(က)
ကျယ်ဝန်းစိမ်းစိုလှပသော အလယ်ပန်းခြံအတွင်းက တစ်ခုသောရေကန်အနီးရှိ ခုံတန်းလေးမှာ “ငယ်” ထိုင်ရင်း ပြာလွင်သော ကောင်းကင်ကို မော့ကြည့်နေမိသည်မှာ ဘယ်လောက်ကြာသွားသည်မသိ။ ဆူညံစွာ အော်ဟစ် ပြောဆိုနေကြသော ကလေးတစ်သိုက်အသံကြားမှ ပတ်ဝန်းကျင်ကို ပြန်ကြည့်မိသည်။ သာယာသော နွေရာသီ ညနေခင်းမို့ ထင်သည်၊ ဧကရှစ်ရာကျော် ကျယ်ဝန်းလှသော ပန်းခြံတစ်ခုလုံးမှာ သူ့နေရာနှင့်သူ လာရောက်အပန်းဖြေ အနားယူကြသူ လူကြီးလူငယ် လူရွယ်စုံဖြင့် စည်ကားလို့နေသည်။ ငယ့်ရှေ့မှာ ဖြတ်သန်းသွားလာ ကစားနေကြသော ကလေးများကို ကြည့်ယင်း ကြည်နူးမိသည်။ နာရီကြည့်မိတော့ ၆နာရီထိုးရန် ဆယ်မိနစ်ခန့်မျှသာ လိုတော့သည်။ အစောပိုင်းက ပန်းခြံထဲလျှောက်သွားပြီး ရိုက်ထားသော ဓာတ်ပုံများကို ပြန်ကြည့်နေရင်း ကိုကို့အကြောင်းတွေးမိသည်။
ကိုကိုနှင့်ငယ်မတွေ့ရသည်မှာ ဆယ်စုနှစ်တစ်ခုနီးပါးမျှ ကြာခဲ့ပြီ။ အချိန်တွေ တရွေ့ရွေ့ကုန်လွန်ရင်း အဝေးကြီးကို ထွက်သွားသည့် ကိုကို့ကို တစ်နေနေ့မှာ ငယ် ရောက်အောင်သွားတွေ့မည်ဟု ဆုံးဖြတ်ထားခဲ့သည်မှာ ကိုကိုဒီမြို့ကို စရောက်တဲ့နေ့ကတည်းကလေ။ တကယ်ဆို ကိုကိုနှင့်ငယ်သည် တစ်ဦးခံစားချက် တစ်ဦးနားလည်ခဲ့ပြီး အခြေအနေအကြောင်းကြောင်းကြောင့် ဆုံဆည်းခွင့် မရနိုင်ခဲ့သူတွေလို့ ဆိုနိုင်ပါသည်။ ငယ့်ဘ၀မှာ ကိုကိုနှင့် ပတ်သက်ပြီး ကဗျာတစ်ပုဒ်တည်းသာ စပ်ဖူးသည်။ ကိုကိုစာမေးပွဲတစ်ခုဖြေပြီးသည့် နောက်ဆုံးနေ့က ကိုကို့ကို သွားတွေ့အပြီး ထိုကဗျာလေးကို ပေးခဲ့သည်။ ကဗျာထဲမှာ ကိုကို့ကို ချစ်ကြောင်း၊ နှစ်သက်ကြောင်း မပါခဲ့။ ကိုကိုငယ့်အပေါ်ထားခဲ့သည့် စေတနာတွေအတွက် ကျေးဇူးတင်ကြောင်း၊ ကိုကို့ကို တစ်သက်လုံး သတိရနေမည့် အကြောင်းတွေတော့ပါသည်။ ခုဆို အဲဒီ့ကဗျာလေး ကိုကို မေ့လောက်ရောပေါ့။
