ကေအယ်လ်သို့ တစ်ခေါက် - ၅

4

Category:

Jalan Alor ကို ညဘက်သွားမှ ပိုကောင်းတယ်လို့ဆိုတာကြောင့် အိမ်ပြန်ပြီးတစ်ခေါက်နားမယ်လို့ စိတ်ကူးလိုက် သေးတယ်။ ဒါပေမယ့် ရို့စ်က မင်းတို့ပင်ပန်းနေလား၊ ဆက်သွားနိုင်မယ်ဆိုရင် ဘုန်းကြီးကျောင်းကို လိုက်ပို့မယ် ပြောပါတယ်။ ကိုယ်တို့နှစ်ယောက်လုံးက ရတယ်၊ မပင်ပန်းသေးဘူး၊ အိုကေလို့ဆိုလိုက်တာနဲ့ သူက မောင်းပြီးသားပါ။ ကိုယ်ကတော့ ရောက်တုန်းရောက်ခိုက် ဘုန်းကြီးကျောင်းသွားခွင့်ရလို့ သိပ်ဝမ်းသာပါတယ်။

ကျောင်းပင်မဆောင်
 
သီရိလင်္ကာမှ ဘုန်းတော်ကြီးများ သီတင်းသုံးတဲ့ ထေရ၀ါဒဗုဒ္ဓဘာသာကျောင်းတိုက်တစ်ခု ဖြစ်ပါတယ်။  သင့်တင့် ကျယ်ဝန်းတဲ့ မြေနေရာနဲ့အတူ ကျောင်းဆောင်များ သပ်ရပ်စွာတည်ရှိပါတယ်။ ကျောင်းဆောင်အတွင်းက ဘုရားရုပ်ပွားတော်များကိုလည်း ကြည်ညိုစွာ ဖူးတွေ့ရပါတယ်။ ကျောင်းအရှေ့ဘက်မှာ ဓမ္မစာပေ လေ့လာသင်ယူနိုင်တဲ့ ကျောင်းတိုက်ကြီးကိုလည်း တွေ့ရပါတယ်။ ဘုရားရှိခိုးပြီး ဓာတ်ပုံများရိုက်ခဲ့ပါတယ်။ တစ်နေ့လုံး အလင်းအမှောင် ကတောက်ကဆဖြစ်နေတဲ့ ကိုယ့်ကင်မရာဟာ ဘုန်းကြီးကျောင်းအတွင်းက ဘုရားပုံများ ရိုက်ခါနီး ဟိုချိန်ဒီချိန် နဲနဲလုပ်ကြည့်လိုက်တာ အံ့သြစရာကောင်းလောက်အောင် ပုံထွက်ပြန်ကောင်းလာပါတယ်။ ဘုရားတန်ခိုးတော်များလား လို့တောင် စိတ်ထဲထင်မိပါတယ်။

ပင်မဆောင်အတွင်းက ကြည်ညိုဖွယ်ရာ ရုပ်ပွားတော်များ

 လျောင်းတော်မူ

 ရပ်တော်မူ



 တရားထိုင်ခန်းမဆောင်





 ဓမ္မစာပေပို့ချပေးသောကျောင်းတိုက်မျက်နှာစာ
 
ပြန်အထွက်မှာ ကျောင်းအ၀င်အ၀က စားပွဲပေါ်မှာ ဒါနပြုထားတဲ့ အစီအရီချထားတဲ့ စာအုပ်တွေထဲမှာ ကိုယ်သိပ်ကြိုက်တဲ့ Good Question Good Answer ကို စာအုပ်လေးကိုတွေ့လို့ ၀မ်းသာအားရနဲ့ ၇အုပ် ယူခဲ့ပါတယ်။ ကိုယ့်အတွက် တစ်အုပ်နဲ့ ကျန်စာအုပ်များကို ထပ်ဆင့်ဓမ္မဒါနပြုလို့ရအောင် ပိုယူခဲ့တာပါ။ တကယ်တော့ သြစတေးလျနိုင်ငံသား အရှင်ဓမ္မိကရဲ့ Good Question Good Answer ကို လွန်ခဲ့တဲ့ ၈နှစ်လောက်က အင်တာနက်ထဲကနေ ဖတ်ရပြီး သိပ်ကြိုက်လို့ Print ထုတ်ပြီး သိမ်းထားခဲ့တာပါ။  Print ထုတ်ထားတဲ့ ကော်ပီက ရန်ကုန်အိမ်မှာ ကျန်ခဲ့ပါတယ်။ ခုလို စာအုပ်လေးအဖြစ်နဲ့ မြင်ရတော့ သိပ်ကိုဝမ်းသာအားရဖြစ်မိတာပါ။ ကိုယ့်အတွက် တန်ဖိုးကြီးမားတဲ့ လက်ဆောင်တစ်ခု မလေးရှားခရီးတိုလေးကနေ အမှတ်မထင် ရလိုက်သလိုပါပဲ။



အဲဒီ့ကျောင်းကပြန်ထွက်လာပြီး နောက်ထပ်တရုတ်ဘုန်းကြီးကျောင်းတစ်ခုကို ရို့စ်ကဆက်သွားပါတယ်။ ဒီကျောင်းက ဟိုင်နန်အသင်းအဖွဲ့များ စုစည်းတည်ဆောက်ထားတဲ့ မဟာယနဗုဒ္ဓဘာသာ တရုတ်ကျောင်းတစ်ခုပါ။ တရုတ်လက်ရာ ဗိသုကာများနဲ့ ခန့်ညားကြီးမားလှတဲ့ ကျောင်းတစ်ကျောင်းပါပဲ။


 ဒီကျောင်းရောက်တော့ စောစောကလောက် ပုံထွက်မကောင်းတော့တာ သတိထားမိပါတယ်




ကျောင်းဝန်းအတွင်းမှာ ကွမ်ရင်မယ်တော်နဲ့ အခြားသောရုပ်ထုများ ရှိပါတယ်။ 



 
ကျောင်းရဲ့ညာဘက်ဘေးမှာ နှစ်အလိုက် ရာသီခွင်မှ တိရစ္ဆာန်ရုပ်ထုများကိုလည်း တွေ့ရပါတယ်။ အရုပ်အောက်ခြေမှာ သက်ဆိုင်ရာ ရာသီခွင်ရဲ့ စရိုက်သဘာဝတွေကို ခုနှစ်သက္ကရာဇ်များနဲ့အတူ ယှဉ်တွဲဖော်ပြထားပါတယ်။







 
ရို့စ်နဲ့ ကိုယ့်သူငယ်ချင်းက ကျောင်းကြီးပေါ်သွားရအောင်ခေါ်ပေမယ့် လှေကားမြင်ရင် ကြောက်နေတဲ့ကိုယ်က ဒူးထပ်နာမှာစိုးတာနဲ့ မတက်ဖြစ်လိုက်ပါဘူး။ အောက်မှာပဲ ဓာတ်ပုံရိုက်ရင်း စောင့်နေခဲ့ပါတယ်။ ရသမျှ အချိန်တိုလေးအတွင်းမှာ ကိုယ့်ကို ဘုန်းကြီးကျောင်းလိုက်ပို့ပေးတဲ့ ရို့စ်ကို ကျေးဇူးသိပ်တင်ကြောင်း ပြောခဲ့ပါတယ်။ တကယ်တမ်း ရို့စ်က စနေနေ့ကတည်းက ပင်ပန်းထားလို့ သိပ်နေမကောင်းဖြစ်နေတာ။ ကိုယ်တို့က သူ့ကိုအားနာပြီး ရုပ်ရှင်ကြည့်ပြီးကတည်းက ပြန်နားစေချင်တာပါ။ ဒါပေမဲ့ သူရဲ့စေတနာက မနေသာတော့ ကိုယ်တို့သွားချင်တဲ့ နေရာအထိ ရောက်အောင်လိုက်ပို့ပြီးမှ အိမ်ပြန်သွားပါတယ်။

ကိုယ်တို့နှစ်ယောက် Jalan Alor မှာဆင်းပြီး လမ်းလျှောက်ရင်း ညစာစားဖို့ စဉ်းစားကြပါတယ်။ ကိုယ့်သူငယ်ချင်း စားဖူးတဲ့ဆိုင်ကို ရှာမတွေ့တော့တာနဲ့ဘဲ ယိုးဒယားဆိုင်မှာပဲစားဖို့ ဆုံးဖြတ်လိုက်ပါတယ်။ တကယ်တော့ Jalan Alor ဆိုတာ စားသောက်ဆိုင်တွေချည်း ဟိုဘက်ဒီဘက် အပြည့်ရှိနေတဲ့လမ်းပါ။ ဘယ်ညာကြည့်လိုက်ရင် ဆိုင်တိုင်းရဲ့ စားပွဲတိုင်းလိုလိုမှာ လူတွေပြည့်နေပြီး အများစုက တိုးရစ်စ်တွေပါ။ ချက်ပြုတ်ကြော်လှော်နံ့၊ မီးခိုးနံ့တွေကြားမှာ လူတွေစားသောက် စကားပြောနေကြသံတွေနဲ့ ဆူညံစည်ကား သက်ဝင်လှုပ်ရှားနေသော လမ်းတစ်ခုပါ။

 ကေအယ်လ်မြို့ရဲ့ နာမည်ကျော်လမ်း

 လမ်းအတွင်းမှာ

စင်္ကာပူမှာ ဒီလိုမျိုးတွေ့ရခဲတော့ ကိုယ်က သဘောကျနေမိတာ။ အမြင်အကြားအာရုံမှာ ဆူညံရှုပ်ထွေးနေပေမဲ့ တခါတလေမှာ ဒီလို လူတွေအများကြီးနဲ့ Open Air မှာထိုင်ပြီး စားသောက်ရတာက အရသာတစ်မျိုးပါပဲ။ အော်ဒါမှာထားတုန်း ဘေးကဆိုင်မှာဝင်ပြီး အိမ်အပြန်လက်ဆောင် မုန့်ဝင်ဝယ်ပါတယ်။ နေ့လည်က China Town မှာ ၀ယ်ပြီးသားပေမယ့် မလောက်မှာစိုးတာနဲ့ ထပ်ဝယ်တာပါ။ 

 ကိုယ်မုန့်ဝယ်ခဲ့တဲ့ဆိုင်


ညစာစားပြီးတဲ့အချိန်မှာတော့ ၉နာရီခွဲလောက် ရှိနေပါပြီ။ ညဘက်ဆို Jalan Alor ရှေ့မှာ ကားငှားရခက်တယ်လို့ သူငယ်ချင်းကပြောပြပါတယ်။ သူပြောတဲ့အတိုင်းပါပဲ၊ ကားတော်တော်နဲ့ ငှားမရပါဘူး။ နောက်ဆုံး တက္ကစီငှားခ ပိုပေးမှပဲ လိုက်ပါတယ်။ အိမ်ပြန်ရောက်တော့ ပစ္စည်းသိမ်း၊ ရေမိုးချိုး၊ စကားပြောပြီး အိပ်ရာဝင်ချိန်မှာ ၁၂နာရီလောက်ရှိနေပါပြီ။ မနက် ၈နာရီထွက်မယ့်ကားနဲ့ပြန်လိုက်မှာမို့ ကားဂိတ်ကို ၇နာရီခွဲလောက် အရောက်သွားရမှ စိတ်ချရမှာပါ။

မနက် ၆နာရီ၁၅လောက်မှာထ၊ ပစ္စည်းတွေအောက်ချပြီး ၇နာရီမထိုးခင် တက္ကစီခေါ်ပါတယ်။ ရုံးဖွင့်ရက် တနင်္လာနေ့ဖြစ်လို့ ထုံးစံအတိုင်း traffic မိမှာကို စိုးရိမ်ရပါတယ်။ တက္ကစီက တော်တော်နဲ့ရောက်မလာလို့ ထပ်ခေါ်ရပါတယ်။ မြို့ထဲဘက်ကို သိပ်မသွားချင်ကြမှန်းသိလို့ သူငယ်ချင်းက 5ရင်းဂစ် ပိုပေးလိုက်တော့မှ တစ်စီးရသွားပါတယ်။

၃ညတာ တည်းခိုနေထိုင်ခဲ့ရာ အိမ်ကလေး (တက္ကစီခေါ်ထားတုန်း ရိုက်လိုက်တာ)


ကိုယ့်ကို စင်္ကာပူအရောက် ပြန်လည်ခေါ်ဆောင်သွားမယ့် အေရိုလိုင်းက ဒီမှာစောင့်နေပါတယ်

ဒီခရီးက ကိုယ့်အတွက် အပျော်သက်သက် အပန်းဖြေရုံသက်သက်ထက်ပိုတဲ့ ခံစားမှုတွေ အများကြီး ပေးခဲ့ပါတယ်။ ရင်းနှီးခင်မင်မှု၊ ဧည့်ဝတ်ကျေပွန်မှုသာမက မေတ္တာစေတနာတွေ လွှမ်းခြုံထားတဲ့ သူငယ်ချင်းမိတ်ဆွေကောင်းတို့ရဲ့ နွေးထွေးလှပတဲ့ စိတ်ဓာတ်ကို အရင်ကထက်ပိုပြီး သိမြင်ခံစားခွင့် ရလိုက်ခြင်းပါပဲ။ ကိုယ်အမြဲအမှတ်ရနေမယ့် ခရီးတစ်ခုအတွက် သူငယ်ချင်း “လင်း” ကို အထူးပဲ ကျေးဇူးတင်မိပါတယ်။ ပင်ပန်းနေမကောင်းဖြစ်နေတဲ့ကြားက ဧည့်ဝတ်ကျေ ခင်မင်စရာကောင်းတဲ့ “ရို့စ်” ကိုလည်း ကျေးဇူးတင်ကြောင်း ဒီနေရာကနေ ထပ်ပြောလိုက်ပါတယ်။ နောက်တစ်ကြိမ် အခွင့်သင့်တဲ့အခါ ကျောင်းနေဘက်သူငယ်ချင်းများစုပြီး သွားဖြစ်ကြဦးမလားရယ်လို့ တွေးနေမိပါတယ်။


ဇွန်မိုးစက်

ကေအယ်လ်သို့ တစ်ခေါက် - ၄

3

Category:

အလုပ်များပြီး အချိန်တွေ ရှားပါးနေတာကတစ်ကြောင်း၊ စာရေးဖို့ mood သိပ်မရှိနေတာကတစ်ကြောင်းမို့  ဇွန်မိုးစက်တစ်ယောက် စာအရေးကျဲနေပါတယ်။ သို့ပါသော်လည်း ကေအယ်လ်ခရီးစဉ်က မပြီးဆုံးသေးတာမို့ အားမွေးပြီး ဆက်ရေးလိုက်ပါတယ်။ 

-----------------------------------------

ညကစကားကောင်းခဲ့လို့ အိပ်ရာဝင်နောက်ကျတဲ့သူငယ်ချင်းနှစ်ယောက် မနက် ၆နာရီခွဲလောက်မှာ ကပျာကယာထပြီး Twin Towers ဆီသွားဖို့ ပြင်ဆင်ရပါတယ်။ အစက မနက် ၇နာရီ အရောက်သွားဖို့ မှန်းထားပေမယ့် ဟိုကို ၇နာရီ ၄၅မိနစ်လောက်မှ ရောက်သွားပါတယ်။ မျှော်လင့်ထားတဲ့အတိုင်း ကိုယ်တို့ရှေ့မှာ လူတန်းက အရှည်ကြီး။ နှစ်ယောက်သား မနက်စာတောင် မစားရသေးဘဲ လူတန်းကြီးနဲ့အတူ တရွေ့ရွေ့ စီတန်းပြီး အမြွှာတာဝါပေါ် တက်ကြည့်နိုင်ဖို့အရေး လက်မှတ်ယူဖို့ တစ်နာရီခွဲမကကြာအောင် စောင့်ရပါတယ်။ နိုင်ငံပေါင်းစုံက လူမျိုးစုံကို တစ်နေရာထဲမှာ တွေ့နိုင်တဲ့ နေရာတစ်ခုပါပဲ။ 

တစ်နေ့ကို ဧည့်သည်ပေါင်း ၁,၇၀၀ ခန့်ကို အခကြေးငွေမယူဘဲ ကြည့်ခွင့်ပေးတယ်လို့ ဆိုပါတယ်။ တစ်သုတ်တစ်သုတ်ကို ၁၀-၁၅ယောက်လောက်အထိပဲ ကြည့်ခွင့်ပေးပါတယ်။ ကိုယ်တို့က လက်မှတ်ကြိုတင်ယူသူများ မဟုတ်ဘဲ တစ်ခါတည်း တက်ကြည့်မှာဖြစ်တဲ့အတွက် ကိုယ်တို့အလှည့်ရောက်ရင် လူပြည့်သွားပြီ၊ ခုမနက် ကြည့်လို့မရတော့ဘူးလို့ပြောမှာ စိုးရိမ်နေတာပါ။ နေ့လည်ခင်းမှာ ရုပ်ရှင်ကြည့်ဖို့ကလည်း စီစဉ်ပြီးသားဖြစ်နေတော့ နောက်တစ်ခေါက်ထပ်လာပြီး ကြည့်ဖို့က သိပ်အဆင်မပြေနိုင်ပါဘူး။ ကံကောင်းစွာနဲ့ ကိုယ်တို့က နှစ်ယောက်တည်း ဆိုတော့ အရှေ့ကကြည့်မယ့် မိသားစုဝင်နှစ်စုနဲ့အတူ လိုက်ခွင့်ပေးလိုက်ပါတယ်။ အဲတော့မှပဲ သက်ပြင်းချနိုင် ပါတော့တယ်။

Twin Towers အကြောင်း နည်းနည်းလောက် ထည့်ရေးချင်ပါတယ်။ ၁၉၉၈ ခုနှစ်ကနေ ၂၀၀၄ ခုနှစ်အထိ ကမ္ဘာ့အမြင့်ဆုံး အဆောက်အဦဖြစ်ခဲ့တဲ့ Petronas Twin Towers ဟာ အမြင့်ပေပေါင်း ၄၅၂.၀၂မီတာမြင့်ပြီး အထပ်ပေါင်း ၈၈ထပ် ရှိပါတယ်။ ၂၀၀၄ ခုနှစ်မှာ ဆောက်လုပ်ပြီးစီးခဲ့တဲ့ တိုင်ပေတာဝါ 101 က အမြင့်ပေ ၅၀၉.၂ ရှိတဲ့အတွက် ကမ္ဘာ့အမြင့်ဆုံးအဆောက်အဦ ဖြစ်သွားပေမယ့်လည်း  Petronas က ကမ္ဘာ့အမြင့်ဆုံး အမြွှာညီနောင် တာဝါအဖြစ် မှတ်တမ်းတင်ထားနိုင်ဆဲပါ။ Tower 1 ကို ဂျပန်နိုင်ငံက Hazama Corporation  မှ ကန်ထရိုက်ယူ ဆောက်လုပ်ခဲ့ပြီး Tower 2 ကို တောင်ကိုရီးယား ကန်ထရိုက်တာများဖြစ်တဲ့ Samsung C&T နဲ့ Kukdong Engineering & Construction က တာဝန်ယူ ဆောက်လုပ်ခဲ့ပါတယ်။ Tower 2 ကို နောက်ကျမှ ဆောက်လုပ်ခဲ့တာဖြစ်ပေမယ့် Tower 1 ထက် အရင်စောပြီးသွားပါတယ်။ ဆောက်လုပ်ပြီးစီးချိန် စုစုပေါင်း ၇နှစ်တိတိ ကြာမြင့်ခဲ့ပါတယ်။ ကုန်ကျငွေက ၁.၆ ဘီလီယံဒေါ်လာပါ။ ကမ္ဘာအနှံ့က ဧည့်သည်များ အခမဲ့တက်ရောက်ကြည့်ရှုနိုင်တဲ့ Sky Bridge ဟာ မြေပြင်ကနေ ၁၇၀မီတာအမြင့်ရှိတဲ့ ၄၁ထပ် မှာ ရှိပါတယ်။ ၄၂ထပ်က Sky Bridge ကိုတော့ Tower နေ tenant များသာ တက်ရောက်ကြည့်ရှုနိုင်ပါတယ်။ Boeing, IBM, Microsoft အစရှိတဲ့ ကုမ္ပဏီများရဲ့ ရုံးခန်းများ တည်ရှိပါတယ်။ တာဝါအောက်ဖက်မှာတော့ ၁၇ဧက ကျယ်ဝန်းတဲ့ အနားယူအပန်းဖြေရာ KLCC ပန်းခြံ ရှိပါတယ်။ ကိုယ်သိပ်သဘောကျတဲ့ နေရာတစ်ခုပါ။

 ဒါက ၄၁ထပ်ရောက်ကြောင်း သက်သေ


အချိန်ဆယ်မိနစ်ပဲ Sky Bridge ပေါ်မှာ ကြည့်ခွင့်ပေးပါတယ်။ ရောက်တုန်းရောက်ခိုက် ဓာတ်ပုံရိုက်နေရတာနဲ့ပဲ ဆယ်မိနစ်က ဘယ်လိုကုန်သွားမှန်းမသိပါဘူး။ ဆယ်မိနစ်တက်ကြည့်ခွင့်ဖို့အရေး ရှေ့မှာ၂နာရီလောက် အချိန်ပေး တန်းစီရတာပဲ မတန်သလိုလို။ ဒါပေမဲ့ တာဝါပေါ် ရောက်သွားတာပေါ့လေဆိုပြီး စိတ်ဖြေ ကျေနပ်လိုက်ရပါတယ်။


ဒီပုံက Wikipedia ကနေ ယူထားတာ။ နို့မို့ရင် ခုလိုလူမပါတဲ့ sky bridge ပုံသီးသန့်ရဖို့က မလွယ်ပါဘူး။


ဒါက မြေပြင်ကနေ ၁၇၀ အမြင့်ရှိတဲ့ sky bridge ရဲ့ ဘယ်ဘက်ခြမ်းကို လှမ်းရိုက်ထားတာ။ မြင်ရတဲ့အတိုင်း ကိုယ့်ကင်မရာက အလင်းတွေသိပ်များနေတယ်။ ပြန်ချိန်ဖို့ရာ အချိန်မရှိတော့ ဒီအတိုင်းပဲ ရိုက်လိုက်တယ်။ လူပုံကိုတော့ သူငယ်ချင်းကင်မရာနဲ့ ရိုက်ခဲ့တာပေါ့။ :P


 ဒီပုံက ကိုယ့်သူငယ်ချင်းရိုက်ထားတဲ့ပုံကို ယူသုံးလိုက်တာ။ sky bridge ရဲ့ ညာခြမ်း အပေါ်စီး မြင်ကွင်းပါ။

sky bridge ကနေ ပြန်ထွက်ပြီးတော့ Observation အခန်းထဲ ရောက်ပါတယ်။ twin tower နဲ့ပတ်သက်တဲ့ စိတ်ဝင်စားဖွယ် အချက်အလက်တွေ ကြည့်စရာရှိတာတွေကြည့်၊ ဖတ်စရာရှိတာတွေဖတ်၊ ဓာတ်ပုံတွေရိုက်ပြီး ပြန်ဆင်းခဲ့တော့ ဗိုက်ကအတော့်ကို ဆာနေပါပြီ။


ကမ္ဘာ့အမြင့်ဆုံးတာဝါ ဆယ်ခုတဲ့

ဆောက်လုပ်ရေးနည်းပညာနဲ့ ပတ်သက်တဲ့ သတင်းအချက်အလက်တွေ 

အောက်ပြန်ဆင်းပြီး မနက်စာစား၊ KLCC ပန်းခြံထဲလမ်းလျှောက်ပြီး Towers view ကောင်းကောင်းနောက်ခံထားပြီး  ဓာတ်ပုံရိုက်လို့ရတဲ့နေရာသွားပြီး ဓာတ်ပုံရိုက်ပြန်ပါတယ်။ အဲဒီ့နေ့က အတော့်ကို နေပူပါတယ်။ တနင်္ဂနွေနေ့ဖြစ်လေတော့ ဒေသခံတွေရော၊ နိုင်ငံခြားသားတွေပါ ပျားပန်းခတ်မျှ သွားလာနေတာတွေ့ရပါတယ်။ KL မှာ ကိုယ်ထင်မှတ်ထားတာ ထက်ပိုပြီး မျက်နှာဖြူနိုင်ငံခြားသားတွေ အတော့်ကိုများတာ တွေ့ရပါတယ်။ 


ကိုယ်တို့အစီအစဉ်က KLCC ကထွက်ပြီးရင် နေ့လည်စာကို တရုတ်တန်းနဲ့ မနီးမဝေးအရပ်မှာရှိတဲ့ မြန်မာဆိုင်မှာ ဒံပေါက်သွားစားကြဖို့ပါ။ Jalan Petaling ခေါ် တရုတ်တန်းမှာ ကိုယ့်အတွက် အိမ်ပြန်လက်ဆောင်တွေဝယ်ပြီးရင် Pavilion မှာ ရုပ်ရှင်ကြည့်ဖို့ပါပဲ။ ရို့စ်ရယ်၊ သူ့သူငယ်ချင်းခရစ်စ်တို့နဲ့ဆုံပြီး နေ့လည်စာအတူစားဖို့ရာ မြန်မာဆိုင်ရှိရာကို သွားပါတယ်။ ဟိုရောက်တော့ တနင်္ဂနွေနေ့ဖြစ်လို့ လူများလို့ထင်ပါရဲ့ ဒံပေါက်က ကုန်သွားပါပြီ။ မြန်မာဒံပေါက်ကို ကြိုက်နှစ်သက်သူရို့စ်က ဒံပေါက်စားဖို့ အားခဲထားသူမို့ စိတ်ပျက်သွားပြီး တရုတ်တန်းဘက်ကိုပဲ ပြန်ထွက်လာ ခဲ့ကြပါတယ်။ 

 တရုတ်တန်းမှာ ဓာတ်ပုံမရိုက်ဖြစ်လိုက်လို့ google ကနေရှာပြီးပဲ တင်လိုက်တယ်။ :D

တရုတ်တန်းရောက်တော့ ကိုယ့်အတွက် ဒေသထွက်မုန့်တွေ ညွှန်ပေးပြီး သူကိုယ်တိုင်လည်း ၀ယ်ပေးပါတယ်။ မုန့်ဆိုင်နဲ့ ဘေးကပ်ရပ်မှာ ကိုယ့်အကြိုက် သံလိုက်တို့၊ ကီးချိန်းတို့ အမှတ်တရပစ္စည်းများရောင်းတဲ့ဆိုင်ဖြစ်နေလို့ တစ်ခါတည်း ၀ယ်မယ်ဆိုပြီး ရွေးနေပါတယ်။ ရောင်းတဲ့ကောင်လေးက မလေးလိုပဲပြောပြီး ရောင်းနေတာပါ။ ရို့စ်က ကိုယ်တို့ကို ကူညီတဲ့အနေနဲ့ စကားပြန်လုပ်ပြီး ပြောပေးနေယင်းက သူ့ရဲ့စကားပြောပါးနပ်မှုကြောင့် အဲဒီ့ကောင်လေးက မြန်မာဆိုတာ သိသွားပါတယ်။ ကဲ... ကြည့်ဦး၊ ကိုယ်တို့နှစ်ယောက်ကို မြန်မာမှန်းသိသိနဲ့ မလေးလိုပြောပြီး ရောင်းနေတာ။ ကိုယ်တို့လည်း သူမြန်မာမှန်းသိသွားတော့ မြန်မာလိုပဲပြောပြီး ဈေးဆစ်တော့တာပေါ့။ မတန်တဆ တော့လည်း မဆစ်ပါဘူး။ ဒါတောင် သူက မြန်မာလို သိပ်ပြန်မပြောဘူး။ ကိုယ်တို့တွေဝိုင်းပြောနေတာနဲ့ နောက်ဆုံးတော့ သူဈေးလျှော့ပေးလိုက်ပါတယ်။ ဒါသူ့အပိုင်ဆိုင်လားမေးတော့ မဟုတ်ပါဘူးတဲ့။ မလေးစကားက မွတ်နေတော့ မသိရင် မြန်မာလို့ လုံးဝမထင်ရပါဘူး။ 

ကိုယ်တို့ဈေးဝယ်ပြီး တရုတ်တန်းက ပြန်ထွက်လာတော့ နေ့လည်စာဘယ်မှာစားမလဲလို့ စဉ်းစားရပါပြီ။ ကိုယ်က local food try ချင်တယ်လို့ ပြောထားမိတော့ အိမ်ရှင်ပီသစွာ ရို့စ်က ကိုယ့်ကို  local food ဘယ်မှာလိုက်ကျွေးနိုင်မလဲလို့ စဉ်းစားပေးရှာတာပါ။ ကိုယ်တို့ရုပ်ရှင်ကြည့်မှာက Pavilion မှာ။ အချိန်ကလည်း သိပ်မရတော့တာကြောင့် Pavilion ထဲက food court မှာပဲစားဖို့ သဘောတူလိုက်ပါတယ်။ ဟိုရောက်တော့မှ ကိုယ်စိတ်ဝင်စားမယ်ထင်တဲ့ local food stall ရှေ့ခေါ်သွားပြီး ကိုယ်စားချင်တာမှာပေးပါတယ်။ အဲဒီ့မှာ ကိုယ်ကြိုက်သွားတာတော့ ပီနန်စာ Pan Mee ပါ။ ခေါက်ဆွဲကို အောက်ကပုံအတိုင်း တစ်ခါတည်းလုပ်ပြီး ထည့်ပေးတာပါ။ နောက်ထပ် သူမှာပေးတာက အမြင်အားဖြင့် Laksa နဲ့ ခပ်ဆင်ဆင် အရည်နဲ့ ခေါက်ဆွဲတစ်မျိုးပါ။  အုန်းနို့မပါဘဲ မြေပဲနဲ့ချက်ထားတာ၊ ကိုယ်တို့မြန်မာမုန့်ဟင်းခါးနဲ့ အုန်းနို့ခေါက်ဆွဲကြားလို့ ပြောလို့ရတယ်။ အဲဒါလည်း စားကောင်းတာပါပဲ။ ကိုယ်ကြိုက်တယ်ဆိုလို့ ရို့စ်က ၀မ်းသာသွားပါတယ်။ 

 
စားပြီးတော့ window shopping လုပ်၊ အပေါ်တက်ပြီး SALT ကို ကြည့်ပါတယ်။ တစ်ကားလုံးနီးပါး non-stop အက်ရှင်တွေနဲ့ အကြည့်ရသွက်တာတောင် ပင်ပန်းနေတဲ့အရှိန်ရယ်၊ ဗိုက်ကလဲပြည့်နေတော့ မှေးကနဲ အိပ်ပျော်သွား ပါသေးတယ်။ သူငယ်ချင်းကလည်း ခဏလောက် အိပ်ပျော်သွားသေးတယ်လို့ ဆိုပါတယ်။ အင်းလေ... ကိုယ်တို့နှစ်ယောက်လုံး မနက်က နှစ်နာရီနီးပါး မတ်တပ်ရပ်ထားတဲ့အရှိန်နဲ့ ပင်ပန်းနေတာကိုး။ ရုပ်ရှင်က ပြန်အထွက်မှာ ထိုင်ဝမ်ရဲ့ dessert ဆိုင်ခွဲတစ်ခုမှာ ၀င်ပြီး စားကြပါသေးတယ်။ 

ညနေပိုင်းမှာ သွားဖို့နေရာတစ်ခု ကျန်နေပါသေးတယ်။ အဲဒါက ကေအယ်လ်ရောက်တုန်းရောက်ခိုက် သွားကြည့်ချင်တဲ့ နာမည်ကျော်လမ်းတစ်ခုဖြစ်တဲ့ Jalan Alor ပါ။ 

ကေအယ်လ်ခရီးစဉ်ကို အပိုင်း (၅) မှာ အပြီးသတ်ပါ့မယ်။


ဇွန်မိုးစက်  

သူတို့၏ သမီးများ

6

Category:

သမီး (၁)

သူမက ကိုယ့်ထက်တစ်နှစ်ငယ်သည်။ ကိုယ်တို့ကျောင်းကားတစ်စီးတည်းကို လေးနှစ်ဆက်တိုက် အတူစီးခဲ့ဖူးသည်။ ကျောင်းကားပေါ်မှာ အတန်းတူရာ အစုဖွဲ့၍ အတူထိုင် စကားပြောလေ့ရှိသည်မှာ ထုံးစံတစ်ခုလိုပင်။ ကိုယ်နှင့်အတန်းတူက ကိုယ်အပါအ၀င် သုံးယောက်၊ ကိုယ့်ထက်တစ်တန်းကြီး အစ်မများအုပ်စုက လေးယောက်၊ ကိုယ်တို့အောက်က သူနှင့်အတန်းတူ နောက်နှစ်ယောက် စသဖြင့် အုပ်စုလေးတွေရှိသည်။ ကိုယ်တို့သုံးယောက်က စကားအနည်းဆုံးဖြစ်ပြီး၊ ကျန်သော အထက်အောက်နှစ်ဖွဲ့က စကားအပြောဆုံး ဖြစ်သည်။ 

ကိုယ်တို့အုပ်စုက သူမတို့အဖွဲ့ပြောသော စကားများကို စိတ်ဝင်စားသည်။ သူမကြည့်ပြီးသော ရုပ်ရှင်ဝတ္ထုတွေ အကြောင်းကို စိတ်ဝင်စားဖွယ်ဖြစ်အောင် ပြောပြတတ်သည်။ လျှို့ဝှက်သည်းဖို ဇာတ်လမ်းများ၊ ကြောက်မယ်ဖွယ် သရဲတစ္တေ ဇာတ်ကားများ အကြောင်းကို ဇာတ်လမ်းတစ်ကွက်ချင်း ပြန်ပြောပြလျှင် ကိုယ်တို့မှာ ကြက်သီးထမိ သော်လည်း နားမစွင့်ဘဲ မနေနိုင်။ ရံဖန်ရံခါ သူ့အမေအကြောင်း၊ စာအုပ်တွေအကြောင်း ပြောပြတတ်သည်။ မည်သည့်စာအုပ်ကို ဗွီဒီယိုရိုက်ဖို့ ၀ယ်သွားကြောင်း၊ မည်သည့်စာအုပ်ကို ရုပ်ရှင်ပြန်ရိုက်တော့မည်ဖြစ်ကြောင်း စသဖြင့် သူမဆီမှ သတင်းများ ဦးဦးဖျားဖျား ကြားရတတ်သည်။ ဥပမာ- “နှင်းဆီ” ကို ခင်သန်းနုနှင့် ပြန်ရိုက်မည်ဆိုတာမျိုး ဗွီဒီယိုမထွက်ခင်ကတည်းက သိရသည်။ 

သူမမှာ မောင်လေးတစ်ယောက်ရှိပြီး ကိုယ့်မောင်လေးနှင့် ကျောင်းအတူ ကျောင်းကားအတူတူပင် ဖြစ်သည်။ ကိုယ်မှတ်မိနေသေးသည်မှာ သူတို့နေသောလမ်းထဲမှာပင် အခြားသော နာမည်ကြီး စာရေးဆရာများလည်း နေထိုင်ကြသည်။ ကိုယ့်သူငယ်ချင်းတစ်ယောက်အိမ်နှင့် ခြံချင်းကပ်ရပ်မှာ ဆရာမကြီး ကလျာ (၀ိဇ္ဇာ၊ သိပ္ပံ)၊ ကိုယ့်အဖိုးလေးနှင့် အိမ်နီးနားချင်းက နွမ်ဂျာသိုင်း၊ နောက်... သူတို့မောင်နှမနှစ်ယောက်၏ မိခင်ဖြစ်သူ မစန္ဒာ။ နောက်ပိုင်း ကိုယ်အိမ်ပြောင်းသွားတော့ သူမနှင့်ကျောင်းမှာ ရံဖန်ရံခါသာ တွေ့ဖြစ်သည်။ သူမပြောပြသော ပုံပြင်ဇာတ်လမ်းများ နားမထောင်ရတော့သည်မှာ အဲသည်ကတည်းက။ သွက်လက်ချက်ချာ စကားပြောကောင်းသော သူမအမည်က “အေးငြိမ်းချမ်း”။


သမီး (၂)

ကိုယ်ဆယ်တန်းဖြေအပြီး တက္ကသိုလ်ကျောင်းများ ပိတ်ထားသော အချိန်အတွင်း တက်ရောက်ခဲ့သော ကွန်ပျူတာ ဒီပလိုမာ သင်တန်းတစ်ခုမှာ မ၀င့်မွန်နှင့် တွေ့ဆုံခဲ့သည်။ သူမကို လူမမြင်ရခင်ကတည်းက  ကိုယ်က သိနှင့်နေခဲ့တာ ဖြစ်သည်။ တက္ကသိုလ်ဝင်တန်းစာမေးပွဲ၌ မြန်မာတစ်ပြည်လုံး အဆင့်တစ်မှတစ်ဆယ်အတွင်းရသော သူများ၏ အင်္ဂလိပ်စာ အက်ဆေးပေါင်းချုပ် စာတစ်အုပ်မှာ သူမကိုယ်ရေးအကျဉ်းနှင့် သူမလက်ရာ အက်ဆေးများကို ကိုယ်ဆယ်တန်းနှစ်တုန်းက ဖတ်မှတ်ခဲ့ဖူးသည်။ ကိုယ်တို့ထက် တစ်နှစ်ကြီးသည်သော သူမသည် ချောမောချစ်စရာ ကောင်းပြီး ဖော်ရွေသည်။ သူမအထက်မှာ အစ်ကိုတစ်ယောက်ရှိသည်။  

သူမက တတွဲတွဲဖြစ်သော ကိုယ်တို့နှစ်ယောက်ကို စတွေ့ကာစမှာ မောင်နှမထင်ပြီး ကိုယ့်ကို လာမေးခဲ့ဖူးသည်ကို အမှတ်ရမိသေးသည်။ ကိုယ်ကလည်း သူမဖေဖေ ဒေါက်တာရဲနိုင် ၏ အမျိုးသားစာပေဆုရ “အနောက်ကိုရွှေ့၍ အရှေ့ကိုမျှော်” စာအုပ်ကို အပိုင်ဝယ်ထားကြောင်း ပြောပြလိုက်တော့ သူမ မျက်ဝန်းမှာ ပီတိတွေနဲ့ စိုလက်လို့။ နောက်ထပ် ၀တ္ထုတိုပေါင်းချုပ်ထွက်ဖို့ရှိကြောင်း ကိုယ့်ကို သတင်းပေးသည်။ သူမနိုင်ငံရပ်ခြားမှာ ပညာဆက်လက် သင်ယူဖို့ ပြင်ဆင်နေကြောင်း ကိုယ်သိလိုက်ရပြီး နောက်ပိုင်း အဆက်အသွယ်ပြတ်သွားခဲ့သည်။ သူမ၏ လက်ထပ်မင်္ဂလာ သတင်းကိုတော့ သတင်းစာထဲမှာ ကိုယ်ဖတ်လိုက်ရသည်။ သူမနာမည် အပြည့်အစုံက “၀င့်မွန်သန့်”။


သမီး (၃)

ထိုသင်တန်းတစ်ခုတည်းမှာပင် သိကျွမ်းခွင့် ရခဲ့သော သူမက ကိုယ်တို့ထက် သုံးလေးနှစ်လောက် ပိုကြီးသည်။ သူမက ညိုညိုသွယ်သွယ်လေးနှင့် သဘောကောင်းသူတစ်ဦးပင်ဖြစ်သည်။ ကိုယ်က ပတ်ဝန်းကျင်ကို သိပ်သတိမမူတတ်သူ ဖြစ်လေတော့ ဘယ်သူရယ် ဘယ်ဝါ၊ ဘယ်သူ့သားသမီးမှန်း သူများက တကူးတက ပြောပြမှပင် သိတတ်သူ။ သင်တန်းကျောင်းမှာ နိုင်ငံကျော်စာရေးဆရာမ မိုးမိုး (အင်းလျား) ၏ သမီးရှိသည်ဆိုတာ သူများတွေပြောသံကြားမှ ကိုယ့်မှာ အတန်းဖော်သူငယ်ချင်းများကိုမေးပြီး ဘယ်သူလဲဆိုတာ လိုက်ကြည့်ရသည့်လူမျိုးဖြစ်သည်။ သူမမှာလည်း အစ်ကိုတစ်ယောက်ရှိသည်။

သူမနှင့် ကိုယ်မြင်ဖူးလိုက်သော သူမချစ်သူတို့ လက်ထပ်သွားတုန်းက ကိုယ်ရန်ကုန်မှာပဲ ရှိနေသေးသည်။ နှစ်အချို့ကြာမြင့်ပြီးနောက် စာအုပ်ဖြန့်ချီရေး ကိစ္စတစ်ခုဖြင့် လှည်းတန်းက စာပေလောကသို့ ရောက်သွားတော့ သူမနှင့် ဆိုက်ဆိုက်မြိုက်မြိုက်တွေ့သည်။ ယခင်ကထက် သိသာစွာ ကိုယ်အလေးချိန်တိုးလာသော ကိုယ့်ကို အံ့သြ၀မ်းသာစွာ ဆီးကြိုနှုတ်ဆက်ခဲ့သည်။ မိခင်တစ်ဦးဖြစ်နေသော သူမကတော့ အရင်အတိုင်း ပိန်ပိန်သွယ်သွယ်လေးသာ။ ကိုယ်ဒီပြန်လာပြီးနောက်ပိုင်း သူမနှင့် အဆက်အသွယ် ပြတ်သွားပြန်သည်။ သို့သော် “မသွယ်မျိုးညွန့်” နှင့် တွေ့ချင်လျှင် လှည်းတန်းစာပေလောကသို့ သွားနိုင်ကြောင်း ကိုယ်သိထားသည်ပဲလေ။

************

ဘာရယ်မဟုတ်... ကိုယ့်ဘ၀တွင် ကိုယ်နှစ်သက်မိသော စာရေးဆရာ၊ ဆရာမများ၏ သမီးများနှင့် တွေ့ဆုံခဲ့ရခြင်းကို အမှတ်ရမိသဖြင့် ချရေးဖြစ်သွားခြင်းပါ။ 

 
ဇွန်မိုးစက်

ကေအယ်လ်သို့ တစ်ခေါက် - ၃

4

Category:

သောကြာနေ့ညက ညဥ့်နက်သွားတဲ့အတွက် စနေမနက် အစောကြီးထပြီး Twin Tower ပေါ်တက်မကြည့်နိုင်တော့လို့ တနင်္ဂနွေမနက်မှပဲကြည့်ဖို့ အစီအစဉ်ပြောင်းလိုက်ပါတယ်။ အမှန်က ကိုယ့်သူငယ်ချင်းက စနေနေ့မှာ မနက်ပိုင်း တာဝါပေါ်တက်ကြည့်ပြီးရင် ကေအယ်လ်မြို့ပြင်က ဟိန္ဒူဘာသာဝင်တွေ အထွဋ်အမြတ်ထားရာ ဘာတူဂူ (Batu Cave) ကို သွားကြည့်ဖို့ Plan လုပ်ထားတာ။ ကိုယ့်မှာ ဒူးနာထားတဲ့အခံရှိလေတော့ လှေကားထစ်ပေါင်း ၂၇၂ ထစ်ကိုလှမ်းပြီးမှ ရောက်မယ့်နေရာကိုသွားဖို့ မဖြစ်နိုင်တော့ အဲဒီကိုသွားဖို့ကို စိတ်မကောင်းစွာနဲ့ဘဲ လက်လျှော့လိုက်ရတယ်။ တကယ်ဆို ကိုယ်က ဘာတူဂူကို သိပ်သွားချင်တာ။ လွန်ခဲ့တဲ့၃နှစ်လောက်က  Amazing Race မှာ ကြည့်ရကတည်းက မလေးရှားရောက်ရင် သွားလည်မယ်လို့ ရည်မှန်းထားတဲ့ နေရာတစ်ခုပါ။ ခရီးသွားလာတဲ့အခါမှာ ကျန်းမာရေးက သိပ်အရေးကြီးကြောင်း ကိုယ်တွေ့ သဘောပေါက်လိုက်တယ်။း(

စနေမနက် ၉နာရီခွဲလောက်မှ အိပ်ရာကထ၊ ကိုယ်လက်သန့်စင်ပြီး မြို့ထဲကို ထွက်ခဲ့ကြတယ်။  Pavilion ရောက်တဲ့အချိန်မှာ မနက် ၁၁နာရီကျော်နေပြီ။ မနက်လည်စာ (Branch) ကို  Pavilion ထဲက နာမည်ကြီး တရုတ်ခေါက်ဆွဲဆိုင်မှာ စားခဲ့ကြတယ်။ ခေါက်ဆွဲက မှာတဲ့အချိန်မှာမှ တခါတည်းလုပ်ပေးတာ။ ခေါက်ဆွဲသားက နူးညံ့နေပြီး အတော်စားလို့ ကောင်းတယ်။ ကိုယ်တို့ကို serve လုပ်ပေးတဲ့ ကောင်လေးက မြန်မာဆိုတာ ပန်းကန်တွေသိမ်းတဲ့အချိန်ကျမှ သတိထားမိတယ်။ ပြီးတော့ Coffee Bean မှာ ကော်ဖီဝင်သောက်ပြီး စကားတွေ ပြောတယ်။ ဗိုက်ကိုအားဖြည့်ပြီး ခရီးဆက်မယ်ဆိုတဲ့အချိန်မှာ မိုးက ဖွဲဖွဲလေးရွာနေပြီ။ 

Pavilion အတွင်းမှာ 

 Pavilion အ၀င်ဝက Crystal Fountain

Pavilion ရှေ့မျက်နှာစာကို ကြည့်ချင်ရင်တော့ ဒီလင့်ခ်ကို နှိပ်လိုက်ပါ။  မိုးရွာနေလို့ အပြင်ဘက်ကနေ ဓာတ်ပုံမရိုက်ခဲ့မိဘူး။

Pavilion က ထွက်ပြီး အနီးအနားက Shopping Center နဲ့ Plaza တွေမှာ ခဏ၀င်ကြည့်ပြီး ကိုယ်တို့စီးမယ့်  Hop-on Hop-off Tour Bus လက်မှတ်ရောင်းပေးတဲ့ နေရာမှာ သွားပြီး လက်မှတ်ဝယ်လိုက်တယ်။ One day ticket တစ်စောင်ကို ရင်းဂစ် ၃၈ ပေးရပါတယ်။ Two day ticket လည်း ရှိတယ်။ ကွာလာလမ်ပူရဲ့ tourist attraction နေရာပေါင်း ၂၂နှစ်ခုကို looping နဲ့ သွားနေတဲ့ နှစ်ထပ်ကားတွေပေါ့။ ကိုယ်ကြည့်ချင်တဲ့နေရာရောက်ရင် ဆင်းနေခဲ့ပြီး နောက်လာတဲ့ကားနဲ့ ပြန်လိုက်လို့ရတယ်။ ကားတစ်စီးနဲ့တစ်စီး မိနစ် ၂၀လောက်ပဲ ကြာပါတယ်။ ကိုယ်တို့စတက်ပြီး ရပ်တဲ့နောက်တစ်မှတ်တိုင်က China Town (Jalan Petaling)။ တနင်္ဂနွေနေ့မှာ ရောက်ဦးမှာဖြစ်တဲ့အတွက် မဆင်းတော့ဘဲ အမျိုးသားနန်းတော်ရှေ့ (National Palace) ရောက်မှပဲ ဆင်းပြီးဓာတ်ပုံရိုက်ပါတယ်။ အထဲတော့ ၀င်ကြည့်လို့ မရဘူး။ အပြင်ကနေပဲ ဓာတ်ပုံရိုက်ပြီး အထဲကို မှန်းကြည့်ရတာပေါ့လေ။ 

ဒီနေရာကနေ လက်မှတ်ဝယ်ပြီး စစီးတယ်။

Hop-On Hop-Off Ticket

ဒီလိုနှစ်ထပ်ကားတွေစီးပြီး မြို့ထဲလျှောက်ကြည့်တယ်

နိုင်ငံပေါင်းစုံက လူမျိုးစုံပေါ့

နန်းတော်အ၀င်လမ်းမ

ဝင်းတံခါးအပြင်ဘက်နေပဲ zoom ဆွဲပြီး လှမ်းရိုက်ရတယ်

အမျိုးသားနန်းတော်ရဲ့ ၀င်းတံခါး

နန်းတော်ရှေ့မှာ အပြေးအလွှား ဓာတ်ပုံလုရိုက်ရပါတယ်


National Mosque မှာ တခါဆင်းပြီး ဓာတ်ပုံရိုက်တယ်။ 




ဘာအဆောက်အဦမှန်း မသိလိုက်ဘူး၊ Mosque ရှေ့ကနေ လှမ်းရိုက်လိုက်တာ

Moseque ၀င်းထဲမှာပဲ

ဒီလိုကားလေးနဲ့ စားစရာ သောက်စရာလေးတွေ ရောင်းချပေးတာတွေ့လို့ အမှတ်တရ ရိုက်ယူခဲ့တယ်


ပြီးတော့ ညက ရောက်ခဲ့တဲ့ (Independence Square နဲ့ St. Mary Church) မှာဆင်းပြီး ဓာတ်ပုံထပ်ရိုက်ပြန်တယ်။ 

မြက်ခင်းစိမ်းက လွတ်လပ်ရေးရင်ပြင်ပေါ့၊ ရှေ့မှာလှမ်းမြင်နေရတာ အရင်ပို့စ်မှာ ကိုယ်ရေးခဲ့တဲ့ ယခင်တရားရုံးအဆောက်အဦပါ

St. Mary Church

လွတ်လပ်ရေးရင်ပြင်ကနေ ဘယ်ဘက်ကို မျက်နှာမူပြီး ရိုက်ထားတာ

မြို့တော်ခန်းမဘက်သွားရာကနေ အနောက်ကို ပြန်လှည့်ပြီး ရိုက်ထားတာ၊ ဓာတ်မီးတိုင်ရဲ့ ဒီဇိုင်းကို သဘောကျလို့ပါ။ KL မြို့ထဲမှာ ပုံစံအမျိုးမျိုးနဲ့ လမ်းမီးတိုင်တွေကို သတိထားမိသလို သဘောလည်းကျတယ်။

ရထားဖြတ်သွားတာတွေ့တုန်း လှမ်းရိုက်လိုက်တာ။ ကိုယ် ရထားမစီးဖြစ်ခဲ့ဘူး။


ပြောလို့ပြောတာမဟုတ် ဘတ်စ်ကားပေါ်ကနေ ဆင်းလိုက်တက်လိုက် ဓာတ်ပုံရိုက်လိုက်နဲ့ကိုပဲ လူက ပင်ပန်းနေတယ်။ ကြားထဲကမှတ်တိုင်တွေဖြစ်တဲ့ National Museum, Lake Garden, Orchid Garden, Butterfly Park နဲ့ Bird Park တွေမှာ မဆင်းခဲ့ဘူး။ ရပ်တဲ့နေရာတိုင်းဆင်းပြီး ကြည့်မယ်ဆိုရင် တော်တော်အချိန်ပေးရမှာ။ ကိုယ်တို့ကားစစီးတဲ့ အချိန်ကပဲ နေ့လည်ဖြစ်နေပြီ။ ဒီတော့  မကြည့်မဖြစ်နေရာ၊ ဓာတ်ပုံရိုက်လို့ကောင်းမယ့် နေရာမျိုးမှာပဲ ဆင်းဖြစ်တယ်။ 

Palace of Culture ရှေ့မှာ ဆင်းဖြစ်တယ်။

Palace of Culture ရှေ့မျက်နှာစာ
 
ခေါင်မိုးအချွန်သုံးထပ်ဆင့်ထားတာ မြင်ရအောင် နဲနဲစောင်းပြီး ရိုက်လိုက်တယ်
 
 ဘေးဘက်ကကြည့်ရင် ဒီလိုမြင်ရတယ်
 
ပြီးတော့မှ KL Convention Center & Aquaria မှာဆင်းပြီး Petronas Twin Tower ကို ဓာတ်ပုံရိုက်ဖို့ ကြိုးစားကြတယ်။ နေ၀င်ချိန်လည်းဖြစ်၊ ကိုယ့်ကင်မရာကလည်း setting တွေ ခဏခဏပြောင်း၊ ဟိုစမ်းဒီစမ်းလုပ်ပြီး သေချာပြန်မချိန်တတ်တော့ ညပိုင်းပုံထွက်တွေ မကောင်းပြန်ဘူး။ ရသလောက်ပဲ ရိုက်ခဲ့တယ်။:D

ကဲ... Petronas Twin Tower ရှိရာ အောက်ခြေကို ရောက်ပြီ။ 
ကွာလာလမ်ပူရဲ့ အထင်ရှားဆုံး Landmark 
 
KLCC အထဲ ၀င်ကြည့်တဲ့အချိန်မှာ တော်တော်ပင်ပန်းနေပြီ။ ညစာကိုတော့ KLCC အောက်ထပ်အပြင်ဘက်မှာရှိတဲ့ San Francisco Stake House/Santini မှာပဲ စားခဲ့တယ်။ ဒီတစ်ခါလည်း ကိုယ်တို့ကို serve လုပ်တဲ့ ၀န်ထမ်းကောင်လေးက မြန်မာပဲဆိုတာ စားပြီးမှ သိတယ်။ ကိုယ်တို့နှစ်ယောက်က စားလိုက် စကားတွေပြောလိုက်နဲ့ဆိုတော့ ဘေးဘီကိုတောင် သိပ်သတိမထားမိဘူး။ စားပြီး စကားပြောပြီးတဲ့အချိန်မှာည ၉နာရီခွဲ ၁၀နာရီလောက် ရှိနေပြီ။ 

မနက်ဖြန်မနက် စောစောထရမှာဆိုတော့ တစ်ခြားဘယ်မှ ထပ်မသွားဖြစ်ဘဲ အိမ်ကိုပဲ ပြန်လာခဲ့ကြတယ်။ အိမ်ရောက်တော့ ရေမိုးချိုးပြီး ချက်ခြင်းမအိပ်ဖြစ်သေးဘဲ စကားတွေပြောလိုက်တာ ၁၂နာရီကျော်သွားလို့  နှစ်ယောက်သား အမြန်အိပ်ရာဝင်ရတယ်။

ဇွန်မိုးစက်