Coral Reef: I Miss You

Showing posts with label I Miss You. Show all posts

သို့... မောင်

Posted by ဇွန်မိုးစက် | Posted on Friday, March 13, 2015

ရှစ်နှစ်ဆိုတဲ့ အချိန်ကာလဟာ ဘာမှမကြာလိုက်သလိုပါပဲ မောင်။ ပြန်လှည့်ကြည့်ခိုက်မှာသာ အချိန်တွေ အကုန်မြန်တယ် ထင်ရပေမယ့် ဖြတ်သန်းခဲ့ရတဲ့ အတွေ့အကြုံတွေက အများသားလား။

အမေ့ကျန်းမာရေးအခြေအနေကြောင့် ကျွန်မ ရန်ကုန်ပြန်ရောက်နေတာ ၁နှစ်တောင် ရှိသွားပြီ မောင်။ အိမ်အလုပ်တစ်ဖက်နဲ့ အမေ့ကိုပြုစုလာလိုက်တာ မြင်ရသူတိုင်း အရမ်းပိန်သွားတယ်လို့ မှတ်ချက်ချရလောက်အောင် ကျွန်မကိုယ်အလေးချိန်တွေကျသွားလို့ ဟိုတုန်းက ကျွန်မကို ၀ိတ်ကျစေချင်တဲ့ မောင်မြင်ရင် အံ့သြ၀မ်းသာနေမလားဘဲ။

စကားမစပ် ရန်ကုန်မြို့က အများကြီးပြောင်းလဲသွားပြီ မောင်။ ဆောက်လက်စ အထပ်မြင့်စီမံကိန်းတွေရယ်၊ ကားတွေကြပ်သိပ်နေတဲ့ လမ်းမတွေရယ်၊ စကတ်တို၊ ဘောင်းဘီတိုအ၀တ်များလာကြတဲ့ မိန်းကလေးတွေရယ်၊ ကြည့်လေရာရာ မှိုလိုပေါက်နေတဲ့ ဘီယာအရက်ဆိုင်တွေကြားမှာ ရန်ကုန်ဟာ လောဘ၊ ဒေါသ၊ မောဟတွေနဲ့ ပူလောင်နေပြီး၊ နေရာတကာ ရှောင်မလွတ်နိုင်အောင် တွေ့ရတဲ့ နီရဲရဲကွမ်းတံတွေးတွေကြောင့် ထပ်ဆင့်အရုပ်ဆိုးအကျည်းတန်နေရှာတယ် မောင်ရယ်။ ဘာတွေပဲဖြစ်နေနေပါ ရန်ကုန်မှာမွေးပြီး ရန်ကုန်မှာကြီးပြင်းခဲ့တဲ့ကျွန်မ ရန်ကုန်မြို့ကြီးကို ချစ်နေ၊ သံယောဇဉ်ကြီးနေဆဲပါ မောင်။

ရာသီဥတုတွေ ပူနွေးဖောက်ပြန်နေတဲ့ ဟောဒီကမ္ဘာကြီးပေါ်မှာ အစွန်းရောက်အကြမ်းဖက်သမားတွေရဲ့ အန္တရာယ်ကလည်း သိပ်ကြောက်စရာကောင်းတယ် မောင်။ လူအချင်းချင်းပေါ်ထားတဲ့ သူတို့ရဲ့ ရက်စက်ကြမ်းကြုတ်မှုဟာ သိပ်ကိုစက်ဆုပ်ရွံ့ရှာစရာကောင်းတာ မောင်တွေ့ရင် တောက်တစ်ခေါက်ခေါက် ဖြစ်နေမလားဘဲ။ ကျွန်မလည်း ဒေါသတွေဖြစ်နေရင်းနဲ့က သူတို့လုပ်ရပ်တွေဟာ အ၀ီစိငရဲကို စောက်ထိုးဆင်းနေတာ မသိဘဲ အကုသိုလ်တွေ ပြုနေလိုက်ကြတာလို့ တွေးမိသွားတော့ သနားသွားတယ်၊ သံဝေဂလည်းရမိတယ် မောင်။ ရခဲလှတဲ့လူ့ဘ၀မှာ ကုသိုလ်၊ အကုသိုလ်မသိဘဲ လူဖြစ်ရတာလောက် ရှုံးတာမရှိတော့ဘူး မဟုတ်လား။ ရွှေပြည်တော် မျှော်တိုင်းဝေး ဆိုပေမယ့် ရတနာသုံးပါးတည်ရာမြေမှာ မွေးဖွားပြီး စစ်မှန်တဲ့ထေရ၀ါဒဗုဒ္ဓဘာသာကို ကိုးကွယ်ခွင့်ရတာတစ်ခုတည်းနှင့်တင် ကျွန်မ သိပ်ကံကောင်းနေပါပြီ မောင်။

ဒါနဲ့လေ… ၂၀၁၄ ဇွန်လကစပြီး ကျွန်မရေးဖြစ်တဲ့ စာနဲ့ဆောင်းပါးတွေ သတင်းစာ၊ ဂျာနယ်နဲ့ မဂ္ဂဇင်းတချို့မှာ ဖော်ပြခံရတယ် သိလား။ ဆရာဝန်နဲ့စာရေးဆရာဆိုရင် လက်မထပ်ဘူးလို့ ပြောခဲ့တဲ့မောင့်ကို ကျွန်မသာ စာရေးဆရာလုပ်မယ်လို့ အရင်ကတည်းက ကြွေးကြော်မိခဲ့ရင် မောင်နဲ့ဟိုးအစောကြီးကတည်းက လမ်းခွဲခဲ့ရမယ် ထင်တယ်နော်။ အဲလိုဖြစ်ခဲ့ရင်တောင် ကျွန်မ နောင်တရမိမယ် မထင်ပါဘူးလေ။ ကျွန်မ ခေါင်းမာတတ်တာ မောင်အသိဆုံးပါ။

သြော်… မောင်ရေ ကိုဝင်းကြီးတောင် ကလေးနှစ်ယောက်အဖေ ဖြစ်သွားပြီ။ သူ့ဇနီးက ကျွန်မကို သိပ်ခင်တာ မောင်ရဲ့။ အမေ့သတင်း ဒီနေ့ညကြားတယ်ဆိုရင်ပဲ နောက်နေ့မနက် အိမ်ကို တစ်မိသားစုလုံး ရောက်လာကြတာ။ သူ့သားလေးနှစ်ယောက်က သိပ်ဆော့လို့ အမေဖြစ်သူက တစ်ချိန်လုံး လိုက်ဆွဲနေရတာကိုကြည့်ပြီး ကျွန်မမှာ မောလိုက်ရတာ။ ဘယ်လိုပဲဖြစ်ဖြစ် သူတို့ရဲ့ စည်ကားဆူညံနေတဲ့ မိသားစုလေးကို ကြည့်ရတာ ပျော်စရာသိပ်ကောင်းတယ် မောင်။

စိတ်မကောင်းစရာသတင်းတစ်ခုလည်း မောင့်ကိုပြောပြချင်တယ်။ မောင်နဲ့သူငယ်တန်းကတည်းက ခင်ခဲ့တဲ့ မောင့်အချစ်ဆုံးသူငယ်ချင်းရဲ့နာရေးကို မနှစ်က သတင်းစာထဲမှာ တွေ့လိုက်တယ်။ သူဆုံးခဲ့တာ သင်္ကန်းကျွန်းစံပြဆေးရုံမှာဆိုတော့ ရောဂါဝေဒနာတစ်ခုခုကြောင့် ဆုံးပါးသွားတာဖြစ်မယ်လို့ ကျွန်မကောက်ချက်ချမိတယ် မောင်။ သူ့အမျိုးသမီး ကလေး၃ယောက်နဲ့ကျန်ခဲ့တာကိုတွေးပြီး စိတ်ပူမိသေးတယ်။ ၃၅နှစ်ဆိုတဲ့ အရွယ်ဟာ လူ့လောကထဲက ထွက်ခွာဖို့ စောပါသေးတယ်လေ။ အဲလိုတွေးမိတော့ သူ့ထက် ၇နှစ်စောပြီး ထွက်ခွာသွားတဲ့ မောင်ဟာ သိပ်ကို စောလွန်းတာပေါ့ကွယ်။