ကိုကိုနှင့်မိုင်ပေါင်းထောင်ချီဝေးနေခဲ့သော ကာလတွေမှာ ကောင်းကင်ပြာပြာကို ကြည့်၍ ငယ်အားတင်းခဲ့သည်။ ဘယ်လောက်ဝေးဝေး ငယ်တို့အားလုံးဟာ မိုးကောင်းကင်တစ်ခုအောက်မှာ ရှိနေကြတာမဟုတ်လား။ တစ်နေ့နေ့တော့ တစ်ခုသောကောင်းကင်ပြာအောက်မှာ ငယ်တို့ပြန်ဆုံခွင့်ရဖို့ မျှော်လင့်ခဲ့သည်။ ခုတော့ ငယ့်အိပ်မက်ကို လက်တွေ့ အကောင်အထည် ဖော်နိုင်ခဲ့ပြီ။ “ဘုတ်” ဆိုသော အသံနှင့်အတူ ငယ်ထိုင်ရာနေရာနားသို့ ဘောလုံးတစ်လုံး ကျရောက်လာသောကြောင့် ငယ့်အတွေးတွေ ပြတ်တောက်သွားသည်။ ချစ်စရာ ကလေးငယ်လေးတစ်ဦး ငယ့်ဘေးမှာကျနေသော ဘောလုံးကို လာပြန်ယူပြီး ပြေးထွက်သွားသည်။ ကလေးလေးသွားရာ လမ်းတစ်လျှောက် အမှတ်မထင် ငယ်ကြည့်မိတော့.... အို ... ဟိုမှာ....။ ၆နာရီ ထိုးပြီပဲ။ ကိုကိုသည် အချိန်တိကျ လေးစားသူတစ်ဦး ဖြစ်ကြောင်း ငယ် အမှတ်ရသွားသည်။
(ခ)
“ကိုကို” ဟု ငယ့်နှုတ်မှ တိုးတိတ်စွာ ရေရွတ်မိသည်။ ကိုကိုက ငယ်ရှိရာသို့ ဖြေးဖြေးချင်း လှမ်းလာနေသည်။ ကိုကိုအရင်ကထက် အသားပိုဖြူပြီး ပိုဝလာသည်။ ပါဝါထူထူ မျက်မှန်တစ်စုံအောက်က ကိုကို့မျက်ဝန်းတွေက အရင်အတိုင်း နူးညံ့ကြင်နာ ခင်မင်စရာကောင်းဆဲ။ ကိုကိုက ဟိုတုန်းကလို ငယ့်ကို ခေါ်နေကျအတိုင်း “ညီမလေး” ဟု ခေါ်၍ ငယ့်ခေါင်းကို အသာဖွဖွပုတ်ကာ ငယ့်ဘေးမှာ ၀င်ထိုင်သည်။ ဒီလိုခေါ်သံမကြားရတာ ဘယ်လောက်တောင် ကြာခဲ့ပြီလဲ။ ငယ့်ရင်ထဲမှာ နွေးထွေးမှုတွေ အရှိန်အဟုန်ဖြင့် ဖြတ်စီးသွားသည်။ ကောင်းကင်ကြီး ရုတ်တရက် အရောင်ပြောင်းလဲသွားသည်။ လောကတစ်ခွင်လုံး အခိုက်အတန့်မျှ တိတ်ဆိတ်သွားသည်။ အရောင်အသွေးစုံပန်းတွေ အပြိုင်အဆိုင် ဖူးပွင့်သွားသည်။ ငယ့်ဘ၀မှာ သိပ်ကိုလှပ အမှတ်ရစရာကောင်းခဲ့တဲ့ အချိန်တစ်ခုပေါ့ ကိုကိုရယ်။
(ဂ)
ကိုကို ငယ့်ကို လာတွေ့တာ သိပ်ကျေးဇူးတင်ပါတယ်။ ကိုကိုတစ်ယောက်တည်းလာခဲ့လို့လည်း ပိုပြီးကျေးဇူးတင်မိပါတယ်။ ငယ်သူ့ကို မတွေ့ချင်တာထက် ကိုကိုတစ်ယောက်တည်းကိုပဲ တွေ့ချင်တဲ့ ဆန္ဒရှိခဲ့တာ ကိုကိုနားလည်မှာပါ။ ကိုကိုနှင့်ငယ် စကားတွေ တစ်ဝကြီး ပြောဖြစ်ခဲ့သည်။ ငယ်တို့နှစ်ယောက် နောက်ထပ် ဒီလိုဆုံတွေ့ခွင့်ရဖို့ဆိုတာ မသေချာတော့။ တကယ်ဆို ကိုကိုလက်ထပ်ပြီးကြောင်း ငယ်သိခဲ့သည်ပဲ။ ကိုကို့ကို ငယ်အပြစ်ဆိုစရာ မလိုပါ။ ကိုကို့ဘ၀နှင့် ကိုကိုရွေးချယ်ခွင့်ရှိသည်ပဲလေ။ ငယ့်ဘ၀မှာ ကိုကိုတစ်ယောက်တည်းကိုသာ မေတ္တာစစ်နှင့် ချစ်ခဲ့မိကြောင်း ဖွင့်ပြောရန်မလိုအပ်တော့။ အချစ်နှင့်မေတ္တာကို ကွဲပြားနားလည်တတ်ခဲ့သည်မှာ ကိုကို့ကြောင့်လို့တော့ ၀န်ခံမိချင်သား။ တစ်ချိန်က ကိုကိုပြောခဲ့ဖူးတဲ့၊ ငယ့်ဘ၀ကို အချိန်ကာလတစ်ခုအထိ ချည်နှောင်ခဲ့ဖူးတဲ့ စကားလေးတစ်ခွန်း ပြန်အမှတ်ရမိသည်။ “ညီမလေး ... တစ်ခါတစ်ရံမှာ လက်မထပ်ဖြစ်တဲ့ အချစ်တွေဟာ ပိုခိုင်မြဲတယ်”။
(ဃ)
မကြာခင်အချိန်အတွင်းမှာ ဒီမြို့တော်မှ ငယ် ထွက်ခွာတော့မည်။ တစ်နည်းအားဖြင့် ကိုကို အခြေချ နေထိုင်ရာ မြို့တော်ကနေ မိုင်ပေါင်း မြောက်မြားစွာဝေးကွာသော ငယ့်ဌာနေကို ပြန်ရတော့မည်။ ကိုကို့ကို ဖုန်းဖြင့်သာ နှုတ်ဆက်စကား ပြောကြားပြီး တက္ကဆီပေါ်မှာ တိတ်ဆိတ်စွာ ငယ်လိုက်ပါလာခဲ့သည်။ ရုပ်ရှင်တွေထဲမှာ အကြိမ်ကြိမ် ရင်းနှီးဖူးသော ဒီမြို့ကြီးကို ကိုယ်တိုင်ကိုယ်ကျ အရောက်လာနိုင်ခဲ့၍ ငယ်ကျေနပ်သည်။ ကိုကိုနှင့် တွေ့ခွင့်ရသည့်အတွက်လည်း ပိုကျေနပ်သည်။ ငယ်တစ်ချိန်က စိတ်ကူးယဉ် မျှော်လင့်ခဲ့သလို ပျော်ရွှင်စရာကောင်းသော အဆုံးသတ်တော့ မဟုတ်ခဲ့။
အင်ပါယာစတိတ် အဆောက်အဦပေါ်ကို ကိုကိုနှင့်အတူ တက်ကြည့်ခွင့် မရခဲ့။ အလယ်ပန်းခြံထဲမှာ ကိုကိုနှင့်အတူ လက်တွဲလျှောက်ခွင့် မရခဲ့။ လေဘာတီရုပ်ထုရှိရာကျွန်း နောက်ခံထားပြီး ကိုကိုနှင့်အတူ နှစ်ယောက်တွဲ၍ ဓာတ်ပုံရိုက်ခွင့် မရခဲ့။ ဖြစ်နိုင်မယ်ဆိုရင်လေ ... “ကိတ်အန်လီယိုပိုး” ဇာတ်ကားထဲလို ဘရွတ်ကလင်းတံတားအောက်နားကို အသာခုန်ဆင်းလို့ အချိန်တွေကို နောက်ပြန်လှည့်ပြီး ကိုကိုနဲ့အတူ မက်ဟန်တန်မြို့ထဲ လှည့်ပတ်ကြည့်ချင်သေးတယ်။ ပဉ္စမရိပ်သာလမ်းမတစ်လျှောက် ကိုကိုလိုက်ပြသမျှ အသစ်အဆန်းတွေအားလုံး ကလေးငယ်တစ်ယောက်တစ်ဖွယ် ငေးမောကြည့်ချင်မိသေးတယ်။ တကယ့်တော့ ဒါတွေအားလုံး မဖြစ်နိုင်တော့မှန်း ငယ်သိခဲ့ပါတယ် ကိုကိုရယ်။ ငယ့်အမြင်တွေ ၀ိုးတ၀ါးနဲ့ မှုန်ရီမှိုင်းလာခဲ့သည်။
