မှတ်စုမှတ်ရာ

Category: ,

ကိုညီလင်းသစ်ရဲ့ ဘိလပ်မြို့တော်ခရီးပို့စ်ကနေ ဘိလပ်အခေါ်အဝေါ်နဲ့ ပတ်သက်ပြီး ဆင့်ပွားအတွေးကော်မန့်များကို ဖတ်ရင်းနဲ့ ဒီမှတ်စုလေး ရေးဖြစ်ပါတယ်။ ဇွန်ငယ်ငယ်က အင်္ဂလန်၊ ဗြိတိန်၊ ယူနိုက်တက်ကင်းဒမ်း စတဲ့ တစ်ခုထက်ပိုတဲ့ နာမည်တွေအမျိုးမျိုးနဲ့ ခေါ်ဆိုနေကြတဲ့ နေမ၀င်အင်ပါယာနိုင်ငံအမည်နဲ့ ပတ်သက်ပြီး စိတ်ထဲမှာ သိပ်မရှင်းခဲ့ပါဘူး။ တစ်ချို့က အင်္ဂလန်သွားတယ်၊ စာထဲမှာတော့ ဗြိတိန်နိုင်ငံ၊ တစ်ချို့ကျပြန်တော့ ယူကေတဲ့။ ဒါနဲ့ ကိုယ်တိုင် ရောက်သွားတဲ့အခါကျတော့ ကိုယ်သိချင်ခဲ့တဲ့အကြောင်းရာတစ်ခုကို ရှာဖွေမှတ်သားရင်း ရှင်းရှင်းလင်းလင်း သိလိုက်ရတဲ့အခါ စိတ်ထဲမှာ ကျေနပ်သွားပါတယ်။

ယူနိုက်တက်ကင်းဒမ်း (ယူကေ) လို့ ဆိုတဲ့အခါ အင်္ဂလန်၊ ဝေလပြည်၊ စကော့တလန်နဲ့ အိုင်ယာလန် မြောက်ပိုင်းတို့ ပါဝင်ပါတယ်။ ဂရိတ်ဘရစ်တိန် (ဂရိတ်ဗြိတိန်) လို့ဆိုရင် အင်္ဂလန်၊ ဝေလ၊ စကော့တလန်နဲ့ သူတို့အသီးသီးအောက်မှာ ပိုင်ဆိုင်ကြတဲ့ ကျွန်းစုကျွန်းငယ်လေးများ ပါဝင်ပါတယ်။ ဘရစ်တိန်(ဗြိတိန်)ချည်းပဲလို့ ရည်ညွှန်းရင်တော့ ဘရစ်တိန်ကျွန်းမကြီးပေါ်က အင်္ဂလန်၊ ဝေလနဲ့ စကော့တလန် သုံးနယ်ကို ညွှန်းတာပါ။ ဘရစ်တိန်ကျွန်းမကြီးပေါ်မှာ နေထိုင်သူတွေကို ဘရစ်တွန် (အတိုကောက် ဘရစ်) လို့လဲ ခေါ်ကြပါတယ်။ ဂရိတ်ဘရစ်တိန်အောက်မှာပဲဖြစ်ဖြစ်၊ ဘရစ်တိန်နဲ့ ဘရစ်တွန်လို့ ခေါ်ဝေါ်သုံးစွဲတဲ့အခါမှာပဲဖြစ်ဖြစ် အိုင်ယာလန် မြောက်ပိုင်းမပါပါဘူး။ 

ဗြိတိသျှတွေရဲ့ နိုင်ငံကူးလက်မှတ်မှာ United Kingdom of Great Britain and Northern Ireland ဆိုပြီး တွေ့ရမှာပါ။ တစ်ချို့တွေက နိုင်ငံကူးလက်မှတ်မှာ အိုင်ယာလန်မြောက်ပိုင်းကို သပ်သပ်ခွဲထုတ်ထားတာ နိုင်ငံရေးအရ အကြောင်းရှိတယ်လို့ ပြောကြပါတယ်။ အိုင်းရ်ရှစ်တွေ ဘယ်တော့မှ ဗြိတိသျှမဖြစ်နိုင်ဘူးဆိုတဲ့ သဘောကို သက်ရောက်တာမို့ အဲလိုခွဲထားကို မကြိုက်တဲ့လူတွေလည်း ရှိပါတယ်။ ဘယ်လိုပဲဖြစ်ဖြစ်… အဲဒီ့အချိန်က ဇွန်သိချင်တာ သိခွင့်ရလို့ ကျေနပ်သွားပါတယ်။ ဇွန့်လိုပဲ စိတ်ထဲမှာ အင်္ဂလန်၊ ဗြိတိန်၊ ယူကေ ဘယ်လိုကွာခြားလဲဆိုတာ သိချင်သူများ၊ မသိသေးသူများ ရှိနိုင်တာမို့ ဇွန် သိထားတာလေးကို ပြန်လည်ဝေမျှလိုက်ရခြင်း ဖြစ်ပါတယ်ရှင်။


ဇွန်မိုးစက်

Comments ( 5 )

ဒီမှတ်စုလေးက တိုတိုလေးပေမယ့် တန်ဖိုးရှိပါတယ်..၊

ယူကေကို သိထားပေမယ့် ဂရိတ်ဘရစ်တိန်နဲ့ ဘရစ်တိန် နှစ်ခုရဲ့ ခြားနားချက်ကို ကျနော်လည်း ကွဲကွဲပြားပြား မသိခဲ့ဘူး..၊ ပြီးတော့ ဂရိတ်ဘရစ်တိန်မှာလည်း အိုင်ယာလန် မြောက်ပိုင်း ပါတယ်လို့ ထင်နေခဲ့သေးတာ...၊း)

အခုလို ရှင်းပြပေးတာ ကျေးဇူးပါဇွန်...။

မှတ်သားစရာလေးအတွက်ကျေးဇူးအထူးပါ ။

သိသင့်တဲ့ဗဟုသုတလေးပဲ ဇွန်ရေ။ မှတ်သားစရာ လိုရင်းတိုရှင်း ဗဟုသုတလေး မှတ်သွားပြီနော်။
မောင်ညီလင်းရဲ့ ပို့စ်ကို ဖတ်ပြီးထဲက အင်္ဂလန်ကို အလည်သွားဘို့ ကြိုးစားတော့မယ်လို့ တီတင့် ဆုံးဖြတ်ထားတယ် ဇွန်ရဲ့ ဟိဟိ။
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

မရေ..အရမ်းကျေးဇူးတင်လိုက်တာရှင်....:)
အဲဒိအကြောင်းတွေကို မိုးနတ်သိချင်တာ သိပ်ကိုကြာခဲ့ပြီ
မိုးနတ်က အစက မိုက်ကယ်အိုဝင်နဲ့ ဒေးဗစ်ဘက်ခမ်း
ခရေဇီလေ...အဲဒါကြောင့် ယူကေ အကြောင်းကို
သိပ်စိတ်ဝင်စားခဲ့တာ..ခုမှသာ အကြိုက်တွေ ပြောင်းသွားလို့....
ဒါပေမဲ့ အစွဲအလန်းကြီးစွာ ယူကေကိုစိတ်ဝင်စားနေဆဲပါပဲ...:)
ခုတော့ တိုက်တိုက်ဆိုင်ဆိုင် ဗဟုသုတတွေ အများကြီး ရလိုက်တယ်...
ကိုညီလင်းပြောသလို ပို့စ်က
တိုပေမဲ့ ပြည့်စုံတာမို့ မကို အာဘွား....:)
ချစ်တဲ့...မိုးနတ်

လေ့လာသွားတယ်ညီမ။ ငယ်ငယ်က IR စာသင်ခန်းလေးကို သတိရသွားတယ်။