Chinatown၊ OG နှင့် ရောဂါ

Category: ,

ကိုယ်ရဲ့ workplace က C.T (chinatown) မှာ။ C.T မှာ အလုပ်လုပ်ရတာ ကိုယ်ကြိုက်တယ်။ အစားအသောက်ပေါတယ်။ သွားရေးလာရေးအဆင်ပြေတယ်။ နေ့လည်ထမင်းစားချိန်ဆို ဘယ်မှာစားရင်ကောင်းမလဲ ရွေးစရာ food court တွေ ပေါတယ်။ ဈေးလည်းသိပ်မကြီးဘူး။  စားပြီးရင် ဟိုနားဒီနားလျှောက်ကြည့်စရာ ဆိုင်တွေလည်းစုံတယ်။ ညနေရုံးဆင်းလို့ Pennisular သွားချင်ရင်လည်း အဆင်ပြေတယ်။ ရုံးရှေ့ကားမှတ်တိုင်ကနေ နှစ်မှတ်တိုင်စီးလိုက်ရင် Funan နောက်ကို တန်းရောက်တယ်။  ကလခ်ကီးသွားရင်တစ်မှတ်တိုင်၊ ကားမစီးဘဲ အေးအေးဆေးဆေး  လမ်းလျှောက်သွားချင် လည်းရတယ်။  Plaza Singapura မှာ သောကြာနေ့လိုမျိုး ရုပ်ရှင်သွားကြည့်ချင်ရင် Dhoby Ghuat ကို ရထားနှစ်မှတ်တိုင်စီးရင်ရောက်ပြီ။ MOM ကရုံးနောက်မှာ၊ Pass သက်တမ်းတိုးဖို့ ကိစ္စမျိုးဆို ရုံးနောက်ကထွက်ပြီး လမ်းကူးလိုက်ရုံပဲ။ စာတိုက်သွားချင်ရင်တော့ ၃ထပ်ကနေ တံတားကူးပြီး C.T Point ကိုသွား။ ကုန်တိုက် OG ကို သွားချင်ရင်တော့ တံတားတောင်ကူးစရာမလိုဘဲ နှစ်ထပ်ကနေသွားတာနဲ့ OG ဒုတိယထပ်ကို တန်းရောက်သွားရော။

OG ကတော့ သိတဲ့အတိုင်း အမျိုးသမီး၊ အမျိုးသား၊ ကလေး၊ လူငယ် အရွယ်စုံအတွက် အသုံးအဆောင်ပစ္စည်းတွေ တစ်နေရာတည်း အစုံရနိုင်တဲ့ ကုန်တိုက်ဆိုတော့ နေ့လည် ထမင်းစားချိန်ဆို အနီးအနားတစ်ဝိုက်မှာရှိတဲ့ ရုံးဝန်ထမ်းသူမမများ နေ့စဉ်ဝင်လည်ဖြစ်တဲ့ နေရာတစ်ခုပေါ့။ အောက်ဆုံးထပ်မှာ အမျိုးသား အ၀တ်အထည် အသုံးအဆောင်၊ ပထမထပ်မှာ အမျိုးသမီးဖိနပ်နဲ့ အလှကုန်၊ ဒုတိယထပ်မှာ အမျိုးသမီးလက်ကိုင်အိတ်နဲ့ အ၀တ်အစားအသုံးအဆောင်၊ တတိယထပ်ကလည်း အမျိုးသမီးတွေအတွက်ပါပဲ။ formal နဲ့ evening dress တွေ များပါတယ်။  စတုတ္ထထပ်မှာတော့ ကလေးများအတွက် ကစားစရာမျိုးစုံ၊ အ၀တ်အထည်နဲ့ ဖိနပ်တွေရှိပြီး၊ ပဉ္စမထပ်မှာတော့ အနွေးထည်၊  ခရီးဆောင်အိတ်၊ မီးဖိုချောင်နဲ့အိမ်သုံးပစ္စည်းများရှိပါတယ်။

ကိုယ်ကထမင်းစားချိန် တစ်နာရီမပြည့်မချင်း ရုံးခန်းထဲပြန်မ၀င်ချင်တဲ့ အကျင့်ရှိပါတယ်။ ထမင်းအေးအေးဆေးဆေး စားရင်တောင် နာရီဝက်လောက် အမြဲအချိန်ပိုတတ်တာမို့ စားပြီးတာနဲ့ OG ထဲဝင်ပြီး အချိန်ဖြုန်းလေ့ရှိပါတယ်။ ပထမထပ်ကနေ အပေါ်ဆုံးထိ တစ်ထပ်ချင်းလိုက်ကြည့်တယ်။ တစ်ခါတစ်လေ အချိန်တွေ အများကြီး ကျန်နေသေးတယ်ထင်ရင်  fitting room ထဲဝင်ပြီး ကိုယ်မျက်စိကျတဲ့ အင်္ကျီတွေ ၀တ်ကြည့်တတ်ပါတယ်။ ၀ယ်ဖြစ်တာကနည်းနည်း၊ try ကြည့်တာက များများပါ။

ကိုယ်အရောက်များဆုံးအထပ်က အပေါ်ဆုံးထပ်။ ကိုယ်က အင်္ကျီတို့၊ ဖိနပ်တို့၊ အိတ်တို့ထက်စာရင် မီးဖိုချောင်သုံးနဲ့ အိမ်အသုံးအဆောင်ပစ္စည်းတွေကို ပိုပြီးစိတ်ဝင်စားပါတယ်။ မီးဖိုချောင်သုံးပစ္စည်းတွေ ၀ယ်ချင်ပေမယ့်လည်း အိမ်ငှားနေရသူမို့ မ၀ယ်တော့ပါဘူး။ ကိုယ်ပိုင်အိမ်နဲ့ဆိုရင်တော့ စိတ်ရှိသလောက်များ ၀ယ်မိမလားမပြောတတ်ဘူး။ နောက် ကိုယ်စိတ်ဝင်စားတာက အရောင်စုံ အသွေးစုံ အိပ်ရာခင်းတွေပါ။

ကိုယ့်မှာ ရောဂါတစ်ခုတစ်ရှိပါတယ်။ (ရောဂါလို့ ကိုယ့်သူငယ်ချင်းက နာမည်တပ်ပေးထားတာကိုပဲ ကျေနပ်စွာ ယူသုံးလိုက်ပါတယ်)။ လူတစ်ယောက်မှာ ရောဂါတစ်မျိုးစီရှိနိုင်ပါတယ်။ ဥပမာ- ကိုယ့်သူငယ်ချင်းဆို ဈေးသွားလို့ မြစ်သားကြက်သွန်နီ ပြောင်ပြောင်ချောချောလေးတွေမြင်ရင် မ၀ယ်ရ မနေနိုင်ဖြစ်ပါတယ်တဲ့။ ကိုယ်ကျတော့ အဆင်လှလှ အိပ်ရာခင်းတွေမြင်ရင် ၀ယ်ချင်စိတ်က ထိန်းမနိုင်သိမ်းမရ ပေါ်လာတတ်တာပါပဲ။ အထူးသဖြင့် ဈေးချတဲ့အချိန်၊ buy 1 get 1 free promotion ပေးတဲ့အချိန်များဆို ပိုဆိုးသေး။ OG မှာလည်း မကြာခဏဆိုသလို promotion တွေပေး၊ ဈေးချတတ်ပါတယ်။ ပြီးခဲ့တဲ့နှစ်က ဈေးချတုန်း ၄စုံ ၀ယ်ဖြစ်တယ်။ တစ်စုံက သိပ်ကြိုက်လွန်းလို့ မသုံးဖြစ်ဘူး၊ သိမ်းထားဆဲပဲ။ ပြန်တွက်ကြည့်တော့ အလုပ်စ၀င်ပြီးကတည်းက ခုထိကိုယ်ဝယ်ဖြစ်တဲ့ အိပ်ရာခင်း ၇စုံဖြစ်နေပြီ။ ကိုယ့်အတွက်ဝယ်တာ အားမရသေးလို့  တစ်လောက အိမ်ကညီမလေးတစ်ယောက် မင်္ဂလာဆောင်တော့ အမျိုးအစားကောင်းကောင်းထဲကပဲ အိပ်ရာခင်းဝယ်ပြီး လက်ဖွဲ့လိုက်သေးတယ်။

ဒီတစ်ပတ်လည်း OG မှာ အိပ်ရာခင်းတွေ ဈေးချနေတယ်။ ဒီတစ်ခါတော့ buy 1 get 2 free တဲ့။ မမြင်ချင်၊ မသိချင်ယောင်ဆောင်ပြီး အဲဒီနေရာကို ကွက်ကျော်လုပ်နေရတယ်။ စိတ်ထိန်းမှ ဖြစ်မယ်။ ဒီလ အပိုကုန်လို့ မဖြစ်ဘူး၊ ချွေတာရမယ်ဆိုပြီး ကိုယ့်စိတ်ကို အတော်ထိန်းချုပ်နေရတယ်။ ကုရခက်တဲ့ ရောဂါဆိုတော့လည်း...။ နောက်ရောဂါတစ်ခုလည်း ရှိသေးတယ်။ ဖတ်တဲ့သူတွေတော့ လန့်ကုန်ပြီ။ ဇွန်မိုးစက်က ရောဂါတော်တော်များတာပဲနော်။ တစ်ခြားတော့ မဟုတ်ပါဘူး။ မနက်မနက် ရုံးရောက်လို့မှ gmail လေး ၀င်မကြည့်လိုက်ရယင် မနေနိုင်ပြန်ဘူး၊ မဖွင့်ကြည့်လိုက်ရယင်ပဲ တစ်ခုခု လိုနေသလိုကိုဖြစ်တာ။ ရုံးအီးမေးလ်စစ်ပြီးတာနဲ့ gmail ကို log in ၀င်လိုက်မှ နေသာထိုင်သာရှိသွားသလိုလို။ အင်း... ရောဂါ...ရောဂါ...ရောဂါ... တယ်လည်းခက်ပါလားနော်။


ချစ်ခင်လေးစားလျက်
ဇွန်မိုးစက်

Comments ( 6 )

ဒုတိယရောဂါ ကကျမမှာလည်းရှိတယ်။

တော်သေးတယ်နော်...မကူးစက်တတ်လို့..... :P

ကျွန်တော်တို့ ရုံးနားကတော့ စားစရာရှား.. စားသောက်ဆိုင်တွေကလဲ ဈေးကြီး....
ပီးတော့ ဒေါင်းတောင်း ဧရိယာနဲ့ကလဲ ဝေး...
ရှော့ပင်းစန်တာတွေမရှိတာတော့ကောင်းတယ်...
သွား.. သွား... ပတ်ပြီးး..... ပြူတင်းပေါက်ဈေးဝယ် လုပ်စရာ မလိုတော့ဘူးပေါ့....

“အရောင်စုံ အသွေးစုံ အိပ်ရာခင်း” တွေ တွေ့ရင်...
ဝယ်ချင်တဲ့ ရောဂါတော့ တူတယ်ဗျ....

အင်းးး
Google Addicted ချင်းလဲ တူသလိုလို....

;-)

တူတာတွေတယ်များသကိုး ....

မီးဖိုချောင်သုံးပစ္စည်းတွေကြိုက်တာတူတယ် ... အိပ်ယာခင်းကြိုက်တာတူတယ် ... အရင်တုန်းကတော့ ဂျီမေးလ်ရောဂါရှိတယ် ... .ခုတော့ပျောက်သွားတာကြာပြီ ... ကော်ဗူးပုံစံလှလှလေးတွေမြင်ရင်အရမ်းဝယ်ချင်တယ် ... ၀ယ်လဲ ၀ယ်ဖြစ်တယ် ... ဒါပေမယ့် သိပ်တော့မသုံးဖြစ်ဘူး ... နောက်ပြီး ဘိနပ်တွေတွေ့ရင် တမေ့တမောလိုက်ကြည့်တာ .... အရင်ကတော့ ကိုယ်အတွက်သီးသန့် ... .ခုတော့ အမေ့အတွက်ပါပါတယ် ... အမေက မာတဲ့ဘိနပ်တွေမစီးနိုင်တော့ ဘိနပ်အပါးဖြစ်ပြီး ခြေဖ၀ါးသက်သာစေမယ့်လူကြီးပုံတွေ တခုပြီး တခုကိုလိုက်စီးကြည့်ဖြစ်တယ် ....း)

အင်း

fitting room ထဲ ခဏခဏ အဝတ်လဲ ကြည့်နေတာတော့ စိတ်မချဘူး..