အင်ပါယာစတိတ် အဆောက်အဦပေါ်ကို ကိုကိုနှင့်အတူ တက်ကြည့်ခွင့် မရခဲ့။ အလယ်ပန်းခြံထဲမှာ ကိုကိုနှင့်အတူ လက်တွဲလျှောက်ခွင့် မရခဲ့။ လေဘာတီရုပ်ထုရှိရာကျွန်း နောက်ခံထားပြီး ကိုကိုနှင့်အတူ နှစ်ယောက်တွဲ၍ ဓာတ်ပုံရိုက်ခွင့် မရခဲ့။ ဖြစ်နိုင်မယ်ဆိုရင်လေ ... “ကိတ်အန်လီယိုပိုး” ဇာတ်ကားထဲလို ဘရွတ်ကလင်းတံတားအောက်နားကို အသာခုန်ဆင်းလို့ အချိန်တွေကို နောက်ပြန်လှည့်ပြီး ကိုကိုနဲ့အတူ မက်ဟန်တန်မြို့ထဲ လှည့်ပတ်ကြည့်ချင်သေးတယ်။ ပဉ္စမရိပ်သာလမ်းမတစ်လျှောက် ကိုကိုလိုက်ပြသမျှ အသစ်အဆန်းတွေအားလုံး ကလေးငယ်တစ်ယောက်တစ်ဖွယ် ငေးမောကြည့်ချင်မိသေးတယ်။ တကယ့်တော့ ဒါတွေအားလုံး မဖြစ်နိုင်တော့မှန်း ငယ်သိခဲ့ပါတယ် ကိုကိုရယ်။ ငယ့်အမြင်တွေ ၀ိုးတ၀ါးနဲ့ မှုန်ရီမှိုင်းလာခဲ့သည်။
(င)
လေယာဉ်ပေါ်ကနေ ကိုကိုနှင့်တစ်စုံတစ်ယောက် အတူရှိနေမည့်မြို့ကို နောက်ဆုံးအကြိမ် လှမ်းမျှော်ကြည့်ရင်း ကိုကို့ကို မမေးဖြစ်လိုက်သောမေးခွန်းကို ရင်ထဲမှာပဲ တိတ်တဆိတ် ပြန်မေးမိသည်။ ကိုကိုရေ... လက်မထပ်ဖြစ်တဲ့ ချစ်ခြင်းတွေဟာ တစ်ကယ်ပဲ ခိုင်မြဲတတ်သလားဆိုတာ ငယ်သိချင်ပါတယ်။ ဒါပေမယ့်လေ .... ဒီဘ၀မှာ ကိုကိုနဲ့ ဆုံခွင့်မရတော့မယ့်အတူတူ ကိုကို့အပေါ်ထားခဲ့မိတဲ့ ငယ့်ချစ်ခြင်းမေတ္တာတွေကို ဟောဒီ့မြို့တော်မှာပဲ အပြီးအပိုင် ထားရစ်ခဲ့ပါရစေ။ ကိုကိုလည်း ချစ်တဲ့မိသားစုနဲ့အတူ ပျော်ရွှင်စွာ နေရစ်ခဲ့ပါတော့ ... ။
ဇွန်မိုးစက်
(ဒီဝတ္ထုလေးကို စိတ်ကူးထဲမှာ ရေးခဲ့မိတာ လွန်ခဲ့တဲ့ ၆နှစ်လောက်ကပါ။ ကိုယ်သိပ်ရောက်ဖူးချင်တဲ့ နယူးယောက်ခ်မြို့ကို နောက်ခံထားပြီး ချစ်တဲ့သူနဲ့ပျော်ရွှင်စွာ ပြန်လည်ဆုံတွေ့ခွင့်ရတဲ့ ကောင်မလေးအကြောင်း ရေးချင်ခဲ့တာပါ။ အချိန်ကာလတွေ၊ အခြေအနေတွေ ပြောင်းလဲခဲ့တဲ့အလျောက် စာရေးသူ ခံစားချက်လည်း လိုက်ပြောင်းသွားတော့ စိတ်ကူးထဲက ဇာတ်သိမ်းနဲ့ ကွဲလွဲသွားကြောင်းပါ။)
ပုံလေးကို ဒီကနေ ယူထားပါတယ်။
ပုံလေးကို ဒီကနေ ယူထားပါတယ်။
ဖတ်ပြီး ဝမ်းနည်းတယ်။
ငယ်လုပ်ခဲ့တာ မှန်တယ်၊ အဲလို အချစ်တွေကို လွှတ်ချခဲ့တာ.... , အဲဒါ ယောင်္ကျားမာယာပဲ...လက်မထပ်တဲ့အချစ်ဟာ ပိုခိုင်မြဲတယ်ဆိုတာလေ...
ဖတ်လို့ကောင်းတယ်ဟ။ နောက်ထပ် ရောမမြို့ ကြီး နောက်ခံထားလို့ "ချစ်ခြင်းတစ်ဖန် မွေးဖွားခဲ့တဲ့မြို့ " ဆိုပြီး ရေးနိုင်အောင် ငယ့်ကို ....... :)
တစုံတရာ တိုက်ဆိုင်သွားလို့
ဝမ်းနည်းရတယ်၊
ဒါပေမယ့် သိပ်လှတဲ့ အဖွဲ့ပါ။
တကယ်ချစ်ရင် လက်ထပ်ထပ် မထပ်ထပ် ချစ်နေမှာပါ၊
မမရေ...တကယ်တော့ အချစ်ဆိုတာ ချစ်နေရရင် ပြီးတာပါပဲ... ပိုင်ဆိုင်ရခြင်း၊ မပိုင်ဆိုင်ရခြင်း...ဆုံဆည်းခြင်း၊မဆုံဆည်းခြင်းတွေက သိပ်အရေးမကြီးဘူးလို့ ထင်ပါတယ်...ငါ့အစ်မက ၀တ္ထုစာရေးဆရာမကြီးလုပ်ဖို့ကောင်းတယ် :)))
ချစ်စရာ အရေးအသားလေး...
ချစ်စရာ အဖွဲ့လေး...
ညီမရေးထားသလို လက်မထပ်ဖြစ်တဲ့ ချစ်ခြင်းတွေဟာ တစ်ကယ်ပဲ ခိုင်မြဲတတ်သလား ဆိုတာ ကိုယ်လဲ တွေးနေမိတယ်...
အဖြေကတော့ မရသေးပါဘူး..
တွေးနေမိတုံးပဲ...း))
နည်းနည်းတော့ စိတ်မကောင်းဖြစ်တယ်...။
ဒါပေမယ့် တစ်ချို့နေရာတွေမှာ ၀မ်းနည်းရမယ့်အကြောင်းအရာတွေကို ရွေးချယ်လိုက်တာက ပိုမှန်နေတတ်တာက ခက်တယ်...။
အဖွဲ့အနွဲ့လေးကိုတော့ ခံစားသွားပါတယ်.. :)
ဒီဝတ္ထုလေးကို ဖတ်ပြီး ကောင်မလေးတွက် စိတ်မကောင်းဖြစ်မိပါတယ် မရယ်။“ညီမလေး ... တစ်ခါတစ်ရံမှာ လက်မထပ်ဖြစ်တဲ့ အချစ်တွေဟာ ပိုခိုင်မြဲတယ်”။
မှန်မမှန်တော့ မသိပေမဲ့ ရင်ထဲမှာတစ်ယောက်ရှိနေလျှက်နဲ့ တစ်ခြားတစ်ယောက်ကိုလက်ထက်နိုင်သေးတာလည်း..........ပိုခိုင်မြဲမယ်ဆိုတာ..........................................
သာယာချမ်းမြေ့ပါစေနော်
မိုး
သက်ပြင်းအရှည်ကြီး ချသွားတယ်..
အပြင်မှာ ကဆုန်လကလည်း သာလို့...
အိပ်မရတော့ရင်..ဘယ်လိုလုပ်မလည်း..
လက်မထပ်ဖြစ်တဲ့ အချစ်တွေဟာ ပိုခိုင်မြဲတယ်တဲ့လားကွယ်..
တခါချစ်ပြီးရင် မုန်းပစ်လို့ မှမရတာ။
လက်မထပ်ဖြစ်ပေမဲ့ လူရင်းတယောက်လို ပြောဆို တိုင်မင် လို့ ရတာပဲနော်။ ကျမလည်း...
အရေးအသား.. သဘောကျတယ်...
ငြိမ့်ငြိမ် လေးး ဖတ်လို့ကောင်း
အမရေ..ရေးပြီးတော့များ...ငိုများနေသလား.....
အဟိ......
ဖတ်လို့ကောင်းသား.......ရိုးရိုးလေးပါပဲ.....
ရိုးတာလေးကလည်းကောင်းတာပဲနော..
တစ်ခါတစ်ရံမှာ လက်မထပ်ဖြစ်တဲ့ အချစ်တွေဟာ ပိုခိုင်မြဲတယ်...... အဲဒါ... အဲဒါလေး... heart ထိသွားတယ်
စာလေးကို အရမ်းသဘောကျတယ် သူငယ်ချင်းရေ ... ခံစားချက်တစုံတရာနဲ့ တိုက်ဆိုင်သွားလို့ ပိုကောင်းသလားပဲ ... လက်မထပ်ဖြစ်တဲ့အချစ်တွေကပိုခိုင်မြဲတယ်တဲ့လား ... ဒီစကားကို ဘာသာပြန်ရင်းနဲ့ စိတ်ထဲဝမ်းနည်းသလိုလိုပဲ ...