ်သော စာအုပ်များတွင် ကဗျာစာအုပ်တွေက သုံးလေးအုပ်ပါနေသည်ကို သတိထားမိသည်။ ၀တ္ထုတိုတွေလည်း လေးငါးအုပ်ပါ။ သို့သော် အိပ်ရာဘေးမှာ စီကာစဉ်ကာ ပတ်လည်ဝိုင်း နေသည့်အများစုက ရသမဟုတ်သော စာများနှင့် ဖတ်ရလွယ်ကူသော သတင်းအပြည့်ပေးသော အပတ်စဉ်ထုတ် ဂျာနယ်များဖြစ်နေသည်။

လွန်ခဲ့သည့် သုံးလေးလအတွင်း ဖတ်ပြီးသွားခဲ့သည့် စာအုပ်တွေကို ပြန်စဉ်းစားကြည့်လိုက်သည်။

သဘာဝပတ်ဝန်းကျင်နှင့် အိပ်ခ်ျအိုင်ဗွီ/အိတ်ဒ်စ် စာအုပ်စာတမ်းတွေ။

တိုင်းမ်စ်မဂ္ဂင်းဇင်းကိုပဲကြည့်။ စိမ်းလန်းသောအိပ်မက်များတဲ့။ အာရှ၏လေထုရေထုညစ်ညမ်းမှုတွေ ယိုယွင်းမှုတွေထဲမှ ဖောက်ထွက်ကာ သန့်စင်အောင် ကြိုးစားဆောင်ရွက်လိုက်သော တောင်ကိုရီးယားနိုင်ငံ ဆိုးလ်မြို့တော်ဝန်၏ အောင်မြင်မှုတွေအကြောင်းဖတ်ရသည်။ ဆိုးလ်မြို့လယ်ခေါင်မှာ ညစ်ညမ်းနေခဲ့သော ချွန်ဂေးချုန်းချောင်းကို ပြန်သန့်စင် လိုက်ခြင်းဖြစ်သည်။

နောက်ပြီး ကမ္ဘာ့ဒုတိယအစိမ်းလန်းဆုံးနိုင်ငံဖြစ်သည့် ဆွီဒင်နိုင်ငံမှာ ဇီဝဓာတ်ငွေ့ဖြင့် မောင်းနှင်မည့် ရထားတွဲများ အကြောင်းပါဝင်သည်။ ၂၀၂၀ခုနှစ်တွင် ရေရှည်တည်တံ့မည့် ဖွံ့ဖြိုးတိုးတက်မှု အကောင်အထည် ဖော်နိုင်ရမည်ဟု ရေရှည်ဖွံ့ဖြိုးတိုးတက်မှုဝန်ကြီးဌာန၏ အမျိုးသမီးဝန်ကြီး မိုနာဆာလင်က စီမံကိန်းအကြောင်း ထုတ်ဖော်ပြောခဲ့သည်။

“အဲဒီအချိန်မှာ အိမ်တိုင်းမှာ အပူပေးစနစ်အတွက် လောင်စာဆီမလိုအပ်တော့ဘူး။ မော်တော်ကားတွေမှာလည်း ဓာတ်ဆီမလိုအပ်တော့ဘူး။ တစ်ခြားရွေးချယ်စရာတွေ ရှိလာတော့မယ်” ဟု သူမက ကြေငြာခဲ့သည်။ လုပ်နိုင်ပါ့မလား။ ဆွီဒင်နိုင်ငံက လုပ်နိုင်ပါလိမ့်မည်။ ၁၉၇၀ ခုနှစ်တုန်းက အရှေ့အလယ်ပိုင်း အကြပ်အတည်းမတိုင်မီ ဆွီဒင်သည် သူ့လောင်စာစွမ်းအင်အသုံး၏ ၇၇ ရာခိုင်နှုန်းကို ရေနံမှ ရခဲ့သည်။ ၂၀၀၃ခုနှစ်တွင် စက်မှုလုပ်ငန်းများ အလွန်တိုးတက် ထွန်းကားလာသော်လည်း ရေနံပေါ်မှီခိုမှုက ၃၄ ရာခိုင်နှုန်းထိ လျှော့ချနိုင်ခဲ့သည်။ ဆွီဒင်နိုင်ငံသည် သူ့သဘာဝ အရင်းအမြစ်များအပေါ် စီမံကွပ်ကဲမှု ကောင်းမွန်ခဲ့၏။

“ကျွန်မတို့မှာ ရေအားလျှပ်စစ်အတွက် နေရာတွေအများကြီးရှိတယ်။ ဇီဝစွမ်းအင် (Biomass) တွေရှိတယ်။ လေစွမ်းအင်အတွက် နေရာတွေအများကြီးရှိတယ်” ဟု ၀န်ကြီးက ပြောခဲ့သည်။

သဘာဝပတ်ဝန်းကျင်နှင့် ပတ်သက်သော သိပ္ပံနည်းပညာတွေက အားတက်စရာပါလား။ သူများနိုင်ငံတွေမှာ အကောင်အထည်ဖော်ဖို့ ကြိုးစားနေကြတာမြင်ရတော့ အားကျမိသည်။ သူတို့ခေါင်းဆောင်တွေကလည်း သူများ နိုင်ငံရေးခေါင်းဆောင်တွေ တွေးတောင်မတွေးမိသည့် ဥပဒေတွေကို ထုတ်ပြန်ဆောင်ရွက်ခဲ့သတဲ့။ လောင်စာနှင့် ကာဗွန်ဒိုင်အောက်ဆိုဒ်ထုတ်လွှတ်မှုများအတွက် အခွန်ကောက်ခြင်းဖြစ်သည်။ အိမ်တွေကားတွေမှာ ရေနံလောင်စာ အသုံးကို တစ်ခြားအသစ်ပြန်ဖြည့်စွမ်းအင်များနှင့် အစားထိုးရန် စဉ်းစားလာကြသည်။ တစ်ချို့တွေက အခွန်အတွက် ညည်းညူကြသည်။ သို့သော် အများစုသော ဆွီဒင်နိုင်ငံသူနိုင်ငံသားများသည် ကမ္ဘာကြီးကို ကယ်ဆယ်ပေးဖို့ တက်ကြွစွာ ကူညီလိုစိတ်ရှိကြသည်ဟုဆိုသည်။