မောင် ကျွန်မဘေးမှာ မရှိတော့တဲ့ အချိန်ကစပြီး ခုချိန်ထိ ကျွန်မတစ်ယောက်တည်း ဖြတ်သန်းခဲ့တာ ဆယ်စုနှစ်နီးပါးတောင် ရှိတော့မယ်နော်။ တစ်ယောက်တည်းဘ၀မှာ ကျွန်မ ကျင့်သားရရုံတင်မက ပျော်လို့တောင်နေတယ် မောင်ရဲ့။ တခါတလေတော့လည်း လောကဓံလှိုင်းပုတ်ဒဏ်အောက်မှာ ကျွန်မ အားငယ်မိတာ ၀န်ခံပါတယ်။ ဒါပေမယ့် အဲဒါတွေကို ကျွန်မ အားတင်းပြီး ကျော်ဖြတ်နိုင်ခဲ့တယ် မောင်။ မောင် မနာလိုဖြစ်အောင် ပြောရမယ်ဆိုရင်လေ ပြီးခဲ့တဲ့ နှစ်ကာလတွေမှာ ကျွန်မကို ချစ်ခွင့်၊ လက်ထပ်ခွင့် တောင်းခဲ့သူတွေ တစ်ယောက်မက ရှိခဲ့တယ် မောင်။ ကျွန်မကို တစ်ယောက်တည်း အထီးကျန်နေမှာစိုးလို့ ကောင်းနိုးရာရာ ယောကျာ်းတွေနဲ့ မိတ်ဆက်ပေးတဲ့ သူငယ်ချင်းတွေလည်း ရှိခဲ့တယ်။ ဦးနှောက်နှင့်စဉ်းစားရင် သင့်တော်တဲ့သူတွေဖြစ်ပေမယ့် ကျွန်မနှလုံးသားက လက်မခံနိုင်တော့ ငြင်းပယ်လိုက်ရတာပေါ့လေ။ အင်း… ကျွန်မနှင့် ချစ်သူဖြစ်ခွင့်မရသူတွေဟာ သိပ်မကြာခင်နှစ်တွေမှာပဲ တခြားသူတွေနှင့် လက်ထပ်သွားတာကို မြင်ရတော့ မောင်တို့ယောကျာ်းတွေဟာ တစ်ကိုယ်တည်းမနေနိုင်ကြတဲ့အမျိုးပါလားလို့တွေးပြီး ပြုံးမိသေးတယ်။

ကုန်လွန်ခဲ့တဲ့နှစ်တွေမှာ ကျွန်မအတွက် ထူးခြားဖြစ်စဉ်တွေ သိပ်မရှိခဲ့ပါဘူး မောင်။ ကျွန်မ ငယ်ငယ်ကတည်းက သိပ်ရောက်ဖူးချင်တဲ့ အီတလီနိုင်ငံက ဗင်းနစ်မြို့ကို လွန်ခဲ့တဲ့ ၂နှစ်လောက်က မမျှော်လင့်ဘဲ ရောက်သွားခဲ့တာလေးက လွဲရင်ပေါ့။ နောက်တစ်ခုပြောရမယ်ဆိုရင် ကျွန်မကံကြမ္မာကို တနည်းတဖုံ ပြောင်းလဲစေခဲ့တဲ့ အမေ့ကျန်းမာရေးပေါ့။ အမေ့အတွက် အနစ်နာခံစွန့်လွှတ်ခဲ့ရတာတွေရှိပေမယ့် သမီးကြီးတစ်ယောက်အနေနဲ့ အတတ်နိုင်ဆုံး၊ အကောင်းဆုံး မိသားစုအပေါ်မှာ တာဝန်ကျေခဲ့လို့ ကိုယ့်ကိုယ်ကို ကျေနပ်တယ်လို့ပဲ ကျွန်မပြောပါရစေ မောင်။

ကျွန်မ မြန်မာပြည်မှာရှိနေခိုက် ကျမ်းပြုအကျော် အရှင်ဇနကာဘိဝံသရဲ့ တစ်ဘ၀ သံသရာစာအုပ်ကို ဖတ်ခွင့်ရလိုက်လို့ ကျွန်မ သိပ်ဝမ်းသာမိတယ်။ ဆရာတော်ဘုရားက သိပ်ကြည်ညိုစရာကောင်းလွန်းလို့ ဆရာတော်ကြီးကို ကိုယ်တိုင်ကိုယ်ကျ ဖူးခွင့်မရလိုက်တာကိုတွေးပြီး ၀မ်းနည်းရသေးတယ်။ ကျွန်မ တတ်နိုင်တဲ့တစ်နေ့မှာ တောင်မြို့အမရပူရက မဟာဂန္ဓာရုံကျောင်းတိုက်မှာ နှစ်ထပ်ဆွမ်းသွားကပ်ဖို့ ရည်စူးထားတယ် မောင်။ ပရိယတ်၊ ပဋိပတ် တစ်ခုခုမှာ ထူးချွန်ပေါက်မြောက်မယ့် သာသနာ့အာဇာနည်အလျောင်းအလျာ ရဟန်းတစ်ပါးကို မွေးစားထောက်ပံ့ပြီး ရဟန်းအမအဖြစ်လည်း ခံယူချင်သေးတယ်။ မောင်မရှိတော့တဲ့နောက်ပိုင်းမှာ ကောင်းမှုကုသိုလ်တွေ ဆထက်တိုးပြီး ပြုလုပ်ဖြစ်ခဲ့လို့ မောင်မရှိခြင်းအကြောင်းက ကျွန်မရှိခြင်းအကျိုးကို အထောက်အပံ့ဖြစ်စေပါလားလို့ ပဌာန်းတရားတော်ထဲက အတ္တိပစ္စယောနှင့် နတ္တိပစ္စယောရဲ့ အဓိပ္ပာယ်နှင့်ယှဉ်ပြီး ဆင်ခြင်မိတယ် မောင်။

မောင်ဆုံးသွားတာနှင့် ပတ်သက်ပြီး မောင့်သူငယ်ချင်းက ကျွန်မကို ပြောဖူးတယ်။ မောင် ငယ်ငယ်ရွယ်ရွယ်နှင့် ကွယ်လွန်သွားလို့ မောင့်ကိုနှမြောတာထက် မောင့်ရဲ့ထက်မြက်ထူးချွန်တဲ့ဦးနှောက်ကို သိပ်နှမြောတာပဲတဲ့။ ကျွန်မကတော့ အသက်ရှင်ခိုက်မှာ ဗုဒ္ဓဘာသာဝင်တစ်ယောက်ဖြစ်ခဲ့ပါရက်နဲ့ အဘိဓမ္မာတရားတော်အကြောင်း သိသွားခွင့်မရတဲ့ မောင့်ကို သိပ်နှမြောမိတာ။ ဒါပေမယ့် မောင်က ဒါနအားကောင်းသူတစ်ယောက်ဖြစ်ခဲ့လို့ ကျွန်မ ဖြေသာပါတယ်လေ။ ဒါနဆိုလို့ မောင်ရေ… ၂၀၀၈ခုနှစ်ကစလို့ ကျွန်မ ပြုခဲ့သမျှ ကောင်းမှုဒါနအစုစုကို စာအုပ်လေးထဲမှာရေးပြီး မှတ်သားတဲ့ အကျင့်လုပ်ထားတယ်။ ကျွန်မ စင်ကာပူမှာ အချိန်ပြည့်အလုပ်လုပ်ခဲ့တဲ့ ၆နှစ်တာကာလအတွင်း ရခဲ့တဲ့လစာထဲက မိသားစုကို တစ်ဖက်တစ်လမ်း ထောက်ပံ့ရင်း မြန်မာပြည်အတွက် လိုအပ်တဲ့နေရာစုံမှာ ဒါနပြုလှူဒါန်းခဲ့တာ စုစုပေါင်းဒေါ်လာ ၇,၀၀၀ ကျော်တောင် ရှိခဲ့တယ် မောင်။ ကျွန်မကောင်းမှုတစ်ခုပြုပြီးတိုင်းလည်း မောင့်ကို မမေ့မလျော့ အမျှဝေခဲ့ပါတယ်။

မနှစ်က မောင်ကွယ်လွန်တဲ့ ၇နှစ်မြောက်အဖြစ် အိမ်နားက ဘုန်းကြီးကျောင်းမှာ အရုဏ်ဆွမ်းသွားကပ်ခဲ့တယ်။ ဒီနှစ်တော့ အဖေက ခရီးထွက်သွားတာနဲ့ အိမ်မှာ အမေ့ကိုစောင့်ပေးမယ်လူမရှိလို့ ဘုန်းကြီးကျောင်းမှာ ကျွန်မ သီးခြားဆွမ်းသွားမကပ်ဖြစ်တော့ဘူး။ ဒါပေမယ့် ကျွန်မ ပြုခဲ့သမျှဒါနအစုစုအတွက် အမျှပေးဝေဦးမှာဖြစ်လို့ ရောက်ရာအရပ်က မောင် သာဓုခေါ်ပါနော်။

ကောင်းဆိုးနှစ်တန် လောကဓံကြားမှာ ကြံ့ကြံ့ခံပြီး ရပ်တည်နိုင်တဲ့ လူတော်တစ်ယောက်ဖြစ်အောင် ကြိုးစားနေတဲ့ ကျွန်မကို စိတ်မပူပါနှင့်လို့ နောက်ဆုံးအနေနဲ့ မှာချင်ပါတယ် မောင်။

13/03/2015

12:15AM

13/03/2007 - 13/03/2013

Posted by ဇွန်မိုးစက် | Posted on Tuesday, March 12, 2013

Category: I Miss You , Poem

It’s been six years since you’re gone,

I’m still here and missing you long.

Days by days and months are gone,

I wish that I could see you a few more.

Believe in Karma for what had happened,

Though I confront myself to cool down often.

I miss the times we spent together,

Never had a thought you would go this far.

I manage to survive the days without you,

Stronger than ever before that I used to.

Time flies fast and things change much,

Still a sore in my heart does not heal yet.

Hope the pain will be faded away and gone one day,

Do come to my dreams where we could see each other again.

And may you share the merits I have done along the way.

Honey

ကျွန်မနှင့်အိပ်မက်များ

Posted by ဇွန်မိုးစက် | Posted on Monday, March 12, 2012

Category: Essay , I Miss You

ကျွန်မသည် အိပ်မက် မက်တတ်သော သူတစ်ယောက်ဖြစ်သည်။ ကျွန်မ အိပ်မက်မမက်သောညဟူ၍ မရှိသလောက်ပင် ညစဉ်တိုင်းလိုလို အိပ်မက် မက်လေ့ရှိသည်။ ညသန်းခေါင် ဒါမှမဟုတ် အရုဏ်တက်ချိန် မက်ခဲ့သော အိပ်မက်များကို အိပ်ရာမှ နိုးလာသည်နှင့် တပြိုင်နက် သတိရတတ်သော်လည်း တစ်နေ့တာဖြတ်သန်း ကုန်ဆုံးသွားသည့်အခါ လုံးလုံးမေ့လျော့သွားတော့သည်။

လူတွေက အိပ်မက်ကို အချိန်အခါနှင့်လိုက်၍ အမျိုးမျိုး အဖုံဖုံ အဓိပ္ပာယ်ဖွင့်ဆိုကြသည်။ တစ်ချို့က အိပ်မက်သည် မသိစိတ်အတွင်းမှာ ရှိနေသော ဖြစ်ချင်၊ ဖြစ်လိုသည့် စိတ်ဆန္ဒများကို အိပ်မက်ထဲမှာ အကောင်အထည်ဖော်ကြသည်ဟုဆိုသည်။ တစ်ချို့က အိပ်မက်သည် ရှေ့ပြေးနိမိတ်ဟု ယူဆသည်။ သို့ရာတွင် အချိန်ပေါ်မူတည်၍ အိပ်မက်ထဲက အကြောင်းအရာနှင့် ဆန့်ကျင်ဘက်ကို ယူရမည်ဟု အိပ်မက်ကျမ်းတစ်ချို့က ဖော်ပြကြပြန်သည်။

ကျွန်မအတွက်တော့ အိပ်မက်များ၏ အဓိပ္ပာယ်ထက် မက်မိသော အကြောင်းအရာကို ပို၍ စိတ်ဝင်စားသည်။ ဥပမာ - ကျွန်မသူငယ်ချင်းတစ်ယောက် မက်သော အိပ်မက်သည် တစ်ကြိမ်မှာ အကြောင်းအရာတစ်ခုကို တစ်ခါသာမက်ခြင်းမျိုး မဟုတ်ဘဲ အခန်းဆက်အိပ်မက်အဖြစ် လအနည်းငယ်ခြားပြီး ပြန်မက်သော ထူးဆန်းသည့် အိပ်မက်မျိုးဖြစ်သည်။ သူက တစ်ကြိမ်မက်တိုင်း မဆုံးနိုင်သော လှေကားထစ်များကို တက်နေရသည်၊ အပေါ်မော်ကြည့်လျှင် လှေကားထစ်များကိုသာ တွေ့ရသော်လည်း လမ်းတစ်ထောက်မှာ ရပ်နားပြီး ဘုရားတစ်ဆူကို ၀င်ဖူးခွင့်ရသည်။ နောက်တစ်ကြိမ် အိပ်မက်မက်လျှင် ယခင်ဆုံးခဲ့သော နေရာမှ ပြန်ဆက်ပြီး လှေကားများကို တက်ပြန်သည်တဲ့။ အဲသလို အိပ်မက်အဆက်မျိုး တစ်နှစ်မှာ သုံးလေးကြိမ် မက်လေ့ရှိသည်ဟု ကျွန်မကို ပြောပြပါသည်။

ကျွန်မအတွက်တော့ အိပ်မက်များသည် စိတ်လှုပ်ရှားမှုမျိုးစုံကို ပေးသည်။ အိပ်မက်များကြောင့် ကျွန်မ ပျော်ရွှင်ခဲ့ဖူးသည်၊ အိပ်မက်များကြောင့် ကျွန်မ ကြောက်ရွံ့ထိတ်လန့်ခဲ့ရသည်၊ အိပ်မက်များကြောင့်ပင် ပူဆွေးငိုကြွေးရပြန်သည်။ သို့သော် အိပ်မက်များမှာ ကျွန်မ တွယ်ငြိမက်မောနေဆဲဖြစ်သည်။

ကျွန်မ ကလေးဘ၀က မက်သော အိပ်မက်တစ်ခုကို ယခုအချိန်ထိ မှတ်မိနေသည်မှာ အနည်းငယ် အံ့သြစရာကောင်းပါသည်။ ကျွန်မသည် လူကြီးများနှင့်အတူ တောင်ပတ်လမ်းပေါ်က ကားတစ်စီးပေါ်မှာ စီးနင်းလိုက်ပါလျက်ရှိသည်။ ကားပေါ်ကကြည့်လျှင် မြင်ရသော တောင်အောက်က (သိပ်မနက်သော) ချောက်ထဲမှာ ရွှေအိုးတစ်လုံးကို ကျွန်မတွေ့သည်။ ညအချိန်ဖြစ်၍ ရွှေအိုးက အရောင်ထွက်လင်းလက်ပြီး တောက်ပနေသည်ကို ကျွန်မ တပ်မက်သည့်စိတ်ဖြင့် လှမ်းကြည့်မိသည်။ နောက်ပိုင်း ထိုရွှေအိုးကို တစ်ခြားတစ်စုံတစ်ယောက်က လာယူသွားသလား၊ ကျွန်မကိုယ်တိုင်ကားပေါ်ကဆင်းပြီး သွားယူလိုက်သလား ဆိုတာကိုတော့ တိတိကျကျ မမှတ်မိတော့ပါ။ နှစ်တွေအများကြီးကြာခဲ့သော်လည်း ထိုအိပ်မက်ကိုတော့ အမှတ်ရနေပါသည်။

ကျွန်မအိပ်မက်အတော်များများတွင် ကိုယ်နှင့် ခင်မင်ရင်းနှီးသော လူပုဂ္ဂိုလ်များကို မကြာခဏ ထည့်မက်လေ့ရှိသည်။ တစ်ချို့ကျတော့ အိပ်မက်မက်ချိန်မှာ မရင်းနှီးသေးဘဲ အိပ်မက်မက်ပြီးနောက်မှ အပြင်မှာ ပိုရင်နှီးသောသူဖြစ်လာတာမျိုး တစ်ယောက်မက ကျွန်မကြုံဖူးသည်။ မောင်သည်လည်း ကျွန်မ အိပ်မက်ထဲမှာ အရင်ခင်မင်ကျွမ်းဝင်ခဲ့သော လူတစ်ယောက်ဖြစ်သည်။ ယခုအချိန်ထိ ကျွန်မ မက်ခဲ့ဖူးသမျှ အကြိမ်အရေအတွက်အများဆုံးနှင့် သတိတရရှိအနေဆုံးမှာ မောင်နှင့် ပတ်သက်သော အိပ်မက်များဖြစ်သည်။

မောင်နှင့်ကျွန်မ ချစ်သူမဖြစ်ခင် ရက်သတ္တပတ်အနည်းငယ် အလိုမှာ မောင့်ကို ကျွန်မ အိပ်မက် မက်သည်။ ကျွန်မနှင့်မောင် စတင်တွေ့ဆုံခဲ့သော ဗြိတိသျှကောင်စီ စာကြည့်တိုက်က စာအုပ်စင်တွေကြား ကျွန်မ စာအုပ်ရှာဖွေနေစဉ် မောင်က နောက်မှရောက်လာပြီး ကျွန်မကို သိုင်းဖက်လိုက်သည်တဲ့။ အိပ်မက်ထဲမှာ ရန်ခုန်ခဲ့သလို အိပ်မက်ကနိုးထတော့လည်း အပြင်မှာ ကျွန်မ ရင်တွေတုန်နေခဲ့သည်။ ပြီးတော့ တိုက်တိုက်ဆိုင်ဆိုင် အဲဒီ့နေ့က မောင်နှင့်ကျွန်မ ဗြိတိသျှကောင်စီမှာ စာအုပ်လာပြန်အပ်ရင်း အပေါ်ထပ်က ကင်တင်းမှာ ကော်ဖီသောက်ဖို့ ချိန်းဆိုထားခဲ့ကြတာဖြစ်သည်။ ကျွန်မက အင်္ကျီလက်ရှည်အဖြူနှင့် ခရမ်းရောင်အပွင့်များပါသော စကတ်ရှည် ၀တ်ဆင်ထားခဲ့ပြီး မောင်က အိပ်မက်ထဲကအတိုင်း အဖြူမှာ ကန့်လန့်အမည်းစင်းတွေပါသော တီရှပ်လက်တိုနှင့် ဂျင်းဘောင်းဘီအမည်းကို ၀တ်ဆင်လာခဲ့သည်။ ညက အိပ်မက်ကို သတိအရမှာ မောင့်ကို ပူနွေးစွာ ပြုံးပြမိသည်။ မောင်နှင့်ကျွန်မ တကယ်ပဲ ချစ်သူတွေ ဖြစ်လာခဲ့ကြပါသည်။

မောင်နှင့်ကျွန်မ ချစ်သူသက်တမ်း ဆယ်နှစ်အတွင်း မောင်နှင့်ပတ်သက်သော အိပ်မက်များ မက်ခဲ့သော်လည်း တစ်ချို့က မေ့ချင်စရာကောင်းပြီး တစ်ချို့က အမြဲအမှတ်ရချင်စရာ ကောင်းပါသည်။ အိပ်မက်ထဲမှာ မောင် ကောင်မလေးနှင့်လက်တွဲပြီး ကျွန်မကို ကျောခိုင်းထွက်ခွာသွားတာမျိုး မြင်ရတော့ ကျွန်မ၀မ်းနည်း မျက်ရည်ကျခဲ့ရသည်။ နောက်တစ်ရက်တွေ့တော့ ကျွန်မ မောင့်ကို မေးမြန်းစစ်ဆေးပြီး စိတ်ကောက်တော့သည်။ မောင်က ခပ်တည်တည်နှင့် စတတ်သူဖြစ်ရာ ကျွန်မစိတ်ပူမှန်းသိလေ ပိုစလေနှင့် ကျွန်မလုံးလုံးစိတ်ဆိုးပြီး မခေါ်မပြောဘဲနေမှ ပြန်လိုက်ချော့ပါသည်။

ကျွန်မ အိပ်မက်ထဲတွင် မောင်သာမက မောင်နှင့်ပတ်သက်သောသူတစ်ချို့အပြင် မောင်စွဲလန်းသော ပစ္စည်းများကိုလည်း ထည့်မက်တတ်သည်။ မှတ်မှတ်ရရ ကျွန်မတို့နှစ်ယောက်လုံး အင်္ဂလန်မှာရှိနေစဉ် ရန်ကုန်မှာ ကျန်ခဲ့သော မောင့်အချစ်တော် ဗောက်စ်ဝက်ဂွန်ပါဆက် အနီရင့်ရောင်ကားလေးကို ကျွန်မ အိပ်မက်မက်သည်။ မောင် အဲဒီ့ကားနီလေးကို ဘယ်လောက်ထိ မြတ်နိုးစွဲလန်းကြောင်း ကျွန်မ အသိဆုံးဖြစ်သည်။ ကျွန်မကလည်း မြန်မာပြည်လမ်းကြောမှာ ဘယ်မောင်းစီးမှ ပိုဘေးကင်းသည်ဟု ယုံကြည်သောကြောင့် ကားမောင်းကြမ်းသော မောင့်ကို တစ်ခြားကားထက် အဲဒီကားလေးမောင်းနှင်မှ ပိုစိတ်ချသည်။ အဲဒီကားလေးရောင်းလိုက်တော့မည်ဟု မောင့်အိမ်က ဖုန်းဆက်သောနေ့က မောင် တော်တော်လေး စိတ်မကောင်းဖြစ်ခဲ့သည်။ အိပ်မက်မက်လေ့ သိပ်မရှိသောမောင်ပင် သူ့ကားနီလေးကိုတော့ အိပ်မက် မက်ခဲ့သည်။ ကျွန်မလည်း မောင်နှင့်အတူ ထိုကားနီလေးနှင့် ခရီးဝေးသွားကြသည်ဟု အိပ်မက်မက်သည်။ မောင့်ကို ပြန်ပြောပြတော့ သူ့ကားလေးကို သတိရသွားပြီး အလွမ်းပိုသွားခဲ့သည်။

မောင်ကွယ်လွန်ပြီးနောက်ပိုင်း ကျွန်မ အိပ်မက်ထဲသို့ မကြာခဏ မောင်ရောက်လာတတ်သည်။ အိပ်မက်ထဲမှာ မောင်ဆုံးသည့်နေ့က ကျွန်မ မသိလိုက်ရသော၊ ဖြစ်ပျက်ခဲ့သော အကြောင်းရာတစ်ချို့ကို ပြန်လာပြောပြသည်။ ကျွန်မအပေါ် စိတ်ဆင်းရဲအောင် လုပ်ခဲ့သော အပြစ်ရှိသူတစ်ယောက်အနေဖြင့်လည်း ကျွန်မကို လာတောင်းပန်ခဲ့သည်။ အလွန်တရာမှ နွေးထွေးနူးညံ့ခဲ့သော မောင့်လက်ဖ၀ါးများသည် အိပ်မက်ထဲမှာတော့ မယုံချင်စရာ ကောင်းလောက်အောင် ကြမ်းရှနေခဲ့သည်။ မောင့်ကို လွမ်းအားတကြီး ကျွန်မ လှမ်းဖက်လိုက်တော့ မောင့်ခန္ဓာကိုယ်က အပြင်မှာတုန်းကလို ကျွန်မထက် ပိုကြီးထွားမနေဘဲ သေးသေးကျုံ့ကျုံ့လေး ဖြစ်နေခဲ့သည်။

မောင်ဆုံးပြီး ဆယ့်တစ်လအကြာမှာ မက်သော အိပ်မက်ကလည်း အနည်းငယ် ဆန်းကြယ်ပါသည်။ ဟိန္ဒူဘုရားကျောင်းပျက်တစ်ခုက အုတ်ခုံပေါ်မှာ ကျွန်မလက်ကိုဆွဲပြီး သူ့အတွက် ဆုတောင်းပေးဖို့ လာပြောသည်။ ကျွန်မတစ်ယောက်ထဲသာ မောင့်ကို မြင်ရပြီး ကျန်သောသူများက မောင့်ကို မမြင်ရပါ။ သူညောင်သီးတွေပဲ စားနေရသဖြင့် မစားချင်တော့ကြောင့်လည်း ပြောသည်။ ပြီးတော့ မောင်ရှိနေသောနေရာက မြန်မာပြည်နှင့် မတူဘဲ အိန္ဒိယလိုနေရာမျိုး။ နေ့ခင်းကြောင်တောင် အိပ်မက်ဖြစ်သော်လည်း ကျွန်မယုံကြည်သည့်အတွက် နောက်ရက်မှာ ဆွမ်းချက်ပြီး တိုးပါးရိုးဘုန်းကြီးကျောင်းသို့ သူငယ်ချင်းတစ်ယောက်နဲ့အတူ သွားကပ်ပြီး မောင့်အတွက် အမျှဝေခဲ့သည်။

အဲဒီ့နောက်ပိုင်း ကျွန်မ အိပ်မက်ထဲသို့ မောင် သိသိသာသာ အလာကျဲသွားသည်။ မောင်ဆုံးပြီးတစ်နှစ်နဲ့သုံးလအကြာ မောင့်မွေးနေ့မှာ ကျွန်မ မေမေကို အိပ်မက်ပေးသည်ဟု သိရသည်။ ကျွန်မတို့ အိမ်ရှေ့တံခါးမှာ ရပ်ပြီး ၀င်လာဖို့ မေမေ့ကို ရိုရိုကျိုးကျိုး ခွင့်တောင်းသည်တဲ့။ မောင်ဝတ်နေကျ အင်္ကျီအပြာလက်ရှည်နှင့် ပုဆိုးအနီကွက်စိပ်ကလေး ၀တ်ထားသည်ဟု မေမေ့က ပြန်ပြောပြပါသည်။ မောင်မွေးနေ့မှာပေးသောအိပ်မက်အတွက် မေမေကိုယ်တိုင် ဆွမ်းချက်၊ ဘုန်းကြီးကျောင်းမှာ ကပ်လှူပြီးနောက်ပိုင်း (ယခုအချိန်ထိ) မေမေ မောင့်ကို အိပ်မက် မမက်တော့ဟု ဆိုပါသည်။

တစ်ခါတုန်းက ကျွန်မ မောင့်ကို အိပ်မက်မက်သော တစ်ရက်တည်းမှာပဲ ထူးဆန်းတိုက်ဆိုင်စွာ မောင့်သူငယ်ချင်းတစ်ယောက်ကလည်း မောင့်ကို အိပ်မက်မက်ခဲ့သည်မှာ အံ့သြစရာကောင်းနေပြန်သည်။ လွန်ခဲ့သော တစ်နှစ်လောက်က အိပ်မက်ထဲမှာတော့ မောင်နှင့်ကျွန်မ လက်ထပ်ကြသည်တဲ့။ ကျွန်မဘ၀မှာ ဘယ်တော့မှ ဖြစ်မလာနိုင်တော့မည့် အရာတစ်ခုအတွက် အိပ်မက်ထဲမှာပဲ ကျွန်မကျေနပ် နှစ်သိမ့်ခဲ့ရပါသည်။ နောက်တစ်ခါကျတော့ မောင့်အခန်းထဲက ကျွန်မ မက်မောသော စာအုပ်တွေကို သွားသယ်သည်။ အဲ့ဒီအိပ်မက်မှာ မောင်မပါခဲ့သော်လည်း ကျွန်မနှမြောမိသော မောင့်အခန်းထဲက ဖတ်သူမဲ့ စာအုပ်တွေက မောင်စွဲလန်းခဲ့သည့်အရာတွေပဲ မဟုတ်ပါလား။

မောင့်ကို တစ်ခါ အိပ်မက်မက်ပြီးတိုင်း မောင်တစ်နေရာရာမှာ အသက်ရှင်လျက်ရှိနေသည်ဟု ကျွန်မ ခံစားရမြဲဖြစ်သည်။ ပြီးခဲ့သော လကပင် ကျွန်မ မောင့်ကို အိပ်မက် မက်လိုက်သေးသည်။ မောင့်အမေလည်း ပါသည်။ အိပ်မက်တွေ ညစဉ်ရက်ဆက် ကျွန်မ မက်နေသော်လည်း မောင်ပါဝင်သည့် အိပ်မက်အရေအတွက်မှာ ဟိုအရင်ကလောက် မစိပ်တော့ပါ။

မောင်ဆုံးပြီးပြီးချင်း နှစ်ရက်အကြာမှာ အင်္ဂလိပ်ဘာသာဖြင့် ကဗျာတိုလေးတစ်ပုဒ် ကျွန်မ ချရေးဖြစ်သည်။ အဲဒီ့ကဗျာရဲ့ နောက်ဆုံးစာသားကြောင့်ပဲ ကျွန်မ မောင့်ကို အိပ်မက်တွေ ဆက်မက်နေတာလား၊ ကျွန်မရဲ့ အစွဲအလန်းကြီးသော စိတ်ခံစားမှုကြောင့်လား ကျွန်မ အကြောင်းရင်း မရှာတတ်ပါ။ ရှာလည်း မရှာချင်တော့ပါ။

အိပ်မက်ထဲမှာ မောင့်ကို အမြဲမတွေ့ရသည့်တိုင် ရံဖန်ရံခါ တွေ့ဆုံဖို့ကိုတော့ ကျွန်မ မျှော်လင့်ချင်ပါသည်။ မောင်နှင့်ကျွန်မ အပြင်လောကမှာ ဘယ်သောအခါမှ ပြန်လည်ဆုံတွေ့နိုင်တော့မည် မဟုတ်သော်လည်း အိပ်မက်ထဲမှာတော့ဖြင့် ဆုံဆည်းခွင့် ရနိုင်ပါသေးသည်။ အဲဒီ့အတွက် အိပ်မက်တွေကို စွဲလန်းနှစ်သက်စွာဖြင့် ညစဉ်ရက်ဆက် ကျွန်မ မက်နေဦးမှာဖြစ်သည်။

'I still see you in my dreams, and you'll be always there with me.'

ဇွန်မိုးစက်

အလွမ်းရက် ၁,၄၆၁

Posted by ဇွန်မိုးစက် | Posted on Saturday, March 12, 2011

Category: I Miss You

မောင်ရေ… ဘာလိုလိုနဲ့ မောင့်ကိုလွမ်းရတဲ့ရက်ပေါင်း ထောင်ကျော်ခဲ့ပြီကွယ်။

ညကပဲ မောင် ကျွန်မ အိပ်မက်ထဲ အလည်ရောက်လာခဲ့သေးနော်။

မောင်နဲ့မတွေ့ရတဲ့နှစ်လတွေမှာ မောင့်ကို ပြောပြချင်တဲ့ အကြောင်းအရာတွေက အများသားပဲ မောင်…

မောင် အရင်းနှီးဆုံးပေါင်းခဲ့တဲ့ ယောက်ျားလေး သူငယ်ချင်းနှစ်ယောက်တောင် ကလေးအဖေတွေ ဖြစ်ကုန်ကြပြီ။ တစ်ယောက်က ယောက်ျားလေးမွေးပြီး၊ တစ်ယောက်က မိန်းကလေးမွေးတာဆိုတော့ သူတို့နှစ်ယောက် ခမည်းခမက်တော်လို့ရတာပေါ့လို့ ကျွန်မ စနောက်လိုက်သေးတယ်။

ဟယ်ရီပေါ်တာမင်းသားလေး ဒန်နီရယ်လ်တောင် လူပျိုကြီးဖားဖားဖြစ်လို့၊ ဟယ်ရီပေါ်တာ နောက်ဆုံး ဇာတ်လမ်းတွဲတောင် ဒီနှစ်နွေရာသီမှာ အဆုံးသတ်တော့မယ် မောင်…။ မင်းသမီးလေး အမ်မာက လှသွေးကြွယ်တဲ့ ချစ်စရာ အပျိုမ ချောချောလှလှလေးတစ်ယောက် ဖြစ်နေပြီ။

အစားကောင်းစားမိရင် ချစ်တဲ့သူကို သတိရတတ်ကြတယ်လို့ ပြောကြတယ် မဟုတ်လား မောင်။ ဒါပေမဲ့ ကျွန်မအတွက်တော့ အစားကောင်းမှ မဟုတ်ဘူး၊ စာအုပ်ကောင်းတစ်အုပ် ဖတ်ရတဲ့အခါ၊ ရုပ်ရှင်ကားကောင်းတစ်ကား ကြည့်ရတဲ့အခါမှာလည်း ကိုယ်ချစ်တဲ့သူတွေကို သတိရတတ်တယ်။ မောင်သိပ်ကြိုက်မယ်လို့ သေချာတဲ့ Avatar လိုကားမျိုး မောင်နဲ့ကျွန်မ အတူတူ ကြည့်ခွင့်မရလိုက်ဘူးနော်။

ဟိုအရင် အာရှက ထိတ်လန့်ခြောက်ချားဖွယ်ကောင်းတဲ့ ထိုင်း၊ ဂျပန်သရဲကားတွေကို ဟောလီးဝုဒ်က ပြန်ရိုက်တဲ့ ခေတ်ကနေ အခုဟောလီးဝုဒ်က ကောင်းပေ့ဆိုတဲ့ နာမည်ကြီး အချစ်ကားတွေကို အာရှက ပြန်ရိုက်နေတဲ့ခေတ် ရောက်နေပြီ မောင်။ မောင်ကြိုက်ခဲ့တဲ့ What Women Want ကို တရုတ်က ပြန်ရိုက်ပြီး၊ Ghost ကို ဂျပန်က ပြန်ရိုက်ထားတယ်။ မောင် ကြည့်ပြီးရင် ဘယ်လိုဝေဖန်မလဲဆိုတာ ကျွန်မ သိချင်နေမိတယ် မောင်။

မောင်ရေ… သူငယ်ချင်းလင်း လက်ဆောင်ပေးလို့ ဖတ်လိုက်ရတဲ့ Malcom Gladwell ရဲ့ Outliers ဆိုတဲ့ စာအုပ်လည်း သိပ်ကောင်းတာပဲ သိလား။ မောင်ဖတ်မိရင်လည်း ကြိုက်မယ့်စာအုပ်မျိုးဆိုတာ ကျွန်မ သေချာတယ် မောင်။

ကမ္ဘာကြီးက ရုပ်ဝတ္ထုပိုင်းဆိုင်ရာဘက်မှာ တိုးတက်နေပေမယ့် စိတ်ဓာတ်ရေးရာပိုင်းမှာတော့ သိသိသာသာ ချို့ယွင်းဆုတ်ယုတ်လာနေတာ အမှန်ပဲမောင်။

သြော်…မောင်ရေ… အရင်လက်ကိုင်ဖုန်းတွေပေါ်ကာစ Handset တွေက လေးထောင့်စပ်စပ် ထူထူကြီးကြီးတွေကနေ တဖြည်းဖြည်းပါးပြီ သေးအောင် ထုတ်လာခဲ့ကြတာနော်။ အခုကျတော့ ဖုန်းတစ်လုံးရဲ့ features ထက်ပိုတဲ့ function တွေထည့်သွင်းပြီး ဖုန်းတွေက ပါးပါးပြားပြားကနေ နဲနဲပိုကြီးပြီး အလေးချိန်ပိုစီးလာတယ်။ လူတွေအရင်က ဖုန်းပြော၊ မက်ဆေ့ခ်ျပို့ရုံ အသုံးပြုရာကနေ ဖုန်းထဲကနေပဲ သတင်းတွေ၊ စာတွေ မေးလ်တွေဖတ်၊ လူမှုကွန်ယက်တွေဝင်ကြည့်နဲ့ အာရုံငါးပါး တစ်ချက်ကလေးမှ အနားမပေးနိုင်အောင် အလုပ်ရှုပ်နေကြတာ မောင့်ကို ပြချင်တယ်။

ခုနေခါမှာ Apple ထုတ်တဲ့ iPhone ကို လူအများ သိသိသာသာ သုံးလာကြတာ တွေ့ရတယ် မောင်။ မောင်သာဆိုရင်လည်း သေချာပေါက် iPhone သုံးမယ့်သူဆိုတာ ကျွန်မက သိနေပြန်တယ်။ iPad လည်း တော်တော်များများ သုံးနေကြပြီ မောင်ရဲ့။ Steve Jobs က Apple ကနေ အကန့်အသတ်မဲ့ ဆေးခွင့်ယူသွားတဲ့အတွက် နှမြောမိတယ် မောင်။ သူတာဝန်မထမ်းဆောင်တော့မယ့် Apple ရဲ့ အနာဂတ်ဟာ ဘယ်လိုဖြစ်လာမလဲဆိုတာ ကျွန်မ မှန်းဆကြည့်နေမိတယ်။ မောင်သာရှိရင်တော့… ဒီအကြောင်းတွေ ကျွန်မ မောင်နဲ့ဆက်ဆွေးနွေးဖြစ်ဦးမှာပေါ့။ နောက်ဆုံးတော့ ဘယ်အရာမှ မသေချာပါဘူး မောင်လို့ ကျွန်မ နိဂုံးချုပ်မိမလားဘဲ။

အီဂျစ်မှာလည်း အနှစ် သုံးဆယ်လုံးကြီးစိုးအုပ်ချုပ်ခဲ့တဲ့ မူဘာရက်အစိုးရကို ပြည်သူနဲ့တပ်မတော် ပူပေါင်းပြီး အောင်မြင်စွာ ဖြုတ်ချနိုင်လိုက်တယ် မောင်။ ကျွန်မစိတ်ထဲ ၀မ်းသာဝမ်းနည်းပေါ့။ ဘာကြောင့်လဲဆိုတာ ကျွန်မ မပြောဘဲ မောင်သိမှာပါ။

သဘာဝဘေးအန္တရာယ်ကပ်ဆိုးတွေကလည်း ကမ္ဘာ့နေရာအနှံ့အပြား တစ်နေရာနဲ့တစ်နေရာ ဖြစ်သွားလိုက်တာ လပိုင်းတောင် မခြားဘူး မောင်ရယ်။ ၂၀၀၄ ဒီဇင်ဘာတုန်းက ဖြစ်သွားတဲ့ အင်ဒိုနီးရှားဆူနာမီထက် ပိုပြင်းတဲ့ ဆူနာမီက တစ်နေ့ကပဲ ဂျပန်အရှေ့မြောက်ကမ်းခြေကို ၀င်ရောက်တိုက်စားပစ်ခဲ့တယ် မောင်။ ငလျင်အကြီးကြီးပြီးတော့ အသေးလေးတွေ ဆက်လှုပ်နေတာ တစ်ညလုံးပဲတဲ့။ အသက်ရှင်ကျန်ရစ်တဲ့ လူတွေမှာလည်း စိုးရိမ်သောက ဗျာပါဒတွေနဲ့ ရတက်မအေးကြရပါဘူး မောင်။

ကျွန်မအတွက် မောင်စိတ်ပူသွားပြီလားဟင်?

မပူပါနဲ့ မောင်ရယ်။ ကျွန်မက မောင့်ကို သိစေချင်တဲ့အကြောင်းတွေ ပြောပြရုံသက်သက်ပါ။ နောက်ပြီး ကျွန်မက တရားဓမ္မကို အရင်ကထက် အဆများစွာပိုပြီး လေးနက်ယုံကြည်စွာ ကိုးကွယ်နေမိတော့ ဘယ်အရာမဆို တရားနဲ့ဖြေတွေးနှစ်သိမ့်တတ်လာပြီ မောင်။ တရားကလည်း ကျွန်မကို ပြန်စောင့်ရှောက်မယ်ဆိုတာ ယုံကြည်နေတယ် မောင်။

ကျွန်မလေ မောင်နဲ့အတူတူရှိနေစဉ်တုန်းကထက် ပိုပြီးသတ္တိတွေရှိလာခဲ့တယ်။ အရင်က ဘာလေးမဆို မောင့်ကိုအားကိုးတကြီး မေးမြန်းတတ်ခဲ့တဲ့ကျွန်မ အခုဆို တစ်ယောက်တည်း စဉ်းစားဆုံးဖြတ်တတ်ခဲ့ပြီ မောင်။ ဘာလုပ်လုပ် ဘယ်သွားသွား ကျွန်မတစ်ယောက်တည်း လုပ်ရဲ သွားရဲခဲ့ပြီ။ ရုပ်ရှင်လည်း တစ်ယောက်တည်း ကြည့်တတ်ခဲ့ပြီ။ ဈေးလည်း တစ်ယောက်တည်း ၀ယ်တတ်ခဲ့ပြီ။ နိုင်ငံရပ်ခြားခရီးတွေလည်း တစ်ယောက်တည်း သွားရဲခဲ့ပြီ မောင်။ ဘ၀မှာ မောင်မပါဘဲ ကျွန်မတစ်ယောက်တည်း အစစအရာရာရင်ဆိုင်ဖို့ ကျွန်မဘယ်လောက်လေ့ကျင့်ယူခဲ့ရတယ်ဆိုတာ ကျွန်မကိုယ်တိုင်ကလွဲလို့ ဘယ်သူမှ သိနိုင်မယ်မထင်ပါဘူး မောင်။ အခုတော့လည်း တစ်ယောက်တည်းဘ၀မှာ ကျွန်မ ကျင့်သားရနေပါပြီ။

တကယ်တော့ မောင်ရယ်…. “သေသောသူ ကြာရင်မေ့” ဆိုတဲ့ စကားပုံဟာ ကျွန်မအတွက် မမှန်ပါဘူးကွယ်။

ဇွန်မိုးစက်

13/03/07

Posted by ဇွန်မိုးစက် | Posted on Friday, March 12, 2010

Category: I Miss You

မှတ်မှတ်ရရ အဲဒီ့နေ့က မိုးတွေရွာနေခဲ့တယ်...မောင်။

..........................................................................

(က)

ရုံးဆင်းချိန်ရောက်တော့ ပစ္စည်းတွေသိမ်းပြီး အံဆွဲထဲက အသံပိတ်ထားတဲ့ လက်ကိုင်ဖုန်းလေးကို ကြည့်လိုက်တော့ missed call တွေ တွေ့ရသည်။ သူမ ပြန်ခေါ်ကြည့်ပေမယ့် တစ်ဘက်မှ ဖုန်းပြန်ထူးသံမကြားရတာမို့ ဆက်မခေါ်တော့ဘဲ ဟင်လင်နဲ့အတူ ရုံးကထွက်လာခဲ့သည်။ အပြင်မှာ မိုးတွေသည်းထန်စွာ ရွာသွန်းနေသည်။ ရုံးဆင်းချိန်တိုင်း လူများပြည့်ကျပ်နေသော ကားမှတ်တိုင်က ခုလို မိုးသည်းညနေခင်းမှာ ခါတိုင်းထက်ပိုလို့ လူတွေအုံခဲနေသည်။ ဘတ်စ်ကားလာတော့ ဟယ်လင်နှင့်နှစ်ယောက်သား အပြေးအလွှားလုတက်ရင်း ကားနောက်ဆုံးက ခုံတန်းရှည်မှာ နှစ်ယောက်စလုံး နေရာရသွားသည်။

ဒီရုံးမှာ သူမအလုပ်စ၀င်တာ ငါးပတ်မျှသာရှိသေးသည်။ နိုင်ငံရပ်ခြားမှာ လူမျိုးခြားတွေနဲ့ ပထမဆုံးလုပ်ရတဲ့ လုပ်ငန်းခွင်မှာ သူမ မျှော်လင့်ထားသလောက် အဆင်ပြေ ပျော်ရွှင်မှုတွေ ရှိမနေခဲ့။ သူတို့ဓလေ့စရိုက်နဲ့ အံဝင်ခွင်ကျမဖြစ်သေးလို့ဖြစ်မှာပါလေလို့ ဖြေတွေးယင်း သက်ပြင်းမောတစ်ချက်ကို ဖြည်းဖြည်းညင်သာ ချလိုက်မိသည်။ ဟယ်လင်က သူမခံစားချက်ကိုနားလည်သူပီပီ အားပေးတတ်သည်။ နောက်နှစ်လသုံးလလောက်ဆို အဆင်ပြေ သွားမှာပါတဲ့။ ဟယ်လင်က သူမထက် တစ်လတိတိစောပြီး အလုပ်ဝင်သူဖြစ်၍ သူမ၏စီနီယာဟု ပြောလျှင်ရသည်။ စိတ်သဘောကောင်းပြီး ဖေးမကူညီတတ်သူ ဟယ်လင်နဲ့အတူ တွဲလုပ်ခွင့်ရတာကပင် သူမကံကောင်းသည်ဟု ဆိုနိုင်ပါသည်။

မိုးတွေရွာနေတာကြောင့်ရော၊ ရုံးဆင်းချိန်ဖြစ်တာကြောင့်ရောပေါင်းပြီး ကားလမ်းက ကြပ်နေသည်။ မှောင်မည်းနေတဲ့ ကောင်းကင်အောက်က မိုးသည်းတွေကြားထဲမှာ ကားကြီးကားငယ်တွေက တစ်ရွေ့ရွေ့သာ သွားနိုင်သည်။ ခါတိုင်း၁၅မိနစ်စီးလျှင် ရောက်ရမည့်ခရီးက အခုမိနစ်လေးဆယ်လောက် ကြာနေသည်။ စိတ်မြန်တတ်သောသူမက ခုလိုကြာကြာစီးရသည်ကို သိပ်စိတ်မရှည်ချင်။ ဟယ်လင်နှင့် စကားတွေပြောပြီး သွားရလို့သာ တော်တော့သည်။

မှတ်တိုင်ရောက်တော့ သူမတို့နှစ်ယောက်လုံးအတူဆင်းကြပေမယ့် သွားရမယ့်လမ်းက ဆန့်ကျင်ဘက်။ ဟယ်လင်က ဘူတာဘက်ဆက်သွားပြီး သူမက ထမင်းဆိုင်တန်းဘက်သွားကာ ဆာနေသော ၀မ်းဗိုက်ကို အရင်ဖြည့်လိုက်သည်။ စားပြီးတော့ အိမ်ကိုတန်းမပြန်ဖြစ်သေးဘဲ ဘတ်စ်ကားပေါ်တက်ပြီး သူမငွေစာရင်းဖွင့်ထားရာဘဏ်သို့ ခရီးဆက် ရပြန်သည်။ ဒီဘဏ်မှာဖွင့်ဖြစ်တာကလည်း မောင် အကြံပေးလို့ ဖွင့်ဖြစ်တာ။ ဒီနိုင်ငံမှာကျတော့ တစ်ခြားဘဏ်တွေလို နေရာတိုင်းမှာ ငွေထုတ်ငွေသွင်းစက်တွေ မရှိတော့ အနီးဆုံးဘဏ်ခွဲထိ သွားရလာရတာ အချိန်ပိုကုန်ပေမယ့် မောင့်ကြောင့်ရယ်လို့တော့ စိတ်မခုမိ။

(ခ)

ဘဏ်ကပြန်ထွက်လာတော့ ဘတ်စ်ကားမစီးဘဲ ရထားနှင့်သာသွားတော့မည်ဟု ဆုံးဖြတ်ပြီး ဘူတာဆီ လျှောက်လာခဲ့သည်။ ဖုန်းမြည်သံကြားလို့ ကြည့်လိုက်တော့ အရင်အိမ်မှာအတူနေခဲ့သူ အန်တီ့ဆီက ဖြစ်နေသည်။ သူ့လေသံအတိုင်း “ဟေ့ ..... ညည်းအလုပ်မှာ အဆင်ပြေလား။” “သိပ်အပြေကြီးမဟုတ်ဘူး..အန်တီ၊ လူတွေက တစ်မျိုးပဲ။ အမှန်အတိုင်းပြောရယင် သမီးမပျော်ဘူး။” “ဘာတွေပဲဖြစ်ဖြစ် အားတင်းထားသမီးရေ အားတင်းထား။” အန်တီနဲ့ဖုန်းပြောပြီးတော့ သူမမောင့်ကို လွမ်းဆွတ်စွာ တမ်းတမိသည်။ အင်းလေ...ရှေ့ဆက်ပြီး အလုပ်မှာ အဆင်မပြေ စိတ်ဆင်းရဲနေရဦးမယ်ဆိုရင် အလုပ်ထွက်ပြီး အိမ်ပြန်မှာပေါ့။ ဘာအရေးလဲ။ မောင့်ကိုလက်ထပ်ပြီး မောင့်ရင်ခွင်မှာပဲ တစ်သက်လုံး အေးအေးလူလူ ခိုနားတော့မယ်ဟု တွေးမိလိုက်တော့ သူမစိတ်ထဲ ဖြေသာသလိုရှိသွားသည်။

(ဂ)

ရထားလာတော့ များပြားလှသောလူအုပ်နှင့်အတူ သူမတိုးဝှေ့တွန်းတိုက်ပြီး ရထားတွဲပေါ်ရောက်အောင် တက်လိုက်ရသည်။ ရထားထွက်ပြီး သိပ်မကြာခင် ညနေက missed call ဖြစ်သွားသော မောင့်ညီဝမ်းကွဲဆီမှ ဖုန်းပြန်ဆက်လာ၍ သူမအပြေးအလွှားထူးလိုက်သည်။ “ဇေဇေ...နေ့လည်က ရုံးမှာဖုန်းအသံပိတ်ထားလို့ မင်းဆက်တာမသိလိုက်ဘူး။ အစ်မပြန်ခေါ်တော့လည်း မင်းက ပြန်မကိုင်ဘူး။” သူမ ပြောချင်တာတွေအရင်ပြောပြီးမှ ဇေဇေ့ဘက်ကဖြေသံကို နားစွင့်နေလိုက်သည်။ “အစ်မ........ကိုကိုပန်......ပြီ” ရထားသံနဲ့စကားသံတွေကြားမှာ စကားစုအပြည့်အစုံကို သူမ ကြားတစ်ချက် မကြားတစ်ချက်။ “ဘာလဲဇေဇေ...ဘာလဲ” “ကိုကိုပန်....ဆုံးပြီ... အစ်မ” သူမရုတ်တရက်ကြောင်သွားသည်။ ခဏကြာမှ “ဟင်...ဘယ်လိုဖြစ်တာလဲ” “ကားအက်ဆီးဒင့်ဖြစ်တာ ပွဲချင်းပြီး....ညကဆုံးသွားတယ်တဲ့ အမေလှမ်းပြောတာ” “သြော်.... သူက ကားမောင်းကြမ်းတာကိုး” ဒီ့ထက်ပိုပြီး သူမ မပြောနိုင်တော့။ ဖုန်းချလိုက်တော့ ရထားက သွားနေကျနှုန်းအတိုင်း တရိပ်ရိပ်ပြေးနေသည်။

(ဃ)

ဟင့်အင်း.....မောင်မရှိတော့ဘူးဆိုတာ သူမ မယုံချင်ဘူး။ ပြီးခဲ့တဲ့ တနင်္ဂနွေနေ့ကပဲ မောင်နဲ့ဖုန်းပြောလိုက်ရသေးတာ။ မယုံချင်ဘူး...သူမတစ်ခေါင်းလုံး ငြင်းဆန်မှုတွေနှင့် ပြည့်နှက်သွားသည်။ ရင်တစ်ခုလုံး ဗလာကျင်းသွားသည်။ ဒါအိပ်မက်တစ်ခုမဟုတ်ဘူးဆိုတာလည်း သူမတပ်အပ်သိနေသည်။ သတိလက်ကျန်နဲ့ သူမဆင်းရမယ့်ဘူတာ ရောက်လို့သာ ဆင်းခဲ့သည်။ ပတ်ဝန်းကျင်တစ်ခုလုံး ဘာဖြစ်နေလဲ သူမ သတိမထားမိခဲ့။ မျက်ရည်ကျဖို့ သူမသတိရမနေခဲ့။ ဟောဒီ့ ကမ္ဘာမြေကြီးပေါ်မှာ မောင်မရှိတော့ဘူးဆိုတဲ့ အသိကလွဲလို့ သူမ ဘာကိုမှမသိခဲ့။ အသက်မဲ့ခြေလှမ်းတွေနဲ့အတူ ကားဂိတ်ဆီအသွား စိုစွတ်အေးမြသော အထိအတွေ့ကြောင့် သူမရုတ်တရက် သတိပြန်ဝင်လာသည်။ မိုးတွေရွာကောင်းနေဆဲပါလား။

အဲဒီ့နောက်...

အဲဒီ့နောက်တော့ ...... သူမမျက်ဝန်းမှာ မျက်ရည်တို့ စိုစွတ်နေခဲ့ပြီ။

ဇွန်မိုးစက်

မောင်မရှိတဲ့နေ့ရက်များ

Posted by ဇွန်မိုးစက် | Posted on Saturday, December 19, 2009

Category: I Miss You

မောင်မရှိတဲ့နေ့ရက်တွေမှာ ကျွန်မတစ်ယောက်တည်း ဘယ်လိုရင်ဆိုင် ဖြတ်သန်းခဲ့ရသလဲဆိုတာ မောင်သိပါသလား။

မောင့်ကို အိပ်မက်မက်တဲ့အခါ ...

ရုပ်ရှင်ကားကောင်းတွေ ရုံတင်တဲ့အခါ ...

ဂျပန်စာ စားရတဲ့အခါ ...

Nes ကော်ဖီနံ့ ပြင်းပြင်းရတဲ့အခါ ...

"ဂျစ်ပစီမိုးတိမ်" သီချင်း ကြားရတဲ့အခါ ...

Longines တံဆိပ် နာရီကြော်ငြာ မြင်ရတဲ့အခါ ...

အနီရောင် Passat Volkswagen ကို တွေ့ရတဲ့အခါ ...

Sony Ericsson Model အသစ် ထွက်တဲ့အခါ ...

Java Programming အကြောင်း ကြားရတဲ့အခါ ...

နည်းပညာအသစ်အဆန်းသတင်းတွေ ဖတ်ရတဲ့အခါ ...

Kenshin (Samurai X) ကာတွန်း Series ကြည့်ရတဲ့အခါ ...

မောင့်မိတ်ဆွေတွေနဲ့ စကားစမြည် ပြောဆိုဖြစ်တဲ့အခါ ...

Networking problem တွေ ကျွန်မ resolve မလုပ်နိုင်တဲ့အခါ ...

အခါပေါင်းမြောက်မြားစွာ မောင့်ကိုလွမ်းရင်း နေ့ရက်များကို ကျော်ဖြတ်ခဲ့ရတယ် မောင် ...

တွေ့မြင်ချင်စိတ် အကြိမ်ကြိမ်မျိုသိပ်ထိန်းချုပ်လို့ မောင့်ကိုတမ်းတ သတိရမိတဲ့အခါ

ကျွန်မရဲ့အမြင်အာရုံတွေမှုန်ဝါးလို့ အလွမ်းများစွာနဲ့ ဖြတ်သန်းခဲ့ရပါတယ် မောင် ...။

မောင့်ကိုလွမ်းတဲ့
ဇွန်မိုးစက်