အဲလို အမြဲလဲတဲ့သူတွေမှာ ရောဂါ တစ်ခုခုရှိနေရင် အဲဒီလူ ယူဝတ်ထားတဲ့ အဝတ်ကိုမှ ကိုယ်က try ကြည့်ရင် ရောဂါက ကူးဦးမယ်.. သတိထား မဇွန်ရေ...


ဒီမှာလူကစုံ.. စရိုက်ကစုံနဲ့

း))

အိပ်ယာခင်းလှလှလေးတွေကိုသဘောကျတယ်

ဒါပေမယ့် မိုးပြာရောင်နဲ့ ဗေဒါရောင်က လွဲရင် ကျန်တာကိုသဘောမကျဘူး

ပြီးတော့ ပန်းပွင့်ကြီးကြီးဒီဇိုင်းတွေ.. ကာတွန်းရုပ်တွေကို မကြိုက်ဘူး..

အကွက်တွေ အတုံးတွေ နဲ့ မျက်စိအေးတဲ့ ဒီဇိုင်းကိုပဲကြိုက်တယ်

နောက်လ အိမ်ပြောင်းရမယ်.


အိပ်ယာခင်းအသစ်တွေလိုနေတယ်..

ဝယ်ထားတာများနေရင် လက်ဆောင်ပေးပါ..

ဒါမှမဟုတ်.. ခု လက်ရှိ လျှော့ဈေးနဲ့ရောင်းတာတွေကိုဝယ်ပေးလို့လဲရတယ်...

ပေးရင်စိတ်ဆိုးမှာ မဟုတ်သလို ငြင်းမှာလဲမဟုတ်ပါဘူး..

ချိုင်းနားတောင်းလို လူစည်ကားတဲ့ အရပ်တွေကိုမုန်းတယ်..

လမ်းဘေးမှာ ရှုတ်နေတဲ့ လူတွေကိုကြည့်ပြီး တညံညံ တစီစီနဲ့ စားသောက်နေရတာကို မုန်းတယ်..

လူစည်ကားတဲ့နေရာတွေကို မုန်းတယ်ပြောရင် ပိုမှန်လိမ့်မယ်..

ရောမရောက်တော့ ရောမ လိုကျင့်ရပေမယ့် ကိုယ်က ရောမ သားမဟုတ်တော့ ကွဲပြားမှုတွေကတော့ရှိမှာပဲလေ..

ဒုတိယရောဂါက သူငယ်ချင်းတွေ တော်တော်များများမှာလည်း ရှိ်ကြတယ် မရှင်လေးရေ.. common ရောဂါလို့ ပြောရမလားပဲ။း)

ဟုတ်ပ...ကူးစက်တတ်လို့က နင်အရင်ဆုံးကူးစက်ခံရမှာနော်..:P
NLN ဆိုလို့ ရုတ်တရက် ညီလင်းညိုများလို့...အဟက်

ကိုမိုးကုတ်သားနဲ့ တူတာတွေများနေပြီ။

ကြယ်ပြာနဲ့လည်း အကြိုက်ချင်းတူနေတာကိုးး)

ရှည်လိုက်တဲ့ မန့်ချက်... comment မှာ post တစ်ပုဒ် လာရေးသွားသလား ထင်ရတယ်။ အံမယ်...ဖိုးစိန်က အိပ်ရာခင်း လာအလှူခံတာကိုး။ ကိုယ့်အကိုကြီးဆီ ပြန်တောင်းလေ..သူ့ဆီမှာ ၅စုံတောင် ရှိတယ်ဆိုလား :P