ဘယ်လောက်များအားကျဖို့ကောင်းလိုက်ပါသလဲ။ ဆွီဒင်သည် အပင်စွန့်ပစ်ပစ္စည်းမှရသော ဇီဝဓာတ်ငွေ့နှင့် အီသနောတို့ဖြင့် ရေနံလောင်စာ ကို အစားထိုးနေပြီ။ တစ်နိုင်ငံလုံးတွင် အခြားလောင်စာစွမ်းအင်တို့ကို ဆိုင်တွင်ဖွင့်လျက် ရောင်းချအသုံးပြုနေကြသည်။ မော်တော်ယာဉ်တွေ၏ ၁၃ ရာခိုင်နှုန်းမှာ ဇီဝဓာတ်ငွေ့သုံးတီထွင်မှုအသစ်များဖြင့် ကားများဖြစ်ကြသည်။ နိုင်ငံ၏ဒေသဆိုင်ရာ အုပ်ချုပ်သူတွေကလည်း နိုင်ငံသားတို့ အတူပူးတွဲပါဝင်နိုင်မည့် ရည်မှန်းချက်တွေကို ချမှတ်အကောင်အထည်ဖော်ကြသည်တဲ့။ အိမ်တွေမှ စွန့်ပစ်သည့် အောဂဲနစ်အမှိုက်များ၊ စိုက်ပျိုးခင်းတို့မှ အော်ဂဲနစ်အမှိုက်များဖြင့်ထုတ်ယူသော ဇီဝဓာတ်ငွေ့ကိုသုံးကာ ကားတွေမောင်းနှင်ပြီးဖြစ်သည်။

ထိုသတင်းမျိုးတွေက ကျွန်မအနီးတွင် တ၀ဲလည်လည်ရှိနေကြသည်။ ရသစာပေတွေက ကောက်ကိုင်ပြီးလျှင် ခဏအတွင်းပြန်ချထားလို့မရ။ နောက်ပြီး ကျွန်မက ၀တ္ထုဖတ်လျှင် အချိန်ယူချင်သည်။ အေးအေးဆေးဆေးဖတ်ချင်သည်။ နောက်နေ့၊ နောက်တစ်ပတ်၊ နောက်လ စသည့် တာဝန်တွေ ချိန်းဆိုမှုတွေနှင့် ကျွန်မ၀တ္ထုဖတ်လို့ ရမည်မထင်။ သို့သော် အခုအချိန်မှာတော့ ၀တ္ထုကို လုံးချင်းတွေလည်း တစ်ချီတည်းဖတ်ဖို့ အချိန်မရပေမယ့် နံနက်ခင်းလေးတွေ ညအိပ်ရာဝင်ချိန်လေးတွေမှာ ဖတ်နေဆဲပါ။

အရင်တုန်းကလို ခရီးထွက်ပြီး အေးအေးဆေးဆေးစာဖတ်နိုင်သည့် ကာလတွေကို လွမ်းမိသည်။ သို့သော်တကယ်တော့ ကျွန်မတို့မှာ ကုန်ဈေးနှုန်းနှင့် စီမံထိန်းသိမ်းမှုအတွက် ပူပန်နေရုံသာမက အချိန်ကာလတွေလည်း ရှားပါးလာခဲ့ပြီ။

အရင်က မြို့အပြင်ခရီးသွားမှ လက်ဆွဲအိတ်ထဲ စာအုပ်တွေ ကောက်ထည့်ကာ ခရီးတစ်လျှောက်နှင့် တစ်ခြားမြို့၏ ဧည့်သည်ဘ၀ဖြင့် စာအုပ်တွေ ဖတ်ကောင်းလှသော ကျွန်မသည် ခုအခါ မြို့ထဲတစ်နေရာရာ အသွားမှာပင် စာအုပ်တစ်ခုခုကို အိတ်ထဲမှာ ထည့်ထားသည့် အကျင့်ကို ရခဲ့ပြီ။ တစ်ခုခုကို စောင့်နေသည့် ဆယ်မိနစ် ဆယ့်ငါးမိနစ်အချိန်မှာ စာအုပ်ကိုကောက်ကိုင်ပြီး ဖတ်နေလိုက်လျှင် လေးငါးမျက်နှာ ပြီးသွားလည်း မနည်းပါဘူးဟု စိတ်ကို လျှော့ချတတ်လာသည်။

ကျွန်မ သယ်သယ်လာတတ်သည့် စာအုပ်တွေကို ပြန်ဆန်းစစ်မိတော့ အေမီတန်ကို မသယ်ယူခဲ့။ ဂျပန်စာရေးဆရာ ကင်ဇာဘူရိုအိုအေး၏ တိတ်ဆိတ်သောငိုသံ မသယ်ယူခဲ့။ ခပ်ပါးပါးစာအုပ် ပြီးတော့ တစ်ခုဖတ်ပြီးချထားကာ နောက်တစ်နေရာမှာတွေ့သည့် စာမျက်နှာကောက်လှန်လို့ အဆင်ပြေသည့် စာအုပ်တွေကို သယ်မိသည်။ အဲဒါကတော့ Scientific American တို့၊ Time တို့၊ ပြည်တွင်းမှာထုတ်ဝေသော The Waves မဂ္ဂဇင်းတို့၊ ချင်းတွင်း မဂ္ဂဇင်းတို့ဖြစ်သည်။

လုံးချင်းဝတ္ထုတစ်ပုဒ်လောက် ပင်ပင်ပန်းပန်းရေးပြီးသွားတိုင်း ကျွန်မခဏခဏကြွေးကြော်လေ့ရှိပြီး အကောင်အထည် မဖော်နိုင်သော စကားတစ်ခွန်းရှိပါသည်။

“တော်ပြီ။ ငါ အခုအချိန်ကစပြီး တစ်လတိတိ စာဆိုလို့ ကကြီးတစ်လုံးတောင် မရေးတော့ဘူး။ နားထားမယ်”

စာမရေးဘဲ ဘယ်လိုနေလို့ရပါ့မလဲ။ အလွန်ဆုံး စာမရေးဘဲနေလို့ရလျှင် တစ်ပတ်ပေါ့။

အဲသည်လိုပဲ ရသ၀တ္ထုတွေ ဖတ်ချင်လွန်းလို့ ဟိုစာအုပ်ဝယ်လာ သည်စာအုပ်ဝယ်လာနှင့် ကြွေးကြော်မိတာ ခဏခဏ။

“တစ်ခါလောက်တော့ ဘာတာဝန်မှမပါဘဲ စိတ်အပန်းဖြေခရီးလေး တစ်ပတ်လောက်ထွက်ပြီး ဘာမှမလုပ်ဘဲ အိပ်လိုက်စားလိုက်နဲ့ စာတွေချည်း တစ်အုပ်ပြီးတစ်အုပ် ဖတ်နေလိုက်ဦးမယ်”

အဲသည်လို ရေရွတ်မိတာလည်း အကြိမ်မနည်းလှတော့ပါ။ အခုချိန်ထိတော့ ဝေးနေဆဲသာဖြစ်သည်။


ဂျူး


------------------------------------------------------------------------------------------------------------------------
(၂၀၀၆ခုနှစ်၊ အောက်တိုဘာလ ၂၆နှစ်ပြည့် သိပ္ပံမဂ္ဂဇင်းအထူးထုတ်မှာပါတဲ့ (ကိုယ်ကိုယ်တိုင် ဆရာမဆီက သွားတောင်းခဲ့တဲ့) ဆောင်းပါးလေးပါ။ ကိုယ့်ဆီမှာ မဂ္ဂဇင်းရှိနေလို့ ပြန်ရိုက်ပြီး တင်ပေးလိုက်ပါတယ်။


ချစ်ခင်လေးစားလျက်
ဇွန်မိုးစက်

ခုတလော (တဂ်ပို့စ်မဟုတ်ပါ)

6

Category:

ကိုယ့်ကို ဘယ်သူမှ တဂ်မထားပါဘူး။ ဒါပေမယ့် ခုတလော စာရေးချင်စိတ်ပျောက်နေတယ်လို့ ပြောချင်လို့ပါ။ ရုံးကပြန်လို့ အိမ်ရောက်ရင် စာတွေရေးမယ်ရေးမယ်ဆိုပြီး တကယ်တမ်းအိမ်ပြန်ရောက်တော့ ကွန်ပျူတာတောင် မဖွင့်ဖြစ်ဘူး။ တီဗွီကြည့်တယ်၊ စာဖတ်တယ်၊ ဖုန်းပြောတယ်။ ရေးချင်တာတွေ၊ ရေးစရာတွေ ရှိနေပေမယ့် ဘာဖြစ်လို့ ဖြစ်မှန်းမသိအောင် စာရေးဖို့နှောင့်နှေးနေတာ။ စာနှစ်ပုဒ်လောက်ချရေးဖြစ်ပေမယ့် တစ်ပိုဒ်စနှစ်ပိုဒ်စရေးပြီးရင် အကြောင်းကြောင်းကြောင့် ဆက်မရေးဖြစ်တော့ ပို့စ်အသစ်တွေဖြစ်မလာဘဲ draft နဲ့ပဲ အဆုံးသတ်သွားတယ်။ 

အရင်က ကိုယ့်သူငယ်ချင်း laptop နဲ့ယူသုံးပြီးရေးခဲ့တာ။ တလောက IT Show မှာ ကိုယ့်စိတ်ကြိုက် စက်ကလေးတစ်လုံးဝယ်ပြီးကာမှ ရေးမယ်ရေးမယ်အားခဲထားသမျှ လက်တွေ့မှာမရေးဖြစ်တာ နည်းနည်းထူးဆန်းနေ သလိုပဲ။  ဟုတ်တယ်...ခုလည်း ရေးချင်စိတ်သိပ်မရှိသေးဘူး။ 

ချစ်ခင်လေးစားလျက်
ဇွန်မိုးစက်

အဲဒီ့နေ့

9

Category: ,

အဲဒီ့နေ့

အဲဒီ့နေ့က ...

ပစ္စုပ္ပန်တစ်ခု ရပ်တန့်သွားတဲ့နေ့
အနာဂတ်မြစ်တစ်စင်း ခြောက်ခမ်းသွားတဲ့နေ့
မျှော်လင့်ခြင်းအတောင်ပံတစ်စုံ ပျောက်ဆုံးသွားတဲ့နေ့

အဲဒီ့နေ့က ...

ဆယ်နှစ်ကြာဇာတ်လမ်း အဆုံးသတ်သွားတဲ့နေ့
ဘ၀နှစ်ခု မဆုံနိုင်အောင် ဝေးကွာသွားတဲ့နေ့

အဲဒီ့နေ့က ...

မိုးတွေ ရွာခဲ့တဲ့နေ့...။


13/03/07 အတွက်
ဇွန်မိုးစက်

13/03/07

11

Category:

မှတ်မှတ်ရရ အဲဒီ့နေ့က မိုးတွေရွာနေခဲ့တယ်...မောင်။

..........................................................................

(က)
ရုံးဆင်းချိန်ရောက်တော့ ပစ္စည်းတွေသိမ်းပြီး အံဆွဲထဲက အသံပိတ်ထားတဲ့ လက်ကိုင်ဖုန်းလေးကို ကြည့်လိုက်တော့ missed call တွေ တွေ့ရသည်။ သူမ ပြန်ခေါ်ကြည့်ပေမယ့် တစ်ဘက်မှ ဖုန်းပြန်ထူးသံမကြားရတာမို့ ဆက်မခေါ်တော့ဘဲ ဟင်လင်နဲ့အတူ ရုံးကထွက်လာခဲ့သည်။ အပြင်မှာ မိုးတွေသည်းထန်စွာ ရွာသွန်းနေသည်။ ရုံးဆင်းချိန်တိုင်း လူများပြည့်ကျပ်နေသော ကားမှတ်တိုင်က ခုလို မိုးသည်းညနေခင်းမှာ ခါတိုင်းထက်ပိုလို့ လူတွေအုံခဲနေသည်။ ဘတ်စ်ကားလာတော့ ဟယ်လင်နှင့်နှစ်ယောက်သား အပြေးအလွှားလုတက်ရင်း ကားနောက်ဆုံးက ခုံတန်းရှည်မှာ နှစ်ယောက်စလုံး နေရာရသွားသည်။

ဒီရုံးမှာ သူမအလုပ်စ၀င်တာ ငါးပတ်မျှသာရှိသေးသည်။ နိုင်ငံရပ်ခြားမှာ လူမျိုးခြားတွေနဲ့ ပထမဆုံးလုပ်ရတဲ့ လုပ်ငန်းခွင်မှာ သူမ မျှော်လင့်ထားသလောက် အဆင်ပြေ ပျော်ရွှင်မှုတွေ ရှိမနေခဲ့။ သူတို့ဓလေ့စရိုက်နဲ့ အံဝင်ခွင်ကျမဖြစ်သေးလို့ဖြစ်မှာပါလေလို့ ဖြေတွေးယင်း သက်ပြင်းမောတစ်ချက်ကို ဖြည်းဖြည်းညင်သာ ချလိုက်မိသည်။ ဟယ်လင်က သူမခံစားချက်ကိုနားလည်သူပီပီ အားပေးတတ်သည်။ နောက်နှစ်လသုံးလလောက်ဆို အဆင်ပြေ သွားမှာပါတဲ့။ ဟယ်လင်က သူမထက် တစ်လတိတိစောပြီး အလုပ်ဝင်သူဖြစ်၍ သူမ၏စီနီယာဟု ပြောလျှင်ရသည်။ စိတ်သဘောကောင်းပြီး ဖေးမကူညီတတ်သူ ဟယ်လင်နဲ့အတူ တွဲလုပ်ခွင့်ရတာကပင် သူမကံကောင်းသည်ဟု ဆိုနိုင်ပါသည်။

မိုးတွေရွာနေတာကြောင့်ရော၊ ရုံးဆင်းချိန်ဖြစ်တာကြောင့်ရောပေါင်းပြီး ကားလမ်းက ကြပ်နေသည်။  မှောင်မည်းနေတဲ့ ကောင်းကင်အောက်က မိုးသည်းတွေကြားထဲမှာ ကားကြီးကားငယ်တွေက တစ်ရွေ့ရွေ့သာ သွားနိုင်သည်။ ခါတိုင်း၁၅မိနစ်စီးလျှင် ရောက်ရမည့်ခရီးက အခုမိနစ်လေးဆယ်လောက် ကြာနေသည်။ စိတ်မြန်တတ်သောသူမက ခုလိုကြာကြာစီးရသည်ကို သိပ်စိတ်မရှည်ချင်။ ဟယ်လင်နှင့် စကားတွေပြောပြီး သွားရလို့သာ တော်တော့သည်။

မှတ်တိုင်ရောက်တော့ သူမတို့နှစ်ယောက်လုံးအတူဆင်းကြပေမယ့် သွားရမယ့်လမ်းက ဆန့်ကျင်ဘက်။ ဟယ်လင်က ဘူတာဘက်ဆက်သွားပြီး သူမက ထမင်းဆိုင်တန်းဘက်သွားကာ ဆာနေသော ၀မ်းဗိုက်ကို အရင်ဖြည့်လိုက်သည်။ စားပြီးတော့ အိမ်ကိုတန်းမပြန်ဖြစ်သေးဘဲ ဘတ်စ်ကားပေါ်တက်ပြီး သူမငွေစာရင်းဖွင့်ထားရာဘဏ်သို့ ခရီးဆက် ရပြန်သည်။ ဒီဘဏ်မှာဖွင့်ဖြစ်တာကလည်း မောင် အကြံပေးလို့ ဖွင့်ဖြစ်တာ။ ဒီနိုင်ငံမှာကျတော့ တစ်ခြားဘဏ်တွေလို နေရာတိုင်းမှာ ငွေထုတ်ငွေသွင်းစက်တွေ မရှိတော့ အနီးဆုံးဘဏ်ခွဲထိ သွားရလာရတာ အချိန်ပိုကုန်ပေမယ့် မောင့်ကြောင့်ရယ်လို့တော့ စိတ်မခုမိ။

(ခ)
ဘဏ်ကပြန်ထွက်လာတော့ ဘတ်စ်ကားမစီးဘဲ ရထားနှင့်သာသွားတော့မည်ဟု ဆုံးဖြတ်ပြီး ဘူတာဆီ လျှောက်လာခဲ့သည်။ ဖုန်းမြည်သံကြားလို့ ကြည့်လိုက်တော့ အရင်အိမ်မှာအတူနေခဲ့သူ အန်တီ့ဆီက ဖြစ်နေသည်။ သူ့လေသံအတိုင်း “ဟေ့ ..... ညည်းအလုပ်မှာ အဆင်ပြေလား။”  “သိပ်အပြေကြီးမဟုတ်ဘူး..အန်တီ၊ လူတွေက တစ်မျိုးပဲ။ အမှန်အတိုင်းပြောရယင် သမီးမပျော်ဘူး။” “ဘာတွေပဲဖြစ်ဖြစ် အားတင်းထားသမီးရေ အားတင်းထား။” အန်တီနဲ့ဖုန်းပြောပြီးတော့ သူမမောင့်ကို လွမ်းဆွတ်စွာ တမ်းတမိသည်။ အင်းလေ...ရှေ့ဆက်ပြီး အလုပ်မှာ အဆင်မပြေ စိတ်ဆင်းရဲနေရဦးမယ်ဆိုရင် အလုပ်ထွက်ပြီး အိမ်ပြန်မှာပေါ့။ ဘာအရေးလဲ။ မောင့်ကိုလက်ထပ်ပြီး မောင့်ရင်ခွင်မှာပဲ တစ်သက်လုံး အေးအေးလူလူ ခိုနားတော့မယ်ဟု တွေးမိလိုက်တော့ သူမစိတ်ထဲ ဖြေသာသလိုရှိသွားသည်။

(ဂ)
ရထားလာတော့ များပြားလှသောလူအုပ်နှင့်အတူ သူမတိုးဝှေ့တွန်းတိုက်ပြီး ရထားတွဲပေါ်ရောက်အောင် တက်လိုက်ရသည်။ ရထားထွက်ပြီး သိပ်မကြာခင် ညနေက missed call ဖြစ်သွားသော မောင့်ညီဝမ်းကွဲဆီမှ ဖုန်းပြန်ဆက်လာ၍ သူမအပြေးအလွှားထူးလိုက်သည်။ “ဇေဇေ...နေ့လည်က ရုံးမှာဖုန်းအသံပိတ်ထားလို့ မင်းဆက်တာမသိလိုက်ဘူး။ အစ်မပြန်ခေါ်တော့လည်း မင်းက ပြန်မကိုင်ဘူး။” သူမ ပြောချင်တာတွေအရင်ပြောပြီးမှ ဇေဇေ့ဘက်ကဖြေသံကို နားစွင့်နေလိုက်သည်။ “အစ်မ........ကိုကိုပန်......ပြီ” ရထားသံနဲ့စကားသံတွေကြားမှာ စကားစုအပြည့်အစုံကို သူမ ကြားတစ်ချက် မကြားတစ်ချက်။  “ဘာလဲဇေဇေ...ဘာလဲ” “ကိုကိုပန်....ဆုံးပြီ... အစ်မ” သူမရုတ်တရက်ကြောင်သွားသည်။ ခဏကြာမှ  “ဟင်...ဘယ်လိုဖြစ်တာလဲ” “ကားအက်ဆီးဒင့်ဖြစ်တာ ပွဲချင်းပြီး....ညကဆုံးသွားတယ်တဲ့ အမေလှမ်းပြောတာ” “သြော်.... သူက ကားမောင်းကြမ်းတာကိုး”  ဒီ့ထက်ပိုပြီး သူမ မပြောနိုင်တော့။  ဖုန်းချလိုက်တော့ ရထားက သွားနေကျနှုန်းအတိုင်း တရိပ်ရိပ်ပြေးနေသည်။

(ဃ)
ဟင့်အင်း.....မောင်မရှိတော့ဘူးဆိုတာ သူမ မယုံချင်ဘူး။ ပြီးခဲ့တဲ့ တနင်္ဂနွေနေ့ကပဲ မောင်နဲ့ဖုန်းပြောလိုက်ရသေးတာ။ မယုံချင်ဘူး...သူမတစ်ခေါင်းလုံး ငြင်းဆန်မှုတွေနှင့် ပြည့်နှက်သွားသည်။ ရင်တစ်ခုလုံး ဗလာကျင်းသွားသည်။ ဒါအိပ်မက်တစ်ခုမဟုတ်ဘူးဆိုတာလည်း သူမတပ်အပ်သိနေသည်။  သတိလက်ကျန်နဲ့ သူမဆင်းရမယ့်ဘူတာ ရောက်လို့သာ ဆင်းခဲ့သည်။  ပတ်ဝန်းကျင်တစ်ခုလုံး ဘာဖြစ်နေလဲ သူမ သတိမထားမိခဲ့။ မျက်ရည်ကျဖို့ သူမသတိရမနေခဲ့။ ဟောဒီ့ ကမ္ဘာမြေကြီးပေါ်မှာ မောင်မရှိတော့ဘူးဆိုတဲ့ အသိကလွဲလို့ သူမ ဘာကိုမှမသိခဲ့။ အသက်မဲ့ခြေလှမ်းတွေနဲ့အတူ ကားဂိတ်ဆီအသွား စိုစွတ်အေးမြသော အထိအတွေ့ကြောင့် သူမရုတ်တရက် သတိပြန်ဝင်လာသည်။ မိုးတွေရွာကောင်းနေဆဲပါလား။


အဲဒီ့နောက်...

အဲဒီ့နောက်တော့ ...... သူမမျက်ဝန်းမှာ မျက်ရည်တို့ စိုစွတ်နေခဲ့ပြီ။


ဇွန်မိုးစက်


မျက်လုံးများကို ဖတ်ရှုခြင်း

17

Category:

စနေနေ့သာအပြင်ထွက်စရာမရှိရင် ပုံမှန် တစ်ပတ်မှာခြောက်ရက် ရထားစီးဖြစ်တယ်။ ရထားစီးခိုက် ကိုယ်ဖတ်မိတဲ့ မျက်လုံးတွေအကြောင်းပါ။


စလုံးတွေရဲ့ မျက်လုံးမှာ ဂုဏ်ယူဝင့်ကြွားမှုတွေ တွေ့ရတတ်တယ်။ လူမျိုးခြား (အာရှ) တွေအပေါ် အထက်စီး ကနေကြည့်တတ်တဲ့ မျက်လုံးမျိုးတွေ မကြာခဏတွေ့ရတယ်။ အနောက်နိုင်ငံသားတွေအပေါ်မှာတော့ အထင်ကြီးရိုကျိုး၊ သူတို့အတွက် serve လုပ်ဖို့  အမြဲအဆင်သင့်ဖြစ်နေတဲ့ မျက်လုံးမျိုးတွေနဲ့။ အလုပ်သွားချိန်ဆိုရင်တော့ ဘယ်လောက်ပဲ ကျော့နေအောင် ၀တ်စားထားပေမယ့် သူတို့မျက်လုံးမှာ အလုပ်ပတ်သက်တဲ့ စိုးရိမ်ပူပန်မှု၊ အလျင်လိုမှုတွေနဲ့ ပြည်လျှံနေတယ်။ မလေးတွေမှာတော့ စပ်စုတတ်တဲ့မျက်လုံးတွေရှိတယ်။ သူတို့နိုင်ငံက ခွဲထွက်ပြီး တစ်စင်ထောင်တဲ့ စင်္ကာပူကျွန်းလေးပေါ်က စလုံးတွေကို မကြောက်ဘူး။ တစ်ခြားနိုင်ငံခြားသားတွေနဲ့ ယှဉ်ကြည့်လိုက်ရင် အမြင့်ဆုံး အခွင့်ထူးရထားတဲ့  နိုင်ငံခြားသားက မလေးလူမျိုးပေကိုး။ ဒီကျွန်းလေးရဲ့အနာဂတ် မသေချာတော့ရင် လယ်ယာမြေကြီး အများအပြားပိုင်ဆိုင်တဲ့ သူတို့နိုင်ငံပြန်ဖို့ အဆင်သင့်ဖြစ်နေတဲ့ မျက်လုံးတွေ။

မိန်းကလေးတွေဆီ စူးစူးရဲရဲအကြည့်ရောက်တတ်တဲ့ မျက်လုံးပိုင်ရှင်အများစုက အနဲ့ဘကုန်း (အိန္ဒိယ၊ ဘင်္ဂလားဒေရှ့်)။ အရောင်ဖျော့ဖျော့နဲ့ အားငယ်တဲ့မျက်လုံးမျိုးကို ပိုင်ဆိုင်သူအများစုက ပြည်မကြီးက တရုတ်လူမျိုးတွေ (အထူးသဖြင့် လာရောက်အလုပ်လုပ်ကြတဲ့ ယောကျာ်းတွေမှာ)၊ ဘာလို့မှန်းတော့မသိဘူး။ ကိုယ်အကဲခတ်မိတိုင်း သူတို့မျက်လုံး တွေဟာ အားမာန်အပြည့်ရှိမနေဘဲ အားဖျော့နေတယ်။ ဖ၀ထုပ်(ဖိလစ်ပင်း)တွေကတော့ သူတို့လို ရုပ်ခပ်ဆင်ဆင်ဆို အမျိုးတော်ဖို့ လိုက်ကြည့်နေတဲ့ မျက်လုံးတွေနဲ့ပေါ့။ ကိုယ်လို rebond မလုပ်ထားတဲ့ ဆံပင်နက်နက်နဲ့ အာရှတိုက်သူရုပ်ဖြစ်နေလို့ကတော့ သူတို့လို ဖ၀ထုပ်လားဆိုပြီး အတင်းလိုက်ကြည့်တတ်တာ။ အခွင့်အရေးရယင် နင်ရောဖိလစ်ပင်းပဲလားလို့ မေးတော့မယ့်မျက်လုံးမျိုး။  (ကိုယ်ကလည်း တစ်ခြားလူမျိုးထက် ဖ၀ထုပ်လားအမေးခံရယင် သိပ်စိတ်ဆိုးတတ်တာ) အနောက်နိုင်ငံသားတွေမှာတော့ ဘယ်သူမှ သိပ်ဂရုမစိုက်ဘဲ ကိုယ့်ကိုယ်ကို ယုံကြည်မှု အပြည့်အ၀ရှိတဲ့ မျက်လုံးမျိုးတွေသာ အများဆုံးတွေ့ရတတ်တာ။

ဘာလဲ...ကိုယ်တို့ရွှေတွေမှာလား...။ အင်း...သိတဲ့အတိုင်း ကိုယ်တို့ရွှေတွေမှာတော့ ဖော်ရွေရင်းနှီး အားနာတတ်တဲ့ မျက်လုံးတွေ တွေ့ရတာပေါ့။ တစ်ခုတော့ မတွေ့မိဘူး။ ဟုတ်တယ်....ကိုယ်တို့မြန်မာတွေရဲ့ မျက်လုံးမှာ ပျောက်ဆုံးနေတာက ကိုယ့်ကိုယ်ကိုယုံကြည်မှု (self-confidence) ။ ကိုယ်သတိထားမိသလောက် တွေ့ခဲတယ်။ ကိုယ့်မျက်လုံးမှာလည်း တွေ့ရမယ်မထင်ဘူး။ ဗိုလ်ချုပ်အောင်ဆန်းလို ရဲရင့်တည်ကြည်ပြတ်သားပြီး ကိုယ့်လူမျိုးနဲ့ ကိုယ့်ကိုယ်ကို ယုံကြည်မှုအပြည့်အ၀ရှိတဲ့ မျက်လုံးမျိုး  ကိုယ်တို့ဆီမှာ ဘယ်အချိန်ကတည်းက  မတွေ့ရတော့ တာပါလိမ့်...။


မှတ်ချက်။  ။ စာရေးသူတစ်ဦးတည်း၏ အမြင်သာ ဖြစ်ပါသည်။ လွပ်လပ်စွာ သဘောထား ကွဲလွဲနိုင်ပါသည်။


ချစ်ခင်လေးစားလျက်
ဇွန်မိုးစက်


ဘ၀နဲ့ဆန္ဒ

15

Category:

ပြီးခဲ့တဲ့အပတ်က နေ့လည်ထမင်းစားချိန်မှာ ရုံးက ကိုယ်နဲ့တစ်ဌာနတည်း လုပ်ဖော်ကိုင်ဖက်ဖြစ်တဲ့ မြန်မာသူငယ်ချင်းက မေးလာပါတယ်။ ကိုယ့်လက်ရှိအနေအထားကို ကျေနပ်မှုရှိလားတဲ့။ ဟိုးအရင် ငယ်စိတ်မျိုးနဲ့ဆိုရင်တော့ ကျေနပ်မှု မရှိသေးဘူး၊ ဒါပေမယ့် ခုလောလောဆယ် စိတ်ထားအရ ဖြေရယင်တော့ ကျေနပ်ပါတယ်လို့။ သူက ခရစ်ယာန် ဘာသာဝင်ဖြစ်ပေမယ့် ကိုယ်က တရားသဘောနဲ့ ဆင်ခြင်မိလို့ ဒီလိုဖြေရကြောင်း ရှင်းပြတာကို လက်ခံ ပါတယ်။ 

သူကတော့ လက်ရှိအနေအထားကို ကျေနပ်မှုမရှိဘူးလို့ ပြောပါတယ်။ သူဆိုလိုတဲ့အနေအထားက ပညာ၊ အလုပ်အကိုင်၊ ၀င်ငွေနဲ့ ရာထူးကို ရည်ရွယ်တာပါ။ သူစင်္ကာပူရောက်ပြီး သုံးနှစ်အတွင်း (လစာတိုးနှုန်းသိပ်မများတဲ့) အလုပ် တစ်ခုတည်းမှာပဲ နေနေရတာရယ်၊ ဘွဲ့လွန်ဆက်မတက် ဖြစ်သေးတာရယ်တွေက အဓိကအချက်တွေပါ။ သူ့သူငယ်ချင်းတွေ ကျောင်းဆက်တက်လို့ ဘွဲ့တစ်ခုထပ်ရပြီး လစာကောင်းတဲ့ အလုပ်သစ်တွေမှာ နေရာကောင်း ရသွားတာကို လက်ရှိသူ့အနေအထားနဲ့ နှိုင်းယှဉ်ပြီး အားမလိုအားမရဖြစ်နေတာပါ။ ဒီရောက်ပြီးရင် တော်တော်များများက ကျောင်းပြန်တက်ပြီး ရာထူး၊ လစာပိုကောင်းတဲ့ အလုပ်တစ်ခုကို ပြောင်းကြတာက အစဉ်အလာတစ်ရပ်လို ဖြစ်နေတာ ကိုယ်မြင်ပါတယ်။ 

ကိုယ်ငယ်ငယ် (အသက် ၁၈၊ ၁၉နှစ်လောက်က) သိပ်ရည်မှန်းချက်ကြီးခဲ့တယ်။ ဖြစ်ချင်တဲ့၊ ဖြစ်လိုတဲ့ဆန္ဒတွေ သိပ်အားကြီးခဲ့တယ်။ အသက်ဘယ်လောက်ရောက်ရင် ဘာဖြစ်ရမယ်ဆိုတာမျိုးတွေ Plan ချခဲ့ဖူးတယ်။ မီလျံနာဖြစ်ချင်တဲ့ ဆန္ဒတောင် ရှိခဲ့ဖူးတာ။ တကယ်တမ်းလက်တွေ့ဘ၀မှာ ကိုယ်မျှော်လင့်ရည်ရွယ်သလို ဖြစ်မလာခဲ့ပါဘူး။ ကိုယ့်ဘ၀မှာ ကိုယ်ဆန္ဒရှိတဲ့အတိုင်း ဖြစ်လာတာနည်းပါတယ်။  အဲသလို ကိုယ့်ဆန္ဒအတိုင်းဖြစ်မလာတဲ့အခါ စိတ်ဓါတ်တွေကျခဲ့ရတယ်။ အရမ်းတက်ကြွ သွက်လက်ခဲ့သူ တစ်ယောက်လို့ မထင်ရအောင်ကို အေးဆေးသွားခဲ့ဖူးတယ်။ အလိုမကျမှုတွေကတော့ ရင်ထဲမှာ ကိန်းအောင်းနေတာပေါ့လေ။

ကိုယ်အလုပ်ဝင်ကာစအချိန်ကလည်း ကိုယ့်ထက်ဝင်ငွေကောင်းသူတွေကိုကြည့်ပြီးအားကျ၊  ကိုယ့်ကိုယ်ကို အားငယ် ခဲ့ဖူးတယ်။ အဲဒီအချိန်တုန်းက တရားသဘောတွေကို ခုလောက် မသိမမြင်ခဲ့တာကြောင့်ပါ။ အခုတော့ ကိုယ်ဘယ်သူနဲ့မှ မယှဉ်တော့ အားငယ်တာတို့ စိတ်ဓါတ်ကျတာတို့တွေ မဖြစ်တော့ဘူး။  လစာကောင်းတဲ့သူဆိုရင်တော့ မုဒိတာ ပွားမိပါတယ်။ ကိုယ့်လက်ရှိအနေအထားအရတော့ ကိုယ်ဟာ သာမန်ပါပဲ။ ကိုယ့်မှာ ဘွဲ့လွန်မရှိ၊ လစာလည်း အသင့်အတင့်၊ ရာထူးလည်းမကြီးပါဘူး။ ဒါပေမယ့် ခုအသက်အရွယ်မှာ သင့်တင့်လျောက်ပတ်တဲ့ တရားသဘောတွေ နှလုံးသွင်း ဆင်ခြင်နိုင်သူတစ်ယောက် ဖြစ်ရတာကိုပဲ အတိုင်းထက်အလွန် ကိုယ်ကျေနပ်ပါတယ်။ ကိုယ့်မိသားစုကို အထောက်အပံ့ပေးနိုင်တယ်။ သူငယ်ချင်းမိတ်ဆွေတွေကို တတ်စွမ်းသလောက် အကူအညီပေးတယ်။ ကောင်းမှု ကုသိုလ်တွေ တတ်နိုင်သလောက်ပြုတယ်။   အဲလိုလေး နေခွင့်ရလို့ ကျေနပ်ပါတယ်။

ပုထုဇဉ်ပီပီ ကိုယ့်မှာလည်း ဆန္ဒတွေရှိတာပေါ့လေ။ လောကီရေးအရ ဆန္ဒတွေချပြရယင်တော့ မဆုံးနိုင်ပါဘူး။ ဘွဲ့လွန်တစ်ခု ထပ်ယူချင်တယ်။ လစာပိုကောင်းကောင်းရချင်တယ်။ အသက်အရွယ်အလိုက် ရာထူးကြီးကြီးလိုချင်တယ်။ ကိုယ်ပိုင်စီးပွားရေးလုပ်ပြီး ကြွယ်ဝချမ်းသာ အောင်မြင်ချင်တယ်။ အဲလိုပေ့ါလေ...သေသည်အထိ မဆုံးတဲ့ ဆန္ဒတွေ။ ဒါတွေ ပြည့်စုံအောင် လုပ်နေယင်းကနေပဲ လူ့ဘ၀ကို အနှေးနဲ့အမြန်စွန့်ခွာရတော့မှာ။ သတိသာမရှိခဲ့ရင် နောက်ဘ၀မှာ အပ္ပါယ်လေးဘုံကို သွားရဦးမှာ။ အဲဒါကို တွေးမိလိုက်ရင်ပဲ ကိုယ့်ရဲ့အလိုဆန္ဒ (လောဘ) တွေ  အလိုလို အားနည်း သွားပါတယ်။ မကြီးပွား မတိုးတက်ချင်တဲ့စိတ် မရှိလို့တော့ မဟုတ်ပါဘူး။ တစ်ဘ၀စာအတွက်ပဲ အာမခံချက်ပေးမယ့် လောကီပညာဥစ္စာကို တော်ရုံအတိုင်းအတာတစ်ခုအထိ ရှာဖွေပြီး တစ်သံသရာလုံးစာ အထောက်အပံ့ပေးမယ့် လောကုတ္တရာပညာကို ရှာမှီးချင်စိတ်က ပိုများနေလို့ပါ။ ဒါပေမယ့် ကိုယ့်မှာ ကြည့်ရှုစောင့်ရှောက် လှူဒါန်းပေးကမ်းဖို့ရာ ဆန္ဒတွေရှိနေပြန်တော့ လောကီပညာစီးပွားဥစ္စာကို ထိုက်သင့်သလောက်တော့ ရှာရပါဦးမယ်။

ဘ၀နဲ့ဆန္ဒ တစ်ထပ်တည်းကျ မနေခဲ့ပေမယ့် အရာရာကို မြတ်ဗုဒ္ဓရဲ့ တရားတော်အတိုင်း နှလုံးသွင်းလို့ လက်ရှိဘ၀လေးကို အတိုင်းအတာတစ်ခုအထိ ကျေနပ်ကြောင်း ကိုယ်ပြောဖြစ်ခဲ့ပါတယ်။


ချစ်ခင်လေးစားလျက်
ဇွန်မိုးစက်