တရားစခန်းက ပြန်ခဲ့တယ်

Category:

တကယ်တော့ ဒီဘလောက်ကို ဒီဇင်ဘာတစ်ရက်နေ့မှာ World AIDS Day ဂုဏ်ပြုဆောင်းပါးနဲ့အတူဖွင့်ဖို့ အစ်ကိုမိုးကုတ်သားက အကြံပြုခဲ့ပါတယ်။ ကိုယ်လည်းကြိုးစားကြည့်ခဲ့ပေမယ့် ဘယ်လိုမှအချိန်မရတဲ့အတွက် (အခုတောင် အချိန်လေးလုပြီး လုပ်လိုက်တာပါ) ခုမှပဲတကယ်လုပ်ဖြစ်ပါတယ်။ အေ့စ်ဆောင်းပါးမတင်ဖြစ်ပေမယ့် အမှတ်တရနဲ့ကုသိုလ်လေးရအောင် "တရားစခန်းက ပြန်ခဲ့တယ်" ဆိုတဲ့ အကြောင်းလေးနဲ့ စဖွင့်လိုက်ပါတယ်။ :)


တရားစခန်းက ပြန်ခဲ့တယ်

ဒီတစ်ခေါက် ၉ရက်တရားစခန်းဝင်ဖြစ်တာ ဒီနှစ်ထဲမှာနှစ်ကြိမ်မြောက်ပေါ့။ ပထမတစ်ကြိမ်က August လတုန်းကပါ။ အဲဒီတုန်းက St' John's Island မှာပါ။ ခုတစ်ခေါက်က Changi Aloha မှာပါ။ နှစ်ခေါက်လုံး ဖားအောက်တောရ စင်္ကာပူကျောင်းခွဲက စီစဉ်တာပါ။ ၂၁ရက်နေ့ညနေ ၅နာရီအရောက် check in ၀င်ရမှာဖြစ်လို့ အတူစခန်းဝင်မယ့် သူငယ်ချင်းညီမနှစ်ယောက်နဲ့အတူ Queenstown မှာဆုံပြီး Taxi နဲ့သွားကြဖို့စီစဉ်လိုက်ပါတယ်။ တကယ်တော့ ဒီတစ်ခေါက်က နှစ်ပတ်တရားစခန်းပေမယ့် ကိုယ်တို့က ခွင့်ရက်သိပ်မရှိတော့တာကြောင့် ပိတ်ရက်တစ်ရက်ရှိတဲ့ ဒုတိယအပတ်မှာ ၄ရက်ခွင့်ယူပြီး လိုက်လာကြသူတွေမို့ ကိုယ့်အစီအစဉ်နဲ့ကိုယ် သွားရပါတော့တယ်။

ပထမ Taxi driver က နင်တို့နေရာသိလား၊ ရောက်ဖူးလားဆိုတော့ သုံ့းယောက်လုံးက "No" လို့ဆိုလိုက်တာနဲ့ မလိုက်နိုင်ဘူးဆိုတဲ့အထာနဲ့လက်ကာပြပြီးမောင်းထွက်သွားလို့ နောက်တစ်စင်းစီးလိုက်ရပါတယ်။ တော်ပါသေးရဲ့... နောက်ဒရိုင်ဘာက သဘောကောင်းလို့ (သူလည်း အဲဒီ့ဘက်မကျွမ်းဘူးဆိုတာ ကိုယ်တို့လည်း Aloha ထဲရောက်ပြီး ကိုယ်တို့နေရမယ့်အဆောင် တော်တော်နဲ့ရှာမတွေ့ဘဲ တ၀ဲလည်လည်ဖြစ်နေတော့မှ သိရပါတယ်) နောက်ဆုံးတော့ ဆိုက်ဆိုက်မြိုက်မြိုက် ရောက်သွားပါတော့တယ်။ ကိုယ်တို့နေရမယ့် အမျိုးသမီးယောဂီဆောင်က Fairy Point Chalet 4 ပါ။

ကိုယ်တို့နေရမယ့်အခန်းက အောက်ထပ်မှာပါ။ ကိုယ်လည်းခြေထောက်နာထားတဲ့အခံရှိသူမို့ ကျေနပ်စွာနဲ့ပဲ အောက်ထပ်မှာနေလိုက်ပါတယ်။ ကိုယ်တို့အခန်းက ၅ ယောက်နေရပါတယ်။ ရေချိုးခန်းအိမ်သာတွဲရက်ပါလို့ စိန့်ဂျွန်းမှာတုန်းကလို တကူးတက အပြင်ထွက်စရာမလိုပါဘူး။

ကိုယ့်ရဲ့ duty ကိုကြည့်လိုက်တော့ အရုဏ်ဆွမ်းအတွက် လိုအပ်တာနဲ့ အချိုပွဲပြင်ဖို့တာဝန်ကျပါတယ်။ (နေ့စဉ်သက်သက်လွတ်အစားအသောက်ကို catering service တစ်ခုကနေorder မှာပါတယ်)။ အချိုပွဲကတော့ အသီးတွေဝယ်ထားပြီး စခန်းမှာပဲစီစဉ်ပါတယ်။ အဲဒါကြောင့် မနက်တိုင်း ကိုယ်စောစောထပြီး စလုံးတရုတ်မတွေနဲ့အတူ အသီးနွှာ၊လှီး၊ လက်ဖက်ပွဲနဲ့ ဒိန်ချဉ်တို့ ပြင်ပေးခွင့် ရခဲ့ပါတယ်။ အဲလိုပြင်ဆင်နေယင်း ကိုယ်တွေးမိသွားတာက မိန်းမတစ်ယောက်အတွက် သင်ယူလေ့လာစရာတွေ အများကြီးပါလားလို့...။ သာမန်ချက်တတ်ပြုတ်တတ်ရုံသာမက ခုလိုဘုန်းကြီးပွဲအတွက် ပြင်ဆင်တတ်ဖို့လည်း လိုတာပါပဲလားလို့။ အသီးလှီးတာ၊နွှာတာတွေက အသီးပုံစံအလိုက် အမျိုးမျိုးကွဲပါတယ်။ အထူးအဖြင့် အချိုပွဲအတွက် အလုံးအစိပ်အရွယ်ညီပြီးအနေတော်ဖြစ်ရမယ်။ အစေ့နဲ့ အခွံမပါစေအောင်၊ လှလှပပ စီရရီနဲ့ စားချင်စဖွယ်ဖြစ်အောင်ပြင်ဆင်တတ်ရင်တော့ အကောင်းဆုံးပေါ့နော့်။ ဒီလိုနဲ့ ကိုယ်လည်း ကုသိုလ်ယူရင်း ပညာတွေရခဲ့တယ်ဆိုပါတော့။ :)

ကဲ..တရားထိုင်ချိန်ရောက်ပါပြီ။ ပျံ့လွင့်နေတဲ့စိတ်တွေ၊ အတွေးတွေ တသီတတန်းကြီး ထိန်းချုပ်ရခက်လိုက်တာ၊ သမာဓိကလည်မရသေးဆိုတော့...အတွေးတွေနောက်ကို လိုက်သွားမိတာအကြာကြီး။ ၀င်လေထွက်လေမှတ်လိုက်၊ အတွေးဝင်လိုက်နဲ့ သမာဓိရဖို့ အတော့်ကို ကြိုးစားအားထုတ်ရပါတယ်။ အင်းလေ...တစ်နှစ်ပတ်လုံး သတိမကပ်မိဘဲ အကုသိုလ်စိတ်တွေနဲ့ပဲ နေလာခဲ့တာ ဘယ်လိုလုပ် သမာဓိချက်ခြင်းရအုံးမှာလဲ...ခုရက်ပိုင်းလေးတော့ သတိကပ်..သတိကပ်ဆိုပြီး စိတ်ကိုအတော်ထိန်းကျောင်းရတာ စစ်ပွဲတစ်ပွဲဆင်နွှဲနေရသလို အတော့်ကို စိတ်ပင်ပန်းပါတယ်။

ကိုယ်ပြောချင်တာ ဒီတစ်ခါအတွေးထဲ အရင်ဆုံးကြီးစိုးခဲ့တဲ့အကြောင်းအရာက blogging ပါ။ (မရယ်ကြနဲ့နော်) ဟုတ်တယ်..တရားစခန်းမ၀င်ခင်ကတည်းက ပြန်ထွက်လာရင်blog လုပ်ဖို့စိတ်ကူးမိခဲ့တော့ အဲဒီ့အတွေးက အနီးစပ်ဆုံးအတွေး ဖြစ်နေလို့ထင်တယ်၊ အရင်ဆုံးဝင်လာတာ။ ဘာတွေရေးမယ်၊ ဘယ်အချိန်ရေးမယ် စသဖြင့်...ကြိုတင်ကြံစည်နေလိုက်တာ..အများကြီးပါပဲ။

တရားထိုင်နေစဉ် ကြီးစိုးတတ်တဲ့ နီဝရဏတရားငါးပါးထဲက ဥဒ္ဓစ္စ-ကုက္ကုစ္စ (စိတ်ပျံ့လွင့်ခြင်းနှင့် နောင်တတဖန်ပူပန်ခြင်း) တွေ ၀င်ဝင်နေတာ နှစ်ရက်၊သုံးရက်လောက်နေမှ အဲဒီ့အတွေးတွေ လျော့ပါးသွားတော့တယ်။ အတွေးတွေတဖြည်းဖြည်းလျော့နည်းလာပြီး နောက်ဆုံးမှ ၀င်လေထွက်လေကို သတိကပ်မိပြီး စိတ်ကိုချုပ်လိုက်နိုင်ပါတယ်။ ဒီလိုဖြစ်တာတရားစခန်းထွက်ခါနီးမှပါ။ တရားအမှန်တကယ်ရအောင် အချိန်တိုအတွင်းမှာ အားထုတ်နိုင်ဖို့ဆိုတာ ပြောသလောက်မလွယ်ပါဘူး။ ကိုယ်တွေက တစ်နှစ်ပတ်လုံး လောဘစိတ်၊ ဒေါသစိတ်တွေကြား နေထိုင်ပျော်မွေ့ခဲ့ကြသူတွေမဟုတ်လား။

ဒါပေမဲ့...တရားစခန်းဝင်တိုင်း နေ့စဉ်အပြင်မှာ မလုပ်ဖြစ်တဲ့ ကုသိုလ်တွေ ယူတတ်ရင် အချိန်တိုင်းကုသိုလ်စိတ်ဖြစ်တာ မဟာအမြတ်ပါ။ မနက်မိုးလင်းကစလို့ တရားထိုင် တရားမှတ် ရှစ်ပါးသီလယူပြီး ဆွမ်းတော်ကပ်၊ ဘုရားရှိခိုး၊ သက်သက်လွတ်စား၊ မေတ္တာပို့၊ အမျှဝေရင်း၊ ဝေယျာဝိစ္စတွေလည်း ကူညီဆောက်ရွက်ခွင့်ရတာမို့ ကုသိုလ်တွေအများကြီးရပါတယ်။ အိမ်မှာနေရင် ဘုရားဆွမ်းတော်ကပ်၊ သောက်တော်ရေလဲပြီး ဘုရားရှိခိုးရုံပဲ အများဆုံးလုပ်ဖြစ်ပါတယ်။ တရားလည်းပုံမှန်မထိုင်ဖြစ်ပါဘူး။ တရားစခန်းရောက်မှ ကျုံးယူခွင့်ရတာပါ။ ဒါကြောင့် ကိုယ်တော့ တရားထူး တရားမြတ်မရသေးသည့်တိုင် စိတ်မပျက်ပါဘူး။ နောင်ဘ၀အတွက် မျိုးစေ့ချတယ်လို့ပဲ နှလုံးသွင်းပါတယ်။ :)

ကိုယ်ကတော့ ဖြစ်နိုင်ရင် ၃လ တစ်ခါလောက်ဝင်ချင်ပါတယ်။ ဒါပေမဲ့ ခွင့်က တစ်နှစ်မှာ ၁၄ ရက်ပဲ ရလေတော့ (ဒါတောင် မြန်မာပြည်မပြန်ဖြစ်လို့ ဒီလောက်ဝင်ခွင့်ရလိုက်တာ) သိပ်မလွယ်ဘူး။ အင်း..ဖြစ်နိုင်ရင်... အလုပ်ကခဏနားပြီး ၁လတရားစခန်းတောင် ၀င်လိုက်ချင်ပါတယ်။

ကိုယ်ကတော့ ပြန်ထွက်ခါနီးရက်ရောက်လာမှာကို စိုးရိမ်နေပေမယ့်လည်း နောက်ဆုံးတော့ ရောက်လာတာပါပဲလေ။ ၂၉ရက်နေ့ ညနေ ၆နာရီမှာ တရားသိမ်းပွဲပြီးတာနဲ့ အပ်ထားတဲ့ လက်ကိုင်ဖုန်းတွေပြန်ယူ၊ တက္ကစီခေါ်၊ အထုပ်အပိုးတွေနဲ့ တက္ကစီပေါ်တက်ပြီး နေ့စဉ်စက်ရုပ်လူသားဘ၀ထဲ တဖန်ပြန်လည်ဝင်ဖို့ အားမွေးရပြန်ပါတယ်။

အပြန်မှာလည်း ဒရိုင်ဘာက စိတ်မရှည်တဲ့သူဖြစ်လေတော့ သူ့မှာ လူ၎ယောက်ကို (အိမ်နီးစပ်ရာ ၃ယောက်ပါ) ညည်းတွားပြီးလိုက်ပို့လိုက်တာ ကိုယ်ကဘိတ်ဆုံးရောက်သွားပြီး စင်္ကာပူကျွန်းပေါ်မှာ ၁နာရီလောက်ကျော် အရှေ့အနောက်ပတ်စီးရပြီးမှ အိမ်ကိုရောက်ပါတယ်။ အိမ်ပြန်ရောက်တော့ အိမ်မှာ သော့မထားစဘူး အထားထူးမိတဲ့ကိုယ့်ကို အိမ်သော့က ကြိုဆိုနေလို့ ဖုန်းတွေဆက်ပြီး အကြောင်းကြားရပါသေးတယ်။

ဒီလိုနဲ့ပဲ ကိုယ်တရားစခန်းက ပြန်ရောက်ခဲ့ပါတယ်။ ဓမ္မမိတ်ဆွေတွေတိုးပွားလာသလို၊ ကုသိုလ်လေးတွေလည်း ရသလောက်ယူခဲ့ပါတယ်။ မိတ်ဆွေသူငယ်ချင်းအပေါင်း သာဓုခေါ်လိုက ခေါ်နိုင်ပါတယ်နော့...။ :)

ချစ်ခင်လေးစားလျက်
ဇွန်မိုးစက်

Comments ( 9 )

sar du sar du sar du..

ကိုယ်မလုပ်နိုင်သေးတဲ့အရာတစ်ခုကို လုပ်နိုင်တဲ့အတွက် အားကျ ဂုဏ်ယူမိပါတယ်။ သာဓု သာဓု သာဓ

သာဓု၊သာဓု၊သာဓု
တရားစထိုင်ဖြစ်တာ Thomas ကြောင့်ပါ။ အစပိုင်းတော့
တော်တော်ခက်ပါတယ်။ သူ့ ကြောင်သာထိုင်ရပေမဲ့
ထွက်ပြေဒချင်နေတာ။ တဖြေးဖြေးနဲ့ တော့ တရားထိုင်ရတာ အဆင်ပြေလာပါတယ်။ Thomas ကို
ကျေးဇူးတင်နေရတယ်။

ကွန်မန့်လာပေးသွားတဲ့ သူငယ်ချင်းနဲ့ အစ်မနှစ်ယောက်လုံးကို ကျေးဇူးတင်ပါတယ်။ ကွန်မန့်လေးတွေမြင်ရတာ အရမ်းပဲပီတိဖြစ်ရပါတယ်။ :)

တရားထိုင်တာ စိတ်သိပ်အေးချမ်းတယ်။ ကိုယ်နိုင်သလောက် ကြိုးစား လုပ်တာ ၀မ်းသာပါတယ်။ သာဓုလဲ ခေါ်ပါတယ်နော်။

သာဓု၊ သာဓု၊ သာဓု ပါ “ဇွန်မိုးစက်” ရေ...
ရိပ်သာက ငြိမ်းအေးမှုတွေကို အမြဲ မျှဝေနိုင်ပါစေဗျာ။

ခင်မင်စွာဖြင့်

မိုးကုတ်သား

ပထမအခေါက်မှာ ကျနော်တို့ အတူတူပေါ့ဗျာ
ဒုတိယအခေါက်တော့ ကျနော် မ၀င်နိုင်တော့ဘူးဗျ
သာဓုပါခင်ဗျာ

သြော်..ရွာသားလေးလည်း August တုန်းက ၀င်ဖြစ်တယ်လား? တို့ သတိမထားလိုက်မိဘူး။ အဲဒီ့တုန်းကအတွက် သာဓုခေါ်ပါတယ်။

စုဖတ်သွားသည